ورتالىق اسكەري ىستەر كوميتەتى شاڭجياڭ اسكەري شەنىنە ءوسىرۋ سالتىن وتكىزدى
شي جينپيڭ بۇيرىق كۋالىگىن بەردى ءارى شەنى وسىرىلگەن اسكەري قولباسىنى قۇتتىقتادى
شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى (ءتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 1 - ايدىڭ 18 - كۇنى بەيجيڭ 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شەن ءوسىرۋ سالتىنا قاتىناستى.
تۇستەن كەيىن ساعات 4 مولشەرىندە شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ءتوراعاسى حى ۋيدۇڭ شەن ءوسىرۋ سالتىن باسقاردى.
شي جينپيڭ شاڭجياڭ اسكەري شەنىنە وسىرىلگەن ورتا بولىك سوعىس رايونىنىڭ سىليڭيۋانى حۋاڭ ميڭعا بۇيرىق كۋالىگىن بەرىپ، قۇتتىقتادى. شاڭجياڭ اسكەري شەنى بەلگىسىن تاققان حۋاڭ ميڭ شي جينپيڭگە قۇرمەت ءبىلدىردى، سالتقا قاتىناسقان بارلىق جولداسقا قۇرمەت ءبىلدىردى، بۇكىل زالدان قىزۋ قول شاپالاق ءۇنى كوتەرىلدى.
شەن ءوسىرۋ سالتى اسقاق ارميا مارشى ءۇنى ىشىندە اياقتادى.
ورتالىق اسكەري ىستەر كوميتەتىنىڭ مۇشەلەرى لي شاڭفۋ، ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار، ت. ب شەن ءوسىرۋ سالتىنا قاتىناستى.
