اۆتونوميالى رايوندىق ۇكىمەتتىڭ باسشىلارى كوكتەم مەرەكەسى قارساڭىندا، ساقا جولداستارعا جانە ءار ۇلت كادرلارىنا، بۇقاراسىنا امانداسا باردى، ولاردان حال سۇرادى
ەركىن تۇنياز حال سۇراۋعا قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 1 - ايدىڭ 20 - كۇنى ۇرىمجىدەن حابارلايدى. بىرنەشە كۇننەن بەرى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلى اۆتونوميالى رايوندىق ۇكىمەت القا مۇشەلەرى تۇتاس شينجياڭنىڭ جەر - جەرىن ارالاپ، ساقا جولداستار، قاھارمان ۇلگىلەر، اكادەميكتەر، ماماندار، قوسىننان بوساعان اسكەريلەر مەن قۇربان بولعان اسكەريلەردىڭ وتباسىنداعىلار، قوعام حاۋىپسىزدىگى كادر - ساقشىلارى مەن قارۋلى ساقشى وفيتسەر - اسكەرلەرى، نەگىزگى ساتىداعى كادر - بۇقارا، ت . ب لارمەن امانداسىپ، ولاردان حال سۇراپ، كوكتەم مەرەكەسى بايلانىسىمەن ىزگى تىلەك تىلەدى.
”دەنساۋلىعىڭىز جاقسى ما“؟ ”تۇرمىستا قيىنشىلىعىڭىز بار ما“؟ ەركىن تۇنياز قاتارلىلار بارعان جەرلەرىنىڭ بارىندە ساقا جولداستارمەن اڭگىمە دۇكەنىن قۇرىپ، حال - جاعدايلارىن ۇعىسىپ، شينجياڭنىڭ رەفورما، دامۋ، ورنىقتىلىق ىستەرىن ىلگەرىلەتۋ جونىندە ىشكەرىلەي اڭگىمەلەسىپ، ولاردىڭ پىكىر - ۇسىنىستارىن تىڭدادى. ساقا جولداستار بىلاي دەدى: جاقىندا جەڭىسپەن جابىلعان اۆتونوميالى رايوندىق ەكى ءماجىلىس شينجياڭنىڭ ەكونوميكالىق، قوعامدىق دامۋدا قول جەتكىزگەن كورنەكتى تابىستارىن جان - جاقتى قورىتىندىلاپ، كەلەسى ساتىداعى مىندەتتەردى ورنالاستىرىپ، سەنىمدى بارىنشا سەرپىلتىپ، قايراتتى تاسقىنداتتى. ولار ءبىر اۋىزدان مىنالاردى ءبىلدىردى: اۆتونوميالى رايوندىق پارتكوم مەن ۇكىمەتتىڭ ىنتىماقتاستىرا باستاۋىندا، باسىمدىق رولدى تولىق ساۋلەلەندىرىپ، ءىس جۇزىندىك ارەكەتپەن پارتيا 20 - قۇرىلتايىنىڭ رۋحىن ۇگىتتەپ، دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن ۇگىتتەپ، دايەكتىلەندىرىپ، تياناقتاندىرىپ، ”ەكىنى تۇراقتاندىرۋدى“ ادالدىقپەن قورعاپ، ”ەكىنى قورعاۋدى“ ورىنداپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا تىڭ ۇلەس قوسامىز.
وزات، ۇلگىلەردىڭ ۋاكىلدەرى وتباسىندا اۆتونوميالى رايوندىق ۇكىمەت القا مۇشەلەرى ولارعا وسكەلەڭ قۇرمەت ءبىلدىردى ءارى ولاردىڭ مۇنان بىلايعى قىزمەتتە اۆانگارد ۇلگىلىك، باستاماشىلدىق رولدارىن ۇزدىكسىز ساۋلەلەندىرىپ، ىرىقتىلىقپەن ىسكەرلىك كورسەتىپ، باتىلدىقپەن جاۋاپكەرشىلىك ارقالاپ، تاعى دا تاماشا ناتيجە جاراتۋىن ءۇمىت ەتتى؛ شينجياڭداعى ەكى اكادەميانىڭ اكادەميكتەرى مەن ماماندارعا، دارىندىلارعا امانداسىپ، ولاردان حال سۇراعاندا، ولاردىڭ ءوز ارتىقشىلىقتارىن شىن مانىندە ساۋلەلەندىرىپ، قايراتتى تاسقىنداتىپ، ءورىس اشا جاڭالىق جاراتىپ، عىلمي زەرتتەۋ جەتىستىكتەرىن جالپىلاستىرۋدى، پايدالانۋدى كۇشەيتىپ، رايونىمىزدىڭ جوعارى ساپالى دامۋىنا اناعۇرلىم كوپ عىلىم - تەحنيكا تىرەگىن ازىرلەۋدى ءۇمىت ەتتى؛ قوسىننان بوساعان اسكەريلەرمەن، قۇربان بولعان اسكەريلەردىڭ وتباسىنداعىلارمەن امانداسىپ، ولاردان حال سۇراعاندا، جەرگىلىكتى پارتكوم مەن ۇكىمەتكە ارميانى قولداۋ جانە ولاردىڭ وتباسىنداعىلارعا قامقورلىق جاساۋ ساياساتىن ويداعىداي تياناقتاندىرىپ، تۇتاس قوعام اسكەريلەردى ارداقتايتىن، قاھارمانداردى قۇرمەتتەيتىن، اسكەريلەردىڭ وتباسىنداعىلارعا كوڭىل بولەتىن تاماشا راي قالىپتاستىرۋدى قاداعالاي تاپسىردى.
اۆتونوميالى رايوندىق ۇكىمەت القا مۇشەلەرى قيىنشىلىعى بار پارتيا مۇشەلەرى مەن بۇقاراعا امانداسا بارىپ، ولاردان حال سۇراپ، ءىس جۇزىندىك قيىنشىلىقتارى مەن قاجەتتەرىن ىشكەرىلەي ۇعىسىپ، ولاردى سەنىمدى بەكەمدەپ، كوڭىلدى تۇرمىس وتكىزۋگە شابىتتاندىردى، جەرگىلىكتى پارتكوم مەن ۇكىمەتتەن ماسەلەنى مۇقيات، دەن قويا شەشىپ، بۇقارانىڭ اناعۇرلىم جاقسى تۇرمىس كەشىرۋىنە كومەكتەسۋدى تالاپ ەتتى. قوعام حاۋىپسىزدىگى كادر - ساقشىلارىنان، قارۋلى ساقشى وفيتسەر - اسكەرلەرىنەن، سونداي - اق اۋرۋدىڭ الدىن الۋ جانە ونى تىزگىندەۋ، شۇعىل جاعدايعا توتەپ بەرۋ سياقتى جۇيەلەردەگى پارتيالى كادرلاردان حال سۇراعاندا، ولاردان قىزمەت ورىن جاۋاپكەرشىلىكتەرىن تياناق ەتىپ، كەزەكشىلىك، مىندەت وتەۋ سياقتى قىزمەتتەردى جوعارى ولشەممەن مىقتى يگەرىپ، مەرەكە كەزىندە قوعامدىق كەلەلى جاعدايدىڭ جاراسىمدى، ورنىقتى بولۋىن قورعاۋدى ءۇمىت ەتتى.
اۆتونوميالى رايوندىق ۇكىمەت القا مۇشەلەرى امانداسۋ، حال سۇراۋ بارىسىندا مىنالاردى اتاپ كورسەتتى: حالىقتى بارىنەن جوعارى قويۋعا باستان - اياق تاباندى بولىپ، بۇقارانىڭ ەڭ كوڭىل بولەتىن، ەڭ تىكە، ەڭ رەال ماسەلەلەرىن كۇش سالا شەشىپ، الەۋمەتتىك قىزمەت وتەۋ دەڭگەيىن جوعارىلاتىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، رەفورما، دامۋ جەتىستىكتەرىنەن ءار ۇلت بۇقاراسىن يگىلىكتەندىرۋدى ىلگەرىلەتۋ كەرەك. ”ءاردايىم قام جەپ تۇراتىن“ جاۋاپكەرشىلىك سەزىمىمەن اۆتونوميالى رايوندىق پارتكوم مەن ۇكىمەت ورنالاستىرعان ءتۇيىندى مىندەتتەردى قاتاڭ تياناقتاندىرىپ، قيىنشىلىعى بارلارعا كومەكتەسۋ جانە ولاردى سۇيەمەلدەۋ ساياساتىن تياناقتاندىرىپ، زاتتىق ماتەريال دايىنداۋدى، ۇلەستىرۋدى ساپالىلاندىرىپ، بازاردا قامداۋعا كەپىلدىك ەتۋ، باعانى ورنىقتىرۋ ءىسىن جاقسى ىستەپ، حاۋىپسىزدىك جاعىنداعى كومەسكى كىناراتتاردى ءبىر - بىرلەپ تەكسەرۋدى كۇشەيتىپ، حالىق بۇقاراسىنىڭ مەرەكەنى شات - شادىمان، بەرەكەلى وتكىزۋىنە شىنايى كەپىلدىك ەتۋ كەرەك.
چىن ۋيجۇن، ءيۇسۇپجان مامەت، چىن ميڭگو، سۇن حۇڭمەي، ليۋ سۋشى، شۋە بين، ۋاڭ گاڭ، ءماردان مۇحيت، قايسار ابدىكەرىم قاتارلىلار امانداسۋعا، حال سۇراۋعا قاتىناستى.
