شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ تارتىپكە قايشىلىق جاساعان پارتيا مۇشەلەرىن جازالاۋدى بەكىتۋ ۇقىق شەگى مەن ءتارتىبى بەلگىلەمەسىن» (تومەندە قىسقارتىلىپ «بەلگىلەمە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ وسى بويىنشا مۇقيات اتقارۋىن تالاپ ەتتى.
حابارلاندىرۋدا مىنالار اتاپ كورسەتىلدى: «بەلگىلەمە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن ءتۇبىرلى دايەك ەتىپ، پارتيا 18 - قۇرىلتايىنان بەرگى پارتيانى باسقارۋدا، پارتيانى جونگە سالۋدا امالياتتىق جاڭالىق اشۋ جانە تۇزىمدىك جاڭالىق اشۋ جەتىستىكتەرىن قورىتىندىلاپ، قابىلداپ، پارتيانىڭ ءار دارەجەلى، ءتۇرلى ۇيىمدارىنىڭ تارتىپكە قايشىلىق جاساعان پارتيا مۇشەلەرىن جازالاۋدى بەكىتۋ ۇقىق شەگى مەن ءتارتىبى جونىندە جۇيەلى ولشەم جانە ايقىن بەلگىلەمە شىعارىپ، پارتيامىزدىڭ جۇرەكتىلىكپەن وزىنە - ءوزى توڭكەرىس جاسايتىن ايقىن قاسيەتىن تولىق ايگىلەدى، بۇل پارتيانى جاپپاي قاتاڭ باسقارۋ ستراتەگيالىق باعىتىن ىشكەرىلەي دايەكتىلەندىرۋدە، پارتيانى قاعيدا بويىنشا باسقارۋدى ىشكەرىلەي ىلگەرىلەتۋدە ماڭىزدى مانگە يە.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) ”ەكىنى قورعاۋدى“ باتىل ورىنداۋدى ەڭ جوعارى ساياسي پرينسيپ جانە ءتۇبىرلى ساياسي جاۋاپكەرشىلىك ەتىپ، پارتيانىڭ ءتارتىپ قۇرىلىسىن جاپپاي كۇشەيتىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن بۇلجىماي ىلگەرىلەتىپ، پارتيا ىستەرىنە جانە پارتيا مۇشەلەرىنە، كادرلارعا وسكەلەڭ جاۋاپتى بولۋ پوزيتسياسىمەن پارتيا تارتىبىنە قاتاڭ بويسۇنۋى، ونى قورعاۋى جانە اتقارۋى كەرەك. «بەلگىلەمەنى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى ناقتى يگەرىپ، ويداعىداي يگەرىپ، «بەلگىلەمەنى» پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋ مازمۇنىنا ەنگىزىپ، «بەلگىلەمەنى» باستاماشىلدىقپەن قاتاڭ اتقارۋ كەرەك. ءار دارەجەلى ءتارتىپ تەكسەرۋ ورگاندارى پارتيا ۋستاۆى مەن «بەلگىلەمەدە» ايقىندالعان مىندەتتەردى، قىزمەت جاۋاپكەرشىلىكتەرىن مۇقيات اتقارىپ، «بەلگىلەمە» بويىنشا ءتارتىپ جازاسى ۇقىعىن قاتاڭ جۇرگىزۋى كەرەك. پارتيا ءتارتىبى بويىنشا جازالاۋدى بەكىتۋ ۇقىق شەگىمەن، كادرلاردى جانە كادرلار قىزمەتىن باسقارۋ ۇقىق شەگىمەن نەگىزىنەن سايكەسۋ پرينسيبى بويىنشا، باقىلاۋ - تەكسەرۋ ورگاندارىنىڭ اكىمشىلىك جازا بەرۋدى بەكىتۋ ۇقىق شەگىن جانە ءتارتىبىن كەمەلدەندىرىپ، ءتارتىپ اتقارۋ مەن زاڭ اتقارۋدىڭ توعىسۋىنا، ۇشتاسۋىنا شىنايى كەپىلدىك ەتىپ، قامتاماسىز ەتۋدى، اتقارۋدى باقىلاۋ، كەمەلدەندىرۋدى، دامىتۋدى جەبەۋ رولىن تولىق ساۋلەلەندىرۋ كەرەك.
وڭىرلەر، تاراۋلار «بەلگىلەمەنى» اتقارۋ بارىسىنداعى ماڭىزدى احۋالداردى جانە ۇسىنىستاردى پارتيا ورتالىق كوميتەتىنە دەر كەزىندە مالىمدەۋى كەرەك.
«بەلگىلەمە» جيىنى 6 تاراۋ، 56 تارماق.
