ءارقايسى ۋاكىلدەر ۇيىرمەلەرى اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى جانە اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى سياقتىلاردى قارادى
گازەتىمىزدىڭ 1 - ايدىڭ 16 - كۇنى ۇرىمجىدەن بەرگەن حابارى. انار بۇلت \ شينجياڭ گازەتى تىلشىلەرىنىڭ جيناق حابارى. 1 - ايدىڭ 16 - كۇنى اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىنە قاتىناسقان ءارقايسى ۋاكىلدەر ۇيىرمەلەرى جالپى جيىن اشىپ، اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىن (وزگەرىس ەنگىزىلگەن جوبا)، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن قارادى.
ۋاكىلدەر بىلاي دەپ قارادى: اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسى، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحى مەن شي جينپيڭنىڭ زاڭمەن باسقارۋ يدەياسىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ناتيجەلەردى شىندىقتى ءىس جۇزىنەن ىزدەي وتىرىپ قورىتىندىلاپ، ماسەلەلەرگە وبيەكتيۆ، ىشكەرىلەي تالداۋ جاساپ، قىزمەتتى عىلمي، جۇيەلى جوبالاعان. وسى ءۇش قىزمەت بايانداماسى زاڭمەن باسقارۋ رۋحىن اسقاقتاتىپ، ءتۇزىم ابزالدىلىعىن ايگىلەپ، ءداۋىردىڭ تالابىنا سايكەسىپ، حالىقتىڭ تىلەگىن بەينەلەپ، جۇرت كوڭىلىن جەلپىندىرىپ، العا باسۋعا جىگەرلەندىرەدى.
ۋاكىل ليۋ شۋەجىن بىلاي دەدى: ءۇش قىزمەت بايانداماسىنىڭ ساياسي دەڭگەيى جوعارى، نەگىزگى تاقىرىبى ايقىن، قايشىلىقتارعا باتىلدىقپەن بەتپە - بەت كەلىپ، ءوزىن - ءوزى جاڭالاۋعا باتىل بولىپ، حالىقتى بارىنەن جوعارى قويۋعا، جۇرەككە جىلۋ بەرۋگە ءارى كۇش - قۋاتتى شوعىرلاندىرۋعا تاباندى بولدى، مەن بۇكىلدەي قۇپتايمىن. كەلەسى قادامدا، سانجى قالالىق حالىق قۇرىلتايى زاڭ بويىنشا مىندەتىن اتقارىپ، وزەكتى ارقاۋ ەتۋگە، كەلەلى جاعدايعا قىزمەت ەتۋگە تاباندى بولىپ، دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جۇرگىزىپ، ناقتى ىستەۋ بارىسىندا قيىنشىلىقتاردى جەڭىپ، جاڭالىق اشۋ بارىسىندا ولقىلىقتاردى تولىقتاپ، حالىق قۇرىلتايى قىزمەتىنىڭ ۇزدىكسىز تىڭ ناتيجەلەرگە قول جەتكىزۋىن ىلگەرىلەتەدى.
ۋاكىل مايرا احىمەت بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى وتكەن 5 جىلداعى قىزمەتتەردى وبيەكتيۆ قورىتىندىلادى، زاڭ ەرەجە شىعارۋ قىزمەتىنىڭ ساپاسى جوعارى، باقىلاۋ قىزمەتىنىڭ تەبىنى زور، ۋاكىلدەر قىزمەتىنىڭ ناتيجەسى جاقسى، وزىندىك قۇرىلىسى ءونىمدى، 2023 - جىلعى قىزمەتتەردى ورنالاستىرۋى عىلمي، ۇيلەسىمدى، وي جەلىسى ايقىن، شارالارى پارمەندى، ساياسيدى دارىپتەيتىن، جۇرت تىلەگىن توعىستىراتىن، دامۋدى جەبەيتىن، ناقتى ونىمدىلىككە تالپىناتىن جاقسى بايانداما بولدى. بۇدان بىلايعى قىزمەت بارىسىندا، زاڭ بويىنشا مىندەت اتقارۋ، زاڭ بويىنشا شەشىم جاساۋ، زاڭمەن باسقارىلاتىن ۇكىمەت قۇرۋ سياقتى جاقتاردا ۇلگى بولىپ، قىزمەتتى زاڭمەن باسقارۋ ويىمەن، زاڭمەن باسقارۋ تاسىلىمەن سانالى تۇردە ورىستەتىپ، سىندارلى ۇسىنىستاردى، پىكىرلەردى كوبىرەك ورتاعا قويىپ، حالىق قۇرىلتايى ۋاكىلدەرىنىڭ رولىن بەلسەنە ساۋلەلەندىرىپ، زاڭمەن باسقارىلاتىن شينجياڭ قۇرىلىسىنا ۇلەس قوسامىن.
”ءۇش قىزمەت بايانداماسىن بۇكىلدەي قۇپتايمىن“. ۋاكىل ميھىربان قادىر بىلاي دەدى: بۇدان بىلايعى قىزمەت بارىسىندا وزىمە قاتاڭ تالاپ قويىپ، ۇيرەنۋدى كۇشەيتىپ، ۋاكىلدىك جاۋاپكەرشىلىگىمدى زاڭ بويىنشا اتقارۋدى ءوز قىزمەتىمدى ويداعىداي ىستەۋمەن ورگانيكالى ۇشتاستىرىپ، حالىق قۇرىلتايى ۋاكىلدەرىنىڭ كوپىرلىك، دانەكەرلىك رولىن ويداعىداي ساۋلەلەندىرىپ، بۇقارامەن تىعىز بايلانىس ورناتىپ، بۇقارانىڭ ۇنىنە كەڭ كولەمدە قۇلاق اسىپ، بۇقارانىڭ تالاپ - تىلەكتەرىن جوعارى ساپامەن اڭىس ەتىپ، حوتان ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە ۇلەس قوسامىن.
ۋاكىل ەرنار قۇمارقان بىلاي دەدى: اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسى، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى باستان - اياق ساندى مالىمەتتى نەگىز ەتىپ، دەلو مىسالىن نەگىز ەتىپ، ءار ۇلت بۇقاراسىنا ”ءادىليانىڭ جىلۋىن“ سەزىندىردى، بۇل شىندىققا جۇگىنىپ، ناقتى ءىس ىستەپ، ءورىس اشا العا ىلگەرىلەپ، زاڭمەن باسقارۋ رۋحىن ايگىلەگەن جاقسى بايانداما بولدى، بۇكىلدەي قۇپتايمىن. ”مەن ’حالىق مەنى ۋاكىل ەتىپ سايلادى، مەن حالىققا ۋاكىل بولامىن‘ دەگەن قىزمەت جاۋاپكەرشىلىگىم مەن بورىشىمدى قاي - قاشان دا ەسىمدە بەرىك ساقتاپ، حالىق بۇقاراسىنىڭ پىكىر - ۇسىنىستارىن بەلسەنە اڭىس ەتىپ، بۇقارانىڭ قيىنشىلىقتارىن شەشۋگە كومەكتەسەمىن“.
ۋاكىل رايحانگۇل راحمان − شىحىزى قالالىق حالىق سوتى مەكەمەسى سوت ساقشىلارى ۇلكەن اترەتىنىڭ سوت ساقشىسى، ول بىلاي دەدى: ازامات جاسىنا تولماعاندار − وتاننىڭ بولاشاعى، ۇلتتىڭ ءۇمىتى، سوت مەكەمەسىنىڭ ”سۋديالاردىڭ مەكتەپكە كىرۋ“ قيمىلىن كوبىرەك ورىستەتىپ، دەلو ارقىلى زاڭدى ءتۇسىندىرۋ، دەلو ارقىلى زاڭدى ۇعىندىرۋ ارقىلى، ازامات جاسىنا تولماعانداردىڭ قىلمىس وتكىزۋىنەن ساقتانىپ، جاستار مەن وسپىرىمدەردى ”زاڭمەن باسقارۋ“ العاشقى قادامىن جاقسى باسۋعا جەتەكتەۋىن ۇسىنامىن، سونداي - اق ءتىپتى دە كوپ ورتا، باستاۋىش مەكتەپتەردىڭ سۋديالاردى زاڭمەن باسقارۋ ورىنباسار مەكتەپ باستىعىن ۇسىنىس ەتىپ، مەكتەپتەردە زاڭمەن باسقارۋ ۇگىتىن ورىستەتىپ، ازامات جاسىنا تولماعاندارعا زاڭمەن باسقارۋدىڭ اشىق اسپانىن ازىرلەۋىن ءۇمىت ەتەمىن.
(ءتىلشى جاڭ يانفاڭ، قاتىناسقان تىلشىلەر شى شين، ياڭ شۋحان، ءپاريزات ابدۇل، گو ليڭ، يۇي جياڭيان)
