كلاسسيك قار - مۇز سالتاناتىن سومداپ، كوكتەمدى بەتكە الىپ تاعى دا ساپارعا اتتاندى
− بەيجيڭ قىسقى وليمپيادا سپورت جارىسى وتكىزىلگەندىگىنىڭ ءبىر جىلدىعى بايلانىسىمەن
شينحۋا اگەنتتىگىنىڭ تىلشىلەرى جي يە، كۇڭ شياڭشين، لي چۇنيۇي
2022 - جىلى كوكتەم باسىندا ىنتىماق پەن ارمان حيكايالارى بەيجيڭنەن قانات قاعىپ، بۇكىل الەم بەيجيڭ قىسقى وليمپيادا سپورت جارىسىنىڭ سالتاناتتى قيمىلىن بىرگە وتكىزىپ، ادامدار وليمپيادانىڭ داڭقىنان بىرگە يگىلىكتەندى. ”بەيجيڭ قىسقى وليمپيادا سپورت جارىسى − ەلىمىزدىڭ ماڭىزدى تاريحي كەزەڭدەگى كەلەلى نىشاندىق قيمىلى، مەملەكەت وبرازىن ايگىلەۋدىڭ، مەملەكەتتىڭ دامۋىن جەبەۋدىڭ، ۇلت رۋحىن سەرپىلتۋدىڭ ماڭىزدى ورايى، بەيجيڭ − تيانجين − حىبەيدىڭ سايكەستى دامۋىندا پارمەندى جەتەكشىلىك رول اتقارادى“، ”بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ − جۇڭگونىڭ حالىقارالىق قوعامعا بەرگەن ايبىندى ۋادەسى“. باس شۋجي شي جينپيڭنىڭ ءوزى جوسپارلاپ، ءوزى ورنالاستىرىپ، ءوزى ىلگەرىلەتۋىنىڭ ارقاسىندا وتاننىڭ ءۇمىتىن اقتاعان، حالىقتىڭ ءۇمىتىن اقتاعان، ءداۋىردىڭ ءۇمىتىن اقتاعان سالتاناتتى جينالىس دۇنيە جۇزىنە شۋاقتى، باي - قۇدىرەتتى، اشىق، ۇمىتكە تولى مەملەكەت وبرازىن ايگىلەدى.
2023 - جىلدىڭ كوكتەمى دە جەتتى. بەيجيڭ قىسقى وليمپيادا سپورت جارىسىنىڭ تارتىمدى وتكىزىلگەندىگىنىڭ ءبىر جىلدىعى قارساڭىندا، ءوتىنىش بەرۋدىڭ، دايىندالۋدىڭ، وتكىزۋدىڭ تۇتاس بارىسىنا قايىرىلا قاراساق، قالىڭ قاتىناسۋشىلار بىرگە قالىپتاستىرعان كەلەلى جاعدايدى كوكەيدە ساقتاۋ، سەنىمدى تۇردە اشىق بولۋ، قيىندىقتان تايسالماي العا ۇمتىلۋ، ەرەندىككە تالپىنۋ، بولاشاقتى بىرگە اشۋ سىندى بەيجيڭ قىسقى وليمپيادا رۋحى دەنە تاربيەدە قۋاتتى ەل، سالاماتتى جۇڭگو قۇرۋعا مىعىم رۋحاني كۇش قوسىپ، ”بولاشاققا بىرگە اتتانايىق“ دەگەن ىقىلاستى ۇندەۋدى ۇزدىكسىز جاريالادى.
قىسقى وليمپيادا سپورت جارىسىنىڭ مۇراسى حالىققا باقىت اكەلدى
بيىلعى كوكتەم مەرەكەسى دەمالىسىندا مەملەكەتتىك تەز سىرعاناۋ سارايى − ”مۇز جىبەك باۋ“، بەيجيڭ قىسقى وليمپيادا سپورت جارىسىنىڭ اعا جۇلدەگەرى گاۋ تيڭيۇي تاريح جاراتقان وسى ءبىر جەر بەلگىسى سارايى ەرەكشە دۋمانعا بولەندى − مۇز الاڭىنىڭ سىرتىندا كونكي الۋدى كۇتىپ تۇرعان ساياحاتشىلاردىڭ قاتارى نەشە ون مەتر ۇزاققا سوزىلىپتى، مۇز ۇستىندە تۇرلىشە دەڭگەيدەگى مۇزدا سىرعاناۋ اۋەسكەرلەرى قۇماردان شىعا قۇيعىتۋدا.
قىسقى وليمپيادا سپورت جارىسى وتكىزىلگەندىگىنىڭ ءبىر جىلدىعىن قۇتتىقتاۋ ءۇشىن، مەملەكەتتىك تەز سىرعاناۋ سارايى قالا تۇرعىندارىنىڭ تۇڭعىش كەزەكتى مۇزدا تەز سىرعاناۋ جەلىلەس جارىسىن وتكىزدى. جارىسقا قاتىناسقان شەبەرلەر كاسىپتىك جالعاپ تاراتۋ اپپاراتتارىنىڭ ۇستىنەن تاراتۋىنان جانە ۇلكەن جارىس ولشەمىنىڭ ەلەكتروندىق ۋاقىت ەسەپتەپ ۇپاي جازۋىنان يگىلىكتەنۋمەن بىرگە، جەڭىمپازدار وليمپيادا سپورت ساڭلاقتارىنىڭ رەكورد جاڭالاعانى سياقتى ”مۇز جىبەك باۋ“ ارناۋلى رەكوردتى قابىرعاسىنا داڭقپەن شىعا الادى. مەملەكەتتىك تەز سىرعاناۋ سارايى سەرىكتەستىگىنىڭ القا باستىعى ۋ شياۋنان بىلاي دەدى: ”ءبىزدىڭ مىنا ’ەڭ تەز مۇزىمىز‘ بۇقارانىڭ مۇزىنا اينالدى، مۇنداعى ماقسات اناعۇرلىم كوپ ادامنىڭ قىسقى وليمپيادا مۇراسىنان بىرگە يگىلىكتەنىپ، كوركەم بولاشاقتى بىرگە جاراتۋىنا مۇمكىندىك اپەرۋ“!
بەيجيڭ قىسقى وليمپيادا سپورت جارىسىنان كەيىنگى العاشقى قار - مۇز ماۋسىمىندا، تەرەڭ سەزىنۋ قىسقى وليمپيادا الاڭ - سارايلارىنىڭ تاماشا تانىسقىسىنا اينالدى. شوۋگاڭ شاڭعىمەن سىرعاناپ سەكىرۋ تۇعىرىندا ادامدار سىرعاناۋ دوڭگەلەگىنە وتىرىپ، ۇلكەن سەكىرۋ تۇعىرىنان تومەن قاراي قۇيعىتىپ ءتۇسىپ، سۋ يۇيميڭنىڭ، گۋ ايليڭنىڭ وسى ارادا اعا جۇلدەگەرلىكتى جەڭىپ العانداعى تۇرعىسىن سەزىندى؛ يانچيڭ وليمپيادا باقشا رايونىندا، قىسقى وليمپيادا جارىس جولى ”قار قارلىعاشتا“، ”قار ايداعاردا“ كىدىرىسسىز سىرعاناپ، ”مۇز ۇستىندەگى“F1 قار ماشيناسىنىڭ، قار شاناسىنىڭ جىلدامدىعى مەن اسەرلى سەزىمىن سەزىنىپ، قىسقى وليمپيادا قىستاعىندا سپورتشىلاردىڭ ”اعا جۇلدەگەرلەر ۇيىنە“ قونۋ سانگە اينالعان مىندەتتى تۇردە باراتىن جاڭا نىسان بولدى.
يۇنديڭ شاڭعى باقشاسىندا وزگەرتۋ ارقىلى قيىندىعى لايىقتى تومەندەتىلگەننەن كەيىنگى U فورمالى ناۋا، كەدەرگىدەن ءوتىپ قۋالاي سىرعاناۋ، قيا بەتتە كەدەرگىدەن ءوتۋ، پاراللەل ۇلكەن يرەك سياقتى جارىس جولدارى دا بۇقاراعا رەسمي اشىلدى.
كوكتەم مەرەكەسىنىڭ 1 - كۇنى، بەيجيڭنەن كەلگەن جيا مىرزانىڭ ۇيىندەگىلەر تاڭەرتەڭ تۇشپارا جەپ تاماقتانعاننان كەيىن چۇڭليگە اتتانىپ، تۇستە قويان جىلىنداعى ”العاشقى سىرعاناۋدى“ ورىنداپ بولدى، بەيجيڭ − جاڭجياكوۋ جوعارى جىلدامدىقتى تەمىر جولى چۇڭليدى بەيجيڭدىكتەردىڭ ”ەسىك الدىنداعى“ شاڭعى الاڭىنا اينالدىردى. ”بارىس جىلعى كوكتەم مەرەكەسىندە وتباسىمىزداعىلار قىسقى وليمپيادا سپورت جارىسىن تەلەۆيزوردان تاماشالادىق، قويان جىلعى كوكتەم مەرەكەسىندە ءبىز وليمپيادا سپورت جارىسىنىڭ جارىس جولىندا سىرعاناۋعا اسىقتىق!“
وليمپيادا سپورت جارىسى الاڭ - سارايلارىن جارىستان كەيىن پايدالانۋ دۇنيە جۇزىلىك قيىن تاقىرىپ، ”قوس وليمپيادا قالاسى“ بەيجيڭ جاڭجياكوۋمەن بىرگە الاڭ - ساراي قۇرىلىسىن وزگەرتىپ سالۋدىڭ العاشقى كەزىندە - اق الاڭ - سارايلاردىڭ يقۋاتىن تولىق ەسكەرىپ، جارىس كەزىندە تاماشا بوي كورسەتىپ قانا قويماي، جارىستان كەيىن حالىققا باقىت جاراتۋىنا مۇمكىندىك جاسادى.
”مۇز جىبەك باۋمەن“ ءبىر - بىرىنە كورىك قوسقان مەملەكەتتىك دەنە تاربيە الاڭى ”قۇس ۇياسى“ مەن مەملەكەتتىك ءجۇزۋ ورتالىعى ”سۋ تەكشەسى“ دە جاڭا جىل باستالىسىمەن قوناقتاردى قارسى الدى. ”قۇس ۇياسىنداعى شاتتىققا تولى قار - مۇز ماۋسىمى“ ”قۇس ۇياسىنىڭ“ سولتۇستىگىندەگى قوسىمشا الاڭدا باستالدى. 34 مىڭ شارشى مەترلىك قار - مۇز باقشاسىندا ادامدار بىردە شاڭعى تەۋىپ، ەندى بىردە، ”قۇس ۇياسى“ جانە 2008 - جىلعى بەيجيڭ وليمپيادا سپورت جارىسىنىڭ قۇتتى بۇلت الاۋىمەن بىرگە سۋرەتكە ءتۇستى.
مەملەكەتتىك ءجۇزۋ ورتالىعىندا، بۇقارالىق دەنە شىنىقتىرۋعا ارنالعان ءجۇزۋ كولشىگى، سونداي - اق مۇز الاڭى مەن مۇز شاۋگىم جارىس جولى بار ”مۇز تەكشە“ مۇز ءۇستى سپورت ورتالىعى تۇگەلدەي قالپىنا كەلىپ، ىسكە قوسىلىپ، ”سۋ - مۇز“ قوس تەگەرشىكتى جەتەك جۇزەگە اسىرىلدى. ”ءبىز وسى الاڭعا الدەقاشان ’كوز تىككەنبىز‘! بۇرىن قالا ماڭىنا بارىپ باسقالاردىڭ مۇز دوپ الاڭىندا مۇز شاۋگىم وينايتىنمىن، قازىر’ەسىك الدىندا‘ وزىق قۇرىلعىلاردى ءوز كوزىمىزبەن كورىپ ىستەتە الاتىن بولدىق“، - دەدى شياۋ حانىم تىلشىگە.
ماڭداي الدى الاڭ - سارايلار ماڭداي الدى جارىس تىرەگىن قاجەت ەتەدى. بەيجيڭ قىسقى وليمپيادا سپورت جارىسىنان كەيىن، ءارقايسى ءىرى الاڭ - سارايلار كوپتەگەن الەمدىك ءىرى جارىستاردى نەمەسە ەل ءىشى جارىستارىن وتكىزەتىن ورىنعا اينالۋىنان ءۇمىت بار. حالىقارالىق كونكي بىرلەستىگىنىڭ ”ۇزدىك ورتالىعى“، ”دۇنيە جۇزىلىك مۇز شاۋگىم شۋەيۋانى تاربيەلەۋ ورتالىعى“ سياقتىلار قىسقى وليمپيادا الاڭ - سارايلارىنا ىركەس - تىركەس ىرگە تەۋىپ، ەلىمىز سپورتىنىڭ سىرتپەن بارىس - كەلىسى اناعۇرلىم كوپ تۇعىرعا يە بولدى.
قىسقى وليمپيادا سپورت الاڭى - سارايىندا كوپتەگەن قىزمەتكەرلەر قىسقى وليمپيادا كيىمىن كيىپ، ساياحاتشىلارعا قىزمەت وتەدى، ولار بازار اشۋ، ساۋدانى جالپىلاستىرۋ بىلىمدەرىن جەدەل ۇيرەنىپ، ”الاڭ - سارايلاردىڭ جۇمىس جۇرگىزۋدەن“ ”الاڭ - سارايلاردىڭ شارۋاشىلىق جۇرگىزۋگە“ قاراي بەت بۇرۋىن بىرتىندەپ ىسكە اسىردى. قىسقى وليمپيادا الاڭ - سارايلارىنىڭ سىرتىندا، بەيجيڭ قىسقى وليمپيادا سپورت جارىسىنىڭ شىڭداۋىنان وتكەن، جارىس ىستەرىن جوبالاۋ جانە ۇيىمداستىرۋ، قار - مۇز كاسىبىن باسقارۋ، قار - مۇز سپورتى قۇرىلعىلارىن قورعاۋ، باسقارۋ سياقتى جاقتارىنا ابدەن قانىق دارىندىلار جاڭا قىزمەت ورنىندا رولدارىن ساۋلەلەندىردى.
كەزىندە بەيجيڭ قىسقى وليمپيادا سپورت جارىسىن ۇيىمداستىرۋ كوميسسياسىنىڭ دەنە تاربيە بولىمىندە قىزمەت ىستەگەن ليۋ جين حالىقارالىق شاڭعىشىلار بىرلەستىگىنىڭ ساتىلار بويىنشا سىناۋىنان ءوتىپ، جۇڭگوداعى تۇڭعىش تاۋ شاڭعى تەبۋدىڭ حالىقارالىق تەحنيكالىق ۋاكىلىنە اينالدى.
بەيجيڭ قىسقى وليمپيادا سپورت جارىسىنىڭ ەرەكشە رۇقسات ەتىلگەن تاۋار تيجاراتى جاۋاپتىسىنىڭ ءبىرى بولعان گو لەي قازىر جۇڭگو وليمپيادا كوميتەتىنىڭ بازار اشۋ بولىمىنە قايتىپ كەلدى. بەيجيڭ قىسقى وليمپيادا سپورت جارىسىنىڭ قۇت بەلگىسى بولعان ”ءوتىمى تەز بيڭدۇندۇن“ كەشىرمەسى وعان ەرەكشە رۇقساتپەن تيجارات جۇرگىزۋدە تۇتىنۋشىلاردى وزەك ەتىپ، بازار سۇرانىسىن ءجىتى قاداعالاپ، ءونىمنىڭ ىشكى ءمانىن ىشكەرىلەي ءتۇسىنۋ كەرەكتىگىن تەرەڭ ۇعىندىردى...
قىسقى وليمپيادا سپورتشىلارى جونىنەن العاندا، بەيجيڭ قىسقى وليمپيادا سپورت جارىسى ەستەن كەتپەس ءومىر ەستەلىگى، ونان دا ماڭىزدىسى، ماڭىزدى ءومىر كەشىرمەسى بولدى. 2022 - جىلى 12 - ايدا وتكىزىلگەن حالىقارالىق وليمپيادا كوميتەتىنىڭ اتقارۋ كوميتەتى ماجىلىسىندە حالىقارالىق وليمپيادا كوميتەتىنىڭ ءتوراعاسى باح تەبىرەنە بىلاي دەدى: ”بارلىق ادامنىڭ ەڭبەگىنە العىس ايتامىن، بەيجيڭ قىسقى وليمپيادا سپورت جارىسىنىڭ تاماشا ەستەلىگىن ماڭگى ەستە ساقتايمىن“!
باسەكەلىك سپورتتان ۇزدىكسىز قامال الىندى
جۇڭگو دەنە تاربيە ۋاكىلدەر ۇيىرمەسى بەيجيڭ قىسقى وليمپيادا سپورت جارىسىندا بارلىق جارىس تۇرلەرىنە تولىق قاتىناسىپ، 9 التىن مەدال، 4 كۇمىس مەدال، 2 قولا مەدال الىپ، التىن مەدال تاقتاسىندا 3 - ورىندى يەلەدى، بەيجيڭ مۇگەدەكتەر قىسقى وليمپيادا سپورت جارىسىندا 18 التىن مەدال، 20 كۇمىس مەدال، 23 قولا مەدال الىپ، تاريحتا تۇڭعىش رەت التىن مەدال تاقتاسى مەن مەدال تاقتاسىندا بىردەي الدىڭعى ورىندى يەلەدى. بەيجيڭ قىسقى وليمپيادا سپورت جارىسىندا جانە مۇگەدەكتەر قىسقى وليمپيادا سپورت جارىسىندا جۇڭگو سپورتشىلارى تاريحتاعى ەڭ تاماشا ناتيجەنى جاراتىپ، ”قار - مۇز داڭقىن“ جازدى.
بەيجيڭ قىسقى وليمپيادا سپورت جارىسىنىڭ ءساتتى وتكىزىلۋى جانە ۇزدىك سپورت ناتيجەسى جۇڭگونىڭ باسەكەلىك سپورت كاسىپ سالاسىنا تەرەڭ ىقپال جاساپ، تاجىريبە توپتاپ قانا قويماي، جىگەردى تاسقىنداتتى. بەيجيڭ قىسقى وليمپيادا سپورت جارىسىنان كەيىن، جۇڭگونىڭ دەنە تاربيە ساڭلاقتارى باسىمدىققا يە تۇرلەردى ۇزدىكسىز بەكەمدەپ، ولقىلىقتاردى، ءالسىز تۇستاردى ۇزدىكسىز تولىقتاپ، كوپتەگەن تۇرلەردە ۇزدىكسىز التىن، كۇمىس مەدالدارعا تالاسىپ، تىڭ تابىستارعا قول جەتكىزدى.
2022 − 2023 جارىس ماۋسىمىندا مۇزدا تەز سىرعاناۋ دۇنيە جۇزىلىك ساۋىتىنىڭ 2 - بەكەتى نيدەرلاندتىڭ حيرەنۋين بەكەتىندەگى ەرلەردىڭ 1000 مەترلىك جارىسىندا، جۇڭگو شەبەرى نيڭ جۇڭيان جۇڭگونىڭ تەز سىرعاناۋ قۇراماسىنا جاڭا جارىس ماۋسىمىنداعى ءبىرىنشى التىن مەدالدى الىپ بەردى. ”باعىم جانىپ قالار، ول مەنى ۇزاق كۇتتىرمەيدى “. بەيجيڭ قىسقى وليمپيادا سپورت جارىسىندا نيڭ جۇڭيان سيلىق ساحناسىنا شىعا المادى، ءبىراق ول جەڭىلگەنىنە مويىنسال بولماي، كەلەسى كەزەكتى قىسقى وليمپيادا سپورت جارىسىن كوزدەدى.
1 - ايدىڭ 19 - كۇنى جانە 21 - كۇنى جۇڭگو شەبەرى گۋ ايليڭ 2022 − 2023 جارىس ماۋسىمى حالىقارالىق شاڭعىشىلار بىرلەستىگىنىڭ ەركىن شاڭعى تەبۋدىڭ U فورمالى الاڭىندا ونەر كورسەتۋ دۇنيە جۇزىلىك ساۋىتىنا تالاسۋ بولىمشە بەكەت جارىسىندا ىركەس - تىركەس ەكى التىن مەدال الدى. بەيجيڭ قىسقى وليمپيادا سپورت جارىسىندا ەكى التىن مەدال، ءبىر كۇمىس مەدال العان تالانتتى بويجەتكەن ءوزىنىڭ تاماشا بەينەسى ارقىلى ءتىپتى دە كوپ جاستاردى قىسقى سپورت تۇرلەرىنە قىزىعۋعا جەتەكتەۋدە.
پلاسيد كولىندە وتكىزىلگەن 2023 - جىلعى دۇنيە جۇزىلىك جوعارى مەكتەپ وقۋشىلارى قىسقى سپورت جارىسىنىڭ ايەلدەردىڭ مۇز شاۋگىم شەشۋشى جارىسىندا جۇڭگو قۇراماسى 4كە قارسى 6 ۇپايمەن كورەيا قۇراماسىن جەڭىپ، التىن مەدال الدى. بۇل 2009 - جىلى حاربيندە وتكىزىلگەن دۇنيە جۇزىلىك جوعارى مەكتەپ وقۋشىلارى قىسقى سپورت جارىسىنان كەيىن جۇڭگو قۇراماسىنىڭ دۇنيە جۇزىلىك جوعارى مەكتەپ وقۋشىلارى قىسقى سپورت جارىسىنىڭ ايەلدەر مۇز شاۋگىم جارىسىندا تاعى دا التىن مەدال الۋى.
يسلانديانىڭ رەيكياۆيك قالاسىندا وتكىزىلگەن 2023 - جىلعى U20 ەرلەر مۇز دوپ دۇنيە جۇزىلىك جۇلدەلى جارىسىنىڭ B دارەجەلى B گرۋپپا جارىسىندا، جۇڭگو قۇراماسى بەس شايقاستا تۇگەلدەي جەڭىسكە جەتۋ ناتيجەسىمەن اعا جۇلدەگەر بولدى. 2011 - جىلى حالىقارالىق مۇز دوپ بىرلەستىگى گرۋپپاعا ءبولۋ جاڭا ەرەجەسىن اتقارعاننان بەرى، جۇڭگو قۇراماسى تۇڭعىش رەت U20 ەرلەر مۇز دوپ دۇنيە جۇزىلىك جۇلدەلى جارىسىنىڭ B دارەجەلى A گرۋپپاسىنا كوتەرىلىپ، جۇڭگونىڭ مۇز دوبىنىڭ جاستار كۇشى تەز قارقىنمەن جەتىلۋدە...
قىس ماۋسىمىنداعى سپورت تۇرلەرى ۇزدىكسىز العا باستى، جاز ماۋسىمىنداعى سپورت تۇرلەرى دە تاريحتى جاراتۋدا.
2022 - جىلعى ايەلدەر فۋتبولىنىڭ ازيا ساۋىتىنا تالاسۋ جارىسىندا، جۇڭگو ايەلدەر فۋتبول قۇراماسى جارتىلاي شەشۋشى جارىستا جاپونيا قۇراماسىن جازا دوپپەن جەڭىپ الدى، شەشۋشى جارىستا جويقىن بۇرىلىس جاساپ، كورەيا قۇراماسىن جەڭىپ، 16 جىلدان كەيىن ازيا شىڭىنا قايتا ورالدى.
2022 - جىلعى ايەلدەر باسكەتبولى دۇنيە جۇزىلىك ساۋىتىنا تالاسۋ جارىسىندا، ۋاڭ سىيۇي جارتىلاي شەشۋشى جارىس اياقتاۋدان بۇرىن تاستاعان ەڭ سوڭعى ەكى جازا دوبى دوپ اۋەسكەرلەرى جاعىنان 2022 - جىلعى ازيا باسكەتبول جارىسىنداعى ەڭ جاقسى دوپ كىرگىزۋ بولىپ باعالانۋمەن بىرگە، ونان دا ماڭىزدىسى، جۇڭگو ايەلدەر باسكەتبول قۇراماسىن شەشۋشى جارىسقا الىپ كىردى، جۇلدەگەرلىك تە جۇڭگو ايەلدەر باسكەتبول قۇراماسىن دۇنيە جۇزىلىك ساۋىتقا تالاسۋ جارىسىنىڭ تاريحتاعى ەڭ جاقسى ناتيجەسىمەن تەڭەستىردى.
2022 - جىلعى جەڭىل اتلەتيكا دۇنيە جۇزىلىك جۇلدەلى جارىسىندا ەرلەردىڭ الىسقا سەكىرۋ شەبەرى ۋاڭ جيا - نان ەڭ سوڭعى سەكىرگەن 8 مەتر 36 سانتيمەترلىك ناتيجەمەن التىن مەدالدى جەڭىپ الىپ، ەرلەر جەڭىل اتلەتيكا جارىسىندا دۇنيە جۇزىلىك اعا جۇلدەگەر بولعان تۇڭعىش جۇڭگولىق شەبەرگە اينالدى. تور دوپ جارىسىنىڭ بارلىق جارىس ءتۇرىن قامتىعان جارىسىندا جىڭ چينۋىن، ۋ يبيڭ قاتارلى قىرۋار جۇڭگو تور دوپ جاڭا شەبەرلەرى تىڭ ناتيجەلەرگە قول جەتكىزدى...
مەملەكەتتىك دەنە تاربيە باس مەكەمەسى باسەكەلىك دەنە تاربيە مەكەمەسى جاريالاعان «2022 - جىلعى ەلىمىز سپورتشىلارى قول جەتكىزگەن ناتيجە جونىندەگى مالىمەتىندە» كورسەتىلۋىنشە، 2022 - جىلى جۇڭگونىڭ سپورت ساڭلاقتارى جيىنى 21 تۇردە 93 دۇنيە جۇزىلىك اعا جۇلدەگەر بولىپ، 11 ءتۇر بويىنشا دۇنيە جۇزىلىك رەكورد جاڭالاعان، مۇنىڭ ىشىندە ارىنداپ اعا جۇلدەگەر بولعاندار دا، شىت جاڭا قامال العاندار دا بار.
2023 - جىلى، 2024 - جىلعى پاريج وليمپيادا سپورت جارىسىنىڭ تولىمدىلىق جارىسى جاپپاي باستالادى، 2026 - جىلعى ميلان − كورتينا دامپەزو قىسقى وليمپيادا سپورت جارىسى دا 1000 كۇندى كەرى ساناۋدى باستايدى، ال بيىلعى حاڭجوۋ ازيا سپورت جارىسى بەيجيڭ قىسقى وليمپيادا سپورت جارىسىنان كەيىن ەلىمىزدە وتكىزىلەتىن تاعى ءبىر ماڭىزدى سپورت سالتاناتى سانالادى.
مەملەكەتتىك دەنە تاربيە باس مەكەمەسىنىڭ باستىعى گاۋ جىدان بىلاي دەدى: 2023 - جىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى،”14 - بەسجىلدىق“ جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل. دەنە تاربيە شەبى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جانە پارتيا ورتالىق كوميتەتى مەن مەملەكەتتىك كەڭەستىڭ كەلەلى شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، دەنە تاربيەنىڭ ءار سالاسىنىڭ دامۋىن جوعارى ساپامەن ىلگەرىلەتىپ، دەنە تاربيەدە قۋاتتى ەل بولۋ جاڭا امالياتىن جەدەل ىلگەرىلەتۋ كەرەك.
بۇقارالىق دەنە تاربيە ومىرشەڭدىگىن ايگىلەدى
2022 - جىلى 10 - ايدا حالىقارالىق وليمپيادا كوميتەتى جاريالاعان «بەيجيڭ قىسقى وليمپيادا سپورت جارىسىنىڭ بازارداعى جوسپارلاۋ - ساتۋ بايانداماسىندا» كورسەتىلۋىنشە، وسى كەزەكتى جارىس بۇكىل جەر شارىنداعى تەلەۆيزوردان جانە سيفرلى تۇعىرلاردان 2 ميلليارد 10 ميلليون كورەرمەندى باۋراپ، جالعاپ تاراتىلعان ۋاقىتى ەڭ كوپ، كورىلىمى ەڭ جوعارى، سيفرلانعان ىقپالداستىعى ەڭ كەڭ بولعان قىسقى وليمپيادا سپورت جارىسى بولعان. بەيجيڭ قىسقى وليمپيادا سپورت جارىسىنىڭ ىقپالى قار - مۇز سپورتىن اۋەلگىدەگى شاعىن قاۋىمدىق تۇردەن بۇقارالىق جاڭا سالتقا اينالدىردى.
قويان جىلعى كوكتەمدە، قار - مۇزعا بولعان قىزىعۋشىلىق كوكتەم مەرەكەسىنىڭ دۋمانىن ءتىپتى دە اسىردى. بەيجيڭ شىچاحاي مۇز الاڭى قىزىل تۇمشالامالى شامدارمەن بەزەندىرىلگەن، جۇڭگونىڭ قىسقا ارالىقتا تەز سىرعاناۋدان وليمپيادا سپورت جارىسىنىڭ اعا جۇلدەگەرى بولعان ۋ داجيڭ باسىنا مىسىق ايۋ بوركىن، ۇستىنە اسكەري ىشىك كيىپ، اتايلارمەن بىرگە مۇزدا سىرعاناپ جارىستى. ”بالا كەزىمنەن ءوزىمدى سىرعاناۋدىڭ مايتالمانىمىن دەپ جۇرسەم، شىچاحاي مۇز الاڭىندا مەنەن الدەقايدا اسىپ تۇسەتىندەر كوپ ەكەن“، - دەدى ول.
حىبەيدىڭ چۇڭليىندە، شاڭعى الاڭدارىنىڭ ماڭىنداعى قوناق ۇيلەر تۇگەلدەي تولىپ كەتىپتى. كوكتەم مەرەكەسى دەمالىسى كەزىندە، چۇڭلي رايونىنداعى التى ۇلكەن شاڭعى الاڭىنداعى ساياحاتشى 156 مىڭ 900 ادام (رەتكە) جەتتى. شاڭعى الاڭىنىڭ ادامعا لىق تولعاندىعى جونىندەگى حابار ەل ىشىندەگى قار - مۇز اۋەسكەرلەرىن ەلەڭ ەتكىزدى.
بەيجيڭ قىسقى وليمپيادا سپورت جارىسىنىڭ ەككەن قار - مۇز سپورتى تۇقىمى تامىر تارتىپ وركەندەدى. شينجياڭنىڭ شىحىزىسىنداعى نيە رۇڭچىن بالاقاي سۋ يميڭنىڭ ادال قولداۋشىسى، نەبارى 6 جاستاعى ونىڭ شاڭعى ويناعانىنا 4 جىل بولىپتى. وسى قىستا ول اپتاسىنا كەمىندە 10 ساعات شاڭعى تەبۋمەن بولعان، بولاشاقتا ول سۋ يميڭ اعاسى سياقتى مەملەكەتتىك كومانداعا كىرۋدى ارماندايدى.
ىشكى موڭعۇل اۆتونوميالى رايونى كوححوت قالاسىنداعى شاڭعى جاتتىقتىرۋشىسى تۇڭ شىجين بىلاي دەدى: بەيجيڭ قىسقى وليمپيادا سپورت جارىسىنىڭ ەڭ تىكە ىقپالى، بارعان سايىن كوپتەگەن اتا - انالار بالالارىن شاڭعى تەبۋدى ۇيرەنۋگە تىزىمدەتتى، سونداي - اق بالالارىنا سەرىك بولىپ كەلگەن اتا - انالار دا باستاپقى كەزدەگى ”بايقاپ كورۋدەن“ بىرتىندەپ ”جاتتىعاتىن“ بولدى، كوپشىلىكتىڭ ءبارى شاڭعى تەبۋدىڭ قىزىعىنا باتقىسى كەلەدى.
جۇڭگونىڭ باتىس سولتۇستىگىنىڭ سولتۇستىگىندە، التاي تاۋىنىڭ قارى قالىڭ، قىسى ۇزاق، بۇل جەردە شاڭعى اۋەسكەرلەرى ەڭ جاقسى كورەتىن تابيعي ۇلپا قار جاۋادى. ”اق قار، كوك مۇز دا باعالى بايلىق“، شاڭعى تەبۋ جونىندە ارناۋلى ساراپتاما جاسايتىن شارۋاشىلىق قۇرۋ ۇجىمى وسى اراعا ىرگە تەپتى، الىستان كەلىپ، كاسىپ جولىن اشقان ولار 300 ميلليون ادامنىڭ قار - مۇز سپورتىنا ات سالىسۋى تەك باستاما عانا ەكەندىگىنە، ءتىپتى دە كوپ ادامنىڭ ءتىپتى دە جوعارى دەڭگەيدە شاڭعى تەبۋدى سەزىنۋگە تالپىناتىندىعىنا سەنەدى، ”ءبىز ولاردى التايدا كۇتەمىز“.
«وڭتۇستىككە قانات جايىپ، باتىسقا قاراي كەڭەيىپ، شىعىسقا شەرۋ تارتۋدىڭ» اياق الىسىنىڭ تەزدەۋىنە ىلەسە، قار - مۇز سپورتى ەلىمىزدىڭ وڭتۇستىگىندە دە جالپىلاسا باستادى. جاڭا جىل باستالىسىمەن 3 ايعا جالعاساتىن سىچۋان جالپى حالىقتىق دەنە شىنىقتىرۋ قار - مۇز ماۋسىمى باستالدى. ول ونەر باسەكەسى تۇرىندەگى قار - مۇز جارىستارىن، اتا - انالار بالالارىمەن بىرگە قاتىناساتىن بۇقارالىق تۇرلەر سياقتىلاردى قامتيدى؛ حۋبەي ولكەسى 3 - كەزەكتى قار - مۇز جينالىسى ىنشىنىڭ بادۇڭ لۇيسۇڭپو شاڭعى الاڭىندا وتكىزىلدى؛ سولتۇستىك تروپيك سىزىعىنىڭ وڭتۇستىگىندەگى گۋاڭشيدىڭ ناننيڭىندە، ءار سەنبى، جەكسەنبى سايىن 2000 − 4000 ادام (رەت) ۋانشياڭ كونكي الاڭىندا كونكي تەبەدى...
جۇڭگونىڭ بايتاق دالاسىندا قار - مۇز سپورتى جاندانىپ، چاڭجياڭنىڭ وڭتۇستىگى مەن سولتۇستىگىندە جالپى حالىقتىق دەنە شىنىقتىرۋ ورلەۋى كوتەرىلدى. كونە جىلدىڭ سوڭى، جاڭا جىلدىڭ باسىندا، 2023 بەيجيڭ قار - مۇز تۇتىنۋ مەرەكەسى شىمىلدىعىن اشتى؛ جىجياڭنىڭ جياڭشانىندا جىلىنا ءبىر رەت وتكىزىلەتىن اۋىل - قىستاق سپورت جارىسى وتكىزىلدى؛ ورتا - باتىس بولىك وڭىرلەرىندەگى اۋدانداردىڭ اۋىل - قىستاق فۋتبول جارىسى مەملەكەتتىڭ 5 ولكە - رايون، 26 اۋدانى اراسىندا وتكىزىلدى...
پارتيا 20 - قۇرىلتايىنىڭ بايانداماسىندا: جالپى حالىقتىق دەنە شىنىقتىرۋ قيمىلىن كەڭ كولەمدە ورىستەتىپ، جاستار مەن جاس وسپىرىمدەردىڭ دەنە تاربيە قىزمەتىن كۇشەيتىپ، بۇقارالىق دەنە تاربيە مەن باسەكەلىك سپورتتىڭ جاپپاي دامۋىن جەبەپ، دەنە تاربيە جاعىندا قۇدىرەتتى ەل قۇرۋدى جەدەلدەتۋ كەرەك، - دەلىنگەن. جىل باسىندا اشىلعان جەر - جەردىڭ ەكى ماجىلىسىندە، ”جالپى حالىقتىق دەنە شىنىقتىرۋ“، ”دەنە تاربيەدە قۇدىرەتتى ەل قۇرۋ“ جونىندەگى ورنالاستىرۋلار مەن جوسپارلار، ناقتى، جارامدى شارالار ىركەس - تىركەس العا قويىلدى.
بەيجيڭ قالاسى مىنالاردى العا قويدى: قىسقى وليمپيادا سپورت جارىسىنان كەيىنگى ىستەردى تىڭعىلىقتى ويداعىداي ىستەپ، قار - مۇز سپورتىن ۇزدىكسىز جالپىلاستىرۋ، جاستار مەن جاس وسپىرىمدەردىڭ دەنە تاربيە قىزمەتىن كۇشەيتۋ، جالپى حالىقتىق دەنە شىنىقتىرۋ قيمىلىن كەڭ كولەمدى ورىستەتۋ، بۇقارانىڭ جانىنان جاڭادان ءبىر توپ دەنە تاربيە قۇرىلعىلارىن سالۋ نەمەسە جاڭالاۋ، ءار تۇردەگى ورماندى جاياۋلار جولىنان 100 كيلومەتر جولدى، دەنە شىنىقتىرۋ جاسىل جولىنان 50 كيلومەتر جولدى جاڭادان سالۋ، بەيجيڭ − جاڭجياكوۋ دەنە تاربيە، مادەنيەت - ساياحات بەلدەۋى قۇرىلىسىن ىلگەرىلەتۋ كەرەك؛ حىبەي ولكەسى مىنالاردى العا قويدى: وليمپيادا سپورت جارىسىنان كەيىنگى ەكونوميكا جانە مادەنيەت - ساياحات كاسىبىن بار كۇشپەن دامىتىپ، قار - مۇز سپورتىن، قار - مۇز مادەنيەت - ساياحاتىن، قار - مۇز كاسىبىن توعىستىرا دامىتۋ ارەكەتىن اتقارۋ، قىسقى وليمپيادا سپورت جارىس الاڭ - سارايلارىن بازارلاندىرا اشۋدى جەدەلدەتۋ، بەيجيڭ − جاڭجياكوۋ دەنە تاربيە، مادەنيەت - ساياحات بەلدەۋى سياقتى قۇرىلىستاردى ويداعىداي يگەرۋ كەرەك؛ جىجياڭ ولكەسى مىنالاردى العا قويدى: 2023 - جىلى حاڭجوۋ ازيا سپورت جارىسىن، ازيا مۇگەدەكتەر سپورت جارىسىن بۇكىل ولكە بويىنشا جۇمىلا جاقسى وتكىزۋ، ولكەلىك جالپى حالىقتىق دەنە شىنىقتىرۋ ورتالىعىن سالۋدى جەدەلدەتۋ، ولكە دارەجەلى نەگىزگى ساتى دەنە تاربيە الاڭ - قۇرىلعىلارىنان 1000ىن، ”جىجياڭ اينالما جاياۋلار جولىنان“ 2500 كيلومەتردى جاڭادان سالۋ كەرەك؛ سىچۋان ولكەسى مىنالاردى العا قويدى: بۇقارانىڭ دەنە تاربيە، دەنە شىنىقتىرۋ قاجەتىن قالا جوباسىنىڭ بۇلجىماس تالابىنا ەنگىزىپ، جاڭادان سالىناتىن، وزگەرتىپ سالىناتىن دەنە تاربيە باقشالارىنىڭ قۇرىلىسىن بار كۇشپەن ىلگەرىلەتۋ كەرەك؛ گۋاڭدۇڭ ولكەسى مىنالاردى العا قويدى: جالپى حالىقتىق دەنە شىنىقتىرۋدى كەڭ كولەمدە ورىستەتىپ، الەۋمەتتىك دەنە تاربيە الاڭى قۇرىلعى قۇرىلىسىن جانە ولاردى اقىسىز، ارزان باعادا اشىق ۇستاۋدى ىلگەرىلەتۋ كەرەك...
وڭىرلىك دامۋدى بىرگە ىلگەرىلەتتى
”وسى رەتكى كەزەكشى پويەز چيڭحى بەكەتىنەن جولعا شىعادى، ورتادا باداليڭ ۇلى قورعان بەكەتىندە ايالدايدى، ەڭ سوڭىندا چۇڭلي بەكەتىنە جەتەدى“. كوكتەم مەرەكەسى كەزىندە بەيجيڭ چيڭحى بەكەتىندە ادامدار قايشالىسىپ، ءتۇرلى ۇلگىدەگى شاڭعى جابدىقتارىن ۇستاعان ساياحاتشىلار پويەزگە اسىعا شىعىپ جاتتى. بەيجيڭ − جاڭجياكوۋ جوعارى جىلدامدىقتى تەمىر جولى مەن بەيجيڭ − چۇڭلي جوعارى جىلدامدىقتى تاس جولى بەيجيڭ − تيانجين − حىبەي ءبىر ساعاتتىق قاتىناس شەڭبەرىن قالىپتاستىرىپ، جول ىركىلىسسىز، ادامدار شوعىرلى بولۋدى شىن مانىندە ىسكە اسىردى.
بەيجيڭ − جاڭجياكوۋ دەنە تاربيە، مادەنيەت - ساياحات بەلدەۋىندە ”شوۋگاڭ قالا گۇلدەنۋىنىڭ جاڭا جەر بەلگىسى“، ”يانچيڭ ەڭ تاماشا قىسقى وليمپيادا قالاسى“، ”جاڭجياكوۋ ازيا قار - مۇز ساياحات دەمالىس كوزەۋلى جەرى“ سياقتىلار قىسقى وليمپياداعا دايىندالۋ ارقىلى جەرگىلىكتى ورىننىڭ دامۋىن جەبەۋدىڭ تيپتىك ۇلگىسىنە اينالدى.
بەيجيڭ قىسقى وليمپيادا سپورت جارىسى يانچيڭ جارىس رايونى جارىستان كەيىنگى 30 نەشە كۇندە جارىس الاڭىنان كورىنىس وڭىرىنە ءساتتى اينالدى. بيىل كوكتەم مەرەكەسى دەمالىسى كەزىندە بەيجيڭ قالاسى يانچيڭ رايونى جيىنى 758 مىڭ ادام - رەت ساياحاتشى قابىلداپ، بۇكىل قالاداعى اۋىل - قىستاقتاردىڭ قابىلداعان ساياحاتشى جالپى سانىنىڭ ％57ىن يەلەگەن. يانچيڭ رايونىنىڭ باستىعى يە داحۋا تانىستىرىپ بىلاي دەدى: ”ءبىز ىلگەرىندى - كەيىندى مۇز شام، مۇز الاڭى، مۇز ساراي سىندى 3 ەرەكشە ساياحات ءونىمىن ۇسىنىپ، قار - مۇز تاماشالاۋ، قار - مۇز جارىسى، قار - مۇز حالىقتىق تۇسەلحانا، قار - مۇز سپورتى سياقتى ءتۇرلى كاسىپ كۇيلەرىن جاراتتىق، يانچيڭ قالىڭ قار - مۇز اۋەسكەرلەرىنىڭ الدىمەن تاڭداپ باراتىن جەرىنە اينالدى“.
قىسقى وليمپيادا سپورت جارىسىنىڭ ارقاسىندا، كەرەمەت وزگەرگەن شوۋگاڭ باقشاسى وسى جەردىڭ تاۋ، سۋ، قىسقى وليمپيادا، ونەركاسىپ جۇرتىن توعىستىرا دامىتۋدى قۇلشىنا ىلگەرىلەتۋدە. شوۋگاڭ شاڭعىمەن سەكىرۋ ۇلكەن تۇعىرى دۇنيە جۇزىندەگى تۇڭعىش ماڭگى ساقتالاتىن شاڭعىمەن سەكىرۋ ۇلكەن تۇعىر الاڭ - سارايى بولىپ، جارىس ىستەرىن بەلسەنە ءوتىنىش ەتۋدە؛ شوۋگاڭ جيشيان باقشاسى بەيجيڭ قالاسىنىڭ تاقتايمەن سىرعاناۋ، جارتاسقا شىعۋ سياقتى دالالىق شەكتىك سپورتتارى شوعىرلانعان جەرگە اينالدى؛ بەيجيڭ قىسقى وليمپيك باقشاسىنداعى 42 كيلومەتر بيڭحى جاياۋلار جولى بەيجيڭدەگى تۇڭعىش تولىق تۇيىق مارافون جول جەلىسى بولدى.
چۇڭليدە قىسقى وليمپيادانىڭ پايداسى اتى زاتىنا ساي ناعىز تابىس سەزىمىنە اينالدى. چۇڭليدىڭ جەرگىلىكتى تۇرعىنى لۋ يۇڭشۋاي وسى قىستاعى شاڭعى تەبۋ قىزۋ ورلەۋىندە قاربالاس ءارى كوڭىلدى ءوتتى. شاڭعى جاتتىقتىرۋشى رەتىندە، ول تاياۋ جىلدارى ەل ىشىندەگى جانە جاڭا زەلانديا، كانادا سياقتى ەلدەردىڭ شاڭعى جاتتىقتىرۋشى تولىمدىلىعى انىقتاماسىنان ءوتىپ، كىرىسى دە بارعان سايىن مولايدى، ءبىر قار ماۋسىمىندا ايلىق كىرىسى نەشە 1000 يۋاننان، ءتىپتى نەشە 10 مىڭ يۋاننان استى. اۋشۋە سوڭعى شەك شاڭعى جابدىقتارى دۇكەنىنىڭ باستىعى يان يۇڭلي دە ءبىر جىلداعى ەڭ قاربالاس كەزدى قارسى الدى. ول بىلاي دەدى: ”جاقىندا 6000 − 7000 الارماندى قابىلدادىق، تاعى رەسەيدەن، يندونەزيادان كەلگەن الارماندار دا بار، تيجارات سومامىز ءبىر كۇندە نەشە مىڭ يۋان بولادى“.
قار - مۇز سپورتىنىڭ كەڭىنەن جالپىلاسۋى قار - مۇز جابدىقتارىن جاساۋ، ساياحاتتىق سەيىل - سەرۋەن، باۋلۋعا قىزمەت وتەۋ سياقتى كاسىپتەردىڭ تەز دامۋىن پارمەندى ىلگەرىلەتتى، بۇگىنگى كۇندە چۇڭليدەگى 4 ادامنىڭ ىشىندە، كەم دەگەندە، بىرەۋى قار - مۇزعا قاتىستى جۇمىسپەن اينالىسادى.
2 - ايدىڭ 1 - كۇنى جاريالانعان «باياندىلىق. بولاشاققا بەت الۋ − بەيجيڭ قىسقى وليمپيادا سپورت جارىسى باياندى دامىتۋ بايانداماسى (جارىستان كەيىن)» جانە «بەيجيڭ 2022 - جىلعى قىسقى وليمپيادا سپورت جارىسىنىڭ جانە مۇگەدەكتەر قىسقى وليمپيادا سپورت جارىسىنىڭ مۇراسى بايانداماسىندا (جارىستان كەيىن)» كورسەتىلۋىنشە، بەيجيڭ قىسقى وليمپيادا سپورت جارىسى جارىس اياقتاعاننان كەيىن كومىر قىشقىل گازىن بەيتاراپتاندىرۋدى ％100 ورىنداعان؛ جارىسقا دايىندالۋدا الدىمەن جالعا الىنعان ونىمدەردى نەمەسە بولشەكتەردى ىستەتتى، جالعا الۋ سالىستىرماسى شامامەن ％79 بولعان؛ وليمپيادا سپورت جارىسى تاريحىندا تۇڭعىش رەت ”كولەمدى قيمىلدىڭ باياندىلىعىن باسقارۋ جۇيەسى، ورتانى باسقارۋ جۇيەسى، قوعامدىق جاۋاپكەرشىلىك باعدارناماسى“ سىندى 3 حالىقارالىق ولشەمدى ءبىر تۇلعالاندىردى، سونداي - اق ISO ولشەمى «دەنە تاربيە قۇرىلعىلارى جانە كولەمدى جارىستاردىڭ باياندىلىعىن باعالاۋ باعدارناماسىنىڭ» الدىن الا نىسان بەكىتۋىنە يە بولدى... وسىنىڭ بارلىعى ەلىمىزدىڭ بۇدان كەيىن كولەمدى جارىستاردى وتكىزۋىنە قىمباتتى تاجىريبەلەر توپتايتىندىعى داۋسىز.
بەيجيڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا دايىندالۋ جانە ونى وتكىزۋ بارىسىندا مۇگەدەكتەرگە تۇتاس قوعام بولىپ كوڭىل ءبولۋ، كومەكتەسۋ ورتاق تانىمعا اينالدى. جارىستاعى «كەدەرگى بولماۋ باعدارناماسى»، «كەدەرگى بولماۋ باعدارناما تەحنيكا كورسەتكىش سۋرەتتەر جيناعى» سياقتى تەحنيكالىق ولشەمدەر، «بەيجيڭ قالاسى كەدەرگىسىز ورتا قۇرىلىسى ەرەجەسىنە» وزگەرىس ەنگىزۋگە جانە شىعارۋعا تۇرتكى بولىپ، قالانىڭ كەدەرگىسىز ورتا قۇرىلىس ولشەمىن جاپپاي جوعارىلاتتى.
...
قىسقى وليمپيادا سپورت جارىسىنا 7 جىل دايىندالىپ، كلاسسيك قىسقى وليمپيادا جارىسىن سومدادى. ەلىمىز قىسقى وليمپيادا سپورت جارىسىنا دايىندالۋ مەن قالانىڭ، ءوڭىردىڭ دامۋىن باستان - اياق تىعىز ۇشتاستىرىپ، قىسقى وليمپيادا سپورت جارىسىندا قول جەتكىزگەن جەتىستىكتەردى حالىقپەن بولىسۋگە تاباندى بولدى، قار - مۇز سپورتىن جالپىلاستىرۋ ارقىلى جالپى حالىقتىق دەنە شىنىقتىرۋدى تەرەڭگە بويلاتىپ، كاسىپتى دامىتۋ ارقىلى جۇمىستاندىرۋدى، كىرىستى ارتتىرۋدى جەبەدى، الەۋمەتتىك قىزمەت وتەۋ دەڭگەيىن جوعارىلاتۋ ارقىلى حالىقتىڭ تۇرمىس ساپاسىن جاقسارتىپ، حالىقتىڭ دەنىنىڭ، كوڭىل كۇيىنىڭ اناعۇرلىم سالامات، جۇمىستانۋىنىڭ اناعۇرلىم تولىق، تۇرمىسىنىڭ بارعان سايىن جاقسارا تۇسۋىنە مۇمكىندىك جاسادى.قىسقى وليمپيادا سپورت جارىسىن وتكىزۋ ارمانىن ىسكە اسىرىپ، بولاشاققا بىرگە اتتاندى. باس شۋجي شي جينپيڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا بىلاي دەپ اتاپ كورسەتتى: ”ۇلى ءىس ۇلى رۋحتى جەتىلدىرەدى، ۇلى رۋح ۇلى ءىستى ىلگەرىلەتەدى“، بەيجيڭ قىسقى وليمپيادا سپورت جارىسى ماڭگى ەستە ساقتاۋعا تاتيدى، بەيجيڭ قىسقى وليمپيادا سپورت جارىسىنىڭ رۋحى جۇڭحۋا ۇلاندارىن جاڭا داۋىردە قايراتتانا ىلگەرىلەۋگە، قاجىماي - تالماي كۇرەس جاساۋعا، كەرەمەتتەر جاراتۋعا جىگەرلەندىرەدى. كوكتەمدى بەتكە الىپ، تاعى دا ساپارعا شىعىپ بولاشاققا بىرگە اتتانايىق!
(جازۋعا قاتىناسقاندار: جاڭ شياۋ، شيا زىلين، ياڭ فان)
(شينحۋا اگەنتتىگىنىڭ 2 - ايدىڭ 3 - كۇنى بەيجيڭنەن بەرگەن حابارى)
