شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 2 - رەتكى توپتىق ۇيرەنۋىندە بىلاي دەپ باسا دارىپتەدى
جاڭا دامۋ ارناسىن جەدەل قالىپتاستىرىپ، دامۋدىڭ حاۋىپسىزدىگىن، ىرىقتىلىعىن كۇشەيتۋ كەرەك
شينحۋا اگەنتتىگىنىڭ 2 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 1 - ايدىڭ 31 - كۇنى تۇستەن كەيىن جاڭا دامۋ ارناسىن قالىپتاستىرۋ جونىندە 2 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جاڭا دامۋ ارناسىن جەدەل قالىپتاستىرۋ − ەكىنشى 100 جىلدىق كۇرەس نىساناسىن جۇزەگە اسىرۋدى، دامۋ مەن حاۋىپسىزدىكتى ءبىر تۇتاس جوسپارلاۋدى تياناق ەتە وتىرىپ جاسالعان ستراتەگيالىق شەشىم، بولاشاقتاعى دامۋدىڭ ىرىقتىلىعىن يگەرۋدەگى ستراتەگيالىق ورنالاستىرۋ. جاڭا دامۋ ارناسىن جەدەل قالىپتاستىرعاندا عانا، ەلىمىز ەكونوميكاسىنىڭ دامۋىنىڭ نەگىزىن بەكەمدەۋگە، دامۋدىڭ حاۋىپسىزدىگىن، ورنىقتىلىعىن كۇشەيتۋگە، ءار ءتۇرلى الدىن الا بولجاۋعا بولاتىن جانە الدىن الا بولجاۋ قيىن داۋىلدى نوسەر، اساۋ تولقىنداردا ەلىمىزدىڭ ءومىر ءسۇرۋ قابىلەتىن، باسەكەلىك قابىلەتىن، دامۋ قابىلەتىن، باياندى جالعاستىرۋ قابىلەتىن كۇشەيتىپ، جۇڭحۋا ۇلتىنىڭ ۇلى گۇلدەنۋ ءۇردىسىنىڭ توقىراماۋىنا، ءتىپتى، ءۇزىلىپ قالماۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن جەڭىسپەن جۇزەگە اسىرۋعا بولادى.
ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىكتەرىنەن ۇيرەندى ءارى قىزمەتتەگى تۇسىنىكتەرى جونىندە پىكىر اۋىستىردى، يىن لي، ليۋ گوجۇڭ، حى ليفىڭ، جاڭ گوچيڭ، چىن جينيڭ، حۋاڭ كۇنميڭ جولداستار وزدەرى جاۋاپتى سالالارعا جانە جەرگىلىكتى ورىن قىزمەتىنە بايلانىستىرا وتىرىپ ءسوز سويلەدى، كوپشىلىك پىكىر اۋىستىردى.
شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول بىلاي دەپ اتاپ كورسەتتى: سوڭعى جىلدارى جاڭا دامۋ ارناسىن قالىپتاستىرۋ تىڭعىلىقتى ىلگەرىلەتىلىپ، ءبىر قىدىرۋ ونىمدىلىككە قول جەتكىزىلدى، يدەيالىق ورتاق تانىم ۇزدىكسىز ۇيىستى، قىزمەت نەگىزى ۇزدىكسىز بەكەمدەلدى، ساياسات، ءتۇزىم ۇزدىكسىز كەمەلدەندى، ايتسەدە جاڭا دامۋ ارناسىن جاپپاي قالىپتاستىرۋدا ءالى دە مىندەت اۋىر، جول ۇزاق. ماسەلەنى باعدار ەتۋگە جانە جۇيە كوزقاراسىنا تاباندى بولىپ، جاڭا دامۋ ارناسىن جەدەل قالىپتاستىرۋعا تۇساۋ بولىپ وتىرعان باستى قايشىلىقتار مەن ماسەلەلەردى كۇش سالا جويىپ، رەفورمانى جاپپاي تەرەڭدەتىپ، امالياتتا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، ارتىقشىلىقتى ۇزدىكسىز ساۋلەلەندىرىپ، ولقىلىقتاردى تولىقتاپ، ءالسىز تۇستاردى كۇشەيتۋ كەرەك.
شي جينپيڭ بىلاي دەپ باسا دارىپتەدى: ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاۋدى ويداعىداي ىستەپ، سۇرانىس قامداۋدى جەتەكتەيتىن، قامداۋ سۇرانىستى جاراتاتىن اناعۇرلىم جوعارى دەڭگەيدەگى يكەمدى تەپە - تەڭدىكتى قالىپتاستىرىپ، حالىق شارۋاشىلىعىنىڭ ۇتىمدى اينالىمىن جۇزەگە اسىرۋ كەرەك. ىشكى سۇرانىستى كەڭەيتۋ ستراتەگيالىق جوبا باعدارلاماسىن باتىل دايەكتىلەندىرىپ، تياناقتاندىرىپ، كەمەلدى ىشكى سۇرانىس جۇيەسىن جەدەل قالىپتاستىرىپ، كىرىس تىرەگى بار تۇتىنۋ سۇرانىسىن، ۇيلەسىمدى قارىمجىسى بار قارجى قوسۋ سۇرانىسىن، قورى جانە قارىز تەجەمى بار فينانس سۇرانىسىن كۇش سالا كەڭەيتۋ كەرەك. تۇرعىنداردىڭ تۇتىنۋىن كەڭەيتۋدىڭ ۇزاق ءونىمدى مەحانيزمىن ورناتىپ جانە كەمەلدەندىرىپ، تۇرعىنداردىڭ تۇراقتى كىرىسى بولىپ تۇتىنا الۋىنا، الاڭسىز ءارى - ءسارى بولماي تۇتىنۋىنا، تۇتىنۋ ورتاسىنىڭ تاماشا، تابىس سەزىمىنىڭ كۇشتى، تۇتىنۋعا پەيىل بولۋىنا مۇمكىندىك جاساۋ كەرەك. قارجى قوسۋدى كەڭەيتۋ مەحانيزمىن كەمەلدەندىرىپ، ءونىمدى قارجى قوسۋ كەڭىستىگىن كەڭەيتۋ، جاڭاشا نەگىزدىك قۇرىلعىلار قۇرىلىسىن ۇيلەسىمدى دەڭگەيدە الدىن الا ورنالاستىرۋ، جوعارى تەحنيكالىق كاسىپ سالالارى مەن ستراتەگيالىق جاڭادان گۇلدەنگەن كاسىپ سالالارىنا قارجى قوسۋدى كەڭەيتۋ، حالىقتىق قارجى قوسۋدىڭ ومىرشەڭدىگىن ۇزدىكسىز قاۋلاتۋ كەرەك. قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، عىلىم - تەحنيكادا جاڭالىق اشۋدى، تۇزىمدە جاڭالىق اشۋدى ۇزدىكسىز ىلگەرىلەتىپ، قامداۋدى تەجەپ وتىرعان بوگەتتەردى، كەدەرگىلەردى، ءالسىز تۇستاردى تالقانداپ، كاسىپ سالاسى تىزبەگىنىڭ، قامداۋ تىزبەگىنىڭ باسەكەلىك قۋاتىن جانە حاۋىپسىزدىگىن كۇشەيتىپ، ءوز كۇشىنە سۇيەنەتىن، مەڭگەرىمدى، جوعارى ساپالى قامداۋ ارقىلى قازىرگى سۇرانىسقا ۇيلەسۋ، ونى قاناعاتتاندىرۋ، جاڭا سۇرانىستى جاراتۋ جانە وعان جەتەكشىلىك ەتۋ كەرەك.
شي جينپيڭ بىلاي دەپ اتاپ كورسەتتى: عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋ اياق الىسىن جەدەلدەتىپ، شەتەل ”قىسپاققا الىپ وتىرعان“ ماسەلەلەردى شەشۋ كەرەك. بۇكىل مەملەكەت بويىنشا جۇمىلاتىن جاڭاشا ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم - تەحنيكا قۋاتىن نىعايتىپ، جاڭالىق اشۋ بايلىعىن ساپالى ورنالاستىرىپ، ەلىمىزدىڭ ماڭىزدى عىلىم - تەحنيكا سالالارىندا بۇكىل الەمنىڭ باستاماشىسى، الدىڭعى لەكتەگى ايقاسپالى سالالاردا ءورىس اشۋشى بولۋىنا مۇمكىندىك جاساپ، دۇنيە ءجۇزىنىڭ نەگىزگى عىلىم ورتالىعىنا جانە جاڭالىق اشۋدىڭ بيىك بەلەسىنە ەرتەرەك اينالۋىنا كۇش سالۋ كەرەك. مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، دارىندىلاردا قۋاتتى ەل ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ءونىمدى بايلانىسا رول اتقارۋىن ىسكە اسىرىپ، وقۋ - اعارتۋدى دامىتۋدى، عىلىم - تەحنيكادا جاڭالىق اشۋدى، دارىندىلاردى باۋلۋدى ءبىر تۇلعالاندىرا ىلگەرىلەتۋگە تاباندى بولىپ، ۇتىمدى اينالىم قالىپتاستىرۋ؛ ءتول جاسامپازدىقتى، شوعىرلى جاسامپازدىقتى، اشىق جاسامپازدىقتى ءبىر تۇلعالى جوبالاۋعا تاباندى بولىپ، ءونىمدى ساباقتاسۋىن جۇزەگە اسىرۋ؛ جاڭالىق اشۋ تىزبەگىن، كاسىپ سالاسى تىزبەگىن، دارىندىلار تىزبەگىن ءبىر تۇلعالاندىرا ورنالاستىرۋعا تاباندى بولىپ، تەرەڭدەي توعىستىرۋدى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: جاڭا دامۋ ارناسى وسىزاماندانعان كاسىپ سالاسى جۇيەسىن نەگىز ەتكەن، ەكونوميكالىق اينالىمنىڭ ىركىلىسسىزدىگى ءارقايسى كاسىپ سالاسىنىڭ جۇيەلى تۇتاسۋىن، جوعارى ءونىمدى ىركىلىسسىز بولۋىن قاجەت ەتەدى. ەكونوميكانى دامىتۋدىڭ كۇش سالۋ ءتۇيىنىن ۇزدىكسىز ناقتى ەكونوميكاعا شوعىرلاندىرىپ، جاڭاشا ونەركاسىپتەندىرۋدى تىڭعىلىقتى ىلگەرىلەتىپ، جاساۋدا قۋاتتى ەل، ساپادا قۋاتتى ەل، ينتەرنەتتە قۋاتتى ەل، سيفرلى جۇڭگو قۇرۋدى جەدەلدەتىپ، حالىقارالىق باسەكەلىك قۋاتقا يە سيفرلى كاسىپ سالاسى شوعىرىن تۇلعالاۋ كەرەك. كاسىپ سالاسى دامۋىنىڭ ۇلكەن اۋقىمىنا سايكەسىپ، ءالسىز كاسىپ سالالارىنىڭ تىزبەگىن تولىقتاۋدى، باسىمدىققا يە كاسىپ سالالارىنىڭ تىزبەگىن ۇزارتۋدى، ءداستۇرلى كاسىپ سالالارىنىڭ تىزبەگىن دامىتۋدى، جاڭادان گۇلدەنگەن كاسىپ سالالارىنىڭ تىزبەگىن قۇرۋدى ىلگەرىلەتىپ، كاسىپ سالاسى دامۋىنىڭ ۇلاسپالىلىعى مەن باسەكەلىك قۋاتىن كۇشەيتۋ كەرەك. وندىرگىش كۇشتىڭ ورنالاسۋىن ساپالىلاندىرىپ، ءتۇيىندى كاسىپ سالالارىنىڭ ەل ءىشى - سىرتىندا تارتىپپەن ويىسۋىن ىلگەرىلەتىپ، كاسىپورىنداردىڭ بۇكىل الەمدەگى كاسىپ سالالارىنىڭ جۇمىس ءبولىسى مەن سەلبەستىگىنە ىشكەرىلەي ات سالىسۋىن قولداپ، ىشكى - سىرتقى كاسىپ سالالارىنىڭ تەرەڭدەي توعىسۋىن جەبەپ، ءوز كۇشىنە سۇيەنەتىن، مەڭگەرىمدى، حاۋىپسىز، سەنىمدى، باسەكەلىك قۋاتى كۇشتى وسىزاماندانعان كاسىپ سالاسى جۇيەسىن تۇلعالاۋ كەرەك.
شي جينپيڭ بىلاي دەپ اتاپ كورسەتتى: قالا مەن اۋىلدىڭ، وڭىرلەردىڭ سايكەستى دامۋىن جاپپاي ىلگەرىلەتىپ، ەل ىشىندەگى ۇلكەن اينالىمنىڭ قامتۋ اياسىن جوعارىلاتۋ كەرەك. اۋىل - قىستاقتىڭ تۇتىنۋ بازارى جانە ماڭىزدى فاكتور بازارى بولۋ سىندى ماڭىزدى رولىن تولىق ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋدان ورتالىعىن ماڭىزدى دانەكەر ەتكەن قالا - قالاشىقتاندىرۋ قۇرىلىسىن ىلگەرىلەتىپ، قالا مەن اۋىلدىڭ توعىسا دامۋىن جەبەپ، قالا مەن اۋىلدىڭ ەكونوميكالىق بايلانىسىن كۇشەيتىپ، قالا مەن اۋىلدىڭ ەكونوميكالىق اينالىمىن ىركىلىسسىزدەندىرۋ كەرەك. جەر - جەردىڭ ءوز الدىنا شاعىن اينالىم قالىپتاستىرۋىنان ساقتانىپ، وڭىرلىك قامالدى جويىپ، بۇكىل ەل بويىنشا ءبىر تۇتاس ۇلكەن بازاردى شىن مانىندە قالىپتاستىرۋ كەرەك. وڭىرلەردى سايكەستى دامىتۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق رايون ستراتەگياسى سياقتىلاردىڭ تەرەڭدەي توعىسۋىن ىلگەرىلەتىپ، كەلەلى وندىرگىش كۇشتەردى ورنالاستىرۋدى ساپالىلاندىرىپ، ءتۇرلى ماڭىزدى فاكتورلاردىڭ ۇيلەسىمدى اينالىمىن جانە جوعارى ءونىمدى شوعىرلانۋىن جەبەپ، ەل ىشىندەگى ۇلكەن اينالىمدى ىركىلىسسىزدەندىرۋ كەرەك.
شي جينپيڭ بىلاي دەپ باسا دارىپتەدى: رەفورما جاساۋدى، ەسىك اشۋدى ىشكەرىلەي تەرەڭدەتىپ، ەل ءىشى - سىرتىنداعى ۇلكەن اينالىمنىڭ قوزعاۋشى قۋاتى مەن ومىرشەڭدىگىن كۇشەيتۋ كەرەك. ماڭىزدى فاكتورلاردى بازارلاندىرۋ رەفورماسىن تەرەڭدەتىپ، جوعارى ولشەمدى بازار جۇيەسىن قۇرىپ، بۇكىل ەل بويىنشا ءبىر تۇتاس ۇلكەن بازاردى جەدەل قالىپتاستىرۋ كەرەك. مال - مۇلىك ۇقىعىن قورعاۋ، بازارعا كىرۋگە رۇقسات ەتۋ، ءادىل باسەكەلەسۋ، قوعامدىق سەنىمدىلىك سياقتى بازار شارۋاشىلىعىنىڭ نەگىزگى تۇزىمدەرىن كەمەلدەندىرىپ، مونوپوليالاۋعا قارسى تۇرۋدى جانە ورىنسىز باسەكەگە قارسى تۇرۋدى كۇشەيتىپ، كاپيتالدىڭ اقاۋسىز دامۋىن زاڭ بويىنشا ارناعا ءتۇسىرىپ جانە جەتەكتەپ، ءتۇرلى تيجارات تۇلعالارىنىڭ قارجى قوسىپ، شارۋاشىلىق قۇرۋىنا تاماشا ورتا ازىرلەپ، ءتۇرلى تيجارات تۇلعالارىنىڭ ومىرشەڭدىگىن قاۋلاتۋ كەرەك. جوعارى دەڭگەيدە سىرتقا ەسىك اشۋدى ىلگەرىلەتىپ، ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى ىلگەرىلەتىپ، حالىقارالىق ۇلكەن اينالىمداعى ءسوز سويلەۋ ۇقىعىن كۇشەيتۋ كەرەك. ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، حالىقارالىق ەكونوميكا - ساۋدا ەرەجەسى كەلىسسوزىنە بەلسەنە قاتىناسىپ، اشىق، كوپ نەگىزدى، ورنىقتى الەمدىك ەكونوميكا ءتارتىبىن قالىپتاستىرۋدى ىلگەرىلەتىپ، ەل ءىشى، حالىقارا سىندى ەكى بازاردىڭ، ەكى ءتۇرلى بايلىقتىڭ بىرلەسە قيمىلدايتىن اينالىمىن جۇزەگە اسىرۋعا شارت - جاعداي ازىرلەۋ كەرەك.
