ما شيڭرۇي، ەركىن تۇنياز افريكا ەلدەرىنىڭ جۇڭگودا تۇراتىن ەلشىلەر ۋاكىلدەر ۇيىرمەسىندەگىلەرمەن كەزدەستى
جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 2 - ايدىڭ 2 - كۇنى تۇستەن كەيىن ۇرىمجىدە شينجياڭعا ەكسكۋرسيالاي - ساپارلاي كەلگەن افريكا ەلدەرىنىڭ جۇڭگودا تۇراتىن ەلشىلەر ۋاكىلدەر ۇيىرمەسىندەگىلەرمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ۋاكىلدەر ۇيىرمەسىندەگىلەردىڭ جۇڭگونىڭ قويان جىلعى كوكتەم مەرەكەسى كەزىندە ساپارلاي كەلگەندىگىن قىزۋ قارسى الاتىندىعىن ءبىلدىردى ءارى شينجياڭنىڭ ەكونوميكالىق، قوعامدىق دامۋ جاعدايىن قىسقاشا تانىستىردى. ما شيڭرۇي بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتتى، شينجياڭنىڭ ەكونوميكالىق، قوعامدىق بەت - بەينەسىندە وراسان زور وزگەرىس تۋىلدى. ءبىز قوعامنىڭ جاراسىمدىلىعىن، ورنىقتىلىعىن زاڭ بويىنشا قورعاپ، حالىقتى وزەك ەتە وتىرىپ جوعارى ساپالى دامۋدى ىلگەرىلەتۋگە تاباندى بولىپ، ۇلتتار ىنتىماعىن ۇزدىكسىز بەكەمدەپ، دامىتىپ، ءدىني سەنىم ەركىندىگىن تولىق قامتاماسىز ەتىپ، ادامدىق ۇقىقتى قامتاماسىز ەتۋ دەڭگەيىن جان - جاقتى جوعارىلاتتىق، تيانشان الابىندا تىنىش، بەرەكەلى، قارىشتاپ دامىعان جاڭا بەينە جارىققا شىقتى. ءبىز جۇڭگو سىرتقى ىستەر مينيسترلىگىنىڭ قولداۋىندا، ”شاقىرىپ اكەلۋ“، ”سىرتقا شىعارۋ“ تەبىنىن ءۇرتىس ارتتىرىپ، سىرتپەن اۋىس - كۇيىستى، سەلبەستىكتى تەرەڭدەتىپ، جۇڭگو شينجياڭىنىڭ حيكاياسىن ويداعىداي بايانداپ، امەريكانىڭ، باتىستاعى ءىشىنارا ەلدەردىڭ شينجياڭعا ساياتىن جالعان ينفورماتسيالارىنا، ۇگىتىنە پارمەندى تويتارىس بەردىك. وسى رەتكى ساپار ارقىلى كوپشىلىكتىڭ شينجياڭنىڭ قوعامى حاۋىپسىز، ورنىقتى بولعان، دامۋى ءۇرتىس جاقسارعان، حالقى تىنىش ءومىر، شات - شادىمان تىرشىلىك كەشىرگەن شىنايى جاعدايى جونىندە اناعۇرلىم تەرەڭ تانىمدا بولاتىندىعىنا سەنەمىن. كوپشىلىكتىڭ شينجياڭداعى كەزىندە كورگەندەرىن، ەستىگەندەرىن اناعۇرلىم كوپ ادامدارعا تانىستىرىپ، حالىقارالىق قوعامنىڭ شينجياڭنىڭ دامۋ تابىسى مەن ءار ۇلت حالقىنىڭ باقىتتى تۇرمىسىن اناعۇرلىم جان - جاقتى، وبيەكتيۆ تۇردە تۇسىنۋىنە مۇمكىندىك جاساۋىن ءۇمىت ەتەمىن. جۇڭگو مەن افريكانىڭ تەرەڭ ءداستۇرلى دوستىعى بار، ەكى جاقتىڭ شىنايى، بۇكپەسىز، باۋىرمال، ادال سەلبەستىك قارىم - قاتىناسى ۋاقىت وتكەن سايىن بەكەمدەلىپ كەلەدى. كوپشىلىكتىڭ شينجياڭعا ۇنەمى كەلىپ ساپاردا بولىپ، كوزدەن كەشىرىپ، اۋىس - كۇيىستى جەبەپ، دوستىقتى بىرگە اڭگىمەلەپ، افريكا ەلدەرىنىڭ جەرگىلىكتى ۇكىمەتتەرى مەن جۇڭگو شينجياڭىنىڭ اۋىس - كۇيىسىن، سەلبەستىگىن ۇزدىكسىز تەرەڭدەتۋدى ىلگەرىلەتىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋدى جەدەلدەتۋگە بەلسەندى ۇلەس قوسۋىن شىن پەيىلمەن قارسى الامىن.
سەنەگال، بەنين، مالي، رۋاندا، ماداگاسكار، مالاۋي، ۋگاندا، لەسوتو، چاد قاتارلى ەلدەردىڭ جۇڭگودا تۇراتىن باس ەلشىلەرى مەن ديپلوماتيا قىزمەتكەرلەرى قاتارلىلار ىلگەرىندى - كەيىندى ءسوز سويلەدى. ولار مىنالاردى ءبىلدىردى: بيىل ءتوراعا شي جينپيڭنىڭ 2013 - جىلى افريكاعا تۇڭعىش ساپارىندا شىنايى، بۇكپەسىز، باۋىرمال، ادال بولۋ سىندى افريكاعا قاراتىلعان ۇستانىمى مەن دۇرىس ادىلەت - مۇددە كوزقاراسىن ورتاعا قويعاندىعىنىڭ 10 جىلدىعى. جۇڭگو - افريكا دوستىعى ارىدان باستالعان، جۇڭگو افريكانىڭ سەنىمدى دوسى جانە شىنايى، ادال سەرىگى. وسى رەتكى شينجياڭداعى ەكسكۋرسيا - ساپار ارقىلى جۇڭگو - افريكانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن بەلسەنە ىلگەرىلەتىپ، تەرەڭدەتىپ، سەلبەسۋ مەحانيزمىن كەمەلدەندىرىپ، سەلبەسۋ سالاسىن كەڭەيتىپ، ەكى جاقتىڭ اناعۇرلىم زور دامۋدى جۇزەگە اسىرۋىن ىلگەرىلەتەمىز. جۇڭگودا تۇراتىن باس ەلشىلەر مەن ديپلوماتيا قىزمەتكەرلەرى جۇڭگو شينجياڭىنىڭ لاڭكەستىككە جانە ۇشقارىلىققا سوققى بەرۋدە كورسەتكەن قۇلشىنىسىن القادى، حاۋىپسىزدىك جاعىنداعى سەلبەستىكتى اناعۇرلىم كۇشەيتىپ، لاڭكەستىكتىڭ حاۋىپىنەن بىرگە ساقتانۋدى جانە وعان توتەپ بەرۋدى ءۇمىت ەتتى. كوپشىلىك مىنالاردى ءبىلدىردى: جۇڭگو شينجياڭىنىڭ ءتۇرلى ىستەرى ادامدى جالت قاراتاتىن تابىسقا قول جەتكىزىپتى، ءار ۇلت حالقى جاراسىمدى بىرگە بولىپ، دامۋ جەتىستىگىن بىرگە ءبولىسىپ، باقىتتى دا تاماشا تۇرمىس كەشىرىپ جاتىپتى. شينجياڭعا ساياتىن وسەك - اياڭ شىندىقتىڭ جاي - جاپسارىن بۇركەمەلەي المايدى. جۇڭگو جاقتىڭ شينجياڭعا ساياتىن ماسەلەلەردەگى ورىندى تۇرعىسىن باتىل قولداپ، ادامدىق ۇقىق ماسەلەسىن ساياسيلاندىرۋعا قارسى تۇرامىز، سىرتقى كۇشتەردىڭ شينجياڭ ىسىنە جانە جۇڭگونىڭ ىشكى ىسىنە كيلىگۋىنە قارسى تۇرامىز. شينجياڭ جىبەك جولى ەكونوميكالىق بەلدەۋى وزەكتى رايونى، الداعى جەردە ”ءبىر بەلدەۋ، ءبىر جول“ جۇلگەسىندە جۇڭگونىڭ شينجياڭىمەن سەلبەسۋ كەڭىستىگىن ءۇرتىس كەڭەيتىپ، اناعۇرلىم كوپ شينجياڭ كاسىپورىندارىنىڭ افريكاعا كەلىپ قارجى قوسىپ، شارۋاشىلىقتارىن كوركەيتۋىن، كەدەيلەردى ازايتۋ، مادەنيەت، اۋىل شارۋاشىلىعى، ەنەرگيا بايلىعى سياقتى سالالاردا اناعۇرلىم كوپ سەلبەستىك جەتىستىكتەرىنە قول جەتكىزۋىن ىلگەرىلەتىپ، ءوزارا پايدا جەتكىزىپ، تەڭ يگىلىككە كەنەلۋدى قۇلشىنا جۇزەگە اسىرىپ، ەكى جاق حالقىن اناعۇرلىم ويداعىداي باقىتقا كەنەلتەمىز.
چىن ۋيجۇن، نۇرىم سىمايىلقان، سىرتقى ىستەر مينيسترلىگىندەگى قاتىستى تاراۋلاردىڭ جاۋاپتى جولداستارى قاتارلىلار كەزدەسۋگە قاتىناستى.
