العاشقى ايدا تارىم مۇناي الابىنىڭ مۇناي - تابيعي گاز ءونىم مولشەرى بىردەي ارتتى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ۋاڭ چىڭكاي 2 - ايدىڭ 4 - كۇنى ۇرىمجىدەن حابارلايدى. بيىل تارىم مۇناي الابى ەرەكشە تەرەڭ قاباتتاعى مۇناي - تابيعي گازدى اشۋعا كىرىسىپ، العاشقى ايدا مۇناي - تابيعي گاز ءوندىرىس مولشەرىنىڭ بالاماسى 3 ميلليون 190 مىڭ تونناعا جەتىپ، جوسپاردان بىردەي ارتىپ، سايكەس مەزگىلدەگىدەن 50 مىڭ توننا ارتىپ، بۇدان بۇرىنعى ءار جىلعى سول تۇستاعى ەڭ جوعارى دەڭگەيدى جاراتىپ، العاشقى ايدا تاماشا باستاما اشتى.
بيىل تارىم مۇناي الابى 16 ۇلكەن تۇردەگى جىلدىق ءتۇيىندى قىزمەت مىندەتىن بەلگىلەپ، 10 كۇندىك ءوندىرىس ارقىلى ايلىق وندىرىسكە، ايلىق ءوندىرىس ارقىلى ماۋسىمدىق وندىرىسكە، ماۋسىمدىق ءوندىرىس ارقىلى جىلدىق وندىرىسكە كەپىلدىك ەتۋدى تالاپ ەتىپ، العاشقى ايداعى وندىرىستە جاقسى باستاما اشىپ، ءبىرىنشى ماۋسىمداعى ىرىقتىلىققا قول جەتكىزىپ، الدىڭعى جارتى جىلداعى مۇناي - تابيعي گاز ءونىم مولشەرى مەجەلەنگەن ءونىم مولشەردىڭ تەڭ جارتىسىنان اسۋىنا شىنايى كەپىلدىك ەتتى.
جاڭا سالا، جاڭا وڭىرلىك بەلدەۋ، جاڭا قابات جۇيەسى، جاڭا تيپ سىندى ”ءتورت جاڭاعا“ بارلاۋ جۇرگىزۋدى كوزدەدى، تارىم مۇناي الابى ستراتەگيالىق ورىن باساتىن بايلىقتى ىزدەۋدى جەدەلدەتىپ، 5 ءتۇيىندى بارلاۋ قۇدىعىمەن جەر استى ەرەكشە تەرەڭ قاباتىنداعى بايلىقتى بايقاۋدى ىلگەرىلەتتى.
قازىر اشىلعان 76 قۇدىق جەر استى تەرەڭ قاباتىن ۇڭعىلاۋدا بوز تابيعي گازدى ءبىر جاقتى ەتۋ زاۆودى سياقتى 10 ءتۇرلى ءتۇيىندى مۇناي - تابيعي گاز جەر بەتى ينجەنەرياسى قۇرىلىسى قاۋىرت جۇمىس جۇرگىزۋدە، فۋمان مۇناي الابى جوعارى ءونىمدى قۇرىلىس، ءوندىرىس ارقىلى 100 توننالىق قۇدىقتان بەسەۋىن اشىپ، مۇناي الابىنىڭ كۇندىك ورتاشا مۇناي - تابيعي گاز ءونىم مولشەرىنىڭ 22 مىڭ توننادان تۇسپەۋىنە، 100 ميلليون تەكشەمەتردەن اساتىن جوعارى اينالىممەن جۇمىس جۇرگىزۋىنە دەم بەردى.
تارىم مۇناي الابى تابيعي گازدى باتىستان شىعىسقا جەتكىزۋدەگى نەگىزگى گاز قاينارى جانە وڭتۇستىك شينجياڭدى قامداۋعا كەپىلدىك ەتەتىن باستى گاز قاينارى بولۋ جاۋاپكەرشىلىگىن باتىلدىقپەن ارقالادى. 1 - ايدا ءىرى، ورتاشا تۇردەگى 19 تابيعي گاز الابى بار كۇشپەن وندىرىسكە كىرىسىپ، كوكتەم مەرەكەسىنە جىلۋ سيلادى، كوكتەم مەرەكەسى كەزىندە جيىنى 700 ميلليون تەكشەمەتردەن اساتىن تابيعي گاز ءوندىردى. قازىر تارىم مۇناي الابى ءار كۇنى وڭتۇستىك شينجياڭداعى 5 ايماق، وبلىستى 21 ميلليون تەكشەمەتردەن اساتىن تابيعي گازبەن قامدايدى، تابيعي گازدى باتىستان شىعىسقا جەتكىزۋ بويىنشا قامدايتىن تابيعي گاز 74 ميلليون تەكشەمەتردەن اسادى.
2022 - جىلى ەرەكشە تەرەڭ، ەرەكشە جوعارى تەمپەراتۋرا، ەرەكشە جوعارى قىسىم سياقتى بارلاۋ - اشۋداعى دۇنيە جۇزىلىك قيىندىقتارعا بەتپە - بەت كەلگەن تارىم مۇناي الابى تەرەڭ قابات سالاسىنداعى عىلىم - تەحنيكادا جاڭالىق اشۋدا ويداعىداي مىقتى قۇراما بولىپ، ەرەكشە تەرەڭ قاباتتاعى كۇردەلى مۇناي - تابيعي گاز گەولوگيا نازارياسىنان جانە شەشۋشى وزەكتى تەحنيكادان قامال الۋ شايقاسىن ويداعىداي جۇرگىزىپ، جىلدىق ورتاشا قۇدىق تەرەڭدىگى 7000 مەتردەن اسىپ، 8000 مەتردەن اساتىن تەرەڭ قۇدىقتارى جۇڭگو مۇناي توبىنىڭ ％90تەن استامىن يەلەدى.
