جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ 1 - ءماجىلىسى ۇسىنىس جوبالاردى تەكسەرۋ كوميتەتىنىڭ اۆتونوميالى رايوندىق ساياسي كەڭەس 13 - كەزەكتى كوميتەتى 1 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسى
(ساياسي كەڭەس شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ 1 - ماجىلىسىندە 2023 - جىلى 1 - ايدىڭ 17 - كۇنى ماقۇلداندى)
اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ءماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار مەن ءارقايسى ارناۋلى كوميتەتتەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جانە اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، وزەكتى ارقاۋ ەتىپ، كەلەلى جاعدايعا قىزمەت ەتىپ، تەرەڭدەي وي جۇگىرتىپ، دەن قويا تاقىرىپ تاڭداپ، بەلسەنە سىندارلى اقىل - كەڭەس بەردى.
2023 - جىلى 1 - ايدىڭ 15 - كۇنى ساعات 14كە دەيىن جيىنى 839 ۇسىنىس جوبا تاپسىرىپ الىندى. تەكسەرۋ ارقىلى 672 ۇسىنىس جوبا ەستەلىككە الىندى، ەستەلىككە الىنۋ مولشەرى ％80.1 بولىپ، 75 ۇسىنىس جوبا پىكىر جانە ۇسىنىس رەتىندە قارالدى، 92 ۇسىنىس جوبا ەستەلىككە الىنبادى. ەستەلىككە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 439 بولىپ، ％3. 65ىن يەلەدى، كوللەكتيۆ قويعان ۇسىنىس جوبا 233 بولىپ، ％7. 34ىن يەلەدى. جالپى تۇلعالىق جاقتان قاراعاندا، ۇسىنىس جوبالاردا تاقىرىپ كەڭ كولەمدە تاڭدالىپ، ناقتى ۇسىنىستار بەرىلگەن، ساپاسى ءبىرشاما جاقسى بولعان، اسىرەسە، پارتيا - توپتاردىڭ ۇسىنىس جوبا سانى ارتىپ، ساپاسى كورنەكتى جوعارىلاعان.
ەستەلىككە الىنعان ۇسىنىس جوبالاردىڭ ىشىندە ەكونوميكالىق قۇرىلىس تۇرىندەگىسى 273 بولىپ، ％6. 40ىن يەلەدى، ساياسي قۇرىلىس تۇرىندەگىسى 41 بولىپ، ％1. 6تى يەلەدى، مادەنيەت قۇرىلىسى تۇرىندەگىسى 85 بولىپ، ％7. 12تى يەلەدى؛ قوعامدىق قۇرىلىس تۇرىندەگىسى 236 بولىپ، ％1. 35تى يەلەدى، ەكولوگيالىق وركەنيەت قۇرىلىسى تۇرىندەگىسى 37 بولىپ، ％5.5تى يەلەدى.
ءبىرىنشى، ەكونوميكالىق قۇرىلىس جاعىندا باستى ۇسىنىستار: مۇناي - تابيعي گاز بايلىعىن سول جەردىڭ وزىندە، جاقىن ماڭدا جىنتىكتەي مانەرلەۋدى ىلگەرىلەتىپ، جاڭا ەنەرگيا جانە جوعارى، جاڭا تەحنيكا سياقتى كاسىپ سالالارىن جوعارى ساپالى دامىتۋ؛ قارجى قوسۋ، قارجى قۇراۋ سەرپىنىن ارتتىرىپ، تاس جول، تەمىر جول، اۋەجاي، شەكارا وتكەلى، سۋ يگىلىگى، ەلەكتر كۇشى، قۇبىر جولى سياقتى نەگىزدىك قۇرىلعىلار قۇرىلىسىن كۇشەيتۋ؛ استىق حاۋىپسىزدىگىن قامتاماسىز ەتۋ دەڭگەيىن جوعارىلاتىپ، ەگىس داقىلدارىنىڭ ساپالى تۇقىمىن جەتىلدىرۋ بازاسى قۇرىلىسىن جەدەلدەتىپ، وسى زامانعى مال شارۋاشىلىعىنىڭ دامۋىن ىلگەرىلەتۋ؛ اۋىل شارۋاشىلىعىنداعى باستاماشى كاسىپورىنداردىڭ دامۋىن سۇيەمەلدەپ، اۋىل شارۋاشىلىعى ونىمدەرىن مانەرلەۋ كاسىبىنىڭ تيبىن جاڭالاپ، دارەجەسىن جوعارىلاتۋىنا جاڭالىق ەنگىزىپ، جەرگىلىكتى ورىننىڭ ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، اۋىل - قىستاقتى گۇلدەندىرۋدى زور كۇشپەن ىلگەرىلەتۋ؛ بيڭتۋان مەن جەرگىلىكتى ورىننىڭ توعىسپالى دامۋىن ۇزدىكسىز ىلگەرىلەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسى ساياسات - مەحانيزمىن ويداعىداي تياناقتاندىرىپ، ىشكە، سىرتقا ەسىك اشۋ سەرپىنىن ارتتىرىپ، ءتۇرلى بازار تۇلعالارىنىڭ دامۋ ومىرشەڭدىك كۇشىن تاسقىنداتۋ.
ەكىنشى، ساياسي قۇرىلىس جاعىندا باستى ۇسىنىستار: شينجياڭدى زاڭمەن باسقارۋدى جاپپاي تەرەڭدەتىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرۋ قۇرىلىسىنا تاباندى بولۋ؛ سۋديالار، پروكۋرورلار قوسىنى قۇرىلىسىن كۇشەيتىپ، ”ازاماتتىق زاڭنامانىڭ“ دايەكتىلەنۋىن، تياناقتانۋىن ىلگەرىلەتىپ، تۇتاس قوعامنىڭ زاڭمەن باسقارۋ ساپاسىن جوعارىلاتۋ؛ قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن كەمەلدەندىرىپ، كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋ؛ جاستار مەن وسپىرىمدەرگە ساياسي - يدەيالىق تاربيەنى، وتباسى سالتى، تاماشا سالت - سانا تاربيەسىن جانە پسيحيكالىق اقاۋسىزدىق جەتەكشىلىگىن كۇشەيتىپ، جاستار مەن وسپىرىمدەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتۋ؛ جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتىپ، ءىسلام ءدىنىن جۇڭگوشالاندىرۋ بەتالىسىنا تاباندى بولىپ، جاڭا داۋىردەگى پارتيانىڭ ۇلت، ءدىن قىزمەتىن تىڭعىلىقتى ويداعىداي ىستەۋ؛ ۇلتتار ىنتىماعىنداعى، العاباسارلىعىنداعى وزات ورىن قۇرۋ قىزمەتىن ىشكەرىلەي ىلگەرىلەتىپ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋدى، قولدانۋدى كۇشەيتىپ، ءتىلدىڭ توعىسۋى ارقىلى ءار ۇلت بۇقاراسىنىڭ جۇرەكتەرىنىڭ توعىسۋىن، تاعدىرلاس بولۋىن جەبەۋ.
ءۇشىنشى، مادەنيەت قۇرىلىسى جاعىندا باستى ۇسىنىستار: شينجياڭدى مادەنيەتپەن نارلەندىرۋدى ىشكەرىلەي اتقارىپ، جۇڭحۋا ۇلتىنىڭ ورتاق رۋحاني مەكەنىن بەلسەنە قۇرىپ، ءار ۇلت كادرلارى مەن بۇقاراسىنىڭ ىنتىماقتاسا كۇرەس جۇرگىزەتىن ورتاق يدەيالىق نەگىزىن ۇزدىكسىز بەكەمدەۋ؛ جاڭا داۋىردەگى ادەبيەت - كوركەمونەر سارا تۋىندىلارىن كۇش سالا جاراتىپ، قىسقا بەينە جازبا جاسامپازدىعىن، تاراتۋ مەن باسقارۋدى كۇشەيتىپ، حالىقارالىق تاراتۋ قابىلەتىن جوعارىلاتىپ، جۇڭگو پەيىلىن، جۇڭحۋا رۋحىن بەرىك سومداپ، جۇڭگو حيكاياسىنىڭ شينجياڭ تاراۋىن ويداعىداي بايانداۋ؛ تاريحي مادەنيەت جۇرتتارى مەن قىزىل بايلىقتاردى ىشكەرىلەي اشىپ، پايدالانىپ، بەيزاتتىق مادەنيەت مۇرالارىن قورعاۋدى كۇشەيتىپ، تاريحي، مادەني ايگىلى قالالاردىڭ، مادەني ەسكەرتكىشتەردىڭ، بايىرعى ەسكەرتكىشتەردىڭ شينجياڭدى مادەنيەتپەن نارلەندىرۋدەگى ماڭىزدى رولىن ويداعىداي ساۋلەلەندىرۋ؛ مادەنيەت پەن ساياحاتتى توعىستىرۋدى ۇزدىكسىز ىلگەرىلەتىپ، مادەنيەت كاسىپ سالاسىن زور كۇشپەن دامىتىپ، جۇڭحۋا مادەنيەتىنىڭ بەلگىسى مەن جۇڭحۋا ۇلتىنىڭ وبرازىن دانەكەر ەتىپ، ءار ۇلت كادرلارى مەن بۇقاراسىن جۇڭحۋا ۇلتىن شىنايى مويىنداۋ سەزىمىن، تاۋەلدىلىك سەزىمىن، ماقتانىش سەزىمىن كۇشەيتۋگە جەتەكتەۋ.
ءتورتىنشى، قوعامدىق قۇرىلىس جاعىندا باستى ۇسىنىستار: جۇمىستاندىرۋ ساياساتى مەحانيزمىن ونان ارى كەمەلدەندىرىپ، بازارلانعان، قوعامدانعان جۇمىستاندىرۋ ارناسىن بەلسەنە كەڭەيتىپ، جوعارى مەكتەپ بىتىرگەن وقۋشىلار قاتارلى ءتۇيىندى توپتاردىڭ جۇمىستانۋىن ويداعىداي يگەرۋ؛ ءار دارەجەلى الەۋمەتتىك دەنساۋلىق ساقتاۋعا قىزمەت وتەۋ جۇيەسىن اقاۋسىزداندىرىپ، سالماقتى اۋرۋلار مەديتسينالىق قابىلەتىن جانە نەگىزگى ساتىنىڭ ەمدەۋ، دەنساۋلىق ساقتاۋ قۇرىلىسىن كۇشەيتۋ؛ قوعامدىق ۇيىمداردىڭ باسىمدىعىن ساۋلەلەندىرىپ، قارتتاردى كۇتىمدەۋگە قىزمەت وتەۋگە ات سالىسىپ، ەمدەۋ مەن كۇتىمدەۋدى ۇشتاستىرۋ دەڭگەيىن جوعارىلاتۋ؛ ىنتالاندىرۋ مەحانيزمىن كەمەلدەندىرىپ، قازىرگى بار دارىندىلاردان جاقسى، جەتكىلىكتى پايدالانىپ، دارىندىلاردى ەنگىزۋ، تاربيەلەۋ سەرپىنىن ارتتىرۋ؛ جاڭالىق اشۋ تۇعىرى قۇرىلىسىن كۇشەيتىپ، عىلىم - تەحنيكا جەتىستىكتەرىن كادەگە جاراتۋدى ىلگەرىلەتۋ؛ جوعارى دارەجەلى وقۋ - اعارتۋدى قولداۋ سەرپىنىن ارتتىرىپ، عىلمي زەرتتەۋ، ءبىلىم بەرۋ دەڭگەيىن جوعارىلاتۋ؛ كاسىپتىك شەبەرلىككە باۋلۋدى كۇشەيتىپ، وسى زامانعى كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋ؛ ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن قالىپتاستىرۋدى ىلگەرىلەتىپ، جاراسىمدىلىق، ورنىقتىلىق نەگىزىن بەكەمدەۋ؛ نەگىزگى ساتىنىڭ قوعامدىق باسقارۋىن كۇشەيتىپ جانە جاقسارتىپ، باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن جوعارىلاتۋ.
بەسىنشى، ەكولوگيالىق وركەنيەت قۇرىلىسى جاعىندا باستى ۇسىنىستار: ەكولوگيالىق وركەنيەت تۇزىلىسىندە جاڭالىق اشۋدى ىلگەرىلەتىپ، ەكولوگيالىق ورتانى قورعاۋ مەن قۇرۋدى كۇشەيتۋ؛ شينجياڭنىڭ سۋ حاۋىپسىزدىگى ارناسىن ساپالىلاندىرىپ، سۋ بايلىعىن عىلمي جوبالاپ جانە باسقارىپ، ماڭىزدى وزەن ارناسىن جان - جاقتىلى وڭاۋ سەرپىنىن ارتتىرىپ، سۋ بايلىعىنان ۇنەمدى، جوعارى ءونىمدى پايدالانۋدى ىلگەرىلەتۋ؛ تۇياق كەستى بولعان جايلىمدى قالپىنا كەلتىرۋ سەرپىنىن ارتتىرىپ، قۇمايتتانۋدى وڭاۋدى كۇشەيتىپ، ەكولوگيالىق ءدالىز قۇرىلىسىن ىلگەرىلەتۋ؛ ”ءۇش جاراقسىزدان“ جان - جاقتى پايدالانۋدى كورنەكتىلەندىرىپ، قورشاعان ورتانىڭ لاستانۋىنان ساقتانۋدى جانە ونى وڭاۋدى ىلگەرىلەتۋ؛ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى ورنىقتى ىلگەرىلەتىپ، جاسىل، جوعارى ساپالى دامۋدى جاپپاي ىلگەرىلەتۋ.
ءماجىلىس جابىلعاننان كەيىن، ەستەلىككە الىنعان ۇسىنىس جوبالار ءبىر جاقتى ەتۋدى مىندەتىنە العان ورىنداردىڭ بىتىرۋىنە شوعىرلى تاپسىرىلادى. وسى رەتكى ءماجىلىستىڭ ۇسىنىس جوبالاردى قابىلداۋ ۋاقىت شەگىنەن كەيىن تاپسىرىپ الىنعان ۇسىنىس جوبالار جايشىلىقتاعى ۇسىنىس جوبا رەتىندە ءبىر جاقتى ەتىلەدى.
