تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ 3 جىلدا تاعى 8 اۋەجاي سالۋدى جوسپارلادى

  انار بۇلت \ شينجياڭ گازەتىنىڭ ءتىلشىسى ما ينيڭ 1 - ايدىڭ 31 - كۇنى ۇرىمجىدەن حابارلايدى. شينجياڭ اۋەجاي توبىنىڭ 2023 - جىلعى قىزمەت ماجىلىسىنەن ۇعىسۋىمىزشا، بيىل شينجياڭ اۋەجاي توبى ”14 - بەسجىلدىق“ جوباداعى ءتۇيىندى نىساندار قۇرىلىسىن جەدەل ىلگەرىلەتىپ، وسىزاماندانعان اۋەجاي تورابى جۇيەسىن كۇش سالا قۇرىپ، 2025 - جىلعا دەيىن 8 اۋەجاي سالۋدى جوسپارلاپ، ”14 - بەسجىلدىقتىڭ“ سوڭىندا شينجياڭدا حالىقتىق اۋەجايدى 33كە جەتكىزۋگە كۇش سالادى ەكەن.

  2022 - جىلى شينجياڭ موڭعۇلكۇرە تۇلپار اۋەجايىن، ارال تارىم اۋەجايىن، تاشقورعان حونچيراپ اۋەجايىن سالىپ، ىسكە قوستى، قازىر 25 حالىقتىق تاسىمال اۋەجايى بار، حالىقتىق اۋەجاي سانى بۇكىل ەل بويىنشا ءبىرىنشى ورىندا تۇرادى. 2023 - جىلدان 2025 - جىلعا دەيىن شينجياڭ اۋەجاي توبى شونجى، بايىنبۇلاق، باركول، بۇگۇر، شيحۋ، قوبىقسارى، گۇما، شينجياڭ ءوندىرىس - قۇرىلىس بيڭتۋانى 2 - شى 38 - تۋان (چەرشەن) سىندى 8 اۋەجاي سالۋدى جوسپارلادى.

  بيىل شينجياڭ اۋەجاي توبى جەرگىلىكتى ۇكىمەتپەن سايكەسىپ، جاڭادان سالىناتىن شيحۋ، قوبىقسارى، گۇما سىندى 3 اۋەجاي ينجەنەرياسىنىڭ الدىڭعى مەرزىمدىك قىزمەتىن جەدەل ىلگەرىلەتتى. سونىمەن بىرگە، شونجى، بايىنبۇلاق اۋەجايلارىنىڭ نىسان قۇرىلىسىن بار كۇشپەن ىلگەرىلەتىپ، جاڭادان سالىناتىن بۇگۇر اۋەجايىنىڭ جىل ىشىندە جۇمىس باستاۋىنا، نارات، قارامايلى اۋەجايلارىن كەڭەيتىپ سالۋ ينجەنەرياسىنىڭ جىل ىشىندە قۇرىلىس باستاۋىنا بەلسەنە قول جەتكىزدى. قازىر جاڭادان سالىناتىن شونجى، بايىنبۇلاق اۋەجايلارىنىڭ نىساندارى جەكە - جەكە جالپى قۇرىلىس مولشەرىنىڭ %61ىن، %64ىن ورىندادى، جاڭادان سالىناتىن باركول اۋەجايى نىسانى جالپى جوبا مەن العاشقى بەكىتۋدى ورىندادى.

  ”اۋەدەگى جىبەك جولى“ قۇرىلىسىن ىشكەرىلەي ىلگەرىلەتۋ ءۇشىن، شينجياڭ اۋەجاي توبى بازاردى اشۋ تەبىنىن ارتتىرىپ، اۋە جەلىسىن تۇتاستىرۋ قابىلەتىن جوعارىلاتتى. بيىل 4تەن استام حالىقارالىق جولاۋشى تاسىمال جەلىسى جاڭادان اشىلدى، قايتا قاتىنادى، ەل ءىشى - سىرتىنان بەلگىلى مەرزىمدى كەزەكشى ۇشاقتاردى جۇرگىزگەن 2دەن استام اۆياتسيا سەرىكتەستىگىن جاڭادان ەنگىزدى، تارماق جەلىدەن شينجياڭ سىرتىنا توتە ۇشاتىن اۋە جەلىسىنەن 10نان استامىن تىڭنان اشتى، جيىلەتتى، شينجياڭ ىشىندەگى تارماق جەلىلەر بويىنشا ءوزارا ۇشاتىن اۋە جەلىسىنەن 8دەن استامىن تىڭنان اشتى، جيىلەتتى. سونىمەن بىرگە بۇكىل شينجياڭداعى اۋەجايلاردىڭ زات اينالىمى بايلىعىن اناعۇرلىم رەتتەپ - بىرىكتىرىپ، ساپالىلاندىرىپ، اۆياتسيا زات اينالىمى باقشا رايونى قۇرىلىسىن كۇش سالا ىلگەرىلەتەدى، سونداي - اق ەل ىشىندەگى، حالىقارالىق جۇك تاسىمال اۋە جەلىسىن ۇزدىكسىز جيىلەتىپ، اۆياتسيا جۇك تاسىمالىن كوتەرمەگە الۋ كاسىبىن كۇش سالا دامىتىپ، شەتەلدە زات پۋنكتتەرىن قۇرۋعا ىزدەنىس جاساپ، زات ءتۇرى مەن قامتۋ كولەمىن كەڭەيتىپ، شىعىس ەۆروپا، ورتا ازيا سياقتى وڭىرلەردىڭ حالىقارالىق اۆياتسيا زات اينالىمى كاسىبىن اشادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.