تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ۆەنگرياداعى ۆەنگريا - جۇڭگو قوس ءتىل مەكتەبىنىڭ وقۋشىلارىنا جاۋاپ حات جازدى

  شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. تاياۋدا مەملەكەت ءتوراعاسى شي جينپيڭ ۆەنگرياداعى ۆەنگريا - جۇڭگو قوس ءتىل مەكتەبىنىڭ وقۋشىلارىنا جاۋاپ حات جازىپ، ۆەنگرياداعى جاستار مەن ورەندەردى جۇڭگونى اناعۇرلىم كوبىرەك ءتۇسىنىپ، جۇڭگو - ۆەنگريا دوستىعى ىستەرىن جالعاستىراتىن، دامىتاتىن ەلشى بولۋعا شابىتتاندىردى.

  شي جينپيڭ بىلاي دەپ اتاپ كورسەتتى: حانىمىم ەكەۋىمىز قويان جىلعى كوكتەم مەرەكەسىندە سىزدەردەن حات تاپسىرىپ العانىمىزعا وتە قۋاندىق، 2009 - جىلى ۆەنگريا - جۇڭگو قوس ءتىل مەكتەبىندە وقىتۋشى - وقۋشىلارمەن پىكىر اۋىستىرعان كورىنىستەر ءالى ەسىمدە. سىزدەردىڭ جۇڭگو ءتىلىن ۇزاق ۋاقىت تاباندىلىقپەن ۇيرەنىپ، جۇڭگو - ۆەنگريا دوستىعىنا ۇلەس قوسۋدى ماقسات تۇتقاندارىڭىزدان حاباردار بولدىم، مەن سىزدەردى القايمىن.

  شي جينپيڭ بىلاي دەپ باسا دارىپتەدى: جۇڭگو مەن ۆەنگريانىڭ ۇزاق تاريحى مەن شۇعىلالى مادەنيەتى بار، ەكى ەل حالقى ءداستۇرلى دوس، گۋمانيتارلىق اۋىس - كۇيىسى كۇن سايىن جيىلەپ كەلەدى. تولىق ورتانى تاۋىسقاننان كەيىن جۇڭگوعا كەلىپ داشۋە وقۋلارىڭىزدى قارسى الامىز ءارى ءتىپتى دە كوپ ۆەنگريالىق جاستار مەن ورەندەردىڭ جۇڭگو ءتىلىن جاقسى كورىپ، جۇڭگو ءتىلىن ۇيرەنىپ، وراي بولسا، جۇڭگوعا كەلىپ ارالاپ، كورىپ، قازىرگى تاڭداعى جۇڭگو مەن جۇڭگونىڭ تاريحي مادەنيەتىن اناعۇرلىم كوپ ءتۇسىنىپ، جۇڭگو - ۆەنگريا دوستىعى ىستەرىن جالعاستىراتىن، دامىتاتىن ەلشى بولۋعا قۇلشىنۋىن ءۇمىت ەتەمىن.

  ۆەنگريا - جۇڭگو قوس ءتىل مەكتەبى 2004 - جىلى 9 - ايدا قۇرىلعان، ورتا، شىعىس ەۆروپا وڭىرىندەگى جۇڭگو تىلىندە جانە سول ەلدىڭ تىلىندە وقىتۋ جۇرگىزەتىن بىردەن - ءبىر ۇكىمەت قۇرعان تولىق كۇندىك تۇزىمدەگى مەكتەپ، قازىر 12 جىلدىقتا 20 كلاس بار، مەكتەپتەگى وقۋشىلار 530دان اسادى. 2009 - جىلى 10 - ايدا سول كەزدە مەملەكەتتىڭ ورىنباسار ءتوراعاسى بولىپ تۇرعان شي جينپيڭ ۆەنگرياعا ساپارلاي بارعان كەزىندە ۆەنگريا - جۇڭگو قوس ءتىل مەكتەبىندە قىزمەت تەكسەرگەن. بيىل كوكتەم مەرەكەسى قارساڭىندا، وسى مەكتەپتىڭ وقۋشىلارى حۋ ليڭيۋە، سۇڭ جىشياۋ بۇكىل مەكتەپتەگى وقۋشىلار اتىنان ءتوراعا شي جينپيڭ مەن حانىمى پىڭ لييۋان پروفەسسورعا حات جازىپ، جۇڭگونىڭ ادەت - عۇرپى بويىنشا كوكتەم مەرەكەسىن قۇتتىقتاپ، مەكتەپتە جۇڭگو ءتىلىن 12 جىل ۇيرەنگەن اسەرلەرىن بايانداپ، بولاشاقتا جۇڭگوعا كەلىپ داشۋە وقۋ، ۆەنگريا - جۇڭگو دوستىعىنا ۇلەس قوسۋ تىلەكتەرىن ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.