تيانشان تورى
تيانشان تورى   ›   جاڭالىقتار   ›   شينجياڭ حابارلارى

پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا پارمەندى قامتاماسىزدىق ازىرلەۋ كەرەك

  ما شيڭرۇي اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە بىلاي دەپ باسا دارىپتەدى

  پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا پارمەندى قامتاماسىزدىق ازىرلەۋ كەرەك

  ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى

  1 - ايدىڭ 19 - كۇنى اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.

  □سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ليۋ شياڭ 1 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 19 - كۇنى تۇستەن بۇرىن اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىنە قاتىناستى ءارى ءسوز سويلەدى. ول بىلاي دەپ باسا دارىپتەدى: ”ەكىنى تۇراقتاندىرۋدى“ تاباندىلىقپەن قورعاپ، ”ەكىنى قورعاۋدى“ باتىل ورىنداپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، 20 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرۋعا پارمەندى قامتاماسىزدىق ازىرلەۋ كەرەك.

  اۆتونوميالى رايون باسشىلارىنان ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى تيان شياڭلي ءماجىلىستى باسقاردى.

  ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندەگى ماڭىزدى ءسوزى ءىرى پارتياعا عانا ءتان قيىن ماسەلەلەردىڭ قالىپتاسۋ سەبەبىنە، نەگىزگى بەينەسىنە جانە شەشۋ جولدارىنا تەرەڭدەي تالداۋ جاساپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ نىسانا - مىندەتتەرىن، امالياتتىق تالاپتارىن تەرەڭدەي بايىمدادى، پارتيانى جاپپاي قاتاڭ باسقارۋدى بۇلجىتپاي ىلگەرىلەتۋ جونىندە ستراتەگيالىق ورنالاستىرۋ جاسادى، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ءتۇبىرلى بويسۇنۋ ولشەمى جانە جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنىڭ ءتۇبىرلى جەتەكشىسى. بۇكىل رايونداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى ساياسي دەڭگەيدى شىنايى جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، قاي - قاشان دا پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتىنا، امان - ساۋلىعىنا ساياتىن ساياسي تۇرعىدا تۇرىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋ كەرەك.

  ما شيڭرۇي وتكەن ءبىر جىلداعى بۇكىل رايونداعى ءتارتىپ تەكسەرۋ، باقىلاۋ - تەكسەرۋ قىزمەتى قول جەتكىزگەن جاڭا ىلگەرىلەۋشىلىكتەردى، جاڭا تابىستاردى تولىق تۇراقتاندىردى. ول بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ۇزاق ۋاقىتتىق كەلەلى ساياسي مىندەت ەتۋگە تاباندى بولىپ، 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، رايونىمىزدىڭ پارتيا ستيلى، پاكتىك قۇرىلىسى، شىرىكتەسۋگە قارسى تۇرۋ كۇرەسى ءدوپ كەلگەن جاعدايدى، مىندەتتى سەرگەكتىكپەن تانىپ، پارتيانى جاپپاي قاتاڭ باسقارۋ ستراتەگيالىق ورنالاستىرۋىن بۇلجىتپاي دايەكتىلەندىرۋ كەرەك. ساياسي باقىلاۋدى كۇش سالا كۇشەيتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن باتىل قورعاپ، قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ؛ ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ىلگەرىلەتىپ، ءتۇيىندى ادامداردى، ءتۇيىندى ىستەردى قاداعالاپ، ساياسي ءتارتىپ پەن ساياسي قاعيدانى قاتايتىپ، ساياسي شارلاۋدىڭ وتكىر سەمسەرلىك رولىن ساۋلەلەندىرىپ، پارتيا 20 - قۇرىلتايىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانىپ ونىمدىلىك كورسەتۋىن پارمەندى قامتاماسىز ەتۋ كەرەك. قاجىرلىلىقپەن ”ءتورت بۇرىس ستيلدى“ تۇزەتۋگە، جاڭا سالت ورناتۋعا تاباندى بولىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن مىزعىماستان تياناقتاندىرىپ، شەگە قاعۋ رۋحىمەن ”ءتورت بۇرىس ستيلدى“ تۇزەتىپ، فورماشىلدىقتى، تورەشىلدىكتى كورنەكتى تۇزەتىپ، اۋىل - قىستاقتى گۇلدەندىرۋ، حالىق تۇرمىسى سياقتى سالالارداعى شىرىكتەسۋ جانە ستيل ماسەلەلەرىن ارناۋلى وڭاۋدى تەرەڭدەتىپ، بۇقارانىڭ مۇددەسىنە زيان جەتكىزەتىن، بۇقارانىڭ اۋىرتپالىعىن كۇشەيتەتىن، بۇقارانىڭ نارازىلىعىن قوزعايتىن ماسەلەلەردى وڭاپ، تاماشا پارتيا ستيلىمەن قوعامدىق سالتقا، حالىقتىق سالتقا جەتەكشىلىك ەتۋ كەرەك. ءتارتىپ قۇرىلىسىن كورنەكتىلەندىرىپ، ويداعىداي يگەرىپ، پارتيا ۆستاۋىنا قاتاڭ بويسۇنىپ جانە ونى قورعاپ، پارتيا ىشىندەگى زاڭ ەرەجەنىڭ بەدەلى مەن اتقارۋ قابىلەتىن كۇشەيتىپ، ءتارتىپ تاربيەسىن كۇش سالا كۇشەيتۋ؛ ”ءتورت ءتۇرلى فورماتسيانى“ قولدانۋدى تەرەڭدەتىپ، قاتاڭ باسقارۋ مەن كۇيىنۋدى ۇشتاستىرىپ، شابىتتاندىرۋ مەن تەجەۋگە تەڭ ءمان بەرىپ، پارتيالى كادرلاردىڭ بەلسەندىلىگىن، ىرىقتىلىعىن، جاسامپازدىعىن قاۋلاتۋ كەرەك. شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتىپ، شىرىكتەسۋگە باتىلدىق ەتكىزبەۋدە قىسىمدى ءۇرتىس ارتتىرىپ، شىرىكتەسۋگە مۇمكىندىك بەرمەۋدى تەرەڭدەتىپ، كەڭەيتىپ، شىرىكتەسۋدى ويىنا الدىرماۋدى بەكەمدەپ، جوعارىلاتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءونىمدى ساباقتاستىرىپ، ءبىر باعىتتا كۇش جۇمساپ، جان - جاقتى كۇش سالىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جەڭىسىنە باتىل قول جەتكىزۋ كەرەك. پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، مازمۇن جاعىندا جاپپاي قامتۋعا، وبيەكتى جاعىندا جاپپاي قامتۋعا، جاۋاپكەرشىلىك جاعىندا تۇتاس تىزبەكتى بولۋعا، ءتۇزىم جاعىندا جاپپاي تۇتاستىرۋعا تاباندى بولىپ، پارتيا ىشىندەگى باقىلاۋدى جانە وزگە دە ءتۇرلى باقىلاۋدى ساباقتاستىرۋدى، سايكەستىرۋدى ىلگەرىلەتىپ، ءتۇزىم ابزالدىلىعىن باسقارۋ ونىمدىلىگىنە اناعۇرلىم ويداعىداي اينالدىرۋ كەرەك.

  ما شيڭرۇي بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، ”شەشۋشى ازشىلىقتى“ مىقتاپ ۇستاپ، جوعارى تومەنگە ونەگە كورسەتىپ، ءار دارەجەلى پارتكومداردىڭ (پارتيا باسشىلىق گرۋپپاسى) پارتيانى جاپپاي قاتاڭ باسقارۋداعى تۇلعالىق جاۋاپكەرشىلىگىن، پارتكوم (پارتيا باسشىلىق گرۋپپاسى) شۋجيلەرىنىڭ ءبىرىنشى جاۋاپتى ادام جاۋاپكەرشىلىگىن جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنىڭ باقىلاۋ ءبىرىنشى جاۋاپكەرشىلىگىن قاتاڭ تياناقتاندىرۋ كەرەك. ءار دارەجەلى پارتكومدار ءتارتىپ تەكسەرۋ، باقىلاۋ - تەكسەرۋ قىزمەتىنە باسشىلىعىن كۇشەيتۋ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى قىزمەتتى ارناعا ءتۇسىرۋ، زاڭمەن باسقارۋ، جۇيەلىلەندىرۋ دەڭگەيىن ۇزدىكسىز جوعارىلاتىپ، پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ جاڭا جاعدايىن اشۋ كەرەك.

  تيان شياڭلي ءماجىلىستى باسقارعاندا بىلاي دەپ اتاپ كورسەتتى: بۇكىل رايونداعى ءار دارەجەلى پارتيا ۇيىمدارى مەن پارتيالى باسشى كادرلار پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باتىل ارقالاپ، پارتيانى جاپپاي قاتاڭ باسقارۋدىڭ ماڭگى جالعاسۋىنا، پارتيانىڭ وزىنە - ءوزى توڭكەرىس جاساۋىنىڭ ماڭگى جالعاسۋىنا دەگەن سەرگەكتىك پەن تاباندىلىقتى قاي - قاشان دا ساقتاپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن ىشكەرىلەي ورىستەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى مەن قالىڭ ءتارتىپ تەكسەرۋ، باقىلاۋ - تەكسەرۋ كادرلارى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى مىقتاپ ارقاۋ ەتىپ، قاتاڭدىق سىندى نەگىزگى اۋەنمەن ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىشكەرىلەي ىلگەرىلەتىپ، ءىس جۇزىندىك ارەكەتپەن ادالدىقتى، كىرشىكسىزدىكتى، جاۋاپكەرشىلىكتى امالياتتا ايگىلەۋ كەرەك.

  اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى 1 - ايدىڭ 19 - كۇنى اشىلدى. اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 19 - كۇنى تۇستەن بۇرىن تيان شياڭلي اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيانى جاپپاي قاتاڭ باسقارۋدى بۇلجىماي ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا پارمەندى قامتاماسىزدىق ازىرلەيىك» دەگەن تاقىرىپتا قىزمەت بايانداماسىن جاسادى.

  ليۋ لين، جاڭ جۋ، چىن ۋيجۇن، ۋاڭ ميڭشان، ۋاڭ جيانشين، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، بيڭتۋان باسشىلىق القاسىنىڭ قۇرامىنداعىلار، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسىنىڭ قۇرامىنداعىلار، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ءارقايسى ايماق، وبلىس، قالاداعى، اۋدان، قالا، رايونداعى، بيڭتۋاننىڭ ءارقايسى شى، قالالارىنداعى نەگىزگى جاۋاپتى جولداستار جانە ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسىنىڭ قۇرامىنداعىلار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.