اۆتونوميالى رايوندىق حالىق قۇرىلتايى تۇراقتى كوميتەتىندەگى باسشىلار كوكتەم مەرەكەسى قارساڭىندا، ساقا جولداستارعا جانە اكادەميكتەردىڭ، مامانداردىڭ ۋاكىلدەرىنە امانداسا باردى، ولاردان حال سۇرادى
ءزۇمىرات وبۇل حال سۇراۋعا قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ نا، جاڭ يانفاڭ 1 - ايدىڭ 20 - كۇنى ۇرىمجىدەن حابارلايدى. كوكتەم مەرەكەسى قارساڭىندا، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل قاتارلى اۆتونوميالى رايوندىق حالىق قۇرىلتايى تۇراقتى كوميتەتىندەگى باسشىلار ساقا جولداستارعا، اكادەميك، ماماندار ۋاكىلدەرىنە امانداسا بارىپ، ولاردان حال سۇراپ، كوپشىلىككە كوكتەم مەرەكەسى بايلانىسىمەن سالەمدەستى جانە ىزگى تىلەك ءبىلدىردى.
اۆتونوميالى رايوندىق حالىق قۇرىلتايى تۇراقتى كوميتەتىندەگى باسشىلار ساقا جولداستارمەن شۇيىركەلەسىپ، ولاردىڭ دەنساۋلىعى مەن تۇرمىس جاعدايىن ىقىلاسپەن سۇرادى، ساقا جولداستاردىڭ كوكتەم مەرەكەلەرىنىڭ مەرەيلى، دەنساۋلىقتارىنىڭ مىقتى، تۇرمىستارىنىڭ باقىتتى بولۋىن تىلەدى. ساقا جولداستاردىڭ ۇزاق ۋاقىتتان بەرى، شينجياڭنىڭ رەفورماسىنا، دامۋىنا، ورنىقتىلىعىنا جانە بۇكىل رايوننىڭ حالىق قۇرىلتايى قىزمەتىنە سىڭىرگەن قاجىرلى ەڭبەكتەرىنە، قوسقان ۇلەستەرىنە العىس ايتتى، ساقا جولداستاردىڭ حالىق قۇرىلتايى قىزمەتىنە ۇزدىكسىز كوڭىل ءبولىپ، قولداۋ كورسەتىپ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋگە اقىل - پاراساتتارى مەن كۇش - قۋاتتارىن قوسۋىن ءۇمىت ەتتى. ساقا جولداستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولگەندىگىنە، قامقورلىق جاساعاندىعىنا شىن جۇرەكتەن العىس ايتىپ، شينجياڭنىڭ ءتۇرلى قىزمەتتەرىندە قول جەتكەن ناتيجەلەرىن جوعارى باعالادى، ”ەكىنى تۇراقتاندىرۋدى“ شىن جۇرەكتەن قولداپ، ”ەكىنى قورعاۋدى“ ادالدىقپەن امالياتتا ايگىلەپ، پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ قىزمەتتەرىن اۋەلگىدەي قولدايتىندىقتارىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ءتۇرلى ىستەرىنىڭ دامۋىنا كوڭىل بولەتىندىكتەرىن، قولداۋ كورسەتەتىندىكتەرىن ءبىلدىردى.
اۆتونوميالى رايوندىق حالىق قۇرىلتايى تۇراقتى كوميتەتىندەگى باسشىلار تاعى جۇڭگو عىلىم اكادەمياسىنىڭ شينجياڭ بولىمشە اكادەمياسىنا كەلىپ، اكادەميكتەردىڭ، مامانداردىڭ ۋاكىلدەرىنە امانداسىپ، ولاردان حال سۇراپ، كوكتەم مەرەكەسى بايلانىسىمەن ىزگى تىلەك ءبىلدىرىپ، پارتيا مەن ۇكىمەتتىڭ قامقورلىعى مەن مەيىرىن جەتكىزدى، ولاردى سەنىمدى بەكەمدەپ، باتىلدىقپەن ىزدەنىس جاساپ، نازاردى مەملەكەت ستراتەگياسىنا شوعىرلاندىرىپ، اۆتونوميالى رايوننىڭ دامۋىن ارقاۋ ەتىپ، ءتۇيىندى كورنەكتىلەندىرىپ، نىسانانى كوزدەپ، شىنايى يگەرىپ، ناقتى ىستەپ، كۇش - قۋاتتى قامال الۋعا شوعىرلاندىرىپ، عىلمي زەرتتەۋ جەتىستىكتەرىن كاسىپ سالاسىن دامىتۋمەن، حالىق تۇرمىسى ىستەرىمەن تىعىز ۇشتاستىرۋدى ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا جاڭا دا اناعۇرلىم زور ۇلەس قوسۋعا ىنتالاندىردى.
امانداسۋ، حال سۇراۋ بارىسىندا ءزۇمىرات وبۇل مىنالاردى ءبىلدىردى: جاڭا كەزەكتى اۆتونوميالى رايوندىق حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، پارتيا 20 - قۇرىلتايىنىڭ كەلەلى شەشىمدەرىن، ورنالاستىرۋلارىن ويداعىداي دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، اۆتونوميالى رايوندىق پارتكوم ورنالاستىرعان ءتۇيىندى مىندەتتەرمەن تىعىز بايلانىستىرىپ، وتكەن كەزەكتى حالىق قۇرىلتايى قىزمەتىنىڭ تاجىريبەلەرىن قورىتىندىلاۋ نەگىزىندە، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىنا بولعان تانىم جانە امالياتتى ءۇرتىس تەرەڭدەتىپ، جاڭا داۋىردەگى بۇكىل رايوننىڭ حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتىپ، كورىكتى شينجياڭ قۇرۋعا اناعۇرلىم زور ۇلەس قوسادى.
لي نيڭپيڭ، توحتى ياقۇپ، مۇقيات جارمۇقامەت، ءدىلشات قىدىرقان، پيڭ شينلاي، ۋاڭ گوحى، ءمامتىمىن قادىر امانداسۋعا، حال سۇراۋعا قاتىناستى.
