مەيىرلى تاپسىرما، ەكپىندەي ىلگەرىلەۋ كۇش - قۋاتى
− باس شۋجي شي جينپيڭ كوكتەم مەرەكەسى قارساڭىندا بەينە ەكران بايلانىسى ارقىلى امانداسىپ، حال سۇراعان نەگىزگى ساتى كادرلارى مەن بۇقاراسىنا قايتالاي تىلشىلىك
□ شينحۋا اگەنتتىگىنىڭ تىلشىلەرى
بارىس جىلىن ۇزاتىپ سالىپ، قويان جىلعى كوكتەم مەرەكەسىن قارسى الدىق. گۇيماۋ جىلعى كوكتەم مەرەكەسى كەلۋ قارساڭىندا، باس شۋجي شي جينپيڭ 1 - ايدىڭ 18 - كۇنى تۇستەن بۇرىن استانا بەيجيڭدە بەينە ەكران بايلانىس ءتاسىلى ارقىلى بۇكىل ەلدىڭ 6 جەرىندەگى نەگىزگى ساتى كادرلارى مەن بۇقاراسىنا شىنايى امانداسىپ، ولاردان حال سۇراپ، كوپشىلىككە كوكتەم مەرەكەسى بايلانىسىمەن ىزگى تىلەك جولداپ، ءار سالا، ءار كاسىپتەگى كادرلارعا، بۇقاراعا پارتيا ورتالىق كوميتەتىنىڭ قامقورلىعى مەن مەيىرىن جەتكىزدى.
ىندەتتەن ساقتانۋدىڭ ءبىرىنشى شەبىندەگى ەمدەۋ قىزمەتكەرلەرى، يگىلىك ورنىنداعى قارت دوستار، ەنەرگيامەن قامداۋعا كەپىلدىك ەتۋ كاسىپورىندارىنداعى قىزمەتكەرلەر، جوعارى جىلدامدىقتى تەمىر جول ۆوگزالىنداعى كادرلار مەن جۇمىسشى - قىزمەتكەرلەر، اۋىل شارۋاشىلىعى ونىمدەرى تولايىم بازارىنداعى ساۋداگەرلەر مەن بۇقارا، اۋىل - قىستاق نەگىزگى ساتىسىنداعى كادرلار مەن بۇقارا... كوپشىلىك باس شۋجيدىڭ ىقىلاستى تاپسىرماسىن، ىزگى تىلەگىن تىڭداپ، بارىنشا جەلپىنىپ، ەرەكشە شابىتتاندى.
شينحۋا اگەنتتىگىنىڭ تىلشىلەرى باس شۋجيمەن بەينە ەكران بايلانىسىنا شىققان نەگىزگى ساتى كادرلارىنا، بۇقاراسىنا قايتالاي تىلشىلىك جاساپ، باس شۋجيدىڭ جۇرەگىنىڭ بۇكىل ەلدەگى ءار ۇلت حالقىنىڭ جۇرەگىمەن تىعىز بايلانىسىپ جاتقاندىعىن تەرەڭ سەزىندى. باس شۋجيدىڭ شىنايى قامقورلىعى، تەرەڭ سۇيىسپەنشىلىگى ارمان قۋىپ، العا باسقان ءاربىر جۇڭحۋا پەرزەنتىن مەيىرگە بولەدى.
ىندەتتەن ساقتانۋ - تىزگىندەۋ: ”شۋاقتى كۇندەر الدىمىزدا، تاباندىلىق كورسەتسەك، جەڭىسكە جەتەمىز“
جۋ كىرگەننەن بەرى كۇن سۋىتىپ، حاربيننىڭ ەڭ تومەنگى اۋا تەمپەراتۋراسى نولدەن تومەن 20 نەشە سەلتسي گرادۋسقا دەيىن تومەندەدى، حيلۇڭجياڭ ولكەسى حاربين مەديتسينا داشۋەسىنە قاراستى 1 - شيپاحانانىڭ چۇنلي شيپاحانا اۋماعىندا كولىكتەر قايشالىسىپ، ناۋقاستار بولمەلەرىنىڭ ەمدەۋ، كۇتىمدەۋ قىزمەتكەرلەرى شۇعىل دا ءتارتىپتى تۇردە قاربالاستىقتارىن جالعاستىرۋدا.
1 - ايدىڭ 18 - كۇنى تۇستەن بۇرىن باس شۋجي شي جينپيڭ بەينە ەكران بايلانىسى ارقىلى وسى اراداعى ەمدەۋ، كۇتىمدەۋ قىزمەتكەرلەرىمەن، اۋرۋحانادا جاتقان ناۋقاستارمەن ىقىلاستى اڭگىمەلەستى.
”باس شۋجي ىندەتكە قارسى اتتانۋدىڭ ءبىرىنشى شەبىندە شايقاس جاساپ جاتقان ەمدەۋ - كۇتىمدەۋ قىزمەتكەرلەرىن قاي - قاشان دا ەستەن شىعارماي، جاڭا تيپتى ايدارشا ۆيرۋسپەن جۇعىمدالعان ناۋقاستاردىڭ دەنساۋلىعىنىڭ قالپىنا كەلۋ جاعدايىنا كوڭىل ءبولدى. ەكران ءبولىپ تۇرعانىمەن، باس شۋجيدىڭ قامقورلىعىن شىنايى سەزىنىپ، ەرەكشە اسەرلەندىك“. حاربين مەديتسينا داشۋەسىنە قاراستى 1 - شيپاحانانىڭ باستىعى يۇي كايجياڭ بىلاي دەدى: ءبىز باس شۋجيدىڭ حال سۇراۋىن قىزمەتتىڭ قوزعاۋشى كۇشىنە اينالدىرىپ، ناۋقاستارعا اناعۇرلىم ويداعىداي قىزمەت وتەپ، جانعا جايلى كوكتەمدى قارسى الامىز.
بەينە ەكران بايلانىسى كەزىندە شيپاحانانىڭ تىنىس الۋ ىشكى اۋرۋلار ءبولىمىنىڭ تەتە اعا شيپاگەرى جاڭ چۇنليڭ ناۋقاستار بولمەسىن تەكسەرىپ جۇرگەن ەدى. ”باس شۋجي ناۋقاستاردىڭ اۋرۋ جاعدايىن تاپتەشتەي ۇعىستى، دەنساۋلىقتارىنىڭ قالپىنا كەلۋ جاعدايىنا ەرەكشە كوڭىل ءبولدى، ءبىز وسى مەيىر مەن قامقورلىقتى تەرەڭ سەزىندىك. باس شۋجي ايتقانداي، شۋاقتى كۇندەر الدىمىزدا، تاباندىلىق كورسەتسەك، جەڭىسكە جەتەمىز“! - دەدى جاڭ چۇنليڭ.
ىندەتتەن ساقتانۋ - تىزگىندەۋ ساياساتىنىڭ ساپالىلانىپ رەتتەلۋىنە بايلانىستى، شيپاحانا ەمدەۋ بايلىعىن جەدەل بىرىكتىرىپ، ءبىرىنشى شەپتەگى قۇتقارۋ - ەمدەۋگە بەيىمدەپ، شۇعىل، قاتەرلى، سالماقتى ناۋقاستاردى كۇش سالا قۇتقاردى. ەمدەۋ، كۇتىمدەۋ قىزمەتكەرلەرىنىڭ دەن قويا قاراۋىندا، 83 جاستاعى ناۋقاس چي يۇڭشياڭنىڭ دەنساۋلىعى جاقسى قالپىنا كەلدى.
”باس شۋجي مەنىڭ ساۋىعۋ جاعدايىما ەرەكشە كوڭىل ءبولىپ، دەنساۋلىعىمنىڭ قالپىنا كەلۋ جاعدايىنىڭ قانداي ەكەندىگىن، ۇيگە قايتىپ مەرەكە وتكىزۋىمە بولاتىن - بولمايتىندىعىن سۇراعاندا، ەرەكشە مەيىرگە بولەندىم. مەن، ءسوزسىز، سەنىمدى بەكەمدەپ، جاقسىراق ساۋىعىپ، ەرتەرەك شيپاحانادان شىعىپ، ۇيىمدەگىلەرمەن باس قوسىپ، مەرەكە وتكىزۋگە قۇلشىنامىن“، - دەدى چي يۇڭشياڭ قاريا قۋانا.
قارتتاردى قادىرلەۋ، قارتتاردى ايالاۋ: ”قارت دوستاردىڭ كوكتەم مەرەكەسىن كوڭىلدى، اقاۋسىز، بەرەكەلى وتكىزۋىنە مۇمكىندىك جاساۋ كەرەك“
كوكتەم مەرەكەسى تاياپ قالدى، جاسىل اعاشتارمەن كومكەرىلگەن فۋجيان ولكەسى فۋجوۋ قالالىق قوعامدىق يگىلىك ورنىندا شامدار جارقىراپ، گۇلدى تورعىندار جايناپ تۇر، قارتتاردىڭ قولىنان شىققان ”قويان“ فورمالى قولونەر بۇيىمدارى، قىزىل ”福“ ءارىبى، التىن بالىق اشەكەي بۇيىمدارى كوزدىڭ جاۋىن الىپ، بارلىق جەردەن شات - شادىمان مەرەكەنىڭ لەبى ەسەدى.
”باس شۋجي قارتتاردىڭ يگىلىك ورنىندا كوكتەم مەرەكەسىن وتكىزۋ دايىندىق جاعدايىنا ايرىقشا كوڭىل ءبولدى“. فۋجوۋ قالالىق قوعامدىق يگىلىك ورنىنىڭ باستىعى گان ۋيميڭ بىلاي دەدى: ”ءبىز جەتەرلىكتەي جەمىس - جيدەك، استىق - ماي، جەڭىل ازىقتار سياقتى مەرەكەلىك بۇيىمداردى دايىندادىق، جاڭا جىل قارساڭىنداعى ءتۇن تاماعىنىڭ دايىندىعى دا وسى 2 كۇندە باستالدى، كوكتەم مەرەكەسى كەزىندە يگىلىك ورنىنىڭ ءىشىن بەزەندىرىپ، قويۋ مەرەكەلىك تۇسكە بولەدىك. باس شۋجي قارتتاردىڭ ءومىرىنىڭ سوڭعى كەزىن باقىتتى وتكىزۋگە، ءسوز جوق، مۇمكىندىك جاساۋدى قاداعالاي تاپسىردى، ءبىز مۇنى، ءسوز جوق، كوكەيىمىزدە بەرىك ساقتاپ، كۇش سالا ورىندايمىز“!
”باس شۋجي بىزبەن اڭگىمە دۇكەنىن قۇرىپ، حالىق تۇرمىسىن تىلگە تيەك ەتتى، ساقا جولداستاردىڭ جۇرەگىنە جىلۋ سيلادى“. 81 جاستاعى ليۋ شياۋلان قاريا بىلاي دەدى: ”باس شۋجي ءبىز قارتتاردىڭ كۇندەلىكتى تۇرمىسىنا ەرەكشە كوڭىل ءبولدى. ءبىزدىڭ يگىلىك ورنىنداعى تۇرمىسىمىز باي مازمۇندى وتۋدە، ءار اپتانىڭ بەلگىلەنگەن ۋاعىندا قوعامدىق قىزمەتكەرلەر كۇتىنۋ گيمناستيكاسىن ويناۋ، قولونەر بۇيىمدارىن جاساۋ، كينو كورۋ، شاحمات ويناۋ سياقتىلاردى ۇيىمداستىرىپ تۇرادى، قارتتار باس قوسىپ كوڭىلدى كۇن كەشىپ جاتىر، باس شۋجي، الاڭسىز بولىڭىز“!
كوكتەم مەرەكەسى كەزىندە ادامداردىڭ بارىس - كەلىسى جيىلەيدى، باس شۋجي قارتتاردىڭ ىندەتتەن ساقتانۋ - تىزگىندەۋ جاعدايىنا ەرەكشە كوڭىل ءبولدى.
”يگىلىك ورنىندا قازىر 72 كۇتىمدەۋ قىزمەتكەرى بار، ولار وزدەرى جاۋاپتى قارتتاردىڭ دەنساۋلىق جاعدايىن كەز كەلگەن ۋاقىتتا قاداعالاپ تۇرادى، ىستىقتى قايتارىپ، ۋىتتى ايداۋ ءدارىسى، شۇعىل قۇتقارۋ جابدىعى، N95 ماسكاسى سياقتى شۇعىل جاعدايعا توتەپ بەرۋ، ىندەتتەن ساقتانۋ زاتتىق ماتەريالدارى جەتكىلىكتى دايىندالدى، بەلگىلەنگەن شيپاحانالارمەن بىرلەسىپ قيمىلداۋ مەحانيزمى ىركىلىسسىز“. يگىلىك ورنى كۇتىمدەۋ ءبولىمىنىڭ مەڭگەرۋشىسى چىن شياۋجۇن بىلاي دەدى: ءبىز، ءسوز جوق، باس شۋجيدىڭ تاپسىرماسىن ەستە بەرىك ساقتاپ، قىزمەتكەرلەردىڭ ساقتانۋى جانە سالاماتتىقتى باسقارۋ شارالارىن باسقا ورىنداردان قاتاڭ ۇستاۋ ارقىلى توپتاسۋ سيپاتتى ىندەتتىڭ تۋىلۋىنان قاتاڭ ساقتانىپ، قارت دوستاردىڭ كوكتەم مەرەكەسىن كوڭىلدى، اقاۋسىز، بەرەكەلى وتكىزۋىنە مۇمكىندىك جاسايمىز.
ەنەرگيامەن قامداۋعا كەپىلدىك ەتۋ: ”حالىق تۇرمىسىنا جۇمسالاتىن ەنەرگيانىڭ تومەنگى شەگىن ساقتاپ، بۇقارانىڭ قىستى جىلى وتكىزۋىنە شىنايى كەپىلدىك ەتۋ كەرەك“
شينجياڭنىڭ تاكلاماكان شولىندەگى جۇڭگو مۇناي - تابيعي گاز توبى شەكتى سەرىكتەستىگىنىڭ تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى تابيعي گازدى باتىستان شىعىسقا جەتكىزۋ 1 - پۋنكتى كىلا تابيعي گاز جيناۋ وڭىرىندە شام - شىراقتار جايناپ، قويۋ مەرەكەلىك تۇسكە بولەندى. جوڭكىلگەن تابيعي گاز اعىنى قۇبىرمەن گۇرىلدەي شىعىسقا بەت الىپ، جول بويىنداعى سان مىڭ وتباسىنا مەيىر سيلادى.
”باس شۋجي شي جينپيڭ ەنەرگيا حاۋىپسىزدىگى ەلىمىزدىڭ ەكونوميكالىق، قوعامدىق دامۋ جالپى جاعدايىنا قاتىستى، ەڭ ماڭىزدى حاۋىپسىزدىكتەردىڭ ءبىرى ەكەندىگىن باسا دارىپتەدى. بىزدەن حالىق تۇرمىسىنا جۇمسالاتىن ەنەرگيانىڭ تومەنگى شەگىن ساقتاپ، بۇقارانىڭ قىستى جىلى وتكىزۋىنە شىنايى كەپىلدىك ەتۋدى تالاپ ەتتى“. لۇننان مۇناي - تابيعي گاز ساقتاۋ - جەتكىزۋ ورتالىعى پارتيا باس ياچەيكاسىنىڭ شۋجيى چاڭ گۇيچۋان بىلاي دەدى: ”ءبىز جاۋاپكەرشىلىگىمىزدىڭ اۋىر ەكەنىن تەرەڭ سەزىندىك، ءسوز جوق، بورىشتى ادا ەتىپ، بار كۇشپەن ءونىمدى ارتتىرىپ، قامداۋعا كەپىلدىك ەتەمىز“.
باس شۋجيمەن اڭگىمەلەسكەن كورىنىستى ەسكە العاندا، لۇننان مۇناي - تابيعي گاز ساقتاۋ - جەتكىزۋ ورتالىعىنىڭ مەڭگەرۋشىسى جوۋ ۋيجۇن ايرىقشا جەلپىندى: ”باس شۋجيدىڭ ماڭىزدى ءسوزىن تىڭداعاننان كەيىن، ءبىز اناعۇرلىم سەنىمدى، اناعۇرلىم قۋاتتى، اناعۇرلىم قايراتتى بولا تۇستىك! ءبىز باس شۋجيدىڭ تاپسىرماسىن ەستە بەرىك ساقتاپ، قىزمەت ورنىمىزدان تاپجىلماي، تابيعي گازبەن ويداعىداي قامداپ، حالىق بۇقاراسىنىڭ كوكتەم مەرەكەسىن كوڭىلدى دە بەرەكەلى وتكىزۋىن قامتاماسىز ەتەمىز“.
قىس تۇسكەننەن بەرى ءار كۇنى 70 ميلليون تەكشەمەتردەن استام تابيعي گاز وسى ارادان تومەنگى اعارداعى قالالارعا ۇزدىكسىز جەتكىزىلىپ، تۇرعىنداردىڭ وشاق تۇعىرىنداعى، زاۆود پار قازانىنداعى لاۋلاعان جالىنعا اينالدى. كوكتەم مەرەكەسى تاياپ قالدى، مۇناي جۇمىسشىلارى قارلى بورانعا قاراماي، ءوندىرىستىڭ ءبىرىنشى شەبىندە تاپجىلماي ىستەپ جاتىر.
”باس شۋجي نەگىزگى ساتىنىڭ ءبىرىنشى شەبىندەگى كادرلار مەن جۇمىسشى - قىزمەتكەرلەرگە ايرىقشا كوڭىل ءبولىپ، مەرەكە كەزىندە كەزەكپەن دەمالا الۋ - الماۋ، سىرتتا مەرەكە وتكىزگەندە مەرەكەلىك بۇيىمدار دايىنداۋ جاعدايىن سۇرادى، ءبىزدىڭ ۇساق - تۇيەك ىستەرىمىز باس شۋجيدىڭ كوكەيىندە ءجۇر ەكەن، كوڭىلىمىز ىشتەي جىلىپ سالا بەردى“. قازىر نولدەن تومەن 20 نەشە سەلتسي گرادۋستىق سۋىق بولسا دا قىزمەتكە قاتىناسقانىنا 2 جىلدان استام ۋاقىت بولعان ولشەۋ ينجەنەرى تيان مەيشيا جىلى شۋاققا بولەندى، ”الداعى قىزمەت بارىسىندا مەن باس شۋجيدىڭ تاپسىرماسىن ەستە بەرىك ساقتاپ، جاستىق كوكتەمنىڭ گۇلىن قۇبا تۇزدە، قۇمدى شولدە قۇلپىرتامىن“.
كوكتەم مەرەكەسى كەزىندەگى تاسىمال ساپارى: ”قاتىناۋدى قامتاماسىز ەتۋ، ىركىلىسسىزدىكتى قامتاماسىز ەتۋ قابىلەتىن جوعارىلاتىپ، حالىق بۇقاراسىنىڭ امان - ەسەن، ساۋ - سالەمەت جولاۋشىلاۋىنا شىنايى كەپىلدىك ەتۋ كەرەك“
حىناننىڭ ”米“ ءارىبى فورمالى جوعارى جىلدامدىقتى تەمىر جول تورىنىڭ شەشۋشى تۇيىنىندەگى جىڭجوۋ شىعىس ۆوگزالى كۇندىز - ءتۇنى دامىلسىز قاربالاستىققا ءتۇستى. ۆوگزال تەكشەسىندە ۇلكەن قىزىل شامدار بيىك ءىلىنىپ، مەرەكەلىك جۇڭگو تۇيىنشەگى جەلمەن بىرگە ىرعالىپ، كوزدىڭ جاۋىن الاتىن ”福“ ارىبىنەن قويۋ مەرەكەلىك لەپ ەسىپ تۇر.
بەينە ەكران بايلانىسىنداعى كورىنىس ارقىلى باس شۋجي شي جينپيڭنىڭ جارقىن ءجۇزىن كورگەن تەمىر جول جۇيەسىندە قىزمەت ىستەگەنىنە 32 جىل بولعان جىڭجوۋ شىعىس ۆوگزالىنىڭ باستىعى ۋاڭ ليۋچياڭ تەبىرەنە بىلاي دەدى: ”باس شۋجي بيىلعى كوكتەم مەرەكەسى كەزىندەگى تاسىمال جاعدايىنا ەرەكشە كوڭىل ءبولىپ، ەرەكشە تاپتەشتەي سۇراپ، قاتىناۋدى قامتاماسىز ەتۋ، ىركىلىسسىزدىكتى قامتاماسىز ەتۋ قابىلەتىن جوعارىلاتىپ، حالىق بۇقاراسىنىڭ امان - ەسەن، ساۋ - سالەمەت جولاۋشىلاۋىنا شىنايى كەپىلدىك ەتۋدى باسا دارىپتەدى. بيىلعى كوكتەم مەرەكەسى كەزىندەگى تاسىمالدىڭ دۋمانى قايتا ورالدى، ءبىز تاسىمال قۋاتىن ورنالاستىرۋ، اينالىم حاۋىپسىزدىگى، ىندەتتەن ساقتانۋ - تىزگىندەۋ، قامتاماسىز ەتۋگە ۇيىمداستىرۋ سياقتى جاقتاردان ويداعىداي دەن قويا دايىندالدىق، قالىڭ جولاۋشىلاردىڭ ءتىپتى دە كوڭىلدى ساپارعا شىعۋىنا مۇمكىندىك جاساۋعا سەنىمىمىز كامىل“!
ىندەتتەن ساقتانۋ - تىزگىندەۋ جاڭا كەزەڭگە وتكەننەن كەيىنگى العاشقى كوكتەم مەرەكەسى تاسىمالى رەتىندە، جىڭجوۋ شىعىس ۆوگزالىنىڭ جولاۋشىلار مولشەرى زور كولەمدە ارتتى، بىرنەشە كۇننەن بەرى كۇندىك ورتاشا جولاۋشى مولشەرى 120 مىڭنان استى.
”باس شۋجي كوكتەم مەرەكەسى تاسىمالى كەزىندەگى ىندەتتەن ساقتانۋ شارالارىنىڭ تياناقتاندىرىلۋ جاعدايىنا ەرەكشە كوڭىل ءبولدى“. جىڭجوۋ شىعىس ۆوگزالىنىڭ جولاۋشى تاسىمال كەزەكشى قىزمەتكەرى جاڭ حۋا بىلاي دەدى: ”قىزمەتكەرلەر ۆوگزالعا كىرۋ اۋزىندا، قىزمەت وتەۋ تۇعىرىندا ىندەتتەن ساقتانۋ بۇيىمدارىن دايىنداپ، پويەز كۇتۋ زالىندا مەديتسينالىق قىزمەت وتەۋ تۇيىندەرىن قۇرىپ، ۆوگزال ىشىندە جانە پويەزداعى الەۋمەتتىك اۋماقتاردا بەلگىلەنگەن ۋاقىتتا، بەلگىلەنگەن تۇيىندەردە زارارسىزداندىرۋ جۇرگىزدى، باس شۋجي، الاڭسىز بولىڭىز، ءبىز، ءسوزسىز، ەڭ زور قۇلشىنىس جاساپ، جولاۋشىلاردىڭ حاۋىپسىز ساپارعا شىعۋىنا شىنايى كەپىلدىك ەتەمىز“.
”باس شۋجي، سالەمەتسىز بە! باس شۋجي جاڭا جىلىڭىز قۇتتى بولسىن!“ اۋىلىنا قايتقان جولاۋشى ما ليڭ جانە الاڭقىداعى باسقا دا جولاۋشىلار ەكران ارقىلى باس شۋجي شي جينپيڭدى كورىپ، تۇس - تۇستان كامەرانىڭ الدىنا كەلىپ، باس شۋجيگە امانداستى.
ەكى رەتكى كوكتەم مەرەكەسىندە ۇيىنە قايتا الماعان ما ليڭ بىلاي دەدى: ”باس شۋجيدىڭ كوكتەم مەرەكەسى ىزگى تىلەگىن تاپسىرىپ الدىم، بۇل مەنىڭ اۋىلعا قايتۋ ساپارىما اناعۇرلىم شابىت، اناعۇرلىم كوڭىلدىلىك، اناعۇرلىم باقىت سيلادى“!
بازاردى قامداۋ: ”’كوجە قاتىق‘، ’استىق‘، ’جەمىس - جيدەك‘ سان مىڭداعان وتباسىنا سايادى“
بەيجيڭ فىڭتاي رايونىنداعى شينفادي اۋىل شارۋاشىلىق ونىمدەرى تولايىم بازارى دۋمانعا بولەندى. يۇيتيان بايسايى، جاڭچيۋ سارىمساعى، مىڭ ديڭيۋان باكلاجانى... بۇكىل ەلدىڭ جەر - جەرىنەن جەتكىزىلگەن جاڭا، جاس كوكونىستەر زات ساندىعىنا تولتىرىلىپ، 2 مەتردەن استام بيىك جينالىپتى. ايعايلاعان، سويلەگەن داۋىستارعا گۇرىلدەپ وتكەن كولىكتەردىڭ داۋىسى قوسىلىپ، قۇلاق تۇندىرىپ تۇر.
”وسى بىرنەشە كۇندەگى بازاردىڭ اينالىم جاعدايى قانداي بولدى“؟ ”بيىل ساۋداگەرلەردىڭ ساۋدا - ساتتىعى قانداي بولدى“؟ ”بيىلعى تولايىم باعاسى قانداي“ ... باس شۋجي شي جينپيڭ ەرەكشە تاپتەشتەي سۇرادى. ول ”كوجە قاتىقتىڭ“، ”استىقتىڭ“، ”جەمىس - جيدەكتىڭ“ سان مىڭداعان وتباسىنا ساياتىندىعىن، ەڭ نەگىزگى حالىق تۇرمىسى ەكەندىگىن اتاپ كورسەتتى.
”باس شۋجيدىڭ كوڭىل ءبولۋى مەن شابىتتاندىرۋى ءبىزدىڭ كوڭىلىمىزدەگىنى ءداپ باسىپ، تاڭ اتقاننان كەش باتقانشا جانتالاسقانىمىزدىڭ تاتيتىندىعىن سەزىندىردى“. ساۋداگەر ماۋ يۇڭشي بىلاي دەدى: ”كوكتەم مەرەكەسىنىڭ اياق الىسى بارعان سايىن جاقىنداپ، بارلىق وتباسىنىڭ اۋىل شارۋاشىلىق ونىمدەرىنە بولعان قاجەتى ۇزدىكسىز ارتىپ كەلەدى، مەن دە قۇلشىنا ءتۇسىپ، قامداۋ تىزبەگىنىڭ ۇزىلمەۋىن بار كۇشپەن قامتاماسىز ەتىپ، ءتىپتى دە كوپ بۇقارانىڭ جاقسى تاماقتانۋىنا، اقاۋسىز تاماقتانۋىنا، تيىمدىلىككە كەنەلۋىنە مۇمكىندىك جاسايمىن“.
مەرەكە - مەيرامداردا حاۋىپسىزدىكتى ۇمىتۋعا بولمايدى. باس شۋجي شي جينپيڭمەن اڭگىمەلەسكەنىن ەسكە العاندا، شينفادي اۋىل شارۋاشىلىق ونىمدەرى تولايىم بازارىنىڭ القا باستىعى جاڭ يۇيشي تەرەڭ اسەر الدى: ”باس شۋجي بازار ساۋداسىنىڭ جاعدايىن ىشكەرىلەي ۇعىسۋمەن بىرگە، ءبىزدىڭ زات قاينارىن كەڭەيتۋىمىزگە، ءونىم تۇرلەرىن مولايتۋىمىزعا، ساپاعا كەپىلدىك ەتۋىمىزگە دە تالاپ قويدى، بۇل ءبىزدىڭ كەلەسى كەزەكتەگى قىزمەتىمىزگە ايقىن باعدار كورسەتتى“.
قازىر شينفادي بازارىنا كۇنىنە ورتا ەسەپپەن 3800 جۇك اۆتوكولىگى كىرىپ - شىعادى، ادام اعىنى، اۆتوكولىك مولشەرى جەكە - جەكە 60 مىڭ ادام - رەتكە، 20 مىڭ كولىك - رەتكە جەتتى. ”ساقتانۋ - تىزگىندەۋدى بوساڭسىتپاۋ، قامداۋعا كەپىلدىك ەتۋدى توقتاتپاۋ كەرەك“. جاڭ يۇيشي بىلاي دەدى: ”كوكتەم مەرەكەسى كەزىندە، مەن وسىندا تابانداپ تۇرعان 2000نان استام ساۋداگەرمەن بىرگە مەرەكە كەزىندەگى بازار قامداۋى مولشەرىنىڭ جەتكىلىكتى، ءتۇرىنىڭ مول، ساپاسىنىڭ سەنىمدى، باعاسىنىڭ ورنىقتى بولۋىنا شىنايى كەپىلدىك ەتىپ، حالىق بۇقاراسىنىڭ كوكتەم مەرەكەسىن كوڭىلدى، الاڭسىز وتكىزۋىنە كۇش - قۋاتىمدى ارنايمىن“.
اۋىل - قىستاقتى گۇلدەندىرۋ: ”بىرگە بايۋعا بىرگە قادام تاستاپ، تۇرمىستارىن شالقىتا ءتۇسۋى كەرەك“
الىستاعى كوگىلدىر تاۋلار ۇزىننان - ۇزاققا سوزىلىپ، جاقىن ماڭداعى جەرلەر جاپ - جاسىل اعاشپەن كومكەرىلىپتى. سىچۋان ميانياڭ قالاسى بەيچۋان چياڭزۋ اۆتونوميالى اۋدانى شى - ي قىستاعىنىڭ مادەنيەت الاڭىندا تىزبەكتەلە ىلىنگەن تۇمشالامالى شامدار چياڭزۋ قورجالارىن نۇرلاندىرىپ، چياڭزۋ سۋىرتپاقتارى جەلمەن بىرگە جەلبىرەپ تۇر.
باس شۋجي شي جينپيڭمەن بەينە ەكران بايلانىسىنا شىققان كەزدەگى كورىنىستى قايتا ەسكە العاندا، شى - ي قىستاعى پارتيا ياچەيكاسىنىڭ شۋجيى چىن ايجۇن تەبىرەنىسىن جاسىرا المادى. ”باس شۋجي شي جينپيڭنىڭ شابىتتاندىرۋى مەن تىلەگى چياڭشان پەرزەنتتەرىنىڭ قويان جىلعى كوكتەم مەرەكەسى قارساڭىندا تاپسىرىپ العان ەڭ تاماشا، ەڭ اسەرلى، ەڭ باعالى جاڭا جىل تارتۋى بولدى“.
شى - ي قىستاعى شى - ي چياڭزۋ قورجاسى دەپ تە اتالادى، چياڭزۋ ۇلتى جان سانىنىڭ ％60ىن ۇستايدى، بۇل ارادا ءداستۇرلى چياڭزۋ قورجاسى قاراۋىلى سياقتى قۇرىلىستار ساقتالىپ، چياڭزۋ ۇلتىنىڭ ءداستۇرلى تۇرمىس ءتاسىلى جالعاسىپ كەلەدى. سوڭعى جىلداردان بەرى شى - ي قىستاعى چياڭزۋ ۇلتىنىڭ سالت - ساناسىن سەزىنۋ، جەمىس - جيدەك ءۇزۋ، شاي مادەنيەتىن زەرتتەۋ، ۇيرەنۋ سياقتى ساياحات نىساندارىمەن ۇشتاستىرىپ، مادەنيەت ساياحاتى ارقىلى قىستاقتى گۇلدەندىرۋ جولىن اشتى.
”جاڭا داۋىردەگى اۋىل - قىستاقتى گۇلدەندىرۋدە وزگەشە اۋىل شارۋاشىلىعى ونىمدەرى مەن اۋىل - قىستاق ساياحاتىن جاقسى ىستەۋ كەرەك، سىزدەر وتە جاقسى ۇلگىسىزدەر. كوپشىلىكتىڭ ۇزدىكسىز قۇلشىنىپ، العا ۇمتىلا بەرۋ ارقىلى اۋىل - قىستاقتى گۇلدەندىرۋ بارىسىندا جاڭا دا اناعۇرلىم زور ناتيجەگە قول جەتكىزىپ، بىرگە بايۋعا بىرگە قادام تاستاپ، تۇرمىستارىڭىزدى شالقىتا تۇسۋلەرىڭىزدى ءۇمىت ەتەمىن“. باس شۋجي شي جينپيڭنىڭ ”القاۋى“ جەرگىلىكتى قىستاق تۇرعىندارىنىڭ قايراتتارىن تاسقىنداتتى.
باس شۋجيدىڭ ءسوزىن تىڭداعاننان كەيىن، چياڭزۋ ازاماتى شاۋ چۋان تەبىرەنىسىن تەجەي الماي چياڭ سىبىزعىسىن تارتتى: ”مامىرلاعان بۇل مۋزيكا مەنىڭ جۇرەگىمدەگى ەڭ شىنايى سەزىمدى، باقىتتى دا تاماشا شاقتى بەينەلەدى. قىستاقتىڭ اۋىل - قىستاق ساياحاتى بارعان سايىن گۇلدەنىپ - كوركەيدى، بۇدان بىلاي سىرتقا شىعىپ جۇمىس ىستەمەيمىن، قىستاقتىڭ وزىندە تۇرىپ جاقسىلاپ جۇمىس ىستەيمىن“.
مەيىرىم مەن جىگەرلەندىرۋ جۇرەك تۇكپىرىنە جىلۋلىق جەتكىزدى؛ شىنايى تىلەك تىنباي ەكپىندەي ىلگەرىلەۋگە كۇش - قۋات ۇيىستىردى.
”پارتيا 20 - قۇرىلتايى اۋىل - قىستاقتىڭ گۇلدەنۋىن جاپپاي ىلگەرىلەتۋ مىندەتىن ورنالاستىردى. بيىل 20 - قۇرىلتاي رۋحىن دايەكتىلەندىرۋدىڭ باستاما جىلى. ءبىز باس شۋجيدىڭ شىنايى تاپسىرماسىن، ءسوزسىز، اقتاپ، قىزمەتتى تىڭعىلىقتى تىندىرىپ، ەرەكشەلىككە يە كاسىپ سالالارىن اناعۇرلىم ويداعىداي دامىتىپ، بۇقارانىڭ كىرىستەرىنىڭ اناعۇرلىم جوعارى، تۇرمىستارىنىڭ اناعۇرلىم جاقسى بولۋىنا مۇمكىندىك جاساپ، ناقتى ىستەۋدىڭ ناقتى ناتيجەسى ارقىلى پارتيا ورتالىق كوميتەتى مەن باس شۋجيدىڭ قامقورلىعىن، مول مەيىرىن اقتايمىز“، - دەدى چىن ايجۇن.
(شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى)
