اۆتونوميالى رايوندىق پارتكوم اسكەري ىستەردى كەڭەسۋ ءماجىلىسىن اشتى
ما شيڭرۇي، ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق پارتكوم 1 - ايدىڭ 19 - كۇنى تۇستەن كەيىن اسكەري ىستەردى كەڭەسۋ ءماجىلىسىن اشتى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايون باسشىلارىنان ءزۇمىرات وبۇل، نۇرلان ءابىلماجىن، لي يفي، جاڭ چۇنلين قاتارلىلار ماجىلىسكە قاتىناستى.
ما شيڭرۇي سوزىندە بىلاي دەپ اتاپ كورسەتتى: ءبىر جىلدان بەرى، شينجياڭدا تۇراتىن اسكەري بولىمدەر شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، ءتوراعا شي جينپيڭنىڭ شينجياڭدى كوزدەن كەشىرگەندە، شينجياڭدا تۇراتىن اسكەري بولىمدەردەگى وفيتسەر - اسكەرلەر ۋاكىلدەرىن قابىلداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن تىعىز ارقاۋ ەتىپ، ساياسي جاقتان ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋگە، زاڭ بويىنشا ارميانى باسقارۋعا تاباندى بولىپ، ۇيتقىنى قورعاۋدا اناعۇرلىم بەرىك بولىپ، اسكەر جاتتىقتىرىپ، سوعىسقا دايىندالۋدا اناعۇرلىم بەلسەندى بولىپ، رەفورمانى تەرەڭدەتۋدە اناعۇرلىم تىڭعىلىقتى بولىپ، ارميا مەن حالىقتىڭ توعىسۋىن اناعۇرلىم تەرەڭدەتىپ، شەكارانى نىعايتۋ، قورعانىستى بەكەمدەۋ، شينجياڭدى ورنىقتىرۋ، شينجياڭدى گۇلدەندىرۋ بورىشى مەن مىندەتىن ءونىمدى اتقاردى.
ما شيڭرۇي بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جەتەكشى ەتۋگە تاباندى بولىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، تومەنگى شەكتە ويلاۋعا تاباندى بولىپ، كۇرەسكەرلىك رۋحتى اسقاقتاتىپ، ءسوزسىز، جەڭىسكە جەتۋ سەنىمىن بەكەمدەپ، پارتيا مەن حالىق جۇكتەگەن ءتۇرلى مىندەتتەردى باتىل ويداعىداي ورىنداپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن ويداعىداي جازۋعا جاڭا دا اناعۇرلىم زور ۇلەس قوسۋ كەرەك. پارتيانىڭ ارمياعا شارتسىز باسشىلىعىنا تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىل ورىنداپ، قارۋلى كۇشتەردى پارتيا باسقارۋ ءتۇبىرلى پرينسيبىن مىقتاپ يگەرىپ، قارۋلى كۇشتەردى پارتيا باسقارۋ ساياسي جاۋاپكەرشىلىگىن اتقارىپ، ۇيتقىنى باتىل قورعاۋدىڭ، قولباسشىلىققا باتىل قۇلاق اسۋدىڭ يدەيالىق - ساياسي نەگىزىن بەكەمدەۋ؛ مەملەكەت قورعانىسىنا جۇمىلدىرۋ ءتۇزىلىسى رەفورماسىن تىڭعىلىقتى ويداعىداي ىستەپ، زاپاس كۇشتەر قۇرىلىسىن ويداعىداي يگەرىپ، جالپى حالىقتىڭ مەملەكەت قورعانىسى تاربيەسىن ىشكەرىلەي ورىستەتىپ، وتاننىڭ شەكارا قورعانىسىن بىرگە ساقتايتىن، مەملەكەت حاۋىپسىزدىگىن بىرگە قورعايتىن قۇدىرەتتى بىرىككەن كۇش ۇيىستىرۋ كەرەك. اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، ارميا قۇرىلعاندىعىنىڭ 100 جىلدىعى كۇرەس نىساناسىن كوزدەپ، بۇيرىق بەرىلىسىمەن جەتىپ كەلەتىن، كەلە سالا شايقاسا الاتىن، شايقاسسا، ءسوزسىز، جەڭىپ شىعاتىن سايلاۋىت اسكەر، قۋاتتى قوسىن سومداپ، سوعىسقا ازىرلەنۋ دايىندىعىن كورنەكتى تۇردە ناقتى يگەرىپ، ناقتى سوعىستىق اسكەري ىستەر جاتتىعۋىن مىقتى يگەرىپ، جاڭا داۋىردەگى سوعىسقا دايىندالۋ، سوعىسۋ قۋاتىن ۇزدىكسىز جوعارىلاتۋ كەرەك. قوعام ورنىقتىلىعىن پارمەندى قورعاپ، نازاردى شينجياڭ قىزمەتى باس نىساناسىنا شوعىرلاندىرىپ، جەرگىلىكتى ورىنداردىڭ ورنىقتىلىقتى قورعاۋ قىزمەتىنە بەلسەنە قولداۋ كورسەتىپ، ات سالىسىپ، لاڭكەستىككە قارسى تۇرۋدىڭ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، شينجياڭنىڭ قوعامدىق كەلەلى جاعدايىنىڭ ءۇرتىس ورنىقتى بولۋىنا شىنايى كەپىلدىك ەتۋ كەرەك. ارميا مەن ۇكىمەت، ارميا مەن حالىق ىنتىماعىن ءۇرتىس تەرەڭدەتىپ، ”ارميا مەن جەرگىلىكتى ورىن ءبىر تۇتاس جۇيە، ارميا مەن حالىق بەرەكەلى شاڭىراق“ يدەياسىن بەرىك ورناتىپ، جاڭا داۋىردەگى قوس قولداۋ قىزمەتىنىڭ ءتۇزىم مەحانيزمىن ورناتىپ، كەمەلدەندىرىپ، ارميا مەن حالىقتىڭ توعىسا دامۋىن ىلگەرىلەتۋ؛ ارميانى قولداۋ، قامقورلىق جاساۋ ساياساتتارىن ويداعىداي تياناقتاندىرىپ، تاسقىنداعان ىنتامەن اسكەري بولىمدەردەگى وفيتسەر - اسكەرلەردى ۋايىمنان ارىلتىپ، ولاردىڭ قيىنشىلىعىن شەشىپ، ارميا مەن جەرگىلىكتى ورىن كۇش بىرىكتىرىپ، ارميا مەن حالىق نيەتتەس بولىپ، مەملەكەت قورعانىسى مەن ارميا قۇرىلىسىنىڭ جاڭا جاعدايىن اشۋ كەرەك.
ماجىلىستە شينجياڭ اسكەري رايونىنىڭ سىليڭيۋانى ليۋ لين، 63650 اسكەري ءبولىمىنىڭ سىليڭيۋانى جوۋ گاڭ، قارۋلى ساقشى شينجياڭ باس اترەتىنىڭ جىڭۋيى شىن ۋىن، اۋە ارمياسى ءۇرىمجى بازاسىنىڭ سىليڭيۋانى حۋ شيانجۇن، قارۋلى ساقشى بيڭتۋان باس اترەتىنىڭ جىڭۋيى شى شىپيڭ، اۆتونوميالى رايوندىق پارتكوم ۇيىمداستىرۋ ءبولىمى، وقۋ - اعارتۋ قىزمەت كوميتەتى جانە اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، قوسىننان بوساعان اسكەريلەر ىستەرى مەڭگەرمەسى سياقتى اۆتونوميالى رايوننىڭ قوس قولداۋ قىزمەتى باسشىلىق گرۋپپاسىنا مۇشە ورىندارداعى جاۋاپتى جولداستار ءسوز سويلەدى.
چىن ۋيجۇن، ۋاڭ ميڭشان، ياڭ فاسىن، قادەن كابەن قاتارلىلار ماجىلىسكە قاتىناستى.
