تيانشان تورى - شينجياڭ گازەتىنىڭ ٴتىلشىسى ۋي يۇڭگۇي ، ەرىكتى ٴتىلشى ليۋ ياحۇي
1 ـ ايدىڭ 21 ـ كۇنى كوكتەم مەرەكەسىنە قاراعان ٴتۇنى اراتۇرىك اۋدانى باي اۋىلىنىڭ مالشىسى سايىت گايىت وتباسىنداعىلارىن ەرتىپ، وسى اۋىلدىڭ يتو باعىمشىلىق شارۋالار كاسىپتىك سەلبەستىك كووپەراتيۆىندەگى ساۋلى ىنگەندەردى باعىپ جۇرگەن سەرىگى يۋان تاۋدىڭ مەرەكەسىنە قۇتتى بولسىن ايتا كەلدى.
”كوكتەم مەرەكەڭ قۇتتى بولسىن، باۋىرىم، مەرەكەلىك بۇيىمدارىڭدى دايىنداپ بولدىڭ با؟ ۇيىڭدەگىلەردىڭ دەنساۋلىعى جاقسى ما“؟ سايىتتىڭ سالەمىن العان يۋان تاۋ ونىڭ قولىن قىسىپ ۇستاپ، ولاردى ۇيىنە باستادى.
بيىل 52 جاستاعى سايىت پەن يۋان تاۋ ەكەۋى دە باي اۋىلىنىڭ ادامى، ونداعان جىلدان بەرى ەكى وتباسىنداعىلار تاتۋ - ءتاتتى ءوتىپ، وندىرىستە، تۇرمىستا ءاردايىم ءوزارا كومەكتەسىپ كەلدى. 2018 - جىلى يۋان تاۋ مەن سايىت ءبىر ميلليون يۋان قارجى توپتاپ، يتو باعىمشىلىق شارۋالار كاسىپتىك سەلبەستىك كووپەراتيۆىن تىزىمگە الدىرىپ قۇردى. ەكەۋى ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، سەلبەستىك كووپەراتيۆىن بارعان سايىن شالقىتا ءتۇستى. قازىر اتالعان سەلبەستىك كووپەراتيۆى قىستاقتاعى 100دەن استام وتباسىنىڭ 300دەن استام ساۋلى ىنگەنىن اماناتتاپ باعىپ، باعىمداعى ساۋلى ىنگەن جالپى سانى 800 نەشەگە جەتىپ، كۇندىك ورتاشا ءسۇت مولشەرى 300 كيلوگرامنان استى. وسى تۇيە ءسۇتى اراتۇرىك اۋدانى شينجياڭ جۇڭتو بيو عىلىم - تەحنيكا شەكتى سەرىكتەستىگى سياقتى كاسىپورىندارعا ساتىلادى، كۇندىك ساتىلىم سوماسى 10 مىڭ يۋاننان اسادى.
1 - ايدىڭ 20 - كۇنى اراتۇرىك اۋدانى باي اۋىلى يتو باعىمشىلىق شارۋالار كاسىپتىك سەلبەستىك كووپەراتيۆىندە يۋان تاۋ جاڭادان ساتىپ اكەلىنگەن تۇيەمەن بىرگە سۋرەتكە ٴتۇستى. سۋرەتتى ەلپار تولەش تۇسىرگەن
كوكتەم مەرەكەسى قارساڭىندا يۋان تاۋ مەن سايىت وزدەرىنىڭ جۇمىس ءبولىسى بويىنشا تىنىم تاپپادى، ساۋلى ىنگەن باعۋعا جاۋاپتى يۋان تاۋ، ءتىپتى، مال فەرماسىندا كۇن بويى قاربالاستىققا ءتۇستى. بۇلاردى كوزىمەن كورىپ، كوڭىلىمەن سەزىنگەن سايىت يۋان تاۋعا ۇدايى كۇرىش،ۇن، ماي، ەت، كوكونىس سياقتى تۇرمىستىق زاتتىق ماتەريالداردى جەتكىزىپ تۇردى. 1 - ايدىڭ 21 - كۇنى سايىت تاڭەرتەڭ ەرتە تارتۋ - تارالعىلارىن دايىنداپ، ۇيىندەگىلەردى ەرتىپ، يۋان تاۋعا مەرەكە بايلانىسىمەن قۇتتى بولسىن ايتا كەلدى.
”باي اۋىلىندا تۋدىم، بۇل ارادا حانزۋ، ۇيعۇر، قازاق سياقتى تۇرلىشە ۇلتتار بار، بارلىعىمىز توتەنشە تاتۋ - ءتاتتى وتەمىز. جاڭا جىلدا، كوكتەم مەرەكەسىندە، جۇڭچيۋ مەرەكەسىندە، مەملەكەت مەرەكەسىندە، ورازا ايتتا، قۇربان ايتتا ءبىر - بىرىمىزگە قىدىرىپ بارامىز. ءوزارا ارالاس - قۇرالاس ءوتىپ، ارامىز جاقىنداي ءتۇستى“، - دەدى سايىت.
يۋان تاۋدىڭ نازارىندا سايىت توتەنشە قۇنتتى ادام. ”سايىت اعانىڭ ءوز ءۇيىنىڭ قوي، سيىرلارى بار، سەلبەستىك كووپەراتيۆىندە دە جۇمىستارى تولىپ جاتىر، توتەنشە قاربالاس بولسا دا، ول كىسى ماعان مەرەكەنى قۇتتىقتاپ كەلۋدى ەسىنەن شىعارعان جوق، ەرەكشە تەبىرەنىپ وتىرمىن“، - دەدى يۋان تاۋ.
يۋان تاۋدىڭ ۇيىندە ەكى وتباسىنداعىلار ءبىر اراعا باس قوسىپ، ءتۇشپارا ءتۇيىپ، بوساعالىق جاپسىرىپ، تۇمشالامالى شام ءىلدى ... اق شايدىڭ ءيىسى اڭقىپ، كۇن شۇلەن شۇعىلاسىن شاشىپ تۇر. جۇرەكتى مەيىرگە بولەيتىن سوزدەر تاۋسىلمايدى، قويۋ سۇيىسپەنشىلىك بەينە ءبىر ىستىق لەپ سياقتى ەكى وتباسى ادامدارىنىڭ جۇرەگىن جىلىتتى.
باس قوسۋ − ەڭ ۇلكەن قۋانىش، جينالۋ − ەڭ ۇلكەن باقىت، ىنتىماق − ەڭ ۇلكەن كۇش. ”2023 - جىلى بىرگە قايراتتانا ىستەپ، سەلبەستىك كووپەراتيۆىندەگى تيجاراتشىلاردىڭ كىرىسىنىڭ تاعى دا تىڭ ساتىعا كوتەرىلۋىنە، وسىنداي باقىتتى تۇرمىسىمىزدىڭ ءتىپتى دە تاماشا بولۋىنا مۇمكىندىك جاساۋىمىز كەرەك“. يۋان تاۋدىڭ ۇسىنىسىمەن ەكى وتباسىنداعىلار بىرگە توست كوتەرىپ، جاڭا جىلدى قارسى الدى.
