انار بۇلت \ شينجياڭ گازەتىنىڭ حابارى. تاياۋدا اۆتونوميالى رايوندىق وقۋ ـ اعارتۋ مەڭگەرمەسى قاتارلى 5 تاراۋ «اۆتونوميالى رايوننىڭ مىندەتتى وقۋ ـ اعارتۋ ساتىسىنداعى مەكتەپتەردىڭ ساباقتان كەيىنگى قىزمەت وتەۋ قاراجاتىن قامتاماسىز ەتۋ جانە باسقارۋ ٴادىسىن» (تومەندە قىسقارتىلىپ «ٴادىس» دەپ الىنادى) باسىپ تاراتتى. ادىستە مىنالار ورتاعا قويىلدى: مەكتەپ ٴوزى قامداعان ساباقتان كەيىنگى قىزمەت وتەۋىنە اقى الۋ قىزمەت وتەۋ سيپاتىندىق اقى الۋ بويىنشا ۇكىمەتتىڭ جەتەكشى باعا باسقارۋىنا ەنگىزىلەدى، وزىندىك قۇن تولىقتاماسى جانە پايدا تابۋدى ماقسات ەتپەۋ پرينسيبى بويىنشا، اۆتونوميالى رايوندىق دامۋ جانە رەفورما كوميتەتى، وقۋ - اعارتۋ مەڭگەرمەسىنىڭ «رايونىمىزداعى ورتا، باستاۋىش مەكتەپتەردىڭ قىزمەت وتەۋ سيپاتتى اقى الۋى مەن ۋاكىلدىك اقى الۋىن اناعۇرلىم جۇيەلىلەندىرۋگە قاتىستى ماسەلەلەر جونىندەگى ۇقتىرۋى» (شينجياڭ دامۋ جانە رەفورما كوميتەتى اقى الۋ [2011] 2839 - ٴنومىرلى) بويىنشا ساباقتان كەيىنگى مىندەتتەمەلى باسقارۋ قىزمەت وتەۋ اقىسىن الىپ، ساباقتان كەيىنگى ٴبىر ساعاتتىق مىندەتتەمەلى باسقارۋ قىزمەت وتەۋىنە قاتىناسقان ءار وقۋشىدان الىناتىن قاراجات ماۋسىمىنا 200 يۋاننان اسپاۋ ولشەمى بويىنشا الىنادى. جاتاقتاعى وقۋشىلاردان اقى الىنبايدى.
ناقتى ولشەمىن ٴارقايسى ايماقتىڭ (وبلىس، قالا) دامۋ جانە رەفورما، وقۋ - اعارتۋ اكىمشىلىك تاراۋلارى ٴار دارەجەلى قازىنا كومەك قاراجاتىن شىعارىپ تاستاعاننان كەيىن، سول جەردىڭ ەكونوميكاسىنىڭ دامۋ ورەسى، وقىتۋشىلاردىڭ قىزمەت اقى ورەسى، اتا - انالاردىڭ الەۋەتى جانە مەكتەپتەردىڭ ساباقتان كەيىنگى قىزمەت وتەۋ مازمۇنى، ءادىسى، وزىندىك قۇنى، ساپاسى قاتارلى فاكتورلارعا نەگىزدەلىپ ۇيلەسىمدى جاساپ شىعادى، اۋقىمعا قاراپ رەتتەۋ جۇرگىزىپ، سول ورىنداعى حالىق ۇكىمەتىنىڭ ماقۇلداۋىنان وتكىزگەن سوڭ اتقارادى. اۆتونوميالى رايونعا توتە قاراستى مەكتەپتەر سول ورىنداعى اۋداننىڭ (قالا، رايون) ولشەمى بويىنشا اتقارادى.
