انار بۇلت \ شينجياڭ گازەتىنىڭ ءتىلشىسى شى شين 1 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋعا قاراعاندا، رايونىمىز مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىندە مىندەتتى ورىنداۋ مولشەرى جاعىندا بۇكىل ەل بويىنشا الدىڭعى قاتاردا بولىپ، ىلگەرىندى - كەيىندى 2 رەت مەملەكەتتىك كەڭەس مەملەكەت مەنشىگىندەگى كاسىپورىندار رەفورماسى باسشىلىق گرۋپپاسى كەڭسەسى جاعىنان A دارەجەلى بولىپ باعالانعان ءارى مەملەكەت بويىنشا حابارلاندىرۋ شىعارىپ ماداقتالعان.
2022 - جىلى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى اۆتونوميالى رايوندىق پارتكوم مەن ۇكىمەتتىڭ جاڭا كەزەكتى رەفورما شەشىمدەرىن، ورنالاستىرۋلارىن مۇقيات تياناقتاندىرىپ، مەملەكەت مەنشىگىندەگى كاسىپورىنداردىڭ جوعارى ساپالى دامۋى جونىندەگى پىكىردى جانە اتقارۋ جوباسىن جاساپ، ”14 - بەسجىلدىق“ كەزىندەگى 30 مىندەتتى، 50 شارانى، 80 تىزىمدىكتى ايقىنداپ، ءبىر قىدىرۋ كەلەلى سەرپىلىستىك جەتىستىكتەرگە قول جەتكىزدى.
مەملەكەت مەنشىگىندەگى كاپيتالدىڭ اينالىم دەڭگەيى كورنەكتى جوعارىلادى. اۆتونوميالى رايون بازارعا شىعارىلعان كاسىپورىندار بايلىعى قامباسىن قۇرىپ، شينجياڭ ليشين ەنەرگيا جارنا شەكتى سەرىكتەستىگىنىڭ ءساتتى بازارعا شىعارىلۋىن ىلگەرىلەتتى، شينجياڭ باۋدي كەن شارۋاشىلىعى جارنا شەكتى سەرىكتەستىگىنىڭ IPOسىنىڭ تۇڭعىش تاراتىلۋى بيىل 1 - ايدىڭ 12 - كۇنى بەكىتىلىپ ماقۇلداندى؛ شينجياڭ جينتوۋ مال - مۇلىك باسقارۋ جارنا شەكتى سەرىكتەستىگىنىڭ شينجياڭداعى تۇڭعىش 10 ميللياردتىق كولەمدەگى كاسىپ سالاسىنا جەتەكشىلىك ەتۋ قورىن قۇرۋىن باستاۋدى ىلگەرىلەتتى؛ شينجياڭ قاتىناسقا قارجى قوسۋ توبى شەكتى جاۋاپكەرشىلىك سەرىكتەستىگىنىڭ، شينجياڭ اۋەجاي (توبى) شەكتى جاۋاپكەرشىلىك سەرىكتەستىگىنىڭ نەگىزدىك قۇرىلعىلارىن جاريا قابىلداۋ REITs نىسانىن ءوتىنىش ەتۋىن قولدادى.
مەملەكەت مەنشىگىندەگى كاسىپورىنداردىڭ عىلىم - تەحنيكادا جاڭالىق اشۋى كۇشەيتىلدى. بۇكىل رايونداعى مەملەكەت مەنشىگىندەگى كاسىپورىندار زەرتتەپ اشۋعا 2 ميلليارد 332 ميلليون يۋان جۇمساپ، رايونعا قاراستى مەملەكەت مەنشىگىندەگى ونەركاسىپ كاسىپورىندارى تۇگەل زەرتتەپ اشۋ قۇرىلىمىن قۇردى. بۇكىل رايونداعى مەملەكەت مەنشىگىندەگى كاسىپورىنداردىڭ جاڭادان ارتقان ءتۇرلى جاڭالىق اشۋ تۇعىرى 19عا، مەملەكەت دارەجەلى جوعارى، جاڭا تەحنيكالىق كاسىپورىندار مەن ”ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان“ كاسىپورىندار 13كە، ءتۇرلى پاتەنتتى 545كە جەتتى. مەملەكەت دارەجەلى، ولكە دارەجەلى عىلىم - تەحنيكادا قامال الۋعا 49 نىسان ەنگىزىلدى.
ايماق، وبلىس، قالالارداعى مەملەكەت مەنشىگىندەگى كاسىپورىندار رەفورماسىنىڭ ىلگەرىلەۋى پارمەندى بولدى. اقسۋ ايماعى ەنەرگيا حيميا ونەركاسىبى، ستراتەگيالىق جاڭادان گۇلدەنگەن كاسىپ سالاسى، فينانستىق قىزمەت وتەۋ، سيفرلى ەكونوميكا سياقتى سالالاردا قوعامدىق كاپيتالمەن بىرگە قارجى قوسىپ، سەلبەسۋدى ورىستەتتى؛ ءۇرىمجى قالاسى 4 كاسىپورىننىڭ ارالاس مەنشىك ءتۇزىمى رەفورماسىن ورنىقتى قاداممەن ىلگەرىلەتتى؛ حوتان ايماعى استىق - ماي توبىن، توعىسپالى مەديا توبىن قايتا ۇيىمداستىردى؛ سانجى حۇيزۋ اۆتونوميالى وبلىسى قاتىناسقا قارجى قوسۋ توبىن قايتا ۇيىمداستىرىپ قۇردى، مادەنيەت - ساياحات توبىن رەتتەپ نىعايتتى؛ قارامايلى، قۇمىل، التاي سياقتى جەرلەر ەڭبەككە جۇمىسشى قابىلداۋ جانە كىرىس ءبولىسى سياقتى سالالاردا ءبىر توپ ءتۇزىمدى، پىكىردى العا قويدى نەمەسە كەمەلدەندىردى؛ بايىنعولين موڭعۇل اۆتونوميالى وبلىسى، بۇراتالا موڭعۇل اۆتونوميالى وبلىسى سياقتى جەرلەر ءبىر توپ كاسىپ سالاسىن دامىتۋ قورىن قۇردى.
