اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 5 - جيىنىن وتكىزدى
ما شيڭرۇي جيىندى باسقاردى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 1 - ايدىڭ 17 - كۇنى تۇستەن كەيىن 5 - جيىنىن وتكىزدى. ءماجىلىس ءتوراعالار القاسىنىڭ تۇراقتى ءتوراعاسى ما شيڭرۇي جيىندى باسقاردى.
ءماجىلىس ءتوراعالار القاسىنىڭ تۇراقتى ءتوراعالارى ەركىن تۇنياز، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، ءزۇمىرات وبۇل، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزى جيىنعا قاتىناستى.
جيىن ۇكىمەت قىزمەتىنەن بايانداما، اۆتونوميالى رايوننىڭ 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2023 - جىلعى حالىق شارۋاشىلىعى مەن قوعامدىق دامۋ جوسپارى، اۆتونوميالى رايوننىڭ 2022 - جىلعى مەجە ەسەبىنىڭ اتقارىلۋ احۋالى جانە اۆتونوميالى رايوننىڭ 2023 - جىلعى مەجە ەسەبى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن بايانداما، اۆتونوميالى رايوندىق حالىق پروكۋراتۋراسىنىڭ قىزمەتىنەن بايانداما جونىندەگى 6 قارار جوبانى جانە اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىنىڭ (وزگەرىس ەنگىزۋ جوباسى) وزگەرىس ەنگىزىلگەن نۇسقاسىن ءماجىلىستىڭ جالپى جيىنىندا داۋىسقا سالۋعا ۇسىنۋدى؛ رەسمي كانديداتتاردىڭ ەسىمدىگىن تۇراقتاندىرىپ، ءماجىلىستىڭ جالپى جيىنىندا سايلاۋعا ۇسىنۋدى ۇيعاردى؛ باس بەلەت باقىلاۋشى، بەلەت باقىلاۋشىلار ەسىمدىگى جوباسىن ءماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
