تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ تولىق داۋىسپەن سايلاندى

  جياڭسۋ 14 - كەزەكتى مەملەكەتتىك حالىق قۇرىلتايى ۋاكىلدەرىن سايلاپ شىقتى

  شي جينپيڭ تولىق داۋىسپەن سايلاندى

  شينحۋا اگەنتتىگىنىڭ 1 - ايدىڭ 19 - كۇنى نانجيڭنەن بەرگەن حابارى. 1 - ايدىڭ 15 - كۇنىنەن 19 - كۇنىنە دەيىن جياڭسۋ ولكەلىك 14 - كەزەكتى حالىق قۇرىلتايىنىڭ 1 - ءماجىلىسى نانجيڭدە اشىلدى، ءماجىلىس جياڭسۋ ولكەسىنىڭ 14 - كەزەكتى مەملەكەتتىك حالىق قۇرىلتايى ۋاكىلدەرىن سايلاپ شىقتى، جياڭسۋدا سايلاۋعا قاتىناسقان ورتالىق كورسەتكەن ۋاكىل كانديداتى شي جينپيڭ جولداس تولىق داۋىسپەن 14 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى.

  جياڭسۋ ولكەلىك 14 - كەزەكتى حالىق قۇرىلتايىنىڭ 1 - ءماجىلىسى 1 - ايدىڭ 19 - كۇنى تۇستەن بۇرىن ءۇشىنشى جالپى جيىنىن وتكىزىپ، جياڭسۋ ولكەسىنەن 14 - كەزەكتى مەملەكەتتىك حالىق قۇرىلتايىنا قاتىناساتىن 144 ۋاكىلدى سايلاپ شىقتى. جيىن شي جينپيڭ جولداستىڭ تولىق داۋىسپەن سايلانعاندىعىن جاريالاعاندا، بارلىق ۋاكىل ورىندارىنان تۇردى، نايزاعايداي شاتىرلاعان شاپالاق ءۇنى بۇكىل الاڭدى كەرنەپ، ۇزاققا دەيىن تولاستامادى. ۋاكىلدەر شەكسىز اسەرلى سەزىممەن وسى ءبىر تاريحي ساتكە بىرگە كۋا بولدى.

  ”حالىق كوسەمى حالىقتىڭ ءۇمىتىن اقتادى، ميلليارد حالىق كوسەمدى قادىرلەدى“! ۋاكىلدەر جابال مىنالاردى ءبىلدىردى: جاڭا داۋىرگە قادام تاستاعاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جياڭسۋ باس شۋجي كەسكىندەگەن ”ەكونوميكاسى قۋاتتى، بۇقاراسى باي، ورتاسى كوركەم، قوعامنىڭ وركەنيەت دەڭگەيى جوعارى بولۋ“ ايبىندى جوباسى بويىنشا، بۇكىل ەل حالقىمەن بىرگە ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ ۇلى امالياتىن تىزە قوسا ىلگەرىلەتتى. باس شۋجي شي جينپيڭنىڭ تولىق داۋىسپەن مەملەكەتتىك حالىق قۇرىلتايىنىڭ ۋاكىلى بولىپ سايلانۋى − جياڭسۋ ولكەسىندەگى 800دەن استام حالىق قۇرىلتايى ۋاكىلىنىڭ ورتاق تىلەگى بولىپ، 85 ميلليوننان استام جياڭسۋ پەرزەنتتەرىنىڭ شىن جۇرەكتەن قولدايتىندىعىن ايگىلەدى، بۇعان بۇكىل ەلدەگى ءبىر ميلليارد 400 ميلليوننان استام ءار ۇلت حالقىنىڭ ۇلى گۇلدەنۋگە جول باستاۋشىعا تىعىز ىلەسىپ، تاماشا بولاشاقتى قۇلشىنا اشۋ بەرىك سەنىمى سىڭىرىلگەن.

  ”پارتيا 18 - قۇرىلتايىنان بەرى، ءار رەتكى شەشۋشى ساتتەردە، ماڭىزدى مەزەتتەردە باس شۋجي شي جينپيڭ جياڭسۋ ءۇشىن ءوزى تىكەلەي جول كورسەتىپ، باعدار بەلگىلەپ، جياڭسۋعا 3 رەت كەلىپ قىزمەت تەكسەرىپ، تالاي رەت ماڭىزدى نۇسقاۋ بەردى، بەكىتۋ جاسادى. وسى رەت جياڭسۋدا سايلاۋعا قاتىناسۋى باس شۋجي مەن پارتيا ورتالىق كوميتەتىنىڭ جياڭسۋداعى كادرلار مەن بۇقاراعا دەگەن اسا زور سەنىمى، بارىنشا شابىتتاندىرۋى، ايرىقشا قامقورلىق جاساۋى سانالادى، ءبىز مۇنى شەكسىز داڭق، شەكسىز قۋانىش، شەكسىز ماقتانىش سەزىنەمىز“. ۋاكىلدەر بىلاي دەپ قارادى: باس شۋجي شي جينپيڭنىڭ جياڭسۋدا سايلاۋعا قاتىناسۋى پارتيانى جاپپاي قاتاڭ باسقارۋدى بۇلجىماي ىلگەرىلەتۋدىڭ، جاڭا جاعدايداعى پارتيانىڭ ىشكى ساياسي تۇرمىسىن كۇشەيتۋدىڭ جانە ارناعا ءتۇسىرۋدىڭ، جالپى بارىستىق حالىق دەموكراتياسىن دامىتۋدىڭ جاندى امالياتى، پارتيا ورتالىق كوميتەتىنىڭ چاڭجياڭ ەكونوميكالىق بەلدەۋىنىڭ دامۋى، چاڭجياڭ اتىراۋىنىڭ ءبىر تۇلعالانىپ دامۋى سياقتى مەملەكەتتىڭ كەلەلى دامۋ ستراتەگيالارىن ىشكەرىلەي ىلگەرىلەتىپ، رەفورمانى كىدىرتپەۋگە، ەسىك اشۋدى توقتاتپاۋعا تاباندى بولىپ، جاڭا دامۋ ارناسىن كۇش سالا قالىپتاستىرىپ، جوعارى ساپالى دامۋدى ىلگەرىلەتۋدەگى بەرىك سەنىمىن تولىق ايگىلەدى.

  ايبىندى دا قاسيەتتى ءبىر بەلەتىن تاستاعان جياڭسۋ ولكەلىك حالىق قۇرىلتايىنىڭ ۋاكىلى، جىنجياڭ قالاسىنىڭ دان - ياڭ قالاسى ارليڭ قالاشىعى ارچىڭ قىستاق پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جوۋ جۇڭياڭنىڭ كوڭىلى كولدەي تولقىپ، ەرەكشە تەبىرەندى. ”باس شۋجي شي جينپيڭ 2014 - جىلى جياڭسۋدا قىزمەت تەكسەرگەن كەزدە ’پارتيانى جاپپاي قاتاڭ باسقارۋدى‘ تۇڭعىش رەت ورتاعا قويعان بولاتىن، ۇزاق جىلدىق شىڭدالۋدان كادرلار مەن بۇقارانىڭ بايلانىسى ءتىپتى دە قويۋلاپ، پارتيا ۇيىمدارىنىڭ بەدەلى ءتىپتى دە جوعارىلاپ، ءبىزدى باستاپ كەدەيلىكتەن ارىلتۋدان قامال الىپ، اۋىل - قىستاقتى گۇلدەندىرىپ، تۇرمىسىمىزدى بارعان سايىن شالقىتتى. اۋىلداستار ءبىر نيەتپەن باس شۋجيگە ىلەسىپ، پارتيا ورتالىق كوميتەتىنە ىلەسىپ، ارىندى، ءۇمىتتى، تابىستى بولدى“!

  ”باس شۋجيدىڭ تولىق داۋىسپەن سايلانعاندىعىن ەستىپ، شەكسىز تەبىرەندىم“. جياڭسۋ ولكەلىك حالىق قۇرىلتايىنىڭ ۋاكىلى، شۇيكۋاڭ توبى جياڭسۋ حۋامەي جىلۋ ەلەكترى شەكتى سەرىكتەستىگى حاۋىپسىزدىك باقىلاۋ ءبولىمىنىڭ تەحنيگى ليۋ لەي بىلاي دەدى: ”پارتيا 19 - قۇرىلتايىنان كەيىن، باس شۋجي شۇيجوۋعا كەلىپ قىزمەت تەكسەرىپ، ناقتى ەكونوميكانى دامىتۋدى، زورايتۋدى باسا دارىپتەپ، ەڭبەك ەرلەرى، تەحنيكالىق شەبەرلەر سياقتى جۇمىسشى - قىزمەتكەرلەردىڭ ۋاكىلدەرىمەن ىقىلاستى امانداسىپ، كوپشىلىكتى جۇڭگو ارمانىن جۇزەگە اسىرۋ جولىنداعى كۇرەستە كەرەمەت جاراتۋعا تالپىنۋعا شابىتتاندىرىپ، بىزگە مول مەيىر سيلاپ، تەرەڭ شابىت بەردى. ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، ارىندى ارتتىرا ءتۇسىپ جاڭالىق اشىپ، قيىن قامالداردى الىپ، ءتىپتى دە كوپ تەحنيكالىق سەرپىلىسكە قول جەتكىزۋگە كۇش سالىپ، جۇڭگونىڭ جاساۋ كاسىبىنە كۇش قوسامىز“.

  باس شۋجي شي جينپيڭ ۇلكەن كانال مادەنيەت بەلدەۋى قۇرىلىسىنا باستان - اياق كوڭىل ءبولىپ: ”ۇلكەن كانال − ەكى جاعالاۋ حالقىنىڭ بايۋ كانالى، باقىت كانالى“، - دەپ اتاپ كورسەتتى. جياڭسۋ ولكەلىك حالىق قۇرىلتايىنىڭ ۋاكىلى، ياڭجوۋ قالالىق مادەنيەت، راديو - تەلەۆيزيا جانە ساياحات مەكەمەسىنىڭ ورىنباسار باستىعى لي جىڭچىڭ بۇل جونىندە تەرەڭ اسەر الدى. ”مادەنيەت قىزمەتكەرى رەتىندە، ۇلكەن كانالدىڭ سۋىن ءىشىپ ەسەيگەن ياڭجوۋلىق رەتىندە، باس شۋجيدىڭ ماڭىزدى نۇسقاۋىن ويداعىداي تياناقتاندىرىپ، تاريحتىڭ مادەنيەت تامىرىن تەرەڭدەي اشىپ جانە جالعاستىرىپ، بۇقارانىڭ ءشولىن قاندىرعان سۋ جۇلگەسىن قورعاپ، ۇلكەن كانالدىڭ سۋىنىڭ تۇنىق، جاعالاۋىنىڭ جاسىل، ومىرشەڭدىككە تولى بولۋىنا مۇمكىندىك جاساۋدا اناعۇرلىم جاۋاپكەرشىلىگىم بار“.

  جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋدا جياڭسۋ باس شۋجي شي جينپيڭ جۇكتەگەن ”رەفورما جاساپ، جاڭالىق اشۋدا، جوعارى ساپالى دامۋدى ىلگەرىلەتۋدە ونەگە كورسەتۋگە قۇلشىنىپ، بۇكىل ەلدىڭ جاڭا دامۋ ارناسىن قالىپتاستىرۋىنا قىزمەت وتەۋدە ۇلگى بولۋعا تالپىنىپ، سوتسياليستىك وسىزامانداندىرۋدى الدىمەن جۇزەگە اسىرۋدا الدىڭعى لەكتە جۇرۋدەي“ داڭقتى بورىش ارقالاۋدا. ۋاكىلدەر جابال مىنالاردى ءبىلدىردى: باس شۋجيدىڭ جياڭسۋدا سايلاۋعا قاتىناسقان ءارى تولىق داۋىسپەن مەملەكەتتىك حالىق قۇرىلتايىنىڭ ۋاكىلى بولىپ سايلانعان قۋانىشتى حاباردى الا قايتىپ، قالىڭ كادر مەن بۇقارانى پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ جياڭسۋداعى جاڭا امالياتىن ارقاۋ ەتىپ، قۇلشىنا الدا ءجۇرىپ، كەلەلى مىندەت ارقالاپ، كوپتەپ ۇلەس قوسىپ، ءىس جۇزىندىك ارەكەتتەرىمەن جانە شىنايى ناتيجەلەرىمەن جاڭا بورىش ارقالاپ، جاڭا تاراۋ جازۋعا شابىتتاندىرامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.