اۆتونوميالى رايون 2023 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى
ما شيڭرۇي ءسوز سويلەدى، سىمايىل تىلەۋالدى ۇسىنىس بويىنشا قاتىناستى
ەركىن تۇنياز باسقاردى، ءزۇمىرات وبۇل، نۇرلان ءابىلماجىن، لي يفي، شوكىرات زاكىر، نايىم ياسىن، شاۋكەت يمىن، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 20 - كۇنى ۇرىمجىدەن حابارلايدى. كوكتەم مەرەكەسى قۋانىشتى كۇنى كەلۋ قارساڭىندا، اۆتونوميالى رايوندىق پارتكوم مەن ۇكىمەت 1 - ايدىڭ 20 - كۇنى تۇستەن بۇرىن 2023 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. بۇكىل رايونىمىزداعى ءار ۇلت، ءار سالا ۋاكىلدەرى قۋانىشپەن ءبىر اراعا باس قوسىپ، ەسكى جىلدى ۇزاتىپ سالىپ، جاڭا جىلدى قارسى الىپ، كوكتەم مەرەكەسىن بىرگە قۇتتىقتادى. اۆتونوميالى رايوندىق پارتكومنىڭ شۋجيى ما شيڭرۇي ءسوز سويلەدى، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى ۇسىنىس بويىنشا قاتىناستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايون باسشىلارىنان ءزۇمىرات وبۇل، نۇرلان ءابىلماجىن، لي يفي، شوكىرات زاكىر، نايىم ياسىن، شاۋكەت يمىن، جاڭ چۇنلين قاتارلىلار قاتىناستى.
ما شيڭرۇي سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ ءوندىرىس - قۇرىلىس بيڭتۋانى اتىنان بۇكىل رايونداعى ءار ۇلت كادرلارى مەن بۇقاراسىنا، شينجياڭداعى حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - اسكەرلەرىنە، قوعام حاۋىپسىزدىگى كادر - ساقشىلارىنا، بيڭتۋاننىڭ كادرلارىنا، جۇمىسشى - قىزمەتكەرلەرىنە، ءارقايسى دەموكراتيالىق پارتيا - توپتارداعى، ساۋدا - ونەركاسىپشىلەر بىرلەستىگىندەگى، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار سالا قايراتكەرلەرىنە، دەمالىسقا، زەينەتكە شىققان ساقا كادرلارعا، ساقا جولداستارعا، ورتالىقتىڭ شينجياڭداعى مەكەمە - ورىندارىنىڭ كادرلارىنا، جۇمىسشى - قىزمەتكەرلەرىنە جانە شينجياڭعا كومەككە كەلگەن بارلىق كادرلارعا، شينجياڭنىڭ رەفورماسىنا، دامۋىنا، ورنىقتىلىعىنا كوڭىل بولگەن، قولداۋ كورسەتكەن جانە كومەكتەسكەن ەل ءىشى - سىرتىنداعى بارلىق دوستارعا مەرەكەلىك سالەم جولدادى جانە ىزگى تىلەك ءبىلدىردى.
ما شيڭرۇي بىلاي دەپ اتاپ كورسەتتى: وتكەن ءبىر جىلدا باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا جانە ىقىلاستى قامقورلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، قوعامدىق كەلەلى جاعدايدىڭ ۇزدىكسىز ورنىقتى بولۋىن، ەكونوميكانىڭ ورنىقتى، اقاۋسىز دامۋىن ساقتادى. قازىرگى شينجياڭدا تىنىش تا بەرەكەلى، قارىشتاپ دامىعان تىڭ بەينە جارىققا شىعىپ، بۇكىل رايونىمىزدا جوعارىدان تومەنگە دەيىن جۇرت تىلەگى ۇيىسىپ، سەنىم ەسەلەپ ارتتى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تاسقىنداعان ماقتانىش سەزىمىمەن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىنا قاراي قايراتتانا ىلگەرىلەدى.
ما شيڭرۇي بىلاي دەپ اتاپ كورسەتتى: 2022 - جىلى باسىپ وتكەن ەرەكشە ساپارعا قايىرىلا قاراعانىمىزدا، ءبىز شينجياڭ قول جەتكىزگەن ءارقانداي ىلگەرىلەۋشىلىك پەن ناتيجەنىڭ باس شۋجي شي جينپيڭنىڭ رول ۇستاپ، جول باستاۋىنىڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسىندا قولعا كەلگەندىگىن اناعۇرلىم تەرەڭ سەزىندىك؛ ”ەكىنى تۇراقتاندىرۋدى“ تاباندىلىقپەن قورعاۋ، ”ەكىنى قورعاۋدى“ ادالدىقپەن امالياتتا ايگىلەۋ ءبىزدىڭ قامال الىپ، قيىندىقتاردى جەڭۋىمىزدەگى، حاۋىپ - قاتەر، سايىس اتاۋلىنىڭ ءبارىن جەڭۋىمىزدەگى، ىستەردىڭ دامۋىنىڭ جاڭا ءورىسىن اشۋىمىزداعى ەڭ ۇلكەن نانىمىمىز، سەنىمىمىز جانە كۇشىمىز ەكەندىگىن تەرەڭ سەزىندىك؛ جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ەرەكشە كورەگەن، بۇكىلدەي دۇرىس ەكەندىگىن اڭعاردىق، ءبىز تەك تولىق، دالمە - ءدال ءتۇسىنىپ، جاپپاي دايەكتىلەندىرسەك، اتقارساق بولعانى، ءسوزسىز، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرىپ، شينجياڭنىڭ اناعۇرلىم كوركەم بولاشاعىن جاراتا الامىز.
ما شيڭرۇي بىلاي دەپ باسا دارىپتەدى: جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋدا ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە تانىپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى شيىنجياڭ قىزمەتىنىڭ باس نىساناسىنا شوعىرلاندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، شينجياڭدى زاڭمەن باسقارۋدى جاپپاي تەرەڭدەتىپ، جۇڭحۋا ۇلتى ورتاق تۇلعا تانىمىن ناقتى، اسەرلى، ءونىمدى تۇردە بەرىك ورناتىپ، جاڭا دامۋ ارناسىن تۇلعالاۋ بارىسىندا جوعارى ساپالى دامۋدى ىلگەرىلەتىپ، حالىق تۇرمىسىن سەرپىندى ارتتىرا قامتاماسىز ەتىپ جانە جاقسارتىپ، پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتىپ، ”ءۇش ءسوز جوقتى“ ەستە بەرىك ساقتاپ، ىنتىماقتاسا كۇرەس جۇرگىزۋدەن جازباي، باتىلدىقپەن ءورىس اشا جاڭالىق اشىپ، قايراتتانا ىسكەرلىك كورسەتىپ، كورىكتى شينجياڭ قۇرىپ، جاپپاي سوتسياليستىك وسىزاماندانعان مەملەكەت قۇرۋدا جاڭا باستاما اشۋعا، جاقسى قادام تاستاۋعا بەلسەندى ۇلەس قوسۋىمىز كەرەك.
ليۋ لين، تيان شياڭلي، ۋاڭ ميڭشان، ۋاڭ جيانشين، ياڭ فاسىن، ەلزات احمەتجان، اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، بيڭتۋان باسشىلىق القاسىنىڭ قۇرامىنداعىلار، ۇرىمجىدەگى زەينەتكە، دەمالىسقا شىققان ءىشىنارا ساقا جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، ۇرىمجىدەگى ەكى اكادەميانىڭ اكادەميكتەرى، ءبىر ءبولىم پارتيا 20 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، اۆتونوميالى رايونداعى دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، ساۋدا - ونەركاسىپشىلەر بىرلەستىگىنىڭ ۋاكىلدەرى، ءار سالا ۋاكىلدەرى جانە ءارقايسى شەپتەگى وزاتتار مەن ۇلگىلەر توپتىق قۇتتىقتاۋ ماجىلىسىنە قاتىناستى.
