تيانشان تورى
تيانشان تورى   ›   جاڭالىقتار   ›   شينجياڭ حابارلارى

مادەنيەتتىڭ ”شۇرايلى جىلىندا“ كوكتەم مەرەكەسى ءتىپتى دە ءماندى بولدى

□ جاڭ بەي

  بيىل كوكتەم مەرەكەسىنىڭ مادەنيەتتىك ءمانى توتەنشە قويۋ بولدى. كينوحانالاردا «سەرگەلدەڭ جەر شارى 2»، «مانجياڭحۇڭ» فيلمدەرى كورەرمەندەردى ءتانتى ەتۋمەن بىرگە، رۋحاني جاقتان دا سەرپىلتتى، شينجياڭ اسەمونەر سارايىنداعى جۇڭگو شينجياڭ حالىقارالىق كوركەمونەر قوس جىلدىق كورمەسى ادامدارعا تىڭ تىنىس الا كەلدى، شينجياڭ مۇراجايىنداعى مادەني ەسكەرتكىشتەر كورمەسى ءبىلىمىمىزدى بايىتۋمەن بىرگە، كوز ايامىزدى دا كەڭەيتە ءتۇستى... ءاربىر مول مادەنيەت ”داستارقانى“ ادامدارعا جەتىپ كەلگەن كوكتەم مەرەكەسى تاماشاسىنىڭ اراسىنان كوكتەم مەرەكەسى مادەنيەتىنىڭ وزگەشە باۋراۋ كۇشىن سەزىندىردى.

  بۇگىنگى كۇندە كوكتەم مەرەكەسىن وتكىزگەندە، ادامداردىڭ تالپىناتىنى جاي عانا زاتتىق بايلىقتىڭ مولدىعى بولماي، ءتىپتى دە جوعارى رۋحاني مادەنيەتتىك تۇرمىس بولىپ وتىر. ءار ۇلت بۇقاراسى دەمالۋمەن، كوڭىل اشۋمەن بىرگە، سۇيىسپەنشىلىك جاقتاعى ورتاقتىققا يە بولۋدى دا، جان دۇنيەسىنىڭ نارلەنۋىن دە اڭسايتىن بولدى، مادەنيەت قاجەتى ”بار ما، جوق پا“ دەگەننەن ”جاقسى ما، جامان با“ دەگەنگە قاراي وزگەردى. مەيلى جۇڭحۋانىڭ تاڭداۋلى ءداستۇرلى مادەنيەتىنىڭ تىنىسىن قامتىعان كوكتەم مەرەكەسىندىك ءار الۋان سالت - سانا مادەنيەتى بولسىن، الدە وزگەشە جاڭالىق اشقان كوركەمونەر تۋىندىلارى بولسىن، بارلىعى دا جۋىقتاعى اسا قىزۋ تاقىرىپقا اينالدى. اسىرەسە، اناۋ تالاي زاماندى باستان كەشىرگەن جاڭالىققا، ومىرشەڭدىك كۇشكە تولى، رۋحاني ءمانى حالىقتىڭ تىلەگىمەن ۇيلەسىپ جاتقان كوركەمونەر تۋىندىلارى، مادەنيەت قيمىلدارى ءتىپتى دە مەرەكەدەگى ”قىزۋ تاقىرىپقا“ اينالدى. زاتتىق جاقتان ”شۇرايلى جىلدى“ تويلاۋ ۇدايىلاندى، ۇزدىكسىز مولايعان جوعارى ساپالى مادەنيەت ونىمدەرى، ءار ۇلت بۇقاراسىنىڭ مادەنيەتتىڭ ”شۇرايلى جىلىن“ وتكىزۋىنە مۇمكىندىك جاساۋ بارعان سايىن ”قاجەتتىلىككە“ اينالدى.

  كوكتەم مەرەكەسىندىك سالت - سانالار مادەنيەتتىڭ تىرەگى ءارى مادەنيەتتىڭ گۇلدەنۋ دارەجەسىن بىلدىرەدى. جوعارى ساپالى مادەنيەتپەن قامداۋ ارقىلى حالىقتىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرۋ حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋدىڭ قاجەتتى تالابى ءارى مادەنيەت كاسىپ سالاسىن دامىتۋدى جەبەۋدىڭ، مادەنيەتتىك تۇتىنۋدى جانداندىرۋدىڭ ءونىمدى جولى، ءبىز ءداستۇرلى مادەنيەتتىڭ جاڭا داۋىرلىك شۇعىلاسىن الاۋلاتۋمەن بىرگە، كوكتەم مەرەكەسىن ءتىپتى دە ءماندى ەتۋىمىز كەرەك.

  مادەنيەت كوكتەم مەرەكەسىن وتكىزۋ، جىلدان - جىلعا جاقسارا بەرگەي. بۇل الەۋمەتتىك مادەنيەتتىك قىزمەت وتەۋدىڭ جانە ونىمدەرىمەن قامداۋدىڭ دەڭگەيىن ۇزدىكسىز جوعارىلاتۋدى قاجەت ەتەدى، بۇقارانى ءتىپتى دە كوپ، ءتىپتى دە جاقسى رۋحاني ازىقپەن قامداپ، بۇقارانىڭ دوڭگەلەك داۋلەتتى تۇرمىستان قۋانا يگىلىكتەنۋىنە مۇمكىندىك جاساۋ كەرەك.

 (”لەپتى لەبىز“ ماقالا جولداۋ حات ساندىعى: xjrbplb@126.com)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.