تيانشان تورى
تيانشان تورى   ›   جاڭالىقتار   ›   شينجياڭ حابارلارى

قىزمەت ورىندارىنان تاپجىلماي، باقىتتىڭ قورعانىشى بولدى

  1 - ايدىڭ 24 - كۇنى ساۋداگەرلەر ىلە جيۋديڭ اۋىل شارۋاشىلىق ونىمدەرىن تولايىم ساتۋ بازارىندا اپەلسين تيەپ، تاسىمالداۋدا. كوكتەم مەرەكەسى دەمالىسىندا، وسى بازارداعى ٴتۇرلى كوكونىس، جەمىس - جيدەك سياقتىلاردىڭ جەتكىلىكتى زات قاينارى جەرگىلىكتى بۇقارانىڭ مەرەكەلىك زات ساتىپ الۋ قاجەتىن قاناعاتتاندىردى. سۋرەتتى تيانشان تورى - شينجياڭ گازەتىنىڭ ٴتىلشىسى زوۋ ي تۇسىرگەن

  1 ـ ايدىڭ 22 ـ كۇنى تابيعي گازدى باتىستان شىعىسقا جەتكىزۋدىڭ نەگىزگى گاز قاينارىنىڭ ٴبىرى − جۇڭگو مۇنايى تارىم مۇنايلىعىنىڭ كىشىن 2 - گاز الابىندا، قىزمەتكەرلەر گاز جيناۋ رايونىندا كورسەتكىش اسپاپتاردىڭ الىستان جەتكىزگەن ساندىق مالىمەتتەرىن ناق مايداندا تەكسەرىپ انىقتاۋدا. كوكتەم مەرەكەسى دەمالىسىندا تارىم مۇنايلىعىنىڭ ٴبىرىنشى شەبىندەگى قىزمەتكەرلەر قىزمەت ورىندارىنان تاپجىلماي، تابيعي گازدى باتىستان شىعىسقا جەتكىزۋدىڭ ورنىقتى اينالىمىنا شىنايى كەپىلدىك ەتتى. سۋرەتتى فىڭ زىشۋان تۇسىرگەن

  1 - ايدىڭ 22 - كۇنى التاي ايماقتىق حالىق شيپاحاناسى شۇعىل ەمدەۋ ٴبولىمىنىڭ سەسترالارى اسپاپتاردى تەكسەرۋدە. كوكتەم مەرەكەسى دەمالىسىندا شيپاحاناداعى ەمدەۋ قىزمەتكەرلەرى قىزمەت ورىندارىنان تاپجىلماي، ٴار ۇلت بۇقاراسىنىڭ دەنساۋلىعىن قورعادى. سۋرەتتى ارداق بەيىسقان تۇسىرگەن

  1 - ايدىڭ 24 - كۇنى ساۋان قالالىق ٴادىليا مەكەمەسىنىڭ، حالىق پروكۋراتۋراسىنىڭ داچۋان اۋىلى قالا ماڭى شىعىس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىنىڭ بۇرشىكتەگەن كوشەتتى باپتاۋىنا جەتەكشىلىك ەتتى. كوكتەم مەرەكەسى كەزىندە بۇل قىستاقتا ەگىلگەن اس بۇرشاق مايساسى، لوبى مايساسى سياقتى بۇرشىكتەگەن كوشەتتەر تۇتىنۋشىلاردىڭ قىزۋ قارسى الۋىنا يە بولدى. سۋرەتتى ۋاڭ فاڭجي تۇسىرگەن

  1 - ايدىڭ 24 - كۇنى لوپنۇر اۋداندىق حالىق ىستەرى يگىلىك باقشا رايونىنىڭ قىزمەتكەرلەرى قارتتارمەن اڭگىمە دۇكەنىن قۇرۋدا. كوكتەم مەرەكەسى كەزىندە وسى يگىلىك باقشا رايونىنىڭ قىزمەتكەرلەرى قىزمەت ورنىنان تاپجىلماي، قارتتارعا سەرىك بولىپ، تىنىش، جاراسىمدى قويان جىلعى كوكتەم مەرەكەسىن قارسى الۋىنا مۇمكىندىك جاراتتى. سۋرەتتى ۋاڭ جىپىڭ تۇسىرگەن

  1 - ايدىڭ 22 - كۇنى حوتاننان ۇرىمجىگە باراتىن پويەزدا پويەز قىزمەتكەرى جولاۋشىلارعا كوكتەم بوساعالىعى، ’福‘ ٴارىبى، جۇڭگو تۇيىنشەگى سياقتى مەرەكەلىك اشەكەي بۇيىمدارىن ۇسىنىپ، جولاۋشىلارعا شىنايى، تاماشا مەرەكەلىك تىلەك ٴبىلدىردى. سۋرەتتى لياڭ فىنفىن تۇسىرگەن

تيانشان تورى - شينجياڭ گازەتىنىڭ ٴتىلشىسى گاۋ فىڭ

  قويان جىلعى كوكتەم مەرەكەسىندە تيانشاننىڭ تۇستىگى مەن تەرىستىگىندەگى سان مىڭداعان وتباسى باس قوسىپ، كونە جىلدى اتتاندىرىپ، جاڭا جىلدى قارسى الدى. شات ـ شادىمان، بەرەكەلى مەرەكە كەزىندە، ٴبىر توپ سۇيىكتى ادامدار قىزمەت ورىندارىنان تاپجىلمادى، ۇلكەن شاڭىراق ءۇشىن ءوز مۇددەلەرىن قيىپ، قىزمەت جاۋاپكەرشىلىگىن ادا ەتىپ، بۇقارانىڭ ٴوندىرىس، تۇرمىس قاجەتىن قامتاماسىز ەتىپ، ەڭ مەيىرلى، جان ـ جاقتى قىزمەت وتەپ، سان مىڭداعان وتباسىنىڭ باس قوسۋىنا قورعانىش بولدى.

  زاۆود، كەن كاسىپورىندارىندا، قۇرىلىس ءبىرىنشى شەبىندە قىزمەتشىلەر قاقاعان سۋىققا قاراماي، قارلى بوراندى ەلەڭ قۇرلى كورمەي، مۇناي، گاز قۇبىرلارىن ارالاپ تەكسەرىپ، ماشينالاردى ىسكە قوسىپ، مينۋت، سەكۋندتى قولدان بەرمەي، وتان ٴۇشىن زاتتىق بايلىق جاراتىپ، كوركەم شينجياڭ قۇردى.

  جاسىل القاپتاعى قارلى القاپتا، كەڭ - بايتاق اتىزدا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى، قىستاق كادرلارى، تەحنيكتەر جانە قالىڭ شارۋالار بۇقاراسى ەگىس ۋاقىتىن مىقتى يگەرىپ، كەزەكتەگى ٴتۇرلى اۋىل شارۋاشىلىق ٴوندىرىسى قىزمەتىن جاقسى ىستەپ، كوكتەم مەرەكەسى قارساڭىندا تۇتاس جىلداعى اۋىل شارۋاشىلىق ٴوندىرىسى جونىندە جوبا جوسپارلاپ، ورنالاستىرۋ جاسادى.

  بۇقارا قاجەت ەتسە، كوكتەم مەرەكەسىندە مەن قىزمەت ورنىمدا بولامىن. بۇقارانىڭ تۇرمىسىنداعى ”كوجە قاتىق“، ”استىقتى“ قامتاماسىز ەتەتىن تولايىم ساتۋ بازارىندا تيجاراتشىلار استىق، ماي، جەمىس - جيدەك، كوكونىس سياقتى تۇرمىستىق زاتتىق ماتەريالداردى سان مىڭداعان وتباسىلارىنا جەتكىزدى؛ وڭتۇستىك پەن سولتۇستىكتىڭ تاسىمال جەلىسىن ىركىلىسسىزدەندىرۋ جاعىندا، كوكتەم مەرەكەسى كەزىندەگى تاسىمالدى قامتاماسىز ەتەتىن تاس جول، تەمىر جول، حالىقتىق اۆياتسيا تاسىمال تاراۋلارىنداعى قىزمەتكەرلەر جولاۋشىلاردىڭ ۇيلەرىنە ٴساتتى ورالۋىنا، وتباسىلارىنىڭ باس قوسۋىنا شىنايى كەپىلدىك ەتتى.

  ىندەتتەن ساقتانۋ - تىزگىندەۋ جاڭا كەزەڭگە ٴوتتى، جەر - جەردەگى شيپاحانالار سالاماتتىققا كەپىلدىك ەتىپ، سالماقتى اۋرۋلاردان ساقتاندى، قىزمەت ورنىنان تاپجىلماعان ەمدەۋ قىزمەتكەرلەرى بۇقارانىڭ ٴومىرى مەن دەنساۋلىعىن تيتتەي دە بوساڭسىماي قورعادى؛ قارتتاردى كۇتىمدەۋ قۇرىلىمدارىندا، كۇتۋشىلەر قارتتاردىڭ قاسىندا بولىپ، ولاردىڭ كوكتەم مەرەكەسىن شات - شادىمان، بەرەكەلى وتكىزۋىنە مۇمكىندىك جاسادى.

  كوكتەم مەرەكەسىندەگى قورعاۋشىلارعا قۇرمەت بىلدىرەمىز، ولار مەيىر ـ شاپاعات پەن جىلۋلىقتى شىن نيەتىمەن جەتكىزىپ، مەرەكەدەگى ەڭ كوركەم كارتينانى قالىپتاستىردى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.