اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى
ورتالىق ۇلتتار داشۋەسىمەن ستراتەگيالىق سەلبەستىك سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 1 - ايدىڭ 28 - كۇنى ۇرىمجىدەن حابارلايدى. 1 - ايدىڭ 27 - كۇنى اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 14 - كەزەكتى حالىق ۇكىمەتىنىڭ 1 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوندىق پارتكومنىڭ ورنالاستىرۋلارىن دايەكتىلەندىرىپ، تياناقتاندىرىپ، ورتالىق ۇلتتار داشۋەسىمەن ستراتەگيالىق سەلبەستىك سياقتى ىستەردى اقىلداستى، 2023 - جىلعى كوكتەم مەرەكەسى دەمالىسى كەزىندەگى قاتىستى جاعدايلار جونىندەگى مالىمەتتى تىڭدادى، ۇكىمەتتىڭ تاياۋ مەزگىلدەگى ءتۇيىندى قىزمەتتەرىن ورنالاستىردى.
ءماجىلىس مىنالاردى اتاپ كورسەتتى: ورتالىق ۇلتتار داشۋەسىنىڭ رايونىمىزبەن ۇزاق ۋاقىتتىق، ورنىقتى، تەڭ يگىلىككە كەنەلەتىن جان - جاقتى ستراتەگيالىق سەلبەستىك قارىم - قاتىناس ورناتۋى كەلەلى ماڭىز الادى. ءبىر تۇتاس جوسپارلاۋدى كۇشەيتىپ، ۇزاق ۋاقىتتىق سەلبەستىك مەحانيزمىن ورناتىپ، اقاۋسىزداندىرىپ، جۇڭحۋا ۇلتى ورتاق تۇلعاسىنىڭ نەگىزدىك ماسەلەلەرىن زەرتتەۋدى ۇزدىكسىز ىلگەرىلەتىپ، شينجياڭداعى ۇلتتاردىڭ ارالاسۋىنداعى، ىشتەسۋىندەگى، توعىسۋىنداعى تاريحي شىندىقتى، ارحەولوگيالىق ناقتى زاتتاردى، مادەنيەت مۇرالارىن ىشكەرىلەي اشىپ جانە ودان ءونىمدى پايدالانىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە جالپىلاستىرىپ قولدانۋدى جاپپاي ىلگەرىلەتىپ، ءار ۇلت بۇقاراسىن جۇڭگو پەيىلىن، جۇڭحۋا رۋحىن بەرىك ورناتۋعا تاربيەلەۋ، جەتەكتەۋ كەرەك. شينجياڭدا ءىسلام ءدىنىن جۇڭگوشالاندىرۋدى ورنىقتى ىلگەرىلەتىپ، ۇشقارىلىقتى الاستاۋدى ىشكەرىلەي ىلگەرىلەتىپ، ۇستامدى، اشىق، زايىرلى، وسى زامانعى قوعامدىق راي قالىپتاستىرىپ، ءدىننىڭ اقاۋسىز دامۋىن جۇزەگە اسىرۋ كەرەك.
ءماجىلىس مىنالاردى اتاپ كورسەتتى: كوكتەم مەرەكەسى كەزىندە رايونىمىزدىڭ قوعامدىق كەلەلى جاعدايى ورنىقتى، ەكونوميكالىق اينالىمى ورنىقتى، قاتىناس، زات اينالىمى ىركىلىسسىز، ساياحات تۇتىنۋى جالىندى، شەكارا وتكەلدەرىندە كەدەننەن ءوتۋ قولايلى، بازار قامداۋى جەتكىلىكتى، ءار ۇلت بۇقاراسىنىڭ زاتتىق، مادەني تۇرمىسى باي مازمۇندى بولىپ، كوكتەم مەرەكەسىن شات - شادىمان، بەرەكەلى وتكىزدى. اۆتونوميالى رايوندىق ۇكىمەت جۇيەسى ۋاقىت كۇتىپ تۇرمايدى دەيتىن كوكەي تەستىلىك سەزىممەن جانە ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەتىن رۋحاني كۇيمەن زەيىن - زەردە مەن جىگەر - قايراتتى وي جەلىسىن رەتتەۋگە، قىزمەتتى يگەرۋگە، دامۋدى كوزدەۋگە جەدەل شوعىرلاندىرۋى، تۇتاس جىلدىق ەكونوميكالىق، قوعامدىق دامۋ نىسانالارىن، مىندەتتەرىن ورىنداۋعا شىنايى كەپىلدىك ەتۋگە شوعىرلاندىرۋى، اسىرەسە، كەيبىر ماڭىزدى قىزمەتتەرگە، كەلەلى نىساندارعا جانە ءتۇيىندى ماسەلەلەرگە ىرىقتىلىقپەن ىشكەرىلەي تەكسەرۋ - زەرتتەۋ جۇرگىزىپ، ەرتە جوسپارلاپ، ەرتە ورنالاستىرىپ، ەرتە قيمىلداپ، اۆتونوميالى رايوندىق پارتكوم مەن ۇكىمەتتىڭ ورنالاستىرۋلارىن، تالاپتارىن جاپپاي دايەكتىلەندىرىپ، ءتۇرلى قىزمەت مىندەتتەرىنىڭ تياناقتانۋىن مىقتى، ناقتى يگەرىپ، رايونىمىزدىڭ ەكونوميكالىق، قوعامدىق دامۋىنىڭ ءساتتى باستاماسىنا شىنايى كەپىلدىك ەتىپ، بەلگىلەنگەن نىسانا - مىندەتتەردى جۇزەگە اسىرۋعا بەرىك نەگىز قالاۋى كەرەك.
ءماجىلىس باسقا دا ىستەردى اقىلداستى.
