«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيانى جاپپاي قاتاڭ باسقارۋدا پارتيا وزىنە - ءوزى توڭكەرىس جاساۋعا سۇيەنىپ، تاريح پەريودىنان اتتاپ ءوتۋدىڭ تابىستى جولىن تاپتى
شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. 2 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 3 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانى جاپپاي قاتاڭ باسقارۋدا پارتيا وزىنە - ءوزى توڭكەرىس جاساۋعا سۇيەنىپ، تاريح پەريودىنان اتتاپ ءوتۋدىڭ تابىستى جولىن تاپتى» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: پارتيا 18 - قۇرىلتايىنان بەرى پارتيا ورتالىق كوميتەتى پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، بۇرىن بولماعان باتىلدىق پەن تاباندىلىق ارقىلى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىلگەرىلەتىپ، تالاي جىل تەجەلمەگەن ءىشىنارا بۇرىس ستيل مەن تەرىس پيعىلداردى تەجەدى، ۇزاق ۋاقىت شەشىلمەگەن كوپتەگەن قاساڭ دەرتتەر مەن ءسىڭىستى كىناراتتاردى شەشتى، پارتيانىڭ، مەملەكەتتىڭ، ارميانىڭ ىشكى بولىگىندە ورىن تەپكەن اۋىر كومەسكى كىناراتتاردى الاستادى، پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس جاسادى. پارتيانى جاپپاي قاتاڭ باسقارۋدا تاريحي سيپاتتى، جاسامپازدىق سيپاتتى تابىسقا قول جەتتى، جان - جاقتى، تەرەڭ قاتپارلى ىقپال تۋىلدى، ءسوز جوق، ۇزاق ۋاقىت تاباندى بولۋ، ۇزدىكسىز العا ىلگەرىلەتۋ كەرەك.
ماقالادا مىنالار اتاپ كورسەتىلدى: مەن تاريح پەريودىنان اتتاپ ءوتۋ ماسەلەسىن ۇنەمى ايتىپ كەلەمىن، بۇل − پارتيانىڭ مىڭ جىلدىق ۇلى ىسىنە ساياتىن كەلەلى ماسەلە، پارتيانىڭ ءومىر ءسۇرۋى مەن قۇرىپ - جوعالۋىنا سايادى، ەلىمىزدىڭ سوتسياليستىك ءتۇزىمىنىڭ گۇلدەنۋى مەن قۇلدىراۋىنا، تابىسقا جەتۋى مەن ساتسىزدىككە ۇشىراۋىنا سايادى. تاريح پەريودىنان قالاي اتتاپ ءوتۋ كەرەك؟ پارتيا مۇنى باستان - اياق ويلانىپ، ءۇرتىس ىزدەنىس جاساپ كەلەدى. ماۋ زىدۇڭ جولداس يان - انداعى جەر تولەدە مۇنىڭ ءبىرىنشى جاۋابىن بەرگەن بولاتىن، ياعني ”حالىققا ۇكىمەتتى باقىلاتۋ“؛ 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز مۇنىڭ ەكىنشى جاۋابىن بەردى، ياعني وزىنە - ءوزى توڭكەرىس جاساۋ. وزىنە - ءوزى توڭكەرىس جاساۋ − كالتسي تولىقتاپ الۋەتتەنۋ، ۋىتتى ايداپ، باكتەريانى جويۋ، قولما - قول شەشىم جاساۋ، شىرىگەن ەتتى سىلىپ تاستاۋ، پارتيانىڭ سالامات تۇلعاسىن جەمىرەتىن ۆيرۋستاردى جويىپ، ءوز قارسىلىق قۋاتىن ۇزدىكسىز جوعارىلاتۋ، ادام كەتسە، ساياسات - شارالاردىڭ دا بىرگە تىنۋىنان ساقتانۋ. جۇرەكتىلىكپەن وزىنە - ءوزى توڭكەرىس جاساۋ مەن حالىقتىڭ باقىلاۋىن قابىلداۋ ىشكى جاقتان بىردەي، ءبارى دە پارتيانىڭ اۋەلگى ماقساتىن، بورىشىن نەگىز ەتكەن. 100 جىلدان بەرى پارتيا سىرتقى جاقتا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، ىشكى جاقتا پارتيانى جاپپاي قاتاڭ باسقارۋعا، وزىنە - ءوزى توڭكەرىس جاساۋدى ىلگەرىلەتۋگە سۇيەنىپ، باتىلدىقپەن اقيقاتقا تاباندى بولىپ، قاتەلىكتەردى تۇزەتىپ، باتىلدىقپەن پىشاقتىڭ ءدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، پارتيانىڭ باياندى كوركەيۋىنە، ۇزدىكسىز دامۋىنا، زورايۋىنا كەپىلدىك ەتتى.
ماقالادا مىنالار اتاپ كورسەتىلدى: پارتيانى جاپپاي قاتاڭ باسقارۋ − جاڭا داۋىردەگى پارتيانىڭ وزىنە - ءوزى توڭكەرىس جاساۋداعى ۇلى امالياتى، ول 100 جىلدىق ءىرى پارتيانىڭ وزىنە - ءوزى توڭكەرىس جاساۋداعى تىڭ ءورىسىن اشتى. ءبىرىنشى، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، وزىنە - ءوزى توڭكەرىس جاساۋ ءتۇبىرلى ساياسي بەتالىسىنان جازبادى. ەكىنشى، يدەيالىق قۇرىلىستى پارتيانىڭ نەگىزدىك قۇرىلىسى ەتۋگە تاباندى بولىپ، وزىنە - ءوزى توڭكەرىس جاساۋدىڭ وتكىر يدەيالىق قارۋىن شىڭدادى. ءۇشىنشى، ورتالىقتىڭ 8 ءتۇرلى بەلگىلەمەسىنىڭ رۋحىن باتىل تياناقتاندىرىپ، قاتاڭ ءتارتىپ ارقىلى ستيلدى وڭاپ، وزىنە - ءوزى توڭكەرىس جاساۋدىڭ ءونىمدى جولىن بايىتتى. ءتورتىنشى، نايزاعايداي ايباتپەن شىرىكتەسۋگە قارسى تۇرۋعا، سۇرقيا كۇشتەردى جازالاۋعا تاباندى بولىپ، وزىنە - ءوزى توڭكەرىس جاساۋدىڭ قامال الۋ شايقاسىن، ۇزاق ۋاقىتتىق شايقاسىن ويداعىداي جۇرگىزدى. بەسىنشى، پارتيا ۇيىمىنىڭ ساياسي يقۋاتى مەن ۇيىمدىق قۋاتىن، ۇيىستىرۋ قۋاتىن كۇشەيتۋگە تاباندى بولىپ، باتىلدىقپەن، شەبەرلىكپەن كۇرەس جۇرگىزەتىن، جۇرەكتىلىكپەن وزىنە - ءوزى توڭكەرىس جاسايتىن كادرلار قوسىنىن تۇلعالادى. التىنشى، ءوزىن - ءوزى كىرشىكسىزدەندىرەتىن، ءوزىن - ءوزى كەمەلدەندىرەتىن، ءوزىن - ءوزى جاڭالايتىن، ءوزىن - ءوزى جوعارىلاتاتىن تۇزىمدىك ولشەم جۇيەسىن ورناتۋعا تاباندى بولىپ، وزىنە - ءوزى ۇلى توڭكەرىس جاساۋدى ىلگەرىلەتۋگە تۇزىمدىك قامتاماسىزدىق ازىرلەدى.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى، ءبىز ماركسيزمنىڭ پارتيا قۇرۋ ىلىمىنە مۇراگەرلىك ەتىپ جانە ونى دامىتىپ، پارتيانىڭ 100 جىلدىق كۇرەسىنىڭ تاريحي تاجىريبەسىن قورىتىندىلاپ، پايدالانىپ، پارتيانى باسقارۋدا، پارتيانى جونگە سالۋدا امالياتتىق جاڭالىق اشۋدى، نازاريالىق جاڭالىق اشۋدى، تۇزىمدىك جاڭالىق اشۋدى ىشكەرىلەي ىلگەرىلەتىپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ؟ ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ جونىندەگى زاڭدىلىق سيپاتتى تانىمدى جاڭا بيىك دەڭگەيگە جەتكىزدىك. (1) پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولدىق. (2) پارتيانى پارتيا باسقارۋعا، پارتيانى جاپپاي قاتاڭ باسقارۋعا تاباندى بولىپ، وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە باسشىلىق ەتتىك. (3) پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا كەپىلدىك ەتتىك. (4) قاتاڭ بولۋ نەگىزگى ارناسىنا مىزعىماي تاباندى بولىپ، ءتارتىپ قۇرىلىسىنىڭ ساياسي سيپاتىن، داۋىرلىك سيپاتىن، باعىتتامالىق سيپاتىن جوعارىلاتتىق. (5) شەگە قاعۋ رۋحىن اسقاقتاتىپ، ستيل قۇرىلىسىن كۇشەيتۋگە تاباندى بولىپ، تاماشا پارتيا ستيلىمەن قوعامدىق سالتتى، حالىقتىق سالتتى جاقسىلىققا، ىزگىلىككە جەتەكتەدىك. (6) استە راقىم ەتپەۋ پوزيتسياسىمەن شىرىكتەسۋدى جازالاۋعا تاباندى بولىپ، شىرىكتەسۋگە قارسى تۇرۋدىڭ جۇڭگوشا جولىمەن بۇلجىماي جۇردىك. (7) بۇقارانىڭ مۇددەسىن زياندايتىن شىرىكتەسۋ جانە بۇرىس ستيل اتاۋلىنىڭ بارلىعىن تۇزەتۋگە تاباندى بولىپ، حالىق بۇقاراسىنا ادىلدىكتىڭ، تۋراشىلدىقتىڭ جانىندا ەكەندىگىن سەزىندىردىك. (8) ”شەشۋشى ازشىلىقتى“ يگەرىپ، جوعارى ارقىلى تومەنگە ونەگە كورسەتۋگە تاباندى بولىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن قاتايتتىق، ناقتىلاندىردىق. (9) پارتيا مەن مەملەكەتتىڭ باقىلاۋ ءتۇزىمىن كەمەلدەندىرۋگە تاباندى بولىپ، جاپپاي قامتىعان، ۇدايىلانعان، ۇزاق ءونىمدى باقىلاۋ بىرىككەن كۇشىن قالىپتاستىردىق.
