سوڭعى جىلدارى ياركەن اۋدانى اۋىل ـ قىستاقتىڭ ٴىس جۇزىندىگىن تياناق ەتىپ، بايلىق ابزالدىعىن ساۋلەلەندىرىپ، ەرەكشە شارۋاشىلىق ەگىمشىلىگىن زور كۇشپەن دامىتىپ، قىستاق تۇرعىندارىنىڭ كىرىسىن ۇزدىكسىز ارتتىرۋىنا جەتەكشىلىك ەتتى.
شاراك قالاشىعى تەتىر قىستاعىنداعى گۇل -ءشوپ ءوسىرۋ جىلىجايىنا كىرسەڭىز، 10 نەشە ٴتۇرلى گۇلدىڭ جايقالا اشىلعانىن كورەسىز، اۋا رايى سۋىق بولعانىمەن، الايدا، جىلىجايدىڭ ءىشى جىپ - جىلى كۇيىندە، قىستاق تۇرعىنى ءادىلجان يساق گۇل - شوپتەرىن باپتاۋدا. ونىڭ جىلىجايدا گۇل باپتاعانىنا تالاي جىل بولدى، اسىرەسە، سوڭعى جىلدارى ول شارۋالارعا تيىمدىلىك جاساۋ ساياساتىن مىقتى يگەرىپ، جاڭا سورت، جاڭا تەحنيكا ەنگىزىپ، ٴونىم مولشەرى مەن ساپاسىن قۇلشىنا جوعارىلاتىپ، قىزمەت اترەتى مەن قىستاق ”ەكى كوميتەتىنىڭ“ كومەگىندە، ساتۋ ارناسىن ۇزدىكسىز كەڭەيتىپ، گۇل ـ ٴشوپ ەگىمشىلىگىن دامىتۋعا سۇيەنىپ تۇرمىسىن جاقسارتتى. ”جۋىقتان بەرى بۇل اراعا گۇل ساتىپ الۋعا كەلەتىندەر وتە كوپ، قىستاق كادرلارى ۇنەمى بىزگە كومەكتەسىپ ۇگىت جاساپ بەرەدى، ٴبىز گۇلىمىزدى ساتۋدان قام جەگەن ەمەسپىز، كىرىسىمىز جىلدان - جىلعا مولايدى“، - دەدى ءادىلجان يساق.
قىستاق تۇرعىنى تۇرسۇن ابدىكەرىم بىلاي دەدى: ”كوكتەم مەرەكەسى تاياپ قالدى، مەن بۇل اراعا ءبىراز گۇل ساتىپ الىپ، ۇيلەرىمدى اشەكەيلەگەلى كەلدىم، بۇل جەردىڭ گۇلى ادەمى ٴارى ارزان، گۇل ساتىپ الۋشىلار وتە كوپ، مەن قۇت نىشاندى گۇل ساتىپ الىپ، ءۇيىمدى ادەمىلەپ اشەكەيلەپ، كوكتەم مەرەكەسىن وتكىزبەكشىمىن“.
سوڭعى جىلدارى شاراك قالاشىعى تەتىر قىستاعى قالا ماڭىنداعى اۋىلداردىڭ ارتىقشىلىعىن تولىق ساۋلەلەندىرىپ، اۋىل شارۋاشىلىعى كاسىپ سالاسى قۇرىلىمىن رەتتەۋدى جەدەل ىلگەرىلەتىپ، قۇرىلعىلى اۋىل شارۋاشىلىعىن زور كۇشپەن دامىتىپ، ”جىلىجاي ەكونوميكاسىن“ جەرگىلىكتى قىستاق تۇرعىندارىنىڭ كىرىستى ارتتىرىپ اۋقاتتاندىرۋداعى”جاڭا قوزعالتقىشقا“ اينالدىردى.
ياركەن اۋداندىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ شاراك قالاشىعى تەتىر قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى ديڭ جيكاي بىلاي دەدى: ”پارتيا 20 ـ قۇرىلتايىندا شارۋالاردىڭ كىرىسىن ارتتىرىپ، اۋقاتتانۋ ارناسىن كەڭەيتىپ، قونىسقا جايلى، كاسىپكە ىڭعايلى جاراسىمدى دا كورىكتى اۋىل ـ قىستاق قۇرۋ اتاپ كورسەتىلدى. قازىر قىستاعىمىزدا 109 جىلىجاي بار، نەگىزىنەن مايسا، كوكونىس، گۇل - ءشوپ وسىرۋگە پايدالانىلادى. ٴبىز پارتيا 20 - قۇرىلتايىنىڭ رۋحىن جەتەكشى ەتىپ، قىستاق تۇرعىندارىنىڭ كىرىسىن ارتتىرىپ، اۋقاتتانۋ ارناسىن ۇزدىكسىز كەڭەيتەمىز“. (ياركەن اۋداندىق توعىسپالى مەديا ورتالىعىنىڭ ٴتىلشىسى: امانيسا ميھىراي)
