تيانشان تورى
تيانشان تورى   ›   جاڭالىقتار   ›   شينجياڭ حابارلارى

جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13 - كەزەكتى كوميتەتى 1 - ءماجىلىسىنىڭ ساياسي قارارى

  جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13 - كەزەكتى كوميتەتى 1 - ءماجىلىسىنىڭ ساياسي قارارى

  (ساياسي كەڭەس شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ 1 - ماجىلىسىندە 2023 - جىلى 1 - ايدىڭ 17 - كۇنى ماقۇلداندى)

  جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ 1 - ءماجىلىسى 2023 - جىلى 1 - ايدىڭ 13 - كۇنىنەن 17 - كۇنىنە دەيىن ۇرىمجىدە وتكىزىلدى.

  اۆتونوميالى رايوندىق پارتكومنىڭ شۋجيى ما شيڭرۇي قاتارلى اۆتونوميالى رايونداعى باسشى جولداستار ماجىلىسكە قاتىناسىپ، ماجىلىستەگى سوزدەردى تىڭداپ، كەڭەس قيمىلدارىنا قاتىناستى. ءماجىلىس نۇرلان ءابىلماجىن جولداستىڭ ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ياڭ يۇڭ جولداستىڭ ۇسىنىس جوبا قىزمەت جاعدايىنان جاساعان بايانداماسىن قاراپ بەكىتتى، ۇسىنىس جوبالاردى تەكسەرۋ جاعدايى جونىندەگى باياندامانى ماقۇلدادى، ساياسي كەڭەس شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ ءتوراعاسىن، ورىنباسار ءتوراعالارىن، باس حاتشىسىن جانە تۇراقتى مۇشەلەرىن سايلاپ شىقتى. مۇشەلەر اۆتونوميالى رايوندىق 14 - كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناسىپ، ەركىن تۇنياز جولداستىڭ ۇكىمەت قىزمەتىنەن جاساعان بايانداماسىن تىڭدادى ءارى تالقىلادى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالاردى كەڭەستى جانە تالقىلادى، سونداي - اق قۇپتايتىندىقتارىن ءبىلدىردى ءارى پىكىرلەرى مەن ۇسىنىستارىن ورتاعا قويدى.

  ءماجىلىس بىلاي دەپ قارادى: جۇڭگو كوممۋنيستىك پارتياسىنىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن جاساپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ جاڭا جورىعىن باستادى. ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، جۇڭگو كوممۋنيستىك پارتياسى 20 - قۇرىلتايىنىڭ ايقىن تاقىرىبىن، رۋحاني ءمانىن جانە ستراتەگيالىق ورنالاستىرۋىن دالمە - ءدال يگەرىپ، جاڭا داۋىردەگى ۇلى جەتىستىكتەرگە قول جەتكىزۋدەگى ءتۇبىرلى سەبەپ باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاۋىنان ەكەندىگىن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن ەكەندىگىن جەتە تانىپ، ”ەكىنى تۇراقتاندىرۋدىڭ“ جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك ەكەندىگىن جەتە تانىپ، پارتيا - توپتاردى، ۇيىمداردى جانە ءار ۇلت، ءار سالا قايراتكەرلەرىن ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، پارتيا تۋى استىندا ”بەرىك قۇرىش“ بولىپ ىنتىماقتاسىپ، بىركەلكى اياق الىسپەن العا ىلگەرىلەۋگە جەتەكتەۋ كەرەك.

  ءماجىلىس مىنالاردى اتاپ كورسەتتى: 2022 - جىل − پارتيا مەن مەملەكەتتىڭ دامۋ تاريحىنداعى توتەنشە ماڭىزدى ءبىر جىل، سونداي - اق شينجياڭداعى ءار ۇلت كادرلارى مەن بۇقاراسى تاپسىرمانى ەستە بەرىك ساقتاپ، العىس ايتا وتىرىپ ەكپىندەي العا ىلگەرىلەگەن ءبىر جىل بولدى. باس شۋجي شي جينپيڭ شينجياڭعا كەلىپ كوزدەن كەشىرىپ، پارتيا مەن مەملەكەت قىزمەتىنىڭ جالپى جاعدايى تۇرعىسىنان شينجياڭنىڭ دامۋىن جوسپارلاپ، ورنالاستىرىپ، جاعدايدى باعامداپ، باعدار بەلگىلەدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعى مەن ىقىلاستى قامقورلىعىندا، اۆتونوميالى رايوندىق پارتكوم جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، كۇشتى تاريحي ىرىقتىلىق رۋحىمەن جانە باتىلدىقپەن وزىنە - ءوزى توڭكەرىس جاساۋ بورىشىن ارقالاۋمەن بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، ماسەلەگە زەرتتەۋ جۇرگىزۋدى، قيىن ماسەلەلەردى شەشۋدى قىزمەت جاعدايىن اشۋدىڭ تەتىگى ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى جۇيەلى جوسپارلاپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى، شينجياڭدى باياندى كوركەيتۋدى تىڭعىلىقتى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى جوعارى ونىمدىلىكپەن ءبىر تۇتاس جوسپارلاپ، ساياساتتىق شارالاردى ۋاقىتقا، جاعدايعا قاراي ساپالىلاندىرىپ، كەمەلدەندىرىپ، قيىندىقتان تايسالماي العا ۇمتىلىپ، جوعارى ساپالى دامۋدى ىلگەرىلەتۋدە تىڭ تابىستارعا قول جەتكىزدى، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىعىپ، كورىكتى شينجياڭ قۇرۋدىڭ جاڭا جورىعىنا قادام تاستادى. مۇشەلەر شينجياڭنىڭ رەفورما، دامۋ، ورنىقتىلىق ىستەرىندە قول جەتكىزگەن تابىستارىنان ايرىقشا جەلپىنىپ، شينجياڭنىڭ الداعى دامۋ بولاشاعىنا تولىق سەنىم ارتتى.

  ءماجىلىس بىلاي دەپ قارادى: وتكەن 5 جىل شينجياڭنىڭ ساياسي كەڭەس قىزمەتىنىڭ ساپاسىن جاپپاي جوعارىلاتىپ، ونىمدىلىگىن ارتتىرىپ، سۇبەلى تابىستارعا قول جەتكىزگەن 5 جىل بولدى. 5 جىلدان بەرى، اۆتونوميالى رايوندىق پارتكومنىڭ باسشىلىعىندا، ساياسي كەڭەس شينجياڭ ۇيعۇر اۆتونوميالى رايوندىق كوميتەتى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى حالىق ساياسي كەڭەسىنىڭ جاڭا ورنىن، جاڭا بورىشىن ءدال كوزدەپ، ىنتىماق پەن دەموكراتيا سىندى ەكى ۇلكەن تاقىرىپقا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى مىقتاپ ارقاۋ ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ءىسىن كەڭەسۋ، ورتاق تانىم ۇيىستىرۋ فۋنكتسياسىن مۇقيات اتقارىپ، ارناۋلى كەڭەسۋ قۇرىلىمى قۇرىلىسىن تۋراشىلدىقتان اينىماي، جاڭالىق اشا وتىرىپ تەرەڭدەتىپ، زەيىن - زەردەنى، كۇش - قۋاتتى شوعىرلاندىرا وتىرىپ وزەكتى قىزمەتكە، كەلەلى جاعدايعا قىزمەت ەتىپ، پارتيانىڭ ساياسي كەڭەس قىزمەتىنە باسشىلىعىن اناعۇرلىم پارمەندى ەتىپ، وزەكتى قىزمەتتى ارقاۋ ەتىپ كەلەلى جاعدايعا قىزمەت ەتۋدە اناعۇرلىم ىسكەرلىك كورسەتىپ، يدەيالىق - ساياسي ورتاق تانىمدى ۇيىستىرۋدى اناعۇرلىم ءونىمدى جۇرگىزىپ، وتان ءۇشىن مىندەت اتقارىپ، حالىق ءۇشىن جاۋاپكەرشىلىكتى ادا ەتۋدى اناعۇرلىم ۇتىمدى ورىستەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە بەلسەندى ۇلەستەر قوستى.

  ءماجىلىس مىنالاردى باسا دارىپتەدى: جاڭا داۋىردەگى شينجياڭنىڭ ساياسي كەڭەس قىزمەتىن ويداعىداي ىستەۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، ”ەكىنى تۇراقتاندىرۋدى“ قولداۋدا، ”ەكىنى قورعاۋدى“ ورىنداۋدا ۇزدىكسىز دايەكتىلىكتى ساقتاپ، ءتىپتى دە جاقسى ىستەۋ؛ حالىق ساياسي كەڭەسىنىڭ سيپاتىن تۇراقتاندىرۋىنا، ءسوز جوق، تاباندى بولىپ، كەڭەسۋ، ۇكىمەت ءىسىن اقىلداسۋ دەڭگەيىن جوعارىلاتۋدا ۇزدىكسىز دايەكتىلىكتى ساقتاپ، ءتىپتى دە جاقسى ىستەۋ؛ وزەكتى ارقاۋ ەتۋگە، كەلەلى جاعدايعا قىزمەت ەتۋگە، ءسوز جوق، تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋدە ۇزدىكسىز دايەكتىلىكتى ساقتاپ، ءتىپتى دە جاقسى ىستەۋ؛ يدەيالىق - ساياسي جەتەكشىلىكتى كۇشەيتۋدى، ورتاق تانىمدى كەڭىنەن ۇيىستىرۋدى وزەكتى بۋىن ەتۋگە، ءسوز جوق، تاباندى بولىپ، جۇرت تىلەگىن ۇيىستىرۋدا، كۇش - قۋات توپتاۋدا ۇزدىكسىز دايەكتىلىكتى ساقتاپ، ءتىپتى دە جاقسى ىستەۋ؛ حالىق ساياسي كەڭەسىنىڭ حالىق ءۇشىن قىزمەت ىستەۋىنە، ءسوز جوق، تاباندى بولىپ، حالىقتىڭ قۇت - ىرىسىن سەلبەسىپ ارتتىرۋدا ۇزدىكسىز دايەكتىلىكتى ساقتاپ، ءتىپتى دە جاقسى ىستەۋ؛ مۇشەلەردىڭ تۇلعالىق رولىن ساۋلەلەندىرۋگە، ءسوز جوق، تاباندى بولىپ، مۇشەلەردىڭ جاۋاپكەرشىلىك ارقالاۋىن كۇشەيتۋدە ۇزدىكسىز دايەكتىلىكتى ساقتاپ، ءتىپتى دە جاقسى ىستەۋ كەرەك.

  ءماجىلىس مىنالاردى تالاپ ەتتى: بۇكىل رايونداعى ءار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار مەن ءار ۇلت، ءار سالا مۇشەلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ماڭداي الدى ساياسي مىندەت جانە ۇزاق ۋاقىتتىق ستراتەگيالىق مىندەت ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋدى، كورىكتى شينجياڭدى قۇلشىنا قۇرۋدى نەگىزگى قامال الۋ باعدارى ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولۋ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتۋ سياقتى شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى كۇش سالۋ ءتۇيىنى ەتىپ، ەرەكشەلىك پەن باسىمدىقتى ساۋلەلەندىرىپ، وي جەلىسى مەن شارالاردا جاڭالىق اشىپ، كوپتىڭ اقىل - پاراساتىن كەڭىنەن جيناپ، تاماشا شارا قاراستىرىپ، ورتاق تانىمدى كەڭ كولەمدە ۇيىستىرىپ، بىرىككەن كۇشتى نىعايتىپ، ساياسي كەڭەستىڭ تۇزىمدىك ابزالدىلىعىن شينجياڭدى باسقارۋ ونىمدىلىگىنە اناعۇرلىم ويداعىداي اينالدىرۋ كەرەك.

  ءماجىلىس مىنالاردى باسا دارىپتەدى: حالىق ساياسي كەڭەسى − جالپى بارىستىق حالىق دەموكراتياسىن دامىتۋداعى ماڭىزدى تۇزىمدىك ورنالاستىرۋ. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، دەموكراتيانى اسقاقتاتۋ مەن ىنتىماقتى نىعايتۋدى ءوزارا ۇلاستىرۋعا، اقىل - كەڭەس بەرۋ مەن ورتاق تانىم ۇيىستىرۋعا قوس باعىتتا كۇش سالۋعا تاباندى بولىپ، ساياسي كەڭەستىڭ ارناۋلى كەڭەس قۇرىلىمدارىن تۇزىمدەندىرۋ، جۇيەلىلەندىرۋ، تارتىپتەندىرۋ سياقتى فۋنكتسيالىق قۇرىلىستاردى كۇشەيتىپ، تەرەڭدەي كەڭەسۋ، ىقپالداسۋ، پىكىردى تولىق ءبىلدىرۋ، كەڭ كولەمدە ورتاق تانىم ۇيىستىرۋ ورەسىن جوعارىلاتىپ، ساياسي كەڭەستىڭ دەموكراتيالىق باقىلاۋى مەن مۇشەلەردىڭ ءوز سالاسىنداعى بۇقارامەن بايلانىس ورناتۋ ءتۇزىمىن، مەحانيزمىن كەمەلدەندىرىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتىپ، ءبىر نيەتپەن ىنتىماقتاسىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن جازۋ كەرەك.

  ءماجىلىس مىنالارعا ۇندەدى: بۇكىل رايونىمىزداعى ءار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ءار ۇلت، ءار سالاداعى مۇشەلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، قايراتتانا ەكپىندەي ىلگەرىلەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋ جولىندا ىنتىماقتاسا كۇرەس جۇرگىزەيىك!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.