انار بۇلت \ شينجياڭ گازەتىنىڭ ءتىلشىسى چىن چياڭۋي 1 - ايدىڭ 27 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 1 - ايدىڭ 15 - كۇنى شينجياڭ 2023 - جىلعى ەلەكتر تىكە ساۋداسىن ورىنداپ، ساتىلعان ەلەكتر مولشەرى 77 ميلليارد 200 ميلليون كيلوۆات ساعاتقا جەتىپ، تاريحتاعى جاڭا ورەنى جاراتقان.
وسى رەتكى ساۋدا جەكە - جەكە ەلەكتر تورىنىڭ جىلدىق ۋاكىلەتتى ساتىپ الۋ ساۋداسى جانە تۇتاس شينجياڭنىڭ جىلدىق ەكى جاقتى تىكە ساۋداسى سىندى 2 توپقا ءبولىنىپ ۇيىمداستىرىلدى، جالپى 421 بازار تۇلعاسى ءوتىنىش بەرۋگە قاتىناستى، پايدالانۋشىلاردىڭ بازارلانعان جىلدىق توقتام جاساسۋ سالىستىرماسى ％80تەن اسىپ، مەملەكەتتىڭ ەلەكتر قۋاتىنىڭ ورتا، ۇزاق مەرزىمدىك توقتامىنا جوعارى سالىستىرمامەن قول قويۋ تالابىن قاناعاتتاندىردى.
مەملەكەتتىڭ 2023 - جىلعى ەلەكتر قۋاتىنىڭ ورتا، ۇزاق مەرزىمدىك توقتامىنا قول قويۋ، توقتامدى ورىنداۋ قىزمەتىن ويداعىداي ىستەۋگە قاتىستى تالاپتارىن تياناقتاندىرۋ ءۇشىن، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى جاڭا ۇرپاق ەلەكتر قۋاتى ساۋدا تۇعىرىنان پايدالانىپ، جىلدىق مەرزىمگە ءبولىپ ساۋدالاسۋ جۇمىسىن تۇڭعىش رەت ۇيىمداستىردى، بازارلانعان ساۋدالاسۋ باعاسى ەلەكتردەن جوعارى (جوعارى شەگى)، تومەن، قالىپتى پايدالانۋ بويىنشا جەكە - جەكە تۇراقتاندىرىلدى، سونداي - اق اۆتونوميالى رايوننىڭ ساياسات تالابى بويىنشا ءار كەزەڭدەگى باعا پارىقتاندىرىلدى، باعا سيگنالى ارقىلى پايدالانۋشىلاردىڭ ەلەكتردەن پايدالانۋ كوتەرىمدىلىگىن رەتتەۋىن جەبەپ، جاڭا ەنەرگيادان اناعۇرلىم جاقسى پايدالانىپ، ەلەكتر قۋاتىنىڭ جەتىسپەۋىن باسەڭدەتىپ، شينجياڭ كولەمىندە ەلەكتر قۋاتىمەن قامداۋعا كەپىلدىك ەتۋمەن بىرگە، سىرتقا جەتكىزۋ كەزەڭىمەن اناعۇرلىم ويداعىداي سايكەستىرۋگە مۇمكىندىك جاساپ، سىرتقا جەتكىزۋ بازارىنا قىزمەت وتەدى. بۇل ءارى شينجياڭدا جىلدىق ساۋدانىڭ تۇڭعىش رەت كەزەڭگە ءبولۋ تاسىلىمەن ورىستەتىلۋى بولىپ تابىلادى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگى جالپىلىق ءبولىمىنىڭ ورىنباسار مەڭگەرۋشىسى سۇڭ شۋەچياڭ مىنالاردى ءبىلدىردى: وسى رەتكى كەزەڭگە ءبولىپ ساۋدالاسۋدا كەزەڭگە ءبولىپ ءوتىنىش بەرۋ، كەزەڭگە ءبولىپ اداقتاۋ ءتاسىلى پايدالانىلدى. جىلدىق ەلەكتر تورى ۋاكىلەتتى ساتىپ الۋ ساۋداسى مولشەرىنە كەپىلدىك ەتۋ، باعانى ورنىقتىرۋ رولىن اتقاردى. ارادا ساۋدانى ۇيىمداستىرۋ ءتارتىبى ساپالىلاندىرىلىپ، شەكتى سومادا ەسەپتەۋ، حاۋىپسىزدىگىن تەكسەرۋ سياقتى يقۋاتتارى جاپپاي ينتەرنەت جەلىسىندە ءجۇرىلىپ، ساۋدانى ۇيىمداستىرۋدىڭ يكەمدىلىگى مەن دالدىگى جوعارىلاتىلدى.
