1 - ايدىڭ 28 - كۇنى شايار اۋداندىق پارتكوم كەڭسەسى ”تۋىسىم ەكەۋىمىز شاياردى ارالايمىز“ قيمىلىن ورىستەتىپ، وزدەرىنىڭ جۇپ قۇراعان تۋىستارىن شايار اۋدانىنىڭ دامۋ وزگەرىسىن سەزىنۋگە ۇسىنىس ەتىپ، ۇلتتار ىنتىماعى سۇيىسپەنشىلىگىن تىلگە تيەك ەتتى.
سول كۇنى تۇستە، كادرلار وزدەرىنىڭ تۋىستارىمەن بىرگە شايار اۋدانىنىڭ اينالمالى ەكونوميكا ونەركاسىپ باقشا رايونىنداعى ٴبىر ٴبولىم كاسىپورىندار، وگەن وزەنى ەكولوگيالىق ساياحات كورىنىس ٴوڭىرى، يانچي . شايار وسى زامانعى اۋىل شارۋاشىلىق عىلىم ـ تەحنيكا كاسىپ سالاسى باقشاسى سياقتى جەرلەردى ەكسكۋرسيالاپ، تۋىستارىنا شايار اۋدانىنىڭ دامۋ قارقىنى مەن وزگەرىسىن تىكەلەي سەزىندىرىپ، ولاردى قۇلشىنا العا ۇمتىلىپ، ەڭبەككەرلىكپەن اۋقاتتانىپ، اناعۇرلىم باقىتتى دا تاماشا تۇرمىس جاراتۋعا شابىتتاندىردى.
قيمىل بارىسىندا كوپشىلىك ٴتۇسىندىرۋشىنىڭ ٴتۇسىندىرۋىن مۇقيات تىڭداپ، بۇگىنگى جانە وتكەنگى وزگەرىستەردى تالقىلاپ، شايار اۋدانىنىڭ زور وزگەرىسىنە جانە بۇگىنگى تۇرمىستارىنىڭ باقىتتى دا تاماشا بولعاندىعىنا جاپپاي ءسۇيىنىش ءبىلدىردى. بارعان جەرلەرىندە كوپشىلىك ارت – ارتىنان قول تەلەفوندارىن الىپ، ءبىرىن -ءبىرى سۋرەتكە ءتۇسىرىپ ەستەلىك قالدىرىپ، تاماشا ساتتەردى ەستەلىككە الىپ، ٴوزارا سۇيىسپەنشىلىكتى نىعايتتى.
قيمىل ”ۇلتتار ىنتىماعىنىڭ بەرەكەلى شاڭىراعى، تۋىسىم ەكەۋىمىز شاياردى ارالايمىز“ نەگىزگى تاقىرىبىن ارقاۋ ەتىپ، ارالاۋ بارىسىندا جۇپ قۇراعان تۋىستارىنا ماڭايلارىندا تۋىلعان بولماشى وزگەرىستەردى سەزىندىرىپ، كوپشىلىكتى بۇلجىماستان پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەپ، جەتەكتەپ، اعا - باۋىرداي ەتەنە، ٴبىر - بىرىنە قارايلاساتىن، ٴبىر وتباسىنىڭ ادامدارىنداي ۇلتتار ىنتىماعى رايىن ونان ارى قويۋلاتىپ، ٴار ۇلت كادر - بۇقاراسىنىڭ كورىكتى شايار اۋدانىن قۇرۋ ىنتاسىن قاۋلاتتى. (شايار اۋداندىق توعىسپالى مەديا ورتالىعىنىڭ ٴتىلشىسى جاڭ حۇڭ)
اۋدارعان: قادىر ماقان
