بىلتىر رايونىمىز قازىناسىنان اۋىل شارۋاشىلىعى، اۋىل - قىستاق، شارۋالارعا 101 ميلليارد 700 ميلليون يۋان جۇمسالدى
استىق حاۋىپسىزدىگىنە جانە ماڭىزدى اۋىل شارۋاشىلىعى ونىمدەرىمەن ءونىمدى قامداۋعا شىنايى كەپىلدىك ەتتى
انار بۇلت \ شينجياڭ گازەتىنىڭ ءتىلشىسى ران حۋ 2 - ايدىڭ 4 - كۇنى ۇرىمجىدەن حابارلايدى. استىق حاۋىپسىزدىگى − ”مەملەكەتتىڭ زور ءىسى“. 2022 - جىلى اۆتونوميالى رايون قازىنادان 101 ميلليارد 700 ميلليون يۋان شىعارىپ، اۋىل شارۋاشىلىعى، اۋىل - قىستاق، شارۋالار قىزمەتىن قولداۋعا جۇمسادى، ونى اۋىل شارۋاشىلىعى وندىرىسىنە ءتۇيىندى تۇردە جۇمساپ، اۋىل شارۋاشىلىعىنىڭ جالپىلىق ءوندىرىس قابىلەتىن جوعارىلاتىپ، رايونىمىزدىڭ استىق حاۋىپسىزدىگىنە جانە ماڭىزدى اۋىل شارۋاشىلىعى ونىمدەرىمەن ءونىمدى قامداۋعا شىنايى كەپىلدىك ەتتى.
استىق ءوندىرىسىن، ەگىمشىلىگىن قامتاماسىز ەتۋ ءۇشىن، اۆتونوميالى رايوندىق قازىنا مەڭگەرمەسى اۋىل شارۋاشىلىعى، اۋىل - قىستاق تاراۋلارىمەن بىرگە ەگىنشىلىك اۋماعىن ۇيلەسىمدى تۇراقتاندىرىپ، قارجىنى ويداعىداي ءبىر تۇتاس جوسپارلاپ قامتاماسىز ەتىپ، ساپالى استىقتى جوعارى باعادا ساتىپ الۋ، جوعارى قوسىمشا قاراجات بەرۋ پرينسيبى بويىنشا، ەگىستىك جەردىڭ قۇنارلىلىعىن قورعاۋ قوسىمشا قاراجاتىن رەتتەپ ساپالىلاندىرىپ، ءار مۋ جەردەگى دۇمبە ءبيداي ءۇشىن 220 يۋاندىق، ءار مۋ جەردەگى جازدىق ءبيداي ءۇشىن 115 يۋاندىق ولشەم بويىنشا قوسىمشا قاراجات بەرىپ، شارۋالاردىڭ ەگىستىك جەردى قورعاۋداعى ىرىقتىلىعى مەن بەلسەندىلىگىن قوزعادى. اۋىل شارۋاشىلىعى ءوندىرىس قۇرال - جابدىقتارى باعاسىنىڭ وسۋىنەن شارۋالاردىڭ استىق ەگۋ شىعىسىنىڭ ارتۋ اسەرىن باسەڭدەتۋ ءۇشىن، اۆتونوميالى رايوندىق قازىنا تاعى ناقتى استىق ەككەن شارۋالارعا ءبىر رەتتىك قوسىمشا قاراجات تاراتىپ، شارۋالاردىڭ استىق ەگۋ بەلسەندىلىگىن ءونىمدى جۇمىلدىردى.
ۇعىسۋعا قاراعاندا، 2022 - جىلى اۆتونوميالى رايوندىق قازىنا ەگىستىك جەر قۇنارلىلىعى جانە استىق ەككەن شارۋالارعا ارنالعان ءبىر رەتتىك قوسىمشا قاراجات قارجىسىنان 3 ميلليارد 591 ميلليون يۋاندى (مۇندا استىق ەگۋ ءبىر رەتتىك قوسىمشا قاراجاتى سانالاتىن 199 ميلليون يۋان 2023 - جىلعى دۇمبە ءبيداي ەگىمشىلىگىن قولداۋعا جۇمسالادى) ءبىر تۇتاس جوسپارلاپ تۇسىرگەن.
سوڭعى جىلدارى اۆتونوميالى رايوندىق قازىنا ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن بەلسەنە ىلگەرىلەتىپ، اۋىل شارۋاشىلىعى ءوندىرىسىن قولدادى. بىلتىر اۆتونوميالى رايوندىق قازىنا 136 ميلليون يۋاندى ءبىر تۇتاس جوسپارلاپ ورنالاستىرىپ، اۆتونوميالى رايوننىڭ تۇقىم شارۋاشىلىعىن گۇلدەندىرۋدەگى ”بەس ۇلكەن مىندەتىن“ ىلگەرىلەتىپ، تۇقىمدىق زات بايلىعىن قورعاۋعا جانە پايدالانۋعا قولداۋ كورسەتىپ، ساپالى ءبيداي سياقتى وزەكتى تۇقىم قاينارىن ”14 - بەسجىلدىقتاعى“ اۋىل شارۋاشىلىعىنىڭ شەشۋشى، وزەكتى تەحنيكالارىنان قامال الۋ ءتۇيىندى مىندەتىنە ەنگىزۋدى ىلگەرىلەتتى. مۇنان سىرت، اۆتونوميالى رايوندىق قازىنا اۋىل شارۋاشىلىعى ماشينالارىن ساتىپ الۋعا ءبىر ميلليارد 211 ميلليون يۋان قوسىمشا قاراجات ورنالاستىرىپ، وزىق، لايىقتى اۋىل شارۋاشىلىعى ماشينالارىن ساتىپ الۋعا قولداۋ كورسەتىپ، قولدانۋ قوسىمشا قاراجاتىن تۇيىندە سىناق ەتۋدى جانە اۋىل شارۋاشىلىعى ماشينالارىن زەرتتەپ شىعارۋدىڭ، جاساۋدىڭ، جالپىلاستىرۋدىڭ، قولدانۋدىڭ ءبىر تۇلعالانۋىن تۇيىندە سىناق ەتۋدى ورىستەتۋگە قولداۋ كورسەتىپ، استىق ءوندىرىسىنىڭ ماشينالانۋ دەڭگەيىن جوعارىلاتۋدى ۇزدىكسىز ىلگەرىلەتتى.
جوعارى ولشەمدى ەگىنجاي قۇرىلىسىن زور كۇشپەن قولداۋ جاعىندا، اۆتونوميالى رايوندىق قازىنا ورتالىقتىڭ جانە اۆتونوميالى رايوننىڭ جوعارى ولشەمدى ەگىنجاي قۇرىلىسى قارجىسىنان 7 ميلليارد 230 ميلليون يۋاندى تياناقتاندىرىپ، مۋ باسىنا 1500 يۋاندىق ولشەم بويىنشا جۇمساۋ ارقىلى رايونىمىزدىڭ 5 ميلليون مۋ جوعارى ولشەمدى ەگىنجاي قۇرىلىسىن قولدادى؛ اۆتونوميالى رايوندىق قازىنا تاعى ورتالىقتىڭ، سونداي - اق اۆتونوميالى رايوننىڭ 10 ميلليارد يۋانعا جۋىق قارجىسىن ءبىر تۇتاس جوسپارلاۋ ارقىلى سۋ بايلىعىن ۇلەستىرۋ جانە سۋ جەتكىزۋ، سۋ ساقتاۋ ءىرى ينجەنەرياسى قۇرىلىسىن جۇيەلى ىلگەرىلەتىپ، سۋ ۇنەمدەۋ، سۋ ساقتاۋ، سۋ جەتكىزۋ جۇيەسىن جەدەل ورناتىپ، كەلەلى سۋ يگىلىگى حالىق تۇرمىسى ينجەنەرياسى قۇرىلىسىنا ءتۇيىندى تۇردە قولداۋ كورسەتىپ، تاسقىن - سەل اپاتىنان ساقتانۋ قابىلەتىن جوعارىلاتىپ، اۋىل شارۋاشىلىعىنىڭ باياندى دامۋىنا بەرىك سۋ بايلىعى قامتاماسىزدىعىن ازىرلەدى.
بىلتىر اۆتونوميالى رايوندىق قازىنا اۋىل شارۋاشىلىعى قامسىزداندىرۋىنا قاتىناسۋ اقىسى قوسىمشا قاراجاتىنان 2 ميلليارد 68 ميلليون يۋان ورنالاستىرىپ، اۆتونوميالى رايونىمىزداعى ساياساتتىق اۋىل شارۋاشىلىعى قامسىزداندىرۋىنىڭ قامتۋ اۋماعىن ورنىقتى كەڭەيتتى؛ اۋىل شارۋاشىلىعى ونىمدەرىن وندىرىلگەن جەردە توڭازىتىپ جاس كۇيىندە ساقتاۋ قۇرىلعى قۇرىلىسىن ىلگەرىلەتىپ، اۋىل شارۋاشىلىعى ءوندىرىسىنىڭ حاۋىپ - قاتەرگە توتەپ بەرۋ قابىلەتىن كۇشەيتتى. ءبيداي تۇقىمى جاي ءسىڭىرىلۋ، مايسا جاعدايى كۇردەلى بولۋ جاعدايىنا مەڭزەس، اۆتونوميالى رايوندىق قازىنا دەر كەزىندە 220 ميلليون يۋان اپاتتان قۇتقارۋ قارجىسىن ءتۇسىرىپ، تاسقىن، قۋاڭشىلىق اپاتى سياقتىلارعا توتەپ بەرۋگە قولداۋ كورسەتىپ، ماڭىزدى ەگىس داقىلدارىنىڭ ءونىمىنىڭ ازايماۋىن قامتاماسىز ەتىپ، شارۋا قاۋىمىنىڭ اپات سالدارىنان زيان تارتۋىن ازايتتى.
