«شينجياڭ گازەتى» باسماقالاسى
جاڭا جىل باستالىسىمەن اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اشىلدى، ءماجىلىس پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىنىڭ جانە ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، بىلتىرعى اۋىل شارۋاشىلىعى، اۋىل - قىستاق، شارۋالار قىزمەتىن قورىتىندىلاپ، بيىلعى ءتۇيىندى مىندەتتەردى اقىلداسىپ، ورنالاستىرىپ، شينجياڭنىڭ جاڭا داۋىردەگى جاڭا جورىقتا اۋىل - قىستاقتى گۇلدەندىرۋدى جاپپاي ىلگەرىلەتۋىنىڭ، اۋىل شارۋاشىلىعىندا قۋاتتى رايون قۇرۋدى جەدەلدەتۋىنىڭ اسقاق دابىلىن قاقتى.
مەملەكەتتى قۇدىرەتتەندىرۋدە الدىمەن، ءسوز جوق، اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيگەندە عانا مەملەكەت قۇدىرەتتەنەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار قىزمەتىن بارىنەن دە ماڭىزدى ورىنعا قويۋعا باستان - اياق تاباندى بولىپ، باس شۋجي شي جينپيڭ ءوزى جوبالاپ، ورنالاستىرىپ، ءوزى ىلگەرىلەتىپ، تياناقتاندىرىپ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ ءۇشىن تۋ ۇستاپ، بەتالىس كورسەتىپ، رول ۇستاپ، جول باستاپ، اۋىل شارۋاشىلىعى، اۋىل - قىستاق قىزمەتىندە تاريحي سيپاتتى تابىسقا قول جەتكىزۋگە، تاريحي سيپاتتى وزگەرىس تۋىلۋعا جەتەكشىلىك ەتتى. ءبىز ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋگە تاباندى بولىپ، ”ەكى كەلەلى جاعدايدى“ كوكەيدە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، اۋىل شارۋاشىلىعىندا قۋاتتى رايون قۇرۋ، اۋىل شارۋاشىلىعىندا قۋاتتى ەل قۇرۋعا دەم بەرۋ ستراتەگيالىق بورىشىن باتىل ارقالاۋىمىز كەرەك.
شينجياڭنىڭ بايلىق ابزالدىلىعى ەرەكشە، ەگىن، مال شارۋاشىلىق ونىمدەرىنىڭ ەرەكشەلىگى ايقىن، وسى زامانعى اۋىل شارۋاشىلىعىن دامىتۋ باسىمدىعى كورنەكتى، كومەسكى كۇشى زور، اۋىل شارۋاشىلىعىندا قۋاتتى رايون قۇرۋ نەگىزى بەرىك، بولاشاعى نۇرلى. بىلتىردان بەرى شينجياڭ اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، ورايدى يگەرىپ، كومەسكى كۇشتى كادەگە جاراتىپ، باسىمدىعىن كەڭەيتىپ، بۇكىل رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا ىلگەرىلەۋشىلىككە، جاڭا ونىمدىلىككە قول جەتكىزۋىن ىلگەرىلەتىپ، مەملەكەتتىڭ استىق حاۋىپسىزدىگىن قامتاماسىز ەتۋگە جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋعا شينجياڭ ۇلەسىن قوستى. ناتيجەنى كورۋمەن قاتار، قىزمەتتە ساقتالىپ وتىرعان پارىقتار مەن جەتەرسىزدىكتەرگە دە تۋرا قاراپ، ماسەلەلەردى زەرتتەۋدى، قيىن ماسەلەلەردى شەشۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن اشۋدىڭ شەشۋشى ءتۇيىنى ەتىپ، ولقىلىقتاردى، ءالسىز تۇستاردى جەدەل تولىقتاپ، كومەسكى كۇشتى، باسىمدىقتى تولىق اشىپ، وسى زامانعى اۋىل شارۋاشىلىعىن زور كۇشپەن دامىتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، قامداۋ - قامتاماسىز ەتۋى قۋاتتى، عىلىم - تەحنيكالىق جابدىقتالۋى قۋاتتى، جۇمىس جۇرگىزۋ جۇيەسى قۋاتتى، كاسىپ سالاسى سەرپىمدىلىگى كۇشتى، باسەكەلىك قابىلەتى كۇشتى اۋىل شارۋاشىلىعىندا قۋاتتى رايوندى جەدەل قۇرۋىمىز كەرەك.
اۋىل شارۋاشىلىعىندا قۋاتتى رايون قۇرۋ ەكونوميكانىڭ جوعارى ساپالى دامۋىنا سايادى، قوعام ورنىقتىلىعى مەن باياندى تىنىشتىققا سايادى، شينجياڭنىڭ جاپپاي سوتسياليستىك وسىزاماندانعان قۇدىرەتتى ەل قۇرۋداعى ستراتەگيالىق ورنىنا سايادى. اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى ساياسي جانە ستراتەگيالىق جالپى جاعداي تۇرعىسىن شىعار ءتۇيىن ەتۋگە تاباندى بولىپ، شينجياڭنىڭ ءىس جۇزىندىك جاعدايى مەن ءارقايسى جاقتاعى فاكتورلاردى جيناقتاپ، كەزەكتەگى جاعدايدى جانە ۇزاق بولاشاقتى ءبىر تۇتاس جوسپارلاپ، اۋىل شارۋاشىلىعىندا قۋاتتى رايون قۇرۋدى تەزدەتۋدىڭ مەجەلى نىساناسىن العا قويىپ، بيىل اۋىل - قىستاقتى گۇلدەندىرۋدى جاپپاي ىلگەرىلەتۋ قىزمەتىن ويداعىداي ىستەۋدىڭ جالپى تالابىن ايقىندادى. ءبىز ءماجىلىستىڭ ورنالاستىرۋى بويىنشا، استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى بار كۇشپەن قامتاماسىز ەتىپ، سۋ بايلىعىن ساپالى ۇلەستىرۋدى كۇشەيتىپ جانە ەگىستىك جەر بايلىعىن پايدالانۋ مولشەرىن جوعارىلاتىپ، اۋىل شارۋاشىلىعى كاسىپ سالاسى شوعىرى قۇرىلىسىن كورنەكتىلەندىرىپ ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، عىلىم - تەحنيكا مەن رەفورما سىندى قوس جەتەككە تاباندى بولىپ، قونىسقا جايلى، كاسىپكە ىڭعايلى بولۋ جانە كورىكتى اۋىل - قىستاق قۇرىلىسىن ىلگەرىلەتىپ، شارۋالاردىڭ كىرىستى ۇزدىكسىز ارتتىرۋىن امالدىڭ بارىنشا جەبەپ، پارتيا ۇيىمى باسشىلىق ەتكەن اۋىل - قىستاقتى باسقارۋ جۇيەسىن اقاۋسىزداندىرىپ، شىنايى يگەرىپ، ناقتى ىستەپ، جان سالا ىستەپ، ۇمىتكە تولعان توپىراقتا اۋىل - قىستاقتى گۇلدەندىرۋدىڭ، اۋىل شارۋاشىلىعىندا قۋاتتى رايون قۇرۋدىڭ اسەم كارتيناسىن قۇلشىنا قالىپتاستىرۋىمىز كەرەك.
اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىندا قۋاتتى ەل قۇرۋدىڭ تەتىگى پارتيادا. پارتيانىڭ جالپى جاعدايدى تۇتاس مەڭگەرۋ، تاراپتاردى سايكەستىرۋ رولىن تولىق ساۋلەلەندىرىپ، پارتكوم جاپپاي ءبىر تۇتاس باسشىلىق ەتەتىن، ۇكىمەت جاۋاپتى بولاتىن، پارتكوم اۋىل - قىستاق قىزمەتى تاراۋلارى ءبىر تۇتاس جوسپارلاپ سايكەستىرەتىن اۋىل - قىستاق قىزمەتىنە باسشىلىق ەتۋ ءتۇزىلىسىن اقاۋسىزداندىرىپ، اۋىل - قىستاقتى جاپپاي گۇلدەندىرۋدى ىلگەرىلەتۋدىڭ جاۋاپكەرشىلىگىن ناقتىلاندىرىپ، جوعارى ساپالى، ماماندانعان اۋىل شارۋاشىلىعى، اۋىل - قىستاق، شارۋالار قىزمەتى قوسىنىن قۇرىپ، ناقتى ىستەۋ ماڭىزدى ورىندا تۇرۋ، شىنايى يگەرىپ، ناقتى ىستەۋ تاڭداۋلى ستيلىن امالياتتا ايگىلەپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ ءتۇرلى مىندەتتەرىنىڭ ناقتى تياناقتاندىرىلۋىن ىلگەرىلەتۋ ءۇشىن پارمەندى قامتاماسىزدىق ازىرلەۋ كەرەك.
”اۋىل شارۋاشىلىعىن دامىتۋ − مەملەكەتتىڭ ءتۇبىرلى ۇلى جوسپارى“. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، مەملەكەتتىك ساپالى ەگىن، مال شارۋاشىلىق ونىمدەرىنىڭ ماڭىزدى قامداۋ - قامتاماسىز ەتۋ بازاسىن قۇرۋدىڭ ستراتەگيالىق ورنىن تياناق ەتىپ، نىسانانى كوزدەپ، شىنايى يگەرىپ ناقتى ىستەپ، ىنتىماقتاسا كۇرەس جۇرگىزىپ، ءورىس اشا جاڭالىق اشىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى تەزدەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدىڭ تىڭ ساتىعا قادام تاستاۋىن ىلگەرىلەتىپ، اۋىل شارۋاشىلىعىندا قۋاتتى ەل قۇرۋعا شينجياڭ كۇشىن بەلسەنە قوسايىق.
