انار بۇلت \ شينجياڭ گازەتىنىڭ حابارى (ٴتىلشى ليۋ يميڭ حابارلايدى) ناق وزىنەن اۋمايتىن 4 اق قويان قار ويما تۋىندىسىنان سىرت، تاياۋدا شينجياڭ ٴوندىرىس - قۇرىلىس بيڭتۋانى 4 - شى 66 - تۋانى چيڭشۇي الەۋمەتتىك اۋماعى چيڭچۋان جولىنداعى جاسىلداندىرۋ بەلدەۋىندە بۇركىتتىڭ قوياندى الۋى، تۇلپار، تاۋىس سىندى تاعى 3 تۋىندى كوبەيدى. اينىتپاي ويىلعان تۋىندىلار كوشەگە كوپتەگەن ومىرشەڭدىك كۇش باعىشتادى ٴارى كوپتەگەن ادامداردى كەلىپ سۋرەتكە تۇسۋگە باۋرادى.
ابدۇقيۇم قار ويماسىن جاساۋدا. سۋرەتتى ياڭ جۇنچين تۇسىرگەن
بۇل تۋىندىلار تۇگەلدەي 4 - شى 66 - تۋان چيڭشۇي الەۋمەتتىك اۋماعىنىڭ زەينەتكە شىققان قىزمەتكەرى ابدۇقيۇم ابدىقادىردىڭ قولىنان شىققان. 2021 - جىلدىڭ باسىندا، سيىر جىلىنىڭ كەلۋىن قارسى الۋ ٴۇشىن، ول جول بويىنداعى قاسات قاردان پايدالانىپ كوشەگە ناعىز وگىزدىڭ ۇلكەندىگىمەن قارايلاس جۋساپ جاتقان وگىزدى ويىپ شىقتى. قاردان اينىتپاي ويىلعان وگىز دەرەۋ ينتەرنەتتە تانىمالى بولدى، ال ابدۇقيۇم دا وسى سەبەپتى توراپتاستار جاعىنان ”حالىق اراسىنداعى شەبەر“ دەپ ماداقتالىپ، توراپتاستار ىقىلاستى تۇردە ”شۋەنيۋ اعاي“ دەپ اتادى.
اينىتپاي جاسالعان قار ويما تۋىندىسى كوپتەگەن جۇرگىنشىلەردى ايالداپ سۋرەتكە تۇسۋگە باۋرادى. سۋرەتتى ياڭ جۇنچين تۇسىرگەن
2022 - جىلدىڭ سوڭىندا، قويان جىلىنىڭ كەلگەنىن قارسى الۋ ٴۇشىن، ابدۇقيۇم تاعى 4 اق قويان قار ويماسىن جاسادى. ”مەن قاردى ٴۇيىپ قويانعا اينالدىرعاننان كەيىن جۇرتتىڭ ٴبارى ۇناتتى. كوپتەگەن ادامدار كەلىپ كوردى، ادام كوبەيگەن سايىن قۋاندىم، سوندىقتان تاعى دا كەيبىر جاڭا قار ويمالارىن جاسادىم. كوپشىلىكتىڭ كوكتەم مەرەكەسىن كوڭىلدى وتكىزۋىن ٴۇمىت ەتەمىن“، - دەدى 1 - ايدىڭ 30 - كۇنى ابدۇقيۇم.
ابدۇقيۇم جاساعان قار ويما تۋىندىسى. سۋرەتتى ياڭ جۇنچين تۇسىرگەن
ۇعىسۋعا قاراعاندا، ابدۇقيۇم ويۋ ونەرىن ەجەلدەن كاسىپتىك تۇرعىدا ۇيرەنبەگەن ەكەن. ول بالا كەزىندە سەمياسى سيىر، قوي جانە جىلقى باعاتىندىقتان، بۇل جانۋارلاردىڭ بەينەسى مەن ٴپىشىنى كوكەيىندە ەرتەدە - اق ساقتالىپ قالعان. بالالىق شاعىندا، ول قولىنا قىرناۋىشىن الىپ اعاشقا جانۋارلاردىڭ بەينەسىن ويۋدى ۇناتاتىن ٴارى بىرتە - بىرتە وسى ونەردى ۇناتىپ قالادى. 2002 - جىلدان باستاپ، ول ٴار جىلى قىستا دۇكەننىڭ الدىنداعى جاسىلداندىرۋ بەلدەۋىندە مۇشەل قار ويماسىن جاسادى. ”ٴار جىلدىڭ تۇرلىشە مۇشەلىنە قاراي، مەن قار ويما جاسامپازدىعىمەن شۇعىلداندىم. 12 مۇشەل ٴبىزدىڭ ٴداستۇرلى مادەنيەتىمىز، وسى ٴتاسىل ارقىلى كوپشىلىكتىڭ ٴداستۇرلى مادەنيەتتى ءسۇيۋىن ٴۇمىت ەتەمىن“، ـ دەدى ابدۇقيۇم.
اۋدارعان: قادىر ماقان
