شاپشال سىبە اۆتونوميالى اۋدانىنىڭ چيەجي قىستاعى
”قىستاقتاعى دۋماندى كوكتەم مەرەكەسى كونسەرتىن“ وزدەرى دايىندادى
انار بۇلت \ شينجياڭ گازەتىنىڭ ءتىلشىسى لي لي
”اكە - شەشە، قاراڭىزدارشى، بۇل قاينۇق قالاشىعى چيەجي قىستاعىنىڭ ’قىستاقتاعى كوكتەم مەرەكەسى‘ كونسەرتىنىڭ“ ويىن نومىرلەرى. مىناۋ مەن قاتىناسقان «ويناقى بەيلۇن ءبيى»... 1 - ايدىڭ 21 - كۇنى كوكتەم مەرەكەسىنە قاراعان كۇن، سىبە ۇلتىنىڭ بەيلۇن ءبيىن ايماق (وبلىس، قالا) دارەجەلى بەيزاتتىق مادەنيەت مۇرالارىنىڭ ۋاكىلدىك سيپاتتى ءتۇرىن جالعاستىرۋشى كۇڭ شيڭحۋا شاپشال سىبە اۆتونوميالى اۋدانى سەگىز سۇمۇل اۋىلىنداعى اكە - شەشەسىنىڭ ۇيىنە بارىپ، بەينەكەسكىندى اشىپ، ولارعا ”قىستاقتاعى كوكتەم مەرەكەسى كونسەرتىندەگى“ قىستاق تۇرعىندارى وزدەرى دايىنداپ، قويعان كونسەرتتى اڭگىمەلەدى.
2023 - جىلى رايونىمىزدان 3 قىستاق، قالاشىق مەملەكەتتىك اۋىل - قىستاق ”قىستاقتاعى كوكتەم مەرەكەسى كونسەرتىنەن“ ۇلگى كورسەتۋ، ايگىلەۋ تۇيىنىنە ەنگىزىلدى، وسىلاردىڭ ىشىندە چيەجي قىستاعى بار.
بەتاشار ءبيدى، اياقتاۋ ءبيدى قوسقاندا چيەجي قىستاعىنىڭ ”قىستاقتاعى كوكتەم مەرەكەسى كونسەرتىندە“ جيىنى 22 ءنومىر بار. ”اسىلگى جوسپارىمىز 17 − 15 ءنومىر بولاتىن، الايدا قىستاق تۇرعىندارىنىڭ قاتىناسۋ بەلسەندىلىگى توتەنشە جوعارى بولدى“! وسى اۋداندىق مادەنيەت سارايى پارتيا ياچەيكاسىنىڭ شۋجيى چىن جياشين تىلشىگە: ەڭ اقىرىندا كونسەرت ءنومىرى 22گە جەتىپ، ويىن قويۋعا قاتىناسقان ارتيس - قىزمەتكەرلەردىڭ سانى 500دەن اسقاندىعىن ايتتى.
سىبە ۇلتىنىڭ بەيلۇن بيىنەن سىرت، ۇيعۇر ۇلتىنىڭ ءبيى «نازىركوم»، قازاق ۇلتىنىڭ ءبيى «مالشى داۋرەنى»، موڭعۇل ۇلتىنىڭ ءبيى «شاتتىق»، حۇيزۋدىڭ حۋا - ىر ءانى «اۋلادا وسكەن كوك جيۋساي»، حىنان تەاترى «چاۋياڭگوۋدان ءۇزىندى» سياقتى كانسەرت نومىرلەرى دە ”قىستاقتاعى كوكتەم مەرەكەسى كونسەرتىندە“ ارت - ارتىنان قويىلدى.
”ءار ۇلت حالقى بەرەكەسى جاراسقان، تۇرمىسىمىز قانداي كوركەم ادەمى. قادام باستىق شىتتاي جاڭا داۋىرگە، العىسىمىز ارنالادى ۇلى پارتياعا“... چيەجي قىستاعىنىڭ 40 جاستاعى تۇرعىنى گۇلنۇر اسەنجان دۋتاردى بەبەۋلەتە شەرتىپ، باسقا 13 ارتيسپەن بىرگە «جاڭا ءداۋىردى جىرلايمىز» ءانىن ورىندادى.
”قىستاق تۇرعىندارىنىڭ مادەنيەت قيمىلدارىنا بولعان قىزعىندىلىعى جىل سايىن جوعارىلادى، كوپشىلىك وزدەرى دايىنداپ، وزدەرى ورىنداعان وسى ’قىستاقتاعى كوكتەم مەرەكەسى كونسەرتىن‘ كولەمدى بىرلەسپە ساۋىق دەۋگە بولادى“، - دەدى كۇڭ شيڭحۋا.
چيەجي قىستاعىنىڭ ”قىستاقتاعى كوكتەم مەرەكەسى كونسەرتىنىڭ“ باس رەجيسسەرى، اۋداندىق مادەنيەت سارايىنىڭ ورىنباسار باستىعى فۋ يىڭگاڭ بىلاي دەپ تانىستىردى: بۇل جولعى ”قىستاقتاعى كوكتەم مەرەكەسى كونسەرتى“ ءان - ءبي، جەرگىلىكتى تەاتر، بەيزاتتىق مادەنيەت مۇرالار، اسپاپپەن مۋزيكا ورىنداۋ (شەرتۋ - ايتۋ)، كومەديا سياقتى كوركەمونەرلىك تاسىلدەر ارقىلى تاسقىنداعان ىنتامەن جاڭا ءداۋىردى جىرلادى، ناعىز مەرەكەلىك ءتۇس العان تۇمشالامالى شام، جۇڭگو تۇيىنشەگى، بارابان، ءتۇستى جىبەك، جەلپۋىش سياقتى بۇيىمداردان شەبەرلىكپەن پايدالانعان، الۋان ونەر تۇرىندەگى ءان - ءبي كونسەرتى بولدى.
