اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتىنىڭ 1 - ءماجىلىسى اشىلدى
كورىكتى شينجياڭ قۇرۋعا اناعۇرلىم زور ۇلەس قوسۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 1 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتىنىڭ 1 - ءماجىلىسى 1 - ايدىڭ 17 - كۇنى تۇستەن كەيىن ۇرىمجىدە وتكىزىلدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
ءماجىلىس اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتى 1 - ءماجىلىسىنىڭ كەڭەستىك ءتارتىبىن قاراپ ماقۇلدادى، اۆتونوميالى رايوندىق ساياسي كەڭەس 13 - كەزەكتى كوميتەتىنىڭ ىشكى قۇرىلىم جوباسىن جانە كادرلارعا قاتىستى ىستەردى ماقۇلدادى.
نۇرلان ءابىلماجىن بىلاي دەدى: حالىق ساياسي كەڭەسى ۇرپاقتان - ۇرپاققا جالعاساتىن، ۇزدىكسىز كۇرەس جۇرگىزەتىن ءىس. جاڭا كەزەكتى ساياسي كەڭەستىڭ تۇراقتى مۇشەلەرى ايقىن تۋ ۇستاي وتىرىپ ساياسيدى دارىپتەۋدى ەڭ ايقىن ءتۇپ قاسيەت ەتىپ، ”ەكىنى تۇراقتاندىرۋدى“ باتىل قورعاۋدا، ”ەكىنى قورعاۋدى“ باتىل ورىنداۋدا الدا ءجۇرىپ، ونەگە كورسەتىپ، پارتيانىڭ باسشىلىعىن نازاريامەن قارۋلاندىرۋدىڭ، مىندەت اتقارۋ قيمىلىنىڭ، ءتۇزىم اينالىمىنىڭ، قوسىن قۇرىلىسىنىڭ جالپى بارىسىندا شىنايى تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە اۆتونوميالى رايوندىق پارتكومنىڭ تالاپتارىن ساياسي كەڭەس جۇيەسىندە ويداعىداي دايەكتىلەندىرۋدى، ويداعىداي تياناقتاندىرۋدى ىلگەرىلەتۋى كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ىشكەرىلەي ۇيرەنىپ، جەتە ءتۇسىنىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن باستاماشىلدىقپەن ىشكەرىلەي ۇيرەنىپ، جەتە ءتۇسىنىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن باستاماشىلدىقپەن ۇيرەنىپ، جەتە ءتۇسىنىپ، ۇيرەنۋ ناتيجەسىن جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت ەتۋدەگى ءىس جۇزىندىك ارەكەتكە شىن مانىندە اينالدىرۋ كەرەك.
نۇرلان ءابىلماجىن بىلاي دەپ باسا دارىپتەدى: ادالدىقپەن مىندەت اتقارىپ، جاۋاپكەرشىلىك ارقالاۋدى دارىپتەۋدى ەڭ ۇلكەن جاۋاپكەرشىلىك ساناپ، نازاردى پارتيا 20 - قۇرىلتايى جاساعان ستراتەگيالىق ورنالاستىرۋعا شوعىرلاندىرىپ، اۆتونوميالى رايوندىق پارتكوم ورنالاستىرعان ءتۇيىندى مىندەتتەردەن كوز جازباي، مىندەت اتقارىپ، جاۋاپكەرشىلىكتى ادا ەتۋدىڭ كىرىسۋ ءتۇيىنىن، كۇش سالۋ ءتۇيىنىن ءداپ باسىپ تاۋىپ، ساياسي كەڭەستىڭ اقىل - پاراسات شوعىرلانۋ، بايلانىس اياسى كەڭ بولۋ سياقتى ابزالدىلىقتارىن ساۋلەلەندىرىپ، بورىشتى، مىندەتتى ەستە بەرىك ساقتاۋ، وزەكتى قىزمەتكە، كەلەلى جاعدايعا قىزمەت ەتۋ جاعىندا الدا ءجۇرىپ، ونەگە كورسەتۋ كەرەك. ورتاق تانىمدى ۇيىستىرۋ ارقىلى ىنتىماقتى نىعايتىپ، جۇرەكتىلىكپەن جاڭالىق اشۋ ارقىلى ىنتىماقتى جەبەپ، قابىلەتتى كۇشەيتۋ ارقىلى ىنتىماقتاسۋعا شەبەر بولىپ، يدەيا، ساياسي جاقتاعى جەتەكشىلىكتى كۇشەيتۋدە، ورتاق تانىمدى كەڭىنەن ۇيىستىرۋدا الدا ءجۇرىپ، ونەگە كورسەتىپ، ”كورىكتى شينجياڭ قۇرۋ، وتان ارمانىن بىرگە جۇزەگە اسىرۋ“ جالىندى جاعدايىنىڭ قالىپتاسۋىن ىلگەرىلەتۋ كەرەك. ءتۇرلى تارتىپكە قاتاڭ بويسۇنىپ، قاعيدا تانىمىن كۇشەيتىپ، ءمورالدىق قاسيەتتى شىڭداپ، ستيل قۇرىلىسىن كۇشەيتۋدە، تاماشا وبراز ورناتۋدا الدا ءجۇرىپ، ونەگە كورسەتىپ، جاڭا ىسكەرلىكپەن ساياسي كەڭەس ىستەرىنىڭ ابىرويىن ارتتىرىپ، جاڭا ناتيجەلەر ارقىلى كورىكتى شينجياڭ قۇرۋعا اناعۇرلىم زور ۇلەس قوسۋ كەرەك.
جاروللا يسامدين، كۇڭ شيڭلۇڭ، دوۋ ۋانگۇي، ياڭ يۇڭ، ابدۇرىقىپ ءتومۇرنياز، نۇرىم سىمايىلقان، ازەز مۇسا، ليۋ حۇيجۇن، ليۋ جيانميڭ، پۋ شۋەمەي، شۇي شيان - ي، اسەنجان احىمەت، جين جىجىن، گاۋ جياڭحۋاي ماجىلىسكە قاتىناستى.
