جاڭا جورىقتا پارتيانى جاپپاي قاتاڭ باسقارۋدىڭ جاڭا تاراۋىن جازايىق
□ گازەتىمىزدىڭ شولۋشىسى
جۇڭگونىڭ ءىسىن ويداعىداي تىندىرۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا. اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، 20 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، رايونىمىزدىڭ 2022 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن قورىتىندىلاپ، 2023 - جىلعى قىزمەت مىندەتتەرىن ورنالاستىردى. ءماجىلىستىڭ اشىلۋى پارتيانى جاپپاي قاتاڭ باسقارۋدى بۇلجىماي ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرۋعا پارمەندى قامتاماسىزدىق ازىرلەۋ جونىنەن ماڭىزدى مانگە يە.
پارتيانى جاپپاي قاتاڭ باسقارۋ جاڭا داۋىردەگى پارتيانىڭ وزىنە - ءوزى توڭكەرىس جاساۋىنىڭ ۇلى امالياتى، جاڭا داۋىردەگى پارتيا قۇرىلىسىنىڭ ايقىن باستى تاقىرىبى. باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزى ءىرى پارتياعا عانا ءتان قيىن ماسەلەلەردىڭ قالىپتاسۋ سەبەبىنە، نەگىزگى بەينەسىنە جانە شەشۋ جولدارىنا تەرەڭدەي تالداۋ جاساپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ نىسانا - مىندەتتەرىن، امالياتتىق تالاپتارىن تەرەڭدەي بايىمدادى، پارتيانى جاپپاي قاتاڭ باسقارۋدى بۇلجىتپاي تەرەڭدەي ىلگەرىلەتۋ جونىندە ستراتەگيالىق ورنالاستىرۋ جاسادى، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ءتۇبىرلى بويسۇنۋ ولشەمى، جاڭا داۋىردەگى جاڭا جورىقتا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنىڭ ءتۇبىرلى جەتەكشىسى. بۇكىل رايونىمىزداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى جاڭا جورىقتا پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتۋ كەرەك.
2022 - جىلى بۇكىل رايونىمىزداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، ەشقاشان توقتاماي ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، بۇكىل رايوننىڭ ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىندا جاڭا ىلگەرىلەۋشىلىككە، جاڭا تابىسقا قول جەتكىزۋىن ىلگەرىلەتتى. ايتسە دە ءبىز كەزەكتە پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ءدوپ كەلگەن جاعدايدىڭ ءالى دە قاتاڭ دا كۇردەلى ەكەندىگىن، مىندەتتەردىڭ ءالى دە جاپالى دا اۋىر ەكەندىگىن، پارتيانى باسقارۋدى، پارتيانى جونگە سالۋدى ءبىر ءسات تە بوساڭسىتۋعا بولمايتىندىعىن، ءسوزسىز، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋ كەرەكتىگىن سەرگەكتىكپەن تانۋىمىز كەرەك.
باستاما جالپى جاعدايعا سايادى، العاشقى قادام سوڭعى بارىستى بەلگىلەيدى. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، ”14 - بەسجىلدىق“ جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى ءبىر جىل، جاپپاي سوتسياليستىك وسىزاماندانعان مەملەكەت قۇرۋعا نەگىز قالايتىن ماڭىزدى ءبىر جىل، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ ەرەكشە مانگە يە، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن ويداعىداي ىستەۋدىڭ جاۋاپكەرشىلىگى اۋىر، بورىشى داڭقتى. ءبىز ساياسي دەڭگەيدى جوعارىلاتىپ، ساياسي جاۋاپكەرشىلىكتى كۇشەيتىپ، پارمەندى ساياسي باقىلاۋمەن پارتيا 20 - قۇرىلتايىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانىپ، ونىمدىلىك كورسەتۋىن بار كۇشپەن قامتاماسىز ەتۋىمىز؛ قاجىرلىلىقپەن ”ءتورت بۇرىس ستيلدى“ تۇزەتىپ، جاڭا سالت ورناتىپ، تاماشا پارتيا ستيلىمەن قوعامدىق سالتتى، حالىقتىق سالتتى ىلگەرى باسۋعا، جاقسارۋعا جەتەكتەۋىمىز؛ ءتارتىپ قۇرىلىسىنىڭ ۇنەمى يگەرىلۋىن، كۇندەلىكتى قاتاڭ بولۋىن ىلگەرىلەتىپ، پارتيا قاعيداسىنىڭ، پارتيا ەرەجەسىنىڭ جۇرەككە جازىلۋىنا، تەجەمدىك قۇرالدىڭ دايىن بولۋىنا شىنايى كەپىلدىك ەتۋىمىز؛ شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جەڭىسىنە باتىل قول جەتكىزۋىمىز؛ پارتيانىڭ وزىنە - ءوزى توڭكەرىس جاساۋ ءتۇزىمىن ولشەمدەستىرۋ جۇيەسىن كەمەلدەندىرىپ، پارتيا مەن حالىق بەرگەن ۇقىقتىڭ قاي - قاشان دا دۇرىس ارنادا جۇرگىزىلۋىنە شىنايى كەپىلدىك ەتۋىمىز كەرەك.
پارتيانى جاپپاي قاتاڭ باسقارۋ ماڭگى جالعاسادى. بۇكىل رايونىمىزداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى پارتيانى باسقارۋدىڭ، پارتيانى جونگە سالۋدىڭ جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتىپ، ۇيىمدىق باسشىلىقتى شىنايى كۇشەيتىپ، ”شەشۋشى ازشىلىقتى“ مىقتى ۇستاپ، جوعارى - تومەنگە ونەگە بولىپ، پارتيانى جاپپاي قاتاڭ باسقارۋدىڭ ساياسي جاۋاپكەرشىلىگىن قاتاڭداستىرىپ، ناقتىلاندىرىپ، پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىنىڭ جاڭا جاعدايىن قۇلشىنا اشۋ كەرەك.
پارتيانى جاپپاي قاتاڭ باسقارۋ − پارتيانىڭ ومىرشەڭدىگىن ماڭگى ساقتاۋدا، جاڭا ەمتيحان تاپسىرۋ جولىمەن ويداعىداي جۇرۋدە، ءسوزسىز، باسىپ وتەتىن جول. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، پارتيا قۇرۋ ۇلى رۋحىن جانە وزىنە - ءوزى توڭكەرىس جاساۋ رۋحىن اسقاقتاتىپ، جاڭا جورىقتا پارتيانى جاپپاي قاتاڭ باسقارۋدىڭ جاڭا تاراۋىن ويداعىداي جازىپ، كورىكتى شينجياڭ قۇرۋعا جاڭا ۇلەس قوسايىق!
