اۆتونوميالى رايوندىق پارتكوم كوكتەم مەرەكەسى قارساڭىندا، ساقا جولداستارعا جانە ءار ۇلت كادرلارى مەن بۇقاراسىنا امانداسۋ، ولاردان حال سۇراۋ قيمىلىن ۇيىمداستىردى
ءار ۇلت حالقىنىڭ كوكتەم مەرەكەلەرىنىڭ مەرەيلى، باقىتتى، امان - ەسەن بولۋىن تىلەدى
ما شيڭرۇي، ەركىن تۇنياز، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 20 - كۇنى ۇرىمجىدەن حابارلايدى. جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ، سونداي - اق ياڭ چىڭ، جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلى اۆتونوميالى رايوندىق پارتكومنىڭ تۇراقتى مۇشەلەرى ساقا جولداستارعا امانداسا بارىپ، ولاردان حال سۇرادى، ءارقايسى ايماق، وبلىس، قالالارعا بارىپ قاھارمان ۇلگىلەرگە، اكادەميكتەرگە، ماماندارعا، نەگىزگى ساتى كادرلارى مەن بۇقاراسىنا، اسكەري بولىمدەردىڭ ءبىرىنشى شەبىندەگى وفيتسەر - اسكەرلەرگە، ت. ب لارعا امانداسىپ، ولاردان حال سۇرادى، ءار ۇلت حالقىنا كوكتەم مەرەكەسى بايلانىسىمەن امانداستى جانە ولارعا ىزگى تىلەك جولدادى.
ما شيڭرۇي قاتارلى اۆتونوميالى رايوندىق پارتكوم تۇراقتى كوميتەتىندەگى جولداستار مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەبالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت قاتارلى ساقا جولداستارعا امانداسا باردى، ولاردىڭ دەنساۋلىق احۋالى، كۇندەلىكتى تۇرمىس جاعدايى قاتارلىلاردى دەن قويا ۇعىسىپ، ولارعا مەرەكە بايلانىسىمەن ىقىلاستى سالەم جولداپ، ساقا جولداستاردىڭ كوكتەم مەرەكەلەرىنىڭ كوڭىلدى، دەندەرىنىڭ ساۋ، تۇرمىستارىنىڭ باقىتتى بولۋىن تىلەدى. اۆتونوميالى رايوندىق پارتكوم تۇراقتى كوميتەتىندەگى جولداستار ساقا جولداستارمەن ىقىلاسپەن اڭگىمەلەسىپ، ساقا جولداستاردىڭ ۇزاق ۋاقىتتان بەرى شينجياڭنىڭ رەفورما جاساۋىنا، دامۋىنا، ورنىقتىلىعىنا قوسقان ۇلەستەرىنە العىس ايتتى، جاڭا داۋىردەگى جاڭا جورىقتا شينجياڭنىڭ ءتۇرلى قىزمەتتەرىن ويداعىداي ىستەۋ جونىندە پىكىرلەرى مەن ۇسىنىستارىن تىڭداى. ساقا جولداستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنا شىن جۇرەكتەن العىس ايتىپ، شينجياڭنىڭ ءتۇرلى قىزمەتتە قول جەتكىزگەن ناتيجەلەرىن جوعارى باعالادى، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ ادالدىقپەن امالياتتا ايگىلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ قىزمەتىن اۋەلگىدەي قولداپ، قارتتىق رولدارىن ساۋلەلەندىرىپ، ۇزدىكسىز رولدارىن اتقارىپ، بەلسەندىلىك كورسەتۋگە تاباندى بولىپ، جاڭا داۋىردەگى جاڭا جورىقتا كورىكتى شينجياڭ قۇرۋعا اقىل - پاراساتتارى مەن كۇش - قۋاتتارىن ارنايتىندىقتارىن ءبىلدىردى.
اۆتونوميالى رايوندىق پارتكوم تۇراقتى كوميتەتىندەگى جولداستار تاعى تيانشان الابىنىڭ تۇس - تۇسىنا اتتانىپ، ەلەۋلى ەڭبەك سىڭىرگەن ۇلگىلەر مەن وزات تيپتەر، ەكى اكادەمياداعى اكادەميكتەر مەن مامان - دارىندىلار، قاھارمان ۇلگىلەردىڭ جانە قۇربان بولعان اسكەريلەردىڭ وتباسىنداعىلار، نەگىزگى ساتىداعى پارتيالى كادرلار، قيىنشىلىعى بار پارتيا مۇشەلەرى مەن بۇقارا قاتارلىلاردىڭ قاسىنا بارىپ، ولارعا كوكتەم مەرەكەسى بايلانىسىمەن تىلەك جەتكىزدى، حال سۇراۋ اقشاسىن جانە حال سۇراۋ بۇيىمدارىن تارتۋ ەتتى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن جەتكىزدى. پارتيا مەن مەملەكەت ءۇشىن ەڭبەك ءسىڭىرىپ داڭققا يە بولعانداردىڭ، وزات ۇلگىلەر ۋاكىلدەرىنىڭ ۇيىندە اۆتونوميالى رايوندىق پارتكوم تۇراقتى كوميتەتىندەگى جولداستار ولارعا وسكەلەڭ قۇرمەت ءبىلدىرىپ، مىنالاردى اتاپ كورسەتتى: وزات ۇلگىلەرگە شىنايى كوڭىل ءبولىپ، ولاردى ايالاپ، ءار ۇلت كادرلارى مەن بۇقاراسىن وزاتتاردى ارداقتاپ، جاقسىدان ونەگە الىپ، قايسارلىقپەن العا ىلگەرىلەپ، جاڭا داۋىردەگى جاڭا جورىقتا اناعۇرلىم زور ىسكەرلىك كورسەتۋگە، اناعۇرلىم زور تابىسقا جەتۋگە جەتەكتەۋ جانە شابىتتاندىرۋ كەرەك. شينجياڭداعى ەكى اكادەمياداعى اكادەميكتەر مەن مامان - دارىندىلارعا امانداسىپ، ولاردان حال سۇراعان كەزدە اۆتونوميالى رايوندىق پارتكوم تۇراقتى كوميتەتىندەگى جولداستار ولاردىڭ باس شۋجيدىڭ ىقىلاستى تاپسىرماسىن ەستە بەرىك ساقتاپ، ءوز ابزالدىلىقتارىن شىنايى ساۋلەلەندىرىپ، شينجياڭنىڭ جوعارى ساپالى دامۋىنا كۇش - قۋات قوسۋىن ءۇمىت ەتتى، جەر - جەردەن، تاراۋلاردان دامۋعا جاڭالىق اشۋ ارقىلى دەم بەرۋ ستراتەگياسىن، دارىندىلاردا قۋاتتى رايون ستراتەگياسىن، ت.ب لاردى ويداعىداي اتقارۋدى، عىلىم - تەحنيكانى قۇرمەتتەۋدىڭ، ءبىلىمدى قۇرمەتتەۋدىڭ، دارىندىلاردى قۇرمەتتەۋدىڭ قويۋ رايىن جاراتۋدى تالاپ ەتتى. تاڭداۋلى كوممۋنيستىك پارتيا مۇشەلەرىنە، ساقا پارتيا مۇشەلەرىنە، نەگىزگى ساتى تىرەكتىلەرىنە امانداسا بارىپ، ولاردان حال سۇراعان كەزدە اۆتونوميالى رايوندىق پارتكوم تۇراقتى كوميتەتىندەگى جولداستار ولاردى اۆانگارد ۇلگىلىك رولىن جالعاستى جاقسى ساۋلەلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدىڭ، قوعام ورنىقتىلىعى مەن باياندى تىنىشتىقتى ىلگەرىلەتۋدىڭ دابىرالى امالياتىندا الدا ءجۇرىپ، ۇلگى بولىپ، كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋعا جىگەرلەندىردى. اۆتونوميالى رايوندىق پارتكوم تۇراقتى كوميتەتىندەگى جولداستار قاھارمان ۇلگىلەر، قوسىننان بوساعان اسكەريلەر، قۇربان بولعان اسكەريلەر وتباسىنداعىلارى قاتارلىلارعا امانداسا بارىپ، ولاردان حال سۇراپ، ارميانى قولداۋ جانە ولاردىڭ وتباسىنداعىلارعا قامقورلىق جاساۋ ساياساتتارىن مۇقيات تياناقتاندىرىپ، قوسىننان بوساعان اسكەريلەردىڭ جانە قۇربان بولعان اسكەريلەر وتباسىنداعىلاردىڭ قىزمەتىنە، تۇرمىسىنا كوڭىل ءبولىپ، ولاردى ۋايىمنان ارىلتىپ، قيىنشىلىقتارىن شەشۋگە مۇمكىندىكتىڭ بارىنشا كومەكتەسۋدى باسا دارىپتەدى. كوكتەم مەرەكەسى قارساڭىندا، اۆتونوميالى رايوندىق پارتكوم تۇراقتى كوميتەتىندەگى جولداستار قيىنشىلىعى بار پارتيا مۇشەلەرى مەن بۇقارانىڭ تۇرمىسىنا توتەنشە كوڭىل ءبولىپ، بارعان جەرلەرىندە ولاردىڭ وتباسى كىرىسى، قوعامدىق قامتاماسىزداندىرۋ، پەرزەنتتەرىنىڭ جۇمىسقا ورنالاسۋ، وقۋعا ءتۇسۋ سياقتى جاعدايلارىن دەن قويا ۇعىسىپ، ولاردى سەنىمدى كۇشەيتىپ، پارتيا مەن ۇكىمەتتىڭ كوڭىل ءبولۋى مەن قولداۋىندا قيىن وتكەلدەن وتۋگە شابىتتاندىردى، قاتىستى تاراۋلارداعى جاۋاپتى جولداستارعا ولاردىڭ ناقتى قيىنشىلىقتارىن شىن مانىندە ويداعىداي شەشىپ، ولاردىڭ ءتىپتى دە جاقسى تۇرمىس كەشىرۋىنە كومەكتەسۋدى قاداعالادى.
اۆتونوميالى رايوندىق پارتكوم تۇراقتى كوميتەتىندەگى جولداستار امانداسا بارۋ، حال سۇراۋ بارىسىندا مىنالاردى اتاپ كورسەتتى: جەر - جەر، تاراۋلار حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەپ، ءار ۇلت بۇقاراسىنىڭ مۇڭ - مۇقتاجىن قاشاندا ەستەرىندە ساقتاپ، حالىق تۇرمىسىنا ءتيىمدى، حالىق تىلەگىنەن شىعاتىن اناعۇرلىم كوپ شارالار قولدانىپ، حالىق تۇرمىسىنا قاتىستى ناقتى ىستەردى شىن مانىندە ويداعىداي ىستەپ، شۇعىل، قيىن، ۋايىمداعان، ءزارۋ ماسەلەلەرىن شەشىپ، قيىنشىلىعى بار بۇقارانىڭ تۇرمىسىنا كوڭىل ءبولىپ، ءار ۇلت بۇقاراسىنا پارتيا مەن ۇكىمەتتىڭ كوڭىل ءبولۋىن، قامقورلىعىن شىنايى سەزىندىرۋ كەرەك. كوپ ءتۇرلى شارانى قاتار قولدانىپ، ”استىقپەن“، ”كوجە قاتىقپەن“، ”جەمىس - جيدەكپەن“ ويداعىداي قامتاماسىز ەتىپ، جەتكىلىكتى قامداۋعا، زاتتىڭ مول، باعانىڭ ورنىقتى بولۋىنا شىنايى كەپىلدىك ەتىپ، كومىر، ەلەكتر، مۇناي - تابيعي گاز، تاسىمالمەن قامتاماسىز ەتۋدى ويداعىداي ىستەپ، بۇقارانىڭ كوكتەم مەرەكەسىن جىلى مەيىرمەن وتكىزۋىنە شىنايى كەپىلدىك ەتۋ ءتيىس. ءتۇيىندى وڭىرلەردە، ءتۇيىندى ادامدار شوعىرىندا، ت. ب ىندەتتەن ساقتانۋ - تىزگىندەۋ قىزمەتىن ىشكەرىلەي دەن قويا جاقسى ىستەپ، سالاماتتىققا كەپىلدىك ەتۋگە، سالماقتى اۋرۋلاردان ساقتانۋعا بار كۇشتى سالىپ، ءوندىرىس حاۋىپسىزدىگىن باقىلاۋ - باسقارۋ، قوعام ورنىقتىلىعىن قورعاۋ قىزمەتتەرىن مىقتى يگەرىپ، ءار ۇلت بۇقاراسىنىڭ كوكتەم مەرەكەسى قۋانىشتى كۇنىن ساۋ - سالامات، تىنىش، مەرەيلى، بەرەكەلى وتكىزۋىنە مۇمكىندىك جاساۋ كەرەك.
