اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 4 - جيىنىن وتكىزدى
ما شيڭرۇي جيىندى باسقاردى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 1 - ايدىڭ 17 - كۇنى تۇستەن بۇرىن 4 - جيىنىن وتكىزدى. ءماجىلىس ءتوراعالار القاسىنىڭ تۇراقتى ءتوراعاسى ما شيڭرۇي جيىندى باسقاردى.
ءماجىلىس ءتوراعالار القاسىنىڭ تۇراقتى ءتوراعالارى ەركىن تۇنياز، لي يفي، جاڭ چۇنلين، حى جۇڭيوۋ، تيان شياڭلي، ءزۇمىرات وبۇل، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزى جيىنعا قاتىناستى.
جيىن اۆتونوميالى رايوندىق 14 - كەزەكتى حالىق قۇرىلتايى زاڭ - ءتۇزىم كوميتەتىنىڭ اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىن (وزگەرىس ەنگىزىلگەن جوبا) قاراۋ ناتيجەسى جونىندەگى بايانداماسىن تىڭدادى، وزگەرىس ەنگىزۋ جوباسىنىڭ وزگەرىس ەنگىزىلگەن نۇسقاسىن ءارقايسى ۋاكىلدەر ۇيىرمەسىنىڭ قاراۋىنا تاپسىرۋدى ۇيعاردى؛ ءماجىلىس حاتشىلار باسقارماسىنىڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن قاراۋ جاعدايى جونىندەگى مالىمەتىن تىڭدادى، ءۇش بايانداما جونىندەگى قارار جوباسىن ءارقايسى ۋاكىلدەر ۇيىرمەسىنىڭ قاراۋىنا تاپسىرۋدى ۇيعاردى؛ ءماجىلىس حاتشىلار باسقارماسىنىڭ ۋاكىلدەر العا قويعان كەڭەستىك جوبالاردى ءبىر جاقتى ەتۋ پىكىرى جونىندەگى بايانداماسىن تىڭدادى؛ ءارقايسى ۋاكىلدەر ۇيىرمەسى اقىلداسقان، ءتوراعالار القاسى كورسەتكەن جانە ۋاكىلدەر بىرلەسىپ كورسەتكەن كانديداتتاردىڭ جاعدايى جونىندەگى مالىمەتتەردى تىڭدادى، ءتوراعالار القاسى كورسەتكەن جانە ۋاكىلدەر بىرلەسىپ كورسەتكەن كانديداتتاردى ءارقايسى ۋاكىلدەر ۇيىرمەسىنىڭ اقىلداسۋىنا بىرگە تاپسىرۋدى ۇيعاردى.