ىلە قازاق اۆتونوميالى وبلىستىق مادەنيەت جانە ساياحات مەكەمەسى، ءارقايسى ايماقتىق (وبلىس، قالا) مادەنيەت (دەنە تاربيە، راديو - تەلەۆيزيا) جانە ساياحات مەكەمەسى، ءارقايسى ساياحات مەكتەبى، اۆتونوميالى رايوندىق ساياحات جول باستاۋشىلار قوعامى:
قالىڭ ەمتيحان تاپسىرۋشىلاردىڭ ەمتيحانعا قاتىناسۋ ۇقىق - مۇددەسىنە شىنايى كەپىلدىك ەتۋ ءۇشىن، «مادەنيەت جانە ساياحات مينيسترلىگى بازار باسقارۋ مەڭگەرمەسىنىڭ 2022 – جىلعى مەملەكەتتىك ساياحات جول باستاۋشى تولىمدىلىق ەمتيحانىنىڭ ءبىر ءبولىم ەمتيحان رايونىنداعى قاتىستى ىستەردى كەشەۋىلدەتىپ ورنالاستىرۋى جونىندەگى ۇقتىرۋى» بويىنشا، 2022 - جىلعى مەملەكەتتىك ساياحات جول باستاۋشى تولىمدىلىق ەمتيحانىن شينجياڭ ەمتيحان رايونىندا كەشەۋىلدەتىپ ورنالاستىرۋ ۇقتىرۋى تومەندەگىدەي:
ءبىرىنشى، وتكىزىلەتىن ۋاقىتى
2022 - جىلعى مەملەكەتتىك ساياحات جول باستاۋشى تولىمدىلىق ەمتيحانىنىڭ كەشىكتىرىپ ورنالاستىرىلعان ەمتيحان رايوندارىنىڭ ءبىر تۇتاس جازباشا ەمتيحان ۋاقىتى 2023 - جىلى 3 - ايدىڭ 25 - كۇنى (سەنبى)، اۆتونوميالى رايوندىق مادەنيەت جانە ساياحات مەڭگەرمەسى 2023 - جىلى 4 - ايدىڭ 14 - كۇنىنەن بۇرىن ناق مايدان ەمتيحانى (بەتپە - بەت ەمتيحان) قىزمەتىن ورىنداپ بولادى ءارى ناتيجەسىن جولدايدى.
ەكىنشى، ەمتيحانعا قاتىناسۋشىلار
2022 – جىلى 9 - ايدىڭ 23 - كۇنى 17:00دەن بۇرىن تىزىمدەلىپ تەكسەرۋدەن وتكەن ءارى اقى تاپسىرعان، سونداي - اق، اقىنى قايتارىپ بەرۋدى ءوتىنىش ەتپەگەن ەمتيحان ۋاقىتى كەشەۋىلدەتىلگەن رايونداعى ەمتيحان تاپسىرۋشىلار
ءۇشىنشى، ەمتيحان ءپان تۇرلەرى جانە ۋاقىتى
ءتورتىنشى، ەمتيحان تاپسىرۋ كۋالىگىن باسىپ شىعارۋ
2023 – جىلى 3 - ايدىڭ 20 - كۇنى ساعات 9:00دان باستاپ، ەمتيحان تاپسىرۋشىلار مەملەكەتتىك ساياحات جول باستاۋشى تولىمدىلىق ەمتيحانىنا ينتەرنەتتە تىزىمدەلۋ جۇيەسى ارقىلى ەمتيحان تاپسىرۋ كۋالىگىن تۇسىرۋىنە ءارى ءوزى باسىپ شىعارۋىنا بولادى. تىزىمدەلۋ ينفورماتسياسى تەكسەرۋدەن وتپەگەن، اقى تاپسىرماعان نەمەسە اقىنى قايتارىپ بەرۋدى ءوتىنىش ەتكەن ەمتيحان تاپسىرۋشىلار ەمتيحان تاپسىرۋ كۋالىگىن ءتۇسىرىپ، باسىپ شىعارا المايدى.
بەسىنشى، ەمتيحان ناتيجەسىن جاريالاۋ
ەمتيحان تاپسىرۋشىلاردىڭ ەمتيحان ناتيجەسى مىنالاردى نەگىز ەتەدى: جازباشا ەمتيحان ناتيجەسى، ناق مايدان ەمتيحان (بەتپە - بەت ەمتيحان) ناتيجەسى جانە جالپى ناتيجەسى تۇگەلدەي بەلگىلەنگەن سىزىق شەگى تالابىنا تولعان بولسا تولىمدى بولادى. ۇستىندە تاعى دا ەمتيحانعا قاتىناسقانداردىڭ ەمتيحان ناتيجەسى مىنانى نەگىز ەتەدى: ناق مايدانداعى ەمتيحان (بەتپە - بەت ەمتيحان) ناتيجەسى بەلگىلەنگەن سىزىق شەگى تالابىنا تولعان بولسا تولىمدى بولادى. ەمتيحان تاپسىرۋشىلاردىڭ ەمتيحان ناتيجەسى سول رەتكى ەمتيحاندا عانا كۇشكە يە بولادى.
2023 – جىلى 5 - ايدىڭ 19 - كۇنى ساعات 9:00دان باستاپ، ەمتيحان ۋاقىتى كەشەۋىلدەتىلگەن رايونداعى ەمتيحان تاپسىرۋشىلار مەملەكەتتىك ساياحات جول باستاۋشى تولىمدىلىق ەمتيحانىنا ينتەرنەتتە تىزىمدەلۋ جۇيەسى ارقىلى ەمتيحان ناتيجەسىن تەكسەرىپ كورۋىنە بولادى.
التىنشى، باسقا ىستەر جونىندەگى تالاپتار
ەمتيحانعا قاتىستى باسقا ىستەر جونىندەگى قىزمەت تالابى «مادەنيەت جانە ساياحات مينيسترلىگى بازار باسقارۋ مەڭگەرمەسىنىڭ 2022 - جىلعى مەملەكەتتىك ساياحات جول باستاۋشى تولىمدىلىق ەمتيحانىن ۇيىمداستىرىپ اتقارۋ جونىندەگى ۇقتىرۋى» (بازار باسقارۋ مەڭگەرمەسىنىڭ حاتى 〔2022〕 43 - ءنومىر) بويىنشا اتقارىلادى.
ارنايى حابارلاندىرىلدى.
بايلانىس جاساۋشى جانە تەلەفون ءنومىرى: جاۋ شياۋچۇن 8808939-0991
بايلانىس جاساۋ حات ساندىعى: leaxerinay@163.com
اۆتونوميالى رايوندىق مادەنيەت جانە ساياحات مەڭگەرمەسى
2023 - جىلى 1 - ايدىڭ 16 - كۇنى
