”مەرەكە كەزىندە كەزەكپەن دەمالا الاسىزدار ما“؟ ”سىزدەر مەرەكەنى سىرتتا وتكىزەسىزدەر، مەرەكەلىك زاتتاردى دايىنداپ الدىڭىزدار ما“؟ كوكتەم مەرەكەسى قۋانىشتى كۇنى كەلۋ قارساڭىندا، باس شۋجي شي جينپيڭ تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى تابيعي گازدى باتىستان شىعىسقا جەتكىزۋ 1 - پۋنكتى كىلا تابيعي گاز جيناۋ وڭىرىمەن بەينە ەكران ارقىلى بايلانىس جاساپ، مۇناي الابى قىزمەتكەرلەرىمەن ىقىلاستى امانداسىپ، ولارعا قىزمەت ورىندارىن ويداعىداي ساقتاپ، تابيعي گازبەن ويداعىداي قامداپ، حالىق بۇقاراسىنىڭ دۋماندى دا بەرەكەلى كوكتەم مەرەكەسىن وتكىزۋىن قامتاماسىز ەتۋدى تاپسىردى. مەيىرلى دە شىنايى سوزدەر، مول سۇيىسپەنشىلىك، تەرەڭ مانگە يە تاپسىرمالار ءىرى پارتيا، ءىرى ەل كوسەمىنىڭ حالىقتى بارىنەن جوعارى قوياتىن تەرەڭ ىنتا - ىقىلاسىن ايگىلەپ، تالاي ادامنىڭ جۇرەك قىلىن تەربەپ، شينجياڭداعى ءار ۇلت كادرلارى مەن بۇقاراعا مول مەيىر سەزىندىرىپ، ولاردى بارىنشا شابىتتاندىردى.
ارانى تالاي تاۋ، سانسىز وزەن ءبولىپ تۇرسا دا، حالىق كوسەمىنىڭ جۇرەگى قاشاندا حالىقپەن تىعىز قاۋىشتى. پارتيا 18 - قۇرىلتايىنان بەرى، ءار رەتكى كوكتەم مەرەكەسى قارساڭىندا، باس شۋجي شي جينپيڭ ءتۇرلى فورمالار ارقىلى نەگىزگى ساتىداعى كادرلارمەن، بۇقارامەن امانداسادى، ولاردان حال سۇرايدى ءارى بۇكىل ەل حالقىنا كوكتەم مەرەكەسى بايلانىسىمەن تاماشا تىلەك بىلدىرەدى. بۇل ادال جۇرەكتىڭ شىنايى سەزىمى، ءتىپتى دە ماڭىزدىسى، حالىقپەن قاشاندا بىرگە بولعاندىعىندا ءارى بۇل بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، جاڭا داۋىردەگى جاڭا جورىقتا ىنتىماقتاسا كۇرەس جۇرگىزۋگە، قايسارلىقپەن العا ىلگەرىلەۋگە شابىتتاندىرۋدا.
وسى رەت تارىم مۇناي الابى سەرىكتەستىگىمەن بەينە ەكران ارقىلى بايلانىس جاساۋ باس شۋجي شي جينپيڭنىڭ شينجياڭ قىزمەتىنە ايرىقشا ءمان بەرەتىندىگىن، شينجياڭداعى ءار ۇلت حالقىنىڭ قامىن بارىنشا ويلايتىندىعىن تاعى ءبىر رەت ايگىلەدى. شينجياڭعا كەلىپ ەكى رەت كوزدەن كەشىرۋدەن 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ماڭىزدى ءسوز سويلەۋگە دەيىن، 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسۋدان شينجياڭداعى ءار ۇلت بۇقاراسىنا كوپ رەت جاۋاپ حات جازۋعا دەيىن، تالاي رەتكى باعدار بەلگىلەپ، جول باستاعان ساتتەر، ىستىق ىقىلاستى كورىنىستەر، تەرەڭ ماعىنالى، شىن ىقىلاستى تاپسىرمالار شينجياڭداعى 25 ميلليوننان استام ءار ۇلت كادرى مەن بۇقاراسىن مەيىرگە بولەپ، ەستەرىندە بەرىك ساقتالدى، ولار، ءسوز جوق، باس شۋجيگە، پارتيا ورتالىق كوميتەتىنە العىس ايتۋ سەزىمىن كورىكتى شينجياڭ قۇرۋدىڭ تاسقىنداعان ىنتاسى مەن تەبىندى ارىنىنا اينالدىرادى.
تاكلاماكان قۇمدىعىنداعى جۇڭگو مۇنايى تارىم مۇناي الابى ەلىمىزدىڭ قۇرلىقتاعى 3 - ۇلكەن مۇناي - تابيعي گاز الابى ءارى ەلىمىزدىڭ ”تابيعي گازدى باتىستان شىعىسقا جەتكىزۋدەگى“ نەگىزگى تابيعي گاز قاينارى، وڭتۇستىك شينجياڭ مەن تومەنگى جەلى بويىنداعى 15 ولكە، اۆتونوميالى رايون، قالانى حالىق تۇرمىسىنا پايدالاناتىن تابيعي گازبەن قامتاماسىز ەتەدى. باس شۋجي شي جينپيڭ ”شوگەل دە ءتوزىمدى“، ”ءۇن - ءتۇنسىز ۇلەس“، ”وشپەس ەڭبەك“ دەگەن سوزدەرمەن مۇناي الابىنداعى كادرلار مەن جۇمىسشى - قىزمەتكەرلەردىڭ ەلىمىزدىڭ مۇناي - تابيعي گازدى بارلاپ اشۋىنا، تابيعي گازدى باتىستان شىعىسقا جەتكىزۋگە قوسقان ماڭىزدى ۇلەسىن تۇراقتاندىرىپ، شينجياڭداعى ءار ۇلت كادرلارى مەن بۇقاراسىن توراڭعى رۋحى مەن بيڭتۋان رۋحىن امالياتتا ايگىلەپ، تاسقىنداعان ىنتانى پارتيا مەن مەملەكەت ءۇشىن ەسە قوسىپ، شارۋاشىلىق قۇرۋدىڭ ءىس جۇزىندىك ارەكەتىنە اينالدىرۋعا شابىتتاندىرۋدا.
جىبەك جولى ەكونوميكالىق بەلدەۋى وزەكتى رايونى رەتىندە، شينجياڭ جاپپاي سوتسياليستىك وسىزاماندانعان قۇدىرەتتى مەملەكەت قۇرۋدا ەرەكشە باسىمدىققا، توتەنشە ورىنعا يە. باس شۋجي شي جينپيڭنىڭ مول مەيىرمەن كوڭىل ءبولۋى، سۇيىسپەنشىلىك ارناۋى ءبىزدىڭ جاقسى باستاما اشىپ، جاقسى قادام باسىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋىمىزعا زور شابىت بەردى. داڭق پەن ارمانعا تولى ۇزاق جورىقتا، ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، سانالى تۇردە شينجياڭنىڭ دامۋىن بۇكىل ەل دامۋىنىڭ كەلەلى جاعدايىنا قويىپ جوسپارلاپ، ويلاستىرىپ، شينجياڭنىڭ جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى ستراتەگيالىق ورنىن مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا بەلسەندىلىكپەن قىزمەت وتەپ جانە توعىسىپ، بايلىق ارتىقشىلىعى مەن رايون ورنى باسىمدىعىن تياناق ەتىپ، مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، كۇشتى شوعىرلاندىرا وتىرىپ وسى زامانعى كاسىپ سالاسى جۇيەسىن تۇلعالاپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ ۇلەسىن قوسۋىمىز كەرەك.
قاسات قار شينجياڭنىڭ بايتاق دالاسىنىڭ جاندى ومىرشەڭدىگىن بۇركەي المايدى. جاڭا جىلدان بەرى، اۆتونوميالى رايوندىق 10 - كەزەكتى پارتكومنىڭ جەتىنشى جالپى ءماجىلىسى، اۆتونوميالى رايوندىق ەكى ءماجىلىس ىركەس - تىركەس اشىلىپ، ءار ۇلت كادرلارى مەن بۇقاراسى جوعارى ساپالى دامۋدى جەدەل ىلگەرىلەتۋدىڭ تاسقىنداعان سەزىمىن قاۋلاتتى. جاڭا ءبىر جىلدا، ءبىز باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، باس شۋجيدىڭ تەرەڭ سۇيىسپەنشىلىككە تولى قامى مەن مەيىرلى قامقورلىعىن ەكپىندەي ىلگەرىلەۋ كۇشىنە اينالدىرىپ، سەنىمدى بەكەمدەپ، رۋحتى سەرپىلتىپ، ءورىس اشا جاڭالىق اشىپ، قاجىرلىلىقپەن ىستەپ، ناقتى ىستەپ، رەفورما، دامۋ، ورنىقتىلىق قىزمەتتەرىنىڭ تىڭعىلىقتى ونىمدىلىككە قول جەتكىزۋىن تاباندى تۇردە ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن ويداعىداي جازۋىمىز كەرەك.
