□ انار بۇلت \ شينجياڭ گازەتىنىڭ ءتىلشىسى شى شين
بار كۇشىن سالىپ تىنىم تاپپاي وندىرىسپەن شۇعىلداندى، قايراتتانا ۇمتىلىپ تاپسىرىستاردى ورىنداۋ اياق الىسىن جەدەلدەتتى... كوكتەم مەرەكەسى كەزىندە رايونىمىزداعى ءىرى كاسىپورىنداردىڭ ءوندىرىس سەحتارى ايرىقشا قاربالاس بەينەگە ەنىپ، بار كۇشپەن ەكونوميكا قۇراۋدىڭ، ءساتتى باستاما اشۋدىڭ جاڭا جىلدىق بەتاشار كۇيىن شەرتىپ جاتتى.
1 - ايدىڭ 21 - كۇنى سانجى قالاسىنا ورنالاسقان ەرەكشە ترانسفورماتور شەكتى جارنا سەرىكتەستىگىنىڭ شينجياڭ ەلەكتر جەتكىزۋ، كەرنەۋ اۋىستىرۋ عىلىم - تەحنيكاسى كاسىپ باقشاسىنداعى ەرەكشە جوعارى كەرنەۋ ءوندىرىس سەحى مەملەكەتتىڭ ءتۇيىندى ەنەرگيا نىسانى ونىمدەرى مەن ”ءبىر بەلدەۋ، ءبىر جول“ بويىنداعى مەملەكەتتەرگە ەكسپورت ەتىلەتىن ءتۇيىندى نىسان ونىمدەرىنىڭ ءوندىرىلۋىن ”جەدەلدەتۋگە“ كىرىستى.
”كوكتەم مەرەكەسى كەزىندە مەملەكەت ەلەكتر تورىنىڭ ەل ءىشى بازارىندا ساتىلاتىنجانە ەكسپورت ەتىلەتىن ءتۇيىندى نىسان ونىمدەرىنەن 40 نەشەسىن وندىرەمىز“. ەرەكشە جوعارى كەرنەۋ ءوندىرىس سەحىنداعى ەلەكتر سىم تارتۋ ۋچاستيكاسىنىڭ باستىعى لي جيەنىڭ تانىستىرۋىنشا، وسى سەرىكتەستىكتىڭ ءوندىرىس، سىناق، تەحنيكا سياقتى تاراۋلارىنداعى 500گە جۋىق ادام كوكتەم مەرەكەسىندەگى دەمالىستان وزدىكتەرىنەن باز كەشىپ، جۇمىس ورىندارىنان تاپجىلماي، نىسان قارقىنىن بار كۇشپەن قامتاماسىز ەتتى.
جۋىرداعى جىلداردا ەرەكشە ترانسفورماتور شەكتى جارنا سەرىكتەستىگى ”ءبىر بەلدەۋ، ءبىر جول“ بويىنداعى بازاردى زور كۇشپەن اشىپ، جوعارى، جاڭا تەحنيكا ونىمدەرىن 70 نەشە مەملەكەت پەن رايونعا ءساتتى ەنگىزىپ، جيىنتىق نىساندى جاپپاي كوتەرمەگە الۋ بويىنشا 30 نەشە مەملەكەتكە قىزمەت وتەدى. وسى كوكتەم مەرەكەسىندە 5000عا جۋىق قىزمەتكەر كاسىپورىننىڭ شەتەلدەگى نىساندارىنىڭ جۇمىس باسىندا جۇمىس ورىندارىنان تاپجىلمادى. ”قازىر جيىنى 45 حالىقارالىق ينجەنەريا نىسانىنىڭ قۇرىلىسى جالپى بەتتىك جۇرگىزىلۋدە. مۇنىڭ ىشىندە ۋگاندانىڭ اۋىل - قىستاق ەلەكتر تورى نىسانى، گامبيانىڭ 225 كيلوۆولتتىق ەلەكتر جەتكىزۋ، كەرنەۋ اۋىستىرۋ نىسانى سياقتى 10 نىساننىڭ قۇرىلىسىن بيىل اياقتاتۋ جوسپارلاندى“، - دەپ تانىستىردى ەرەكشە ترانسفورماتور شەكتى جارنا سەرىكتەستىگى حالىقارالىق ينجەنەريا باسقارماسىنىڭ ديرەكتورى حۋاڭ حۇڭجۇن.
1 - ايدىڭ 21 - كۇنى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنىڭ ءىرى ءوندىرىس باقشالارىندا ءوندىرىستىڭ ءبىرىنشى شەبىندەگى ءار ۇلت كادرلارى مەن قىزمەتكەرلەرى جۇمىس ورىندارىنان تاپجىلماي، بار كۇشىن سالىپ تىنىم تاپپاي وندىرىسپەن شۇعىلدانۋدا.
جوۋ چاڭيوۋ شينجياڭ جۇڭتاي حيمياسى فۋكاڭ ەنەرگيا شەكتى سەرىكتەستىگى جىلۋ ەلەكتر ستانسياسى ەلەكتر اسپاپتارى سەحىنىڭ تەكسەرۋ - جوندەۋ جۇمىسشىسى. سەح گرۋپپاسىنداعى سىرت جەرلەردەن كەلىپ ىستەپ جاتقان قىزمەتكەرلەردىڭ اۋىلدارىنا قايتىپ كوكتەم مەرەكەسىن وتكىزۋىنە مۇمكىندىك جاساۋ ءۇشىن، ول كوكتەم مەرەكەسى كەزىندە كەزەكشى بولىپ شارلاپ تەكسەرۋ قىزمەتىن وزدىگىنەن مىندەتىنە الدى.
ءدال سول كۇنى شينجياڭ جۇڭتاي كەن اشۋ جانە قورىتۋ شەكتى سەرىكتەستىگى ەلەكتر تاراتۋ سەحىنىڭ بۋ تۋربيناسى تۇعىرىندا ەلەكتر بانىنىڭ بانجاڭى دۋ لۋجيان گەنەراتوردى مۇقيات تەكسەرىپ كورىپ جاتتى. اسىلىندە كوكتەم مەرەكەسى كەزىندە تۋىسشىلاپ قايتۋدى جوسپارلاعان ول جۇمىس ورنىنان تاپجىلماي قىزمەت ىستەي بەرۋ بەكىمىنە كەلدى دە، تۋىسشىلاۋ ورايىن گرۋپپاداعى باسقا قىزمەتتەستەرىنە بەردى.
ۋجياچۇي قالاسىنىڭ شىعىس ونەركاسىپ باقشاسىنا ورنالاسقان شينجياڭ شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگىنىڭ بارلىق جەرىنەن قاربالاس بەينە بايقالادى، مىڭنان استام قىزمەتكەر ”كوكتەم مەرەكەسىندە قىزمەت ورنىمدا بولامىن“ دەگەن اسقاق ۋادەنى كاسىپورىننىڭ ”تاماشا باستاما اشۋىنا“ كۇش قوسۋدىڭ جاڭا قوزعاۋشى قۋاتىنا اينالدىردى.
1 - ايدىڭ 21 - كۇنى تاڭەرتەڭ وسى سەرىكتەستىكتىڭ قىزمەتكەرى حۋاڭ يوۋلۇڭ قىزمەتكە ەرتە شىقتى. ىدىسقا قۇيۋ جۇمىسشىسى رەتىندە، تۇنگى قىزمەتكە شىعاتىن ول، ءسوزسىز، تۇنگى ساعات 2دەن بۇرىن جۇمىس ورنىنا بارىپ بولۋى كەرەك، جاڭا جىلعا قاراعان تۇندە دە سولاي بولادى.
وسى سەرىكتەستىكتىڭ ورتالىق مەڭگەرۋ بولمەسىندە ءتىل تاقتا داۋىسى تولاس تاپپايدى، تىلدەسكىدەن ورنالاستىرۋ بۇيرىقتارى كەلىپ جاتادى، 50گە تارتا جۇمىس جۇرگىزۋشى سەرىكتەستىكتىڭ 58 قوندىرعىسىنداعى 10 مىڭنان استام جابدىقتىڭ اينالىمىن مەڭگەرۋدە.
تازارتىپ ايداعىش باس مەڭگەرۋ ورنىنىڭ ىشكى مەڭگەرۋ قىزمەتكەرى جاڭ جىپيڭ نەگىزىنەن تازا مەتيل سپيرتى ونىمدەرىنىڭ ساپاسىن، ەنەرگيا جۇمسالىمىن مەڭگەرۋگە جاۋاپتى. 2 جىل بويى جاڭا جىلعا قاراعان ءتۇندى جۇمىس ورنىندا وتكىزگەن ول: ”كونە جىلدىڭ ەڭ سوڭعى كۇنى ۇيدەگىلەرمەن بىرگە بولا الماعانىما ىشتەي قىنجىلامىن، ءبىراق كاسىپورىننىڭ تابىسى ۇزدىكسىز جاقسارسا بولعانى، ءبىزدىڭ تۇرمىس جاعدايىمىز دا بارعان سايىن جاقسارا بەرەدى“، - دەدى.
2022 - جىلى بۇل سەرىكتەستىك كوپ جاقتاعى ىقپالدى جەڭىپ، جالپى پايدا سوماسىن 870 ميلليون يۋانعا جەتكىزىپ، اۆتونوميالى رايونىمىزداعى مەملەكەت مەنشىگىندەگى كاسىپورىنداردىڭ پايدا تابۋىندا الدىڭعى قاتاردا ءجۇردى. 2023 - جىلى 1 - ايدىڭ الدىڭعى جارتىسىنداعى مەتيل سپيرتى، سۇيىلتىلعان تابيعي گاز، BDO (4 − 1 بۋتاديول) وندىرىسىندە جەكە - جەكە ايلىق جوسپاردىڭ ％67. 65ىن، ％06. 62ىن، ％28. 52ىن ورىنداپ، جاڭا جىلدا ”تاماشا باستاما اشۋعا“ بەرىك نەگىز قالادى.
شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگىنىڭ پارتكوم شۋجيى، القا باستىعى ما جينرۇڭ ءار جىلعى كوكتەم مەرەكەسىندە وسى سەرىكتەستىكتەگى قىزمەتكەرلەردىڭ ％99ىنىڭ جۇمىس ورىندارىنان تاپجىلماي، سەرىكتەستىكتىڭ جوعارى ساپالى دامۋىنا ۇلەس قوساتىندىعىن ايتتى.
