جاڭا داۋىردەگى جاڭا جورىقتا كورىكتى شينجياڭدى قۇرۋعا قۇلشىنايىق
− اۆتونوميالى رايوندىق ەكى ءماجىلىستىڭ جەڭىسپەن جابىلعاندىعىن قىزۋ قۇتتىقتايمىز
بىلەك بىرىكسە، ءارقانداي اۋىرلىقتى كوتەرۋگە بولادى، تىلەك توعىسسا، تاۋدى دا كوشىرۋگە بولادى. بارلىق حالىق قۇرىلتايى ۋاكىلدەرىنىڭ جانە ساياسي كەڭەس مۇشەلەرىنىڭ بىرگە قۇلشىنۋىندا، اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسى مەن اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ءماجىلىسى ءتۇرلى كەڭەستىك تارتىپتەرىن تولىق ورىندادى، ءبىز ەكى ءماجىلىستىڭ جەڭىسپەن جابىلعاندىعىن قىزۋ قۇتتىقتايمىز! مىندەتىن اتقارىپ، جاۋاپكەرشىلىگىن ادا ەتكەن ۋاكىلدەرگە، مۇشەلەرگە وسكەلەڭ قۇرمەت بىلدىرەمىز!
اۆتونوميالى رايوندىق ەكى ءماجىلىس پارتيا 20 - قۇرىلتايىنىڭ رۋحىن جاپپاي، ىشكەرىلەي دايەكتىلەندىرىپ، حالىقتىڭ اقىل - پاراساتىن تولىق شوعىرلاندىرىپ، حالىق تىلەگىن جالپى بەتتىك بەينەلەدى، اۆتونوميالى رايوندىق ۇكىمەتتىڭ قىزمەت بايانداماسىن جانە باسقا ماڭىزدى باياندامالاردى، قارارلاردى قاراپ ماقۇلدادى، بۇدان بىلايعى 5 جىلداعى قىزمەتتىڭ جالپى تۇلعالىق وي جەلىسىن تۇراقتاندىرىپ، بيىلعى قىزمەتتەرگە ورنالاستىرۋ جاساپ، ءتۇرلى سايلاۋ مىندەتىن ءساتتى ورىنداپ، كورىكتى شينجياڭ قۇرۋعا پارمەندى ۇيىمدىق كەپىلدىك ازىرلەدى. ءماجىلىس كەزىندە، بۇكىل رايوننىڭ ءار كاسىپ، ءار سالاسىنان كەلگەن حالىق قۇرىلتايى ۋاكىلدەرى مەن ساياسي كەڭەس مۇشەلەرى نەگىزگى زاڭ مەن زاڭدار جۇكتەگەن ءتۇرلى قىزمەت جاۋاپكەرشىلىكتەرىن مۇقيات اتقارىپ، تاسقىنداعان مىندەت وتەۋ ىنتاسىمەن، كۇشتى جاۋاپكەرشىلىك ارقالاۋمەن سىندارلى اقىل - كەڭەس بەرىپ، ناقتى ىستەۋ شارالارىن كورسەتىپ، قايراتتانا ىسكەرلىك كورسەتەتىن، اسقاق جىگەرمەن العا ۇمتىلاتىن رۋحاني بەت - بەينەنى ايگىلەدى.
ۋاقىت − ۇلى ەستەلىككە الۋشى ءارى توتەنشە كەرەمەت كۇرەس بارىسىنىڭ كۋاگەرى. وتكەن 5 جىلدا رايونىمىز ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا كورنەكتى ناتيجەگە قول جەتكىزىپ، قوعامى ورنىقتى، ۇلتتارى ىنتىماقتى، ءدىن جاراسىمدى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالاندى. ەندى عانا وتكەن 2022 - جىلدا بۇكىل رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن جاپپاي ىشكەرىلەي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىعارىپ، كورىكتى شينجياڭ قۇرۋدىڭ جاڭا جورىعىنا قادام باستى. بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىنىڭ ناتيجەسى، ورتالىق پەن مەملەكەت ورگاندارىنىڭ، ورتالىقتاعى كاسىپورىنداردىڭ زور كۇشپەن قولداۋىنىڭ جانە شينجياڭعا كومەكتەسكەن ولكە - قالالاردىڭ قالتقىسىز كومەگىنىڭ ناتيجەسى، بۇكىل رايونداعى ءار ۇلت حالقىنىڭ بىرگە ىنتىماقتاسا كۇرەس جۇرگىزۋىنىڭ ناتيجەسى ءارى حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ، سونداي - اق قوعامداعى ءار سالانىڭ قاجىرلىلىقپەن قۇلشىنۋىنىڭ ارقاسى.
بۇدان كەيىنگى 5 جىل − ءبىزدىڭ پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدا باستاما اشاتىن، قادام باساتىن ماڭىزدى كەزەڭ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرەتىن، تياناقتاندىراتىن، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرەتىن شەشۋشى مەزگىل. ءبىز بۇدان كەيىنگى 5 جىلدىق دامۋدىڭ جالپى تۇلعالىق وي جەلىسى مەن نىسانا - مىندەتىن مىقتاپ يگەرىپ، شينجياڭنىڭ رەفورما، دامۋ، ورنىقتىلىق قىزمەتتەرىن تىڭعىلىقتى ويداعىداي ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋىمىز كەرەك.
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرەتىن، تياناقتاندىراتىن، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن ماڭىزدى جىل، رايونىمىزدىڭ ەكونوميكالىق، قوعامدىق دامۋ نىسانا - مىندەتتەرى تۇراقتانىپ بولدى. ءبىز ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، اقىل - پاراساتتى ءبىر اراعا توپتاپ، بولاتتاي بەرىك سەنىممەن، ۋاقىتپەن جارىساتىن ارىنمەن، قايتپاس قاجىرلىلىقپەن، زەيىن - زەردەنى، كۇش - قۋاتتى ۇيىستىرىپ، ءتۇرلى نىسانالاردى تاماشا رەالدىققا اينالدىرۋىمىز كەرەك.
”ەڭ قيىن ىستەردى ىستەگەندە عانا، ەڭ بيىك مۇراتقا تالپىنۋعا بولادى“. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان - اياق ساقتاۋىمىز كەرەك. شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىنان بۇلجىماي، ستراتەگيالىق ورايدى مىقتى يگەرىپ، بايلىق ارتىقشىلىعىنان ويداعىداي پايدالانىپ، ەكونوميكانىڭ جوعارى ساپالى دامۋىن جەدەل ىلگەرىلەتۋىمىز كەرەك. جالپى بارىستىق حالىق دەموكراتياسىن بەلسەنە امالياتتا ايگىلەپ، حالىقتىڭ تىلەگىنە قۇلاق اسىپ، حالىقتىڭ اقىل - پاراساتىن شوعىرلاندىرىپ، حالىقتىڭ كۇش - قۋاتىن ۇيىستىرىپ، قالىڭ كادرلاردىڭ، بۇقارانىڭ ورنىقتىلىقتى ساقتاۋداعى، دامۋدى جوسپارلاۋداعى، رەفورمانى جەبەۋدەگى بەلسەندى رولىن مۇمكىندىكتىڭ بارىنشا شوعىرلاندىرۋ، قاۋلاتۋ كەرەك. كۇرەس جۇرگىزۋدىڭ اسقاق جىگەرىن قاۋلاتىپ، كۇرەس جۇرگىزۋ رۋحىن شىڭداپ، ”نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن“ قاھارماندىق جىگەردى ساقتاپ، ”اي - كۇنگە ءامىر شاشا الامىز، جاڭارتۋعا كوك ءجۇزىن“ دەيتىن اسقاق جاۋىنگەرلىك جالىندى مازداتىپ، تياناقتاندىرۋدى بارىن سالا يگەرىپ، بىلەك سىبانا قايراتتانا ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋ جولىندا ىنتىماقتاسا كۇرەس جۇرگىزۋ كەرەك.
جاڭا جورىقتىڭ دابىلى قاعىلدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، سەنىمدى بەكەمدەپ، ەرلىكپەن العا باسۋىمىز، ۋاقىتپەن جارىسىپ، تاريحپەن تەڭ ىلگەرىلەپ، اۆتونوميالى رايوندىق ەكى ءماجىلىستىڭ رۋحىن ءىس جۇزىندىك ارەكەتكە اينالدىرىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋعا، قادامىن جاقسى باسۋعا شينجياڭ ۇلەسىن قوسۋىمىز كەرەك.
