اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى ارناۋ ءسوزىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
اۋىل - قىستاقتى گۇلدەندىرۋدى جاپپاي ىلگەرىلەتۋ جانە ءبىرىنشى ماۋسىمداعى ەكونوميكالىق، قوعامدىق دامۋ سياقتى قىزمەتتەردى اقىلداستى، ورنالاستىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 3 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 2 - ايدىڭ 3 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 2 - رەتكى توپتىق ۇيرەنۋىندەگى ماڭىزدى ءسوزىنىڭ رۋحى مەن جۋىقتاعى ماڭىزدى ارناۋ ءسوزىنىڭ، جاۋاپ حاتىنىڭ، ت. ب رۋحىن جەتكىزىپ، ۇيرەنىپ، دايەكتىلەندىرىپ، ورتالىقتىڭ اۋىل - قىستاق كوللەكتيۆىنىڭ تيجارات سيپاتتى قۇرىلىسقا پايدالانىلاتىن جەرىن بازارعا سالۋدى تۇيىندە سىناق ەتۋ قىزمەتىن تەرەڭدەتۋ جونىندەگى ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ جانە ءبىرىنشى ماۋسىمداعى ەكونوميكالىق، قوعامدىق دامۋ سياقتى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، جاڭا دامۋ ارناسىن قالىپتاستىرۋدىڭ كەلەلى ءمانىن تولىق تانىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن ارقاۋ ەتىپ، ءوز ءوڭىرىنىڭ، ءوز سالاسىنىڭ قىزمەتىن جاڭا دامۋ ارناسىنا ەنگىزۋدى سانالى تۇردە جوسپارلاپ، ىلگەرىلەتىپ، ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاپ، وقۋ - اعارتۋدىڭ، عىلىم - تەحنيكانىڭ، دارىندىلاردىڭ نەگىزدىك، ستراتەگيالىق تىرەكتىك رولىن ساۋلەلەندىرىپ، ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن كۇش سالا ورناتىپ، اناعۇرلىم ىرىقتى ەسىك اشۋ ستراتەگياسىن اتقارىپ، بۇكىل ەل بويىنشا ءبىر تۇتاس ۇلكەن بازارمەن بەلسەنە توعىسىپ، شينجياڭنىڭ جاڭا دامۋ ارناسىنا قىزمەت وتەۋىن جانە ونىمەن توعىسۋىن ىلگەرىلەتۋدە تىڭعىلىقتى ناتيجەگە قول جەتكىزۋ كەرەك. باس شۋجي شي جينپيڭنىڭ لاتىن امەريكاسى جانە كارايب ەلدەرى ورتاق تۇلعاسىنىڭ 7 - كەزەكتى باسشىلار ماجىلىسىندە بەينە ەكران ارقىلى سويلەگەن ارناۋ ءسوزىنىڭ جانە ۆەنگرياداعى ۆەنگريا − جۇڭگو قوس ءتىل مەكتەبىنىڭ وقۋشىلارىنا جازعان جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، شينجياڭنىڭ باسىمدىعىن، رولىن ساۋلەلەندىرىپ، اناعۇرلىم جوعارى دەڭگەيدە سىرتقا ەسىك اشۋدى جان - جاقتى، كوپ ساتىلى، كەڭ سالالى ىلگەرىلەتىپ، حالىقارالىق اۋىس - كۇيىستى، سەلبەستىكتى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتۋ كەرەك. باس شۋجي شي جينپيڭنىڭ پاكيستاننىڭ زۇڭتۇڭى الۆيگە جولداعان حال سۇراۋ تەلەگرامماسىن مۇقيات ۇيرەنىپ، دايەكتىلەندىرىپ، توڭىرەكتەگى ەلدەرمەن ناقتى ىستەر سەلبەستىگىن تەرەڭدەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانىلۋىن ىلگەرىلەتىپ، مەملەكەت حاۋىپسىزدىگى قالتقىسىن بەكەمدەۋگە ۇلەس قوسۋ كەرەك.
ءماجىلىس باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن جانە ورتالىقتىڭ اۋىل - قىستاق قىزمەتى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ كەزەكتەگى جانە مۇنان بىلايعى ءبىر مەزگىلدەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ نىسانا - مىندەتتەرى، ستراتەگيالىق تۇيىندەرى جانە نەگىزگى قامال الۋ بەتالىسى سياقتى جاقتارداعى ورنالاستىرۋلارىن ىشكەرىلەي يگەرىپ، شينجياڭنىڭ بايلىق ارتىقشىلىعى مەن دامۋ كەزەڭىن تياناق ەتىپ، اۋىل شارۋاشىلىعىندا قۋاتتى رايون قۇرىلىسىن ىلگەرىلەتۋدى تىڭعىلىقتى جوسپارلاپ، اۋىل شارۋاشىلىعىندا قۋاتتى ەل قۇرۋعا شينجياڭنىڭ كۇش - قۋاتىن ارناۋدى باسا دارىپتەدى. ءماجىلىس اۋىل - قىستاقتىڭ كوللەكتيۆ تيجارات سيپاتتى قۇرىلىسقا پايدالانىلاتىن جەرىن بازارعا سالۋدى تۇيىندە سىناق ەتۋ قىزمەتىن تەرەڭدەتۋدى اقىلداسىپ، ورنالاستىرۋ جاساپ، مەملەكەتتىڭ جالپى تۇلعالىق نىساناسىن، تالابىن دۇرىس يگەرىپ، رايونىمىزداعى سىناق ءتۇيىنى بولعان اۋدان، قالالاردىڭ ءىس جۇزىندىك جاعدايىمەن ۇشتاستىرىپ، بايىپتى، ورنىقتى اتقارىپ، قىزمەت جاۋاپكەرشىلىگى مەن جۇمىس ءبولىسىن ايقىنداپ، بىرلەسىپ قيمىلداۋدى ءبىر تۇتاس جوسپارلاۋدى كۇشەيتىپ، ماڭگىلىك نەگىزگى ەگىنجاي سياقتى كەڭىستىكتى باسقارۋ - مەڭگەرۋ تالابىن قاتاڭ تياناقتاندىرىپ، تۇيىندە سىناق ەتۋ قىزمەتىنىڭ ءتارتىپتى ىلگەرىلەۋىنە شىنايى كەپىلدىك ەتۋدى تالاپ ەتتى. 2023 - جىلعى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن جاقسى ىستەۋ جونىندەگى قاتىستى اتقارۋ پىكىرىن اقىلداسىپ، قاراپ، شينجياڭنىڭ اۋىل شارۋاشىلىعىنىڭ، اۋىل - قىستاعىنىڭ وسىزاماندانۋىن اناعۇرلىم پارمەندى شارا قولدانىپ ىلگەرىلەتىپ، استىق ءوندىرىس قۋاتىن جوعارىلاتۋ ارەكەتىن ىشكەرىلەي اتقارىپ، مەملەكەتتىڭ استىق حاۋىپسىزدىگىن قامتاماسىز ەتۋدەگى جانە ماڭىزدى اۋىل شارۋاشىلىعى ونىمدەرىمەن قامداۋداعى ۇلەس دەڭگەيىن جوعارىلاتۋدى؛ جوعارى ولشەمدى ەگىنجاي قۇرىلىسىن جانە سۋ بايلىعىن قامتاماسىز ەتۋدى كۇشەيتىپ، اۋىل شارۋاشىلىعى عىلىم - تەحنيكاسىنىڭ جانە جابدىقتاردىڭ تىرەكتىك قابىلەتىن جوعارىلاتىپ، وسى زامانعى تۇقىم شارۋاشىلىعىن زورايتىپ، كۇشەيتىپ، اۋىل شارۋاشىلىعىنىڭ جوعارى ساپالى دامۋ نەگىزىن بەكەمدەۋدى؛ شارۋالاردىڭ كىرىسىن قاۋىرت ارتتىرۋدى جەبەۋ ارناۋلى ارەكەتىن اتقارىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، شارۋالاردىڭ، اۋىل - قىستاقتاردىڭ بىرگە بايۋىن جەبەۋدى؛ اۋىل - قىستاقتاردىڭ نەگىزدىك قۇرىلعى قۇرىلىستارىن كۇشەيتىپ، الەۋمەتتىك قىزمەت وتەۋدەگى ولقىلىقتاردى تولىقتاپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى؛ پارتيانىڭ باسشىلىعىن كۇشەيتىپ، اۋىل - قىستاق نەگىزگى ساتى پارتيا ۇيىمدارىن نىعايتىپ، اۋىل - قىستاقتاردى باسقارۋ جۇيەسىن اقاۋسىزداندىرىپ، كەمەلدەندىرىپ، شينجياڭنىڭ اۋىل شارۋاشىلىعى، اۋىل - قىستاق، شارۋالار قىزمەتىندە تىڭ ناتيجەلەرگە قول جەتكىزۋدى قامتاماسىز ەتۋدى جانە ىلگەرىلەتۋدى باسا دارىپتەدى.
ءماجىلىس ءبىرىنشى ماۋسىمداعى ەكونوميكالىق، قوعامدىق دامۋ قىزمەتىن ويداعىداي ىستەۋ جونىندەگى ءبىرقانشا شارانى اقىلداسىپ، ورنالاستىرىپ، ءبىرىنشى ماۋسىمداعى ەكونوميكالىق، قوعامدىق دامۋ قىزمەتىن ويداعىداي ىستەۋدى باسا دارىپتەدى، بۇل بۇكىل رايون ەكونوميكاسىنىڭ جالپى تۇلعالىق جاقتان جاقسارۋىن ىلگەرىلەتۋ، تۇتاس جىلدىق نىسانا - مىندەتتەردى جۇزەگە اسىرۋ جونىنەن كەلەلى ءمان الادى. تۇتاس رايوندا جوعارىدان تومەنگە دەيىن ورتالىقتىڭ ەكونوميكالىق قىزمەت ءماجىلىسىنىڭ رۋحىن جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكوم جەتىنشى جالپى ءماجىلىسىنىڭ ورنالاستىرۋلارىنىڭ ناقتىلانۋىن، تياناقتانۋىن جەدەل ىلگەرىلەتىپ، ءبىرىنشى ماۋسىمداعى ءساتتى باستامانى قۇلشىنا جۇزەگە اسىرۋ كەرەك. ءتۇرلى ءتۇيىندى مىندەتتەردى تىڭعىلىقتى ىلگەرىلەتىپ، اۋىل شارۋاشىلىعى ءوندىرىسىن شىنايى يگەرىپ، كوكتەمگى ەگىستى، ەگىس دايىندىعىن بەلسەنە ورىستەتىپ، كومىر، مۇناي - تابيعي گاز، كرەمنيدى نەگىز ەتكەن ماتەريالدار، حيميا ونەركاسىبى سياقتى ءتۇيىندى كاسىپ سالالارىنىڭ ءونىمىن ورنىقتىرۋدى، ءونىمىن ارتتىرۋدى جەدەلدەتىپ، ونەركاسىپ ەكونوميكاسىنىڭ ورنىقتى ارتۋىن ساقتاپ، نەگىزدىك قۇرىلعى قۇرىلىسى سياقتىلاردى ارقاۋ ەتىپ ءونىمدى قارجى قوسۋدى كەڭەيتىپ، تۇتىنۋدىڭ قالپىنا كەلۋىن كۇش سالا ىلگەرىلەتۋ؛ باتىسقا ەسىك اشۋ تەبىنىن ارتتىرىپ، جىبەك جولى ەكونوميكالىق بەلدەۋى وزەكتى رايونىنىڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن جەدەلدەتۋ؛ ءتۇيىندى سالالاردا رەفورما جاساۋدى، جاڭالىق اشۋدى ىلگەرىلەتىپ، سيفرلى ۇكىمەت قۇرىلىسىن جەدەلدەتىپ، شارۋاشىلىق - ساۋدا ورتاسىن ساپالىلاندىرۋدىڭ، دەڭگەيىن جوعارىلاتۋدىڭ 3 جىلدىق ارەكەتىن ويداعىداي اتقارىپ، ءتۇرلى بازار تۇلعالارىنىڭ ومىرشەڭدىك كۇشىن قاۋلاتۋ؛ حالىق تۇرمىسىن كۇش سالا قامتاماسىز ەتىپ جانە جاقسارتىپ، جاڭاشا قالا - قالاشىقتاندىرۋ قۇرىلىسىن جەدەلدەتىپ، بۇقارانىڭ كىرىسىن ارتتىرۋ ارناسىن كەڭەيتۋ كەرەك. ەكونوميكالىق اينالىمدى رەتتەۋدى كۇشەيتىپ، اۆتونوميالى رايون باسشىلارىنىڭ بايلانىس جاسايتىن ءتۇيىندى نىساندارى سياقتى قىزمەت مەحانيزمدەرىن تياناقتاندىرىپ، فاكتورلارمەن قامتاماسىز ەتۋدى كۇشەيتىپ، قيىنشىلىقتار مەن ماسەلەلەردى شەشىپ، بۇكىل رايون ەكونوميكاسىنىڭ ساپاسىنىڭ ءونىمدى جوعارىلاۋىن جانە سانىنىڭ ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك.
