تيانشان تورى
تيانشان تورى   ›   جاڭالىقتار   ›   شينجياڭ حابارلارى

شىنايى قامقورلىق جۇرت جۇرەگىن جىلىتتى، ىقىلاستى تاپسىرما ادامدى العا ىلگەرىلەۋگە جىگەرلەندىردى

  شىنايى قامقورلىق جۇرت جۇرەگىن جىلىتتى، ىقىلاستى تاپسىرما ادامدى العا ىلگەرىلەۋگە جىگەرلەندىردى

  − باس شۋجي شي جينپيڭنىڭ بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداسۋى، ولاردان حال سۇراۋى رايونىمىزدا قىزۋ اڭىس قوزعادى

  □ انار بۇلت \ شينجياڭ گازەتىنىڭ تىلشىلەرى جاڭ يانفاڭ، يۇي جياڭيان، لي ياڭ

  كوكتەم مەرەكەسى قارساڭىندا، باس شۋجي شي جينپيڭ بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداسىپ، ولاردان حال سۇراپ، تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى تابيعي گازدى باتىستان شىعىسقا جەتكىزۋ 1 - پۋنكتى كىلا تابيعي گاز جيناۋ وڭىرىندەگى ءار ۇلت قىزمەتكەرلەرىمەن جەلىدە بايلانىس جاساپ اڭگىمەلەسىپ، كوكتەم مەرەكەسى بايلانىسىمەن تىلەك جولدادى ءارى كوپشىلىككە جۇمىس ورىندارىن جاقسى ساقتاپ، تابيعي گازبەن ويداعىداي قامداپ، حالىق بۇقاراسىنىڭ كوكتەم مەرەكەسىن كوڭىلدى، بەرەكەلى وتكىزۋىن قامتاماسىز ەتۋدى تاپسىردى.

  شىنايى قامقورلىق جۇرت جۇرەگىن جىلىتتى، ىقىلاستى تاپسىرما ادامدى العا ىلگەرىلەۋگە جىگەرلەندىردى. باس شۋجي شي جينپيڭنىڭ ماڭىزدى ءسوزى رايونىمىزداعى ءار ۇلت كادرى مەن بۇقاراسىن، اسىرەسە، ەنەرگيامەن قامداۋدى قامتاماسىز ەتۋدىڭ الدىڭعى شەبىندە شايقاس جۇرگىزىپ جاتقان مۇنايشىلاردى بارىنشا مەيىرگە بولەدى، ەرەكشە شابىتتاندىردى. كوپشىلىك مىنالاردى ءبىلدىردى: بەينە ەكران بايلانىسى ارقىلى كىلا گاز جيناۋ وڭىرىندەگى ءار ۇلت قىزمەتكەرلەرىنە امانداسىپ، ولاردان حال سۇراۋى باس شۋجي شي جينپيڭنىڭ شينجياڭ قىزمەتىنە وسكەلەڭ ءمان بەرەتىندىگىن جانە شينجياڭداعى ءار ۇلت حالقىنا دەگەن تەرەڭ سۇيىسپەنشىلىگىن تولىق ايگىلەدى. ءسوز جوق، شىنايى قامقورلىقتى اقتاپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدى ءوز مىندەتىمىز ەتىپ، قىزمەت ورنىنان تاپجىلماي، تايسالماي كۇرەس جاساپ، كۇش سالا ءوندىرىستى ارتتىرىپ، قامداۋدى قامتاماسىز ەتىپ، حالىق تۇرمىسىنا پايدالاناتىن ەنەرگيانىڭ تومەنگى شەگىن ساقتاپ، ەكونوميكالىق، قوعامدىق دامۋعا جۇمسالاتىن ەنەرگيا قاجەتىنە شىنايى كەپىلدىك ەتەمىز.

  تەرەڭ سۇيىسپەنشىلىككە تولى قامقورلىق مۇنايشىلاردى تەرەڭ اسەرگە بولەدى

  پارتيا 18 - قۇرىلتايىنان بەرى ءار رەتكى كوكتەم مەرەكەسى قارساڭىندا، باس شۋجي شي جينپيڭ ءتۇرلى فورمالارمەن نەگىزگى ساتىداعى كادرلار مەن بۇقاراعا امانداسىپ، ولاردان حال سۇراپ كەلدى ءارى بۇكىل ەل حالقىنا كوكتەم مەرەكەسى بايلانىسىمەن ىزگى تىلەك تىلەدى، باس شۋجي حالىقتى ءبىر ءسات تە ەسىنەن شىعارمادى.

  بيىل جالپى جۇرت باس قوساتىن كوكتەم مەرەكەسىنىڭ قۋانىشتى كۇنى كەلۋ قارساڭىندا، باس شۋجي شي جينپيڭ شەت - شالعاي، جاپان تۇزدە ۇزاق ۋاقىت قىزمەت ىستەگەن شينجياڭداعى مۇناي جۇمىسشىلارىمەن بەينە ەكراندا بايلانىس جاساۋى كوپشىلىكتىڭ جۇرەگىن مەيىرگە بولەدى.

  ”’مەرەكە كەزىندە كەزەكپەن دەمالا الاسىزدار ما؟ سىزدەر مەرەكەنى سىرتتا وتكىزەسىزدەر، مەرەكەلىك زاتتاردى دايىنداپ الدىڭىزدار ما‘؟ باس شۋجي ەرەكشە تاپتەشتەي سۇرادى، مەن باس شۋجيگە مەرەكەلىك زاتتاردى دايىنداۋ جاعدايىنان مالىمەت بەردىم“، - تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى تابيعي گازدى باتىستان شىعىسقا جەتكىزۋ 1 - پۋنكتىنىڭ ولشەۋ ينجەنەرى تيان مەيشيا الىگە دەيىن باقىت قۇشاعىنا شومۋدا. بەينە ەكران بايلانىسى كەزىندە ول باس شۋجيگە: مەكەمەمىز جۇمىسشى - قىزمەتكەرلەرگە مول تاعام ازىرلەدى، جۇمىسشى - قىزمەتكەرلەر باي مازمۇندى ادەبيەت - كوركەمونەر قيمىلدارىن دايىندادى، سونداي - اق بىرگە تۇشپارا تۇيمەكشىمىز، - دەپ مالىمەت بەردى.

  تيان مەيشيا بىلاي دەدى: ”باس شۋجي شي جينپيڭنىڭ ءبىزدىڭ مەرەكەلىك زات دايىنداۋداي ۇساق ىستەرىمىزدى دە ەسىنەن شىعارماۋى بارلىعىمىزدىڭ جۇرەگىمىزدى مەيىرگە بولەدى. مەن تاپسىرمانى ەستە بەرىك ساقتاپ، ەنەرگيامەن قامداۋدى قامتاماسىز ەتۋ قىزمەتىن جاقسى ىستەپ، ولشەۋ حاۋىپسىزدىگىنە شىنايى كەپىلدىك ەتەمىن“.

  تۇرپان يالقۇنتاع ەتەگىنە ورنالاسقان اسا تەرەڭدىكتەگى قويۋ مۇناي الابىندا، باس شۋجي شي جينپيڭنىڭ بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداسىپ، ولاردان حال سۇراعان حابارىنىڭ تارالۋى كوپشىلىكتى قاتتى اسەرلەندىردى.

  ”باس شۋجي سونشاما قاربالاس بولسا دا، ءبىز سياقتى الدىڭعى شەپتەگى مۇنايشىلاردىڭ قامىن جەپ، ەسكە الۋى بارلىعىمىزدى قاتتى اسەرلەندىردى“. تۇرپان − قۇمىل مۇناي الابى لۋكچين مۇناي الۋدى باسقارۋ رايونى بۇرعىلاۋ تەحنيكاسى ورتالىعىنىڭ كومەكشى ينجەنەرى شيە جياحاۋ: ”باس شۋجيدىڭ ىقىلاستى تاپسىرماسى ءبىزدىڭ الەمدىك دەڭگەيدەگى قازۋ قيىن بولۋ ماسەلەسىنەن قامال الۋ سەنىمىمىزدى، بەكىمىمىزدى نىعايتتى“، - دەدى.

  بورىشتى وتەپ، بار كۇشپەن ءونىم مولشەرىن ارتتىرامىز، قامداۋدى قامتاماسىز ەتەمىز

  باس شۋجي شي جينپيڭ بىلاي دەپ باسا دارىپتەدى: ورتالىق كاسىپورىندارى − ەنەرگيامەن قامداۋدى قامتاماسىز ەتۋدىڭ ”تىرەگى“، ساياسي دەڭگەيدى اناعۇرلىم جوعارىلاتىپ، جاۋاپكەرشىلىك سەزىم مەن بورىشتىلىق سەزىمدى كۇشەيتىپ، كوپ شارانى قاتار قولدانىپ، بار كۇشپەن ءونىم مولشەرىن ارتتىرىپ، قامداۋدى قامتاماسىز ەتىپ، ەكونوميكالىق، قوعامدىق دامۋعا جۇمسالاتىن ەنەرگيا قاجەتىنە شىنايى كەپىلدىك ەتۋ كەرەك.

  ”باس شۋجيدىڭ ماڭىزدى سوزىنەن ءبىز جاۋاپكەرشىلىگىمىزدىڭ اۋىر، بورىشىمىزدىڭ داڭقتى ەكەندىگىن تەرەڭ سەزىندىك“. جۇڭگو مۇناي تاسىمال شەكتى سەرىكتەستىگى شينجياڭ تارىم تاسىمال بولىمشە سەرىكتەستىگى پارتكومىنىڭ شۋجيى، ديرەكتور لي فىڭ بىلاي دەدى: مەملەكەت مەنشىگىندەگى ماڭىزدى، تىرەكتى كاسىپورىنداردىڭ ءبىر مۇشەسى رەتىندە، ءسوز جوق، جاۋاپكەرشىلىكتى ارقالاپ، وزىندىك دامۋدى مەملەكەتتىڭ ەنەرگيا حاۋىپسىزدىگىن قامتاماسىز ەتۋ كەلەلى جاعدايىنا قويىپ، وي جۇگىرتۋىمىز، جوسپار جاساۋىمىز كەرەك.

  كوكتەم مەرەكەسىنىڭ تاياۋىنا ىلەسە، تارىم مۇناي الابىنىڭ قىس ماۋسىمىنداعى قامداۋدى قامتاماسىز ەتۋى جانە ”قاۋىرت مەزگىلدى قارسى الىپ، ءوندىرىس قۋاتىن جوعارىلاتۋى“ قامال الۋ كەزەڭىنە ءوتتى. لي فىڭ مىنالاردى ءبىلدىردى: ”ءبىز جاڭا كەزەكتى ءجيى قۇدىق اترەتىن كوشىرۋ مىندەتىنە جالپى بەتتىك ات سالىسىپ، جوعارى ساپالى، ماماندانعان قىزمەت وتەۋمەن مۇناي الابىنىڭ ءوندىرىس تىزبەگىن ىركىلىسسىزدەندىرەمىز“. 2023 - جىلى ءبىز مەملەكەتتىڭ ەنەرگيا حاۋىپسىزدىگىن قامتاماسىز ەتۋدى ءوز مىندەتىمىز ەتىپ، ’ەنەرگيا كەسەسىن، ءسوز جوق، قولىمىزدا مىقتى ۇستاۋىمىز كەرەك‘ دەگەندى اتقارىپ، مۇناي الابىنىڭ ساقتالۋ مولشەرىن ارتتىرۋىنا، ءونىمىن جوعارىلاتۋىنا مۇمكىندىكتىڭ بارىنشا ەڭ ساپالى جالپىلىق قامتاماسىزدىق قىزمەت وتەۋىن ازىرلەيمىز“.

  ”مۇناي الابىن اشۋ تەحنيگى رەتىندە، مەن باس شۋجيدىڭ ’ەنەرگيا كەسەسىن ءسوز جوق، قولىمىزدا مىقتى ۇستاۋىمىز كەرەك‘ دەگەن ماڭىزدى نۇسقاۋىنىڭ رۋحىن ەستە بەرىك ساقتاپ، مەملەكەت ءۇشىن ’ماي قۇيۋ، تابيعي گاز مولشەرىن ارتتىرۋ‘ جاۋاپكەرشىلىگىن ىرىقتىلىقپەن ارقالايمىن“. تۇرپان − قۇمىل مۇناي الابىن اشۋ ىستەرى ءبولىمى جيناۋ مولشەرىن جوعارىلاتۋ نىسانى ءبولىمىنىڭ اعا ينجەنەرى چىن چۋ بىلاي دەدى: الداعى جەردە جاڭالىق اشۋدى ءبىرىنشى قوزعالتقىش كۇش ەتىپ، مۇناي - تابيعي گاز ءونىمىن جوعارىلاتۋ قىزمەتىن جوعارى ونىمدىلىكپەن، تەز ريتىممەن ورىنداپ، مەملەكەتتىڭ ەنەرگيامەن قامداۋ ”ورنىقتىرعىشىن“ بەكەمدەۋگە كۇش قوسامىن.

  تەرەڭ سۇيىسپەنشىلىكتى، ەرەكشە قامقورلىقتى ءىس تىندىرىپ، شارۋاشىلىق قۇراتىن قوزعاۋشى كۇشكە اينالدىرامىز

  ”تەزىرەك كورىڭدەر، باس شۋجي شي جينپيڭ بەينە ەكران بايلانىسى ارقىلى تابيعي گازدى باتىستان شىعىسقا جەتكىزۋ 1 - پۋنكتى كىلا تابيعي گاز جيناۋ وڭىرىندەگى قىزمەتكەرلەرگە امانداسۋدا، ولاردان حال سۇراۋدا“، 1 - ايدىڭ 18 - كۇنى كەشتە، ءۇرىمجى قالاسى سايماچاڭ ماي قۇيۋ پۋنكتىندە ديرەكتور تايىرجان باۋدۇن حاباردى كورگەننەن كەيىن، دەرەۋ جانىنداعى قىزمەتتەستەرىمەن قۋانىشىن ءبولىستى.

  باس شۋجيدىڭ: ”كومىرمەن، ەلەكترمەن، مۇنايمەن، گازبەن قامداۋدى قامتاماسىز ەتۋ، باعانى ورنىقتىرۋ قىزمەتىن كۇش سالا ويداعىداي ىستەپ، ەرەكشە سۋىق اعىس اۋا رايىنا توتەپ بەرۋگە ويداعىداي دايىندالۋ كەرەك“ دەگەندى باسا دارىپتەگەنىن كورگەندە، تايىرجان بىلاي دەدى: ”كەزەكتە، شينجياڭدا تومەن تەمپەراتۋرالى قاقاعان سۋىق اۋا رايى جالعاسۋدا، ءبىزدىڭ جۇڭگو مۇناي توبىنىڭ شينجياڭداعى 1000نان استام ماي قۇيۋ پۋنكتى، ءسوز جوق، ءتۇرلى مۇناي ونىمدەرىمەن، اسىرەسە، ۇيىعان ديزەلمەن قامداۋدى قامتاماسىز ەتۋدى ويداعىداي ىستەپ، تۇتاس شينجياڭ حالقىنىڭ قىستى جىلى وتكىزۋىنە شىنايى كەپىلدىك ەتىپ، باس شۋجيدىڭ، پارتيا ورتالىق كوميتەتىنىڭ قامقورلىعىنا، مول مەيىرىنە ءىس جۇزىندىك ارەكەتتەرىمەن جاۋاپ قايتارۋى كەرەك“.

  ”باس شۋجيدىڭ ماڭىزدى ءسوزى ءبىز سياقتى تارىم مۇناي الابىنىڭ الدىڭعى شەبىندە شايقاس جۇرگىزىپ جاتقان مۇنايشىلاردىڭ سەنىمىن ەسەلەپ ارتتىردى، قايراتىن تاسقىنداتتى“، - دەدى جۇڭگو مۇناي توبى باتىس بولىك بۇرعىلاۋ ينجەنەرياسى شەكتى سەرىكتەستىگى بايىنعولين وبلىسى بولىمشە سەرىكتەستىگىنىڭ 90008 - قۇدىق بۇرعىلاۋ اترەتى پارتيا ياچەيكاسىنىڭ شۋجيى لو ۋىنشىڭ.

  كەزەكتە، بۇل قۇدىق بۇرعىلاۋ اترەتىنىڭ بۇرعىلاۋدى ۇستىنە العان فۋدۇڭ 2 - قۇدىعىنىڭ تەرەڭدىگى 9180 مەترگە جەتتى، ول فۋمان مۇناي الابىنىڭ اسا تەرەڭدىكتەگى قۇدىعى سانالادى. جاڭا سىن - سايىس الدىندا لو ۋىنشىڭ مىنالاردى ءبىلدىردى: عىلمي زەرتتەۋدەن قامال الۋ ۇجىمىنىڭ باسىمدىعىن تولىق ساۋلەلەندىرىپ، بوگەتتىك ماسەلەلەردى، قيىن تۇيىندەردى كوزدەپ، ءتۇرلى تەحنيكالاردى ۇيلەسىمدى قولدانىپ، فۋدۇڭ 2 - قۇدىعىنىڭ اسا تەرەڭ قاباتتى جاڭا وڭىرىنەن، جاڭا قابات جۇيەسىنەن كەلەلى بايقاۋدى جۇزەگە اسىرۋعا شىنايى كەپىلدىك ەتۋ ءۇشىن ۇلەس قوسىپ، باس شۋجيدىڭ زور ءۇمىتىن اقتايمىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.