اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى 16 كەڭەستىك جوبانى تۇراقتاندىردى
407 ۇسىنىس، سىن، پىكىر تاپسىرىپ الدى
انار بۇلت \ شينجياڭ گازەتىنىڭ ءتىلشىسى ليۋ شياڭ 1 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ حاتشىلار باسقارماسىنان ۇعىسۋىمىزشا، ءماجىلىس ءتوراعالار القاسى بەلگىلەگەن ۋاكىلدەردىڭ كەڭەستىك جوباسىن العا قوياتىن كەسىمدى ۋاقىتى تولعانعا دەيىن وسى رەتكى ءماجىلىس ۋاكىلدەردىڭ العا قويعان العاشقى كەڭەستىك جوباسىنان 26سىن تاپسىرىپ العان، «شينجياڭ ۇيعۇر اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىندەگى»، «شينجياڭ ۇيعۇر اۆتونوميالى رايوندىق حالىق قۇرىلتايى ۋاكىلدەرىنىڭ كەڭەستىك جوباسىن ءبىر جاقتى ەتۋ ادىسىندەگى» بەلگىلەمە بويىنشا مۇنىڭ 16سى ۋاكىلدەردىڭ كەڭەستىك جوباسى بولىپ تۇراقتاندىرىلدى.
كەڭەستىك جوبا، باستىسى، «شينجياڭ ۇيعۇر اۆتونوميالى رايونىنىڭ اكىمشىلىك زاڭ اتقارۋدى باقىلاۋ ەرەجەسىن» شىعارۋدى جەدەلدەتۋ، «شينجياڭ ۇيعۇر اۆتونوميالى رايونىنىڭ جەرگىلىكتى فينانستى باقىلاۋ - باسقارۋ ەرەجەسى»، «شينجياڭ ۇيعۇر اۆتونوميالى رايونىنىڭ ەگىنجاي، سۋ يگىلىگى ەرەجەسى» سياقتىلاردى جاساۋ، «شينجياڭ ۇيعۇر اۆتونوميالى رايونىنىڭ ءدىن ىستەرى ەرەجەسى» سياقتىلارعا وزگەرىس ەنگىزۋ جانە «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىن> اتقارۋ ءادىسى» سياقتىلاردى وزگەرتۋ سياقتىلاردى قامتيدى، نەگىزىنەن باقىلاۋ - تەكسەرۋ، ءادىليا، قازىنا - ەكونوميكا، اۋىل شارۋاشىلىعى، اۋىل - قىستاق، عىلىم - تەحنيكا، دەنساۋلىق ساقتاۋ، ءدىن، ەكولوگيالىق قورشاعان ورتا بايلىعىن قورعاۋ، قوعامدىق قۇرىلىس سياقتى سالالارعا سايادى. 16 كەڭەستىك جوبا جەكە - جەكە اۆتونوميالى رايوندىق حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرىلادى.
وسى رەتكى ءماجىلىس تاعى 407 ۇسىنىس، سىن، پىكىر تاپسىرىپ الدى، «شينجياڭ ۇيعۇر اۆتونوميالى رايوندىق حالىق قۇرىلتايى ۋاكىلدەرىنىڭ ۇسىنىس، سىن، پىكىرلەرىن ءبىتىرۋ ەرەجەسى» بويىنشا، حالىق قۇرىلتايى ۋاكىلدەرىنىڭ اۆتونوميالى رايوننىڭ ءار جاقتاعى قىزمەتتەرىنە بەرگەن ۇسىنىس، سىن، پىكىرلەرىنە ماجىلىستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىلەر ءماجىلىسى اقىلداسىپ ۇيعارىم جاساپ، اۆتونوميالى رايوندىق حالىق ۇكىمەتىنىڭ، شينجياڭ ءوندىرىس - قۇرىلىس بيڭتۋانىنىڭ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ جانە قاتىستى ورگانداردىڭ، ۇيىمداردىڭ، توپتاردىڭ، سونداي - اق اۆتونوميالى رايوندىق حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارىنىڭ مۇقيات اقىلداسىپ بىتىرۋىنە ءارى ۋاكىلدەرگە جاۋاپ قايتارۋىنا ءبىر تۇتاس تاپسىرىپ بەرەدى.
