اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اشىلدى
باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، كۇش - قايراتتى توپتاپ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋ كەرەك
ما شيڭرۇي قاتىناستى ءارى ءسوز سويلەدى
ەركىن تۇنياز باسقاردى، ءزۇمىرات وبۇل، نۇرلان ءابىلماجىن، لي يفي، جاڭ چۇنلين قاتىناستى، حى جۇڭيوۋ ءسوز سويلەدى
2 - ايدىڭ 6 - كۇنى اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى 2 - ايدىڭ 6 - كۇنى اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتىپ، اۋىل - قىستاقتى دامىتۋ، اۋىل - قىستاق قۇرىلىسى، اۋىل - قىستاقتى باسقارۋ سياقتى ءتۇيىندى قىزمەتتەردى تىڭعىلىقتى ويداعىداي ىستەپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتىپ، اۋىل شارۋاشىلىعىندا قۋاتتى ەل قۇرۋعا شينجياڭ كۇشىن بەلسەنە قوسۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتىناستى؛ اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ تۇتاس رايوننىڭ بيىلعى اۋىل شارۋاشىلىعى، اۋىل - قىستاق، شارۋالار قىزمەتى جونىندە ناقتى ورنالاستىرۋ جاسادى؛ اۋىل شارۋاشىلىعى، اۋىل - قىستاق مينيسترلىگى پارتيا باسشىلىق گرۋپپاسىنىڭ مۇشەسى، جۇڭگو اۋىل شارۋاشىلىق عىلىم اكادەمياسىنىڭ باستىعى ۋ كۇڭميڭ، مەملەكەتتىك اۋىل - قىستاقتى گۇلدەندىرۋ مەكەمەسىنىڭ ورىنباسار باستىعى حۇڭ تيانيۇن، جۇڭلياڭ توبى شەكتى سەرىكتەستىگىنىڭ باسالقاسى لۋان رىچىڭ ماجىلىسكە قاتىناستى ءارى ءسوز سويلەدى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭ ورتالىقتىڭ اۋىل - قىستاق قىزمەتى ماجىلىسىندە جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى جاعدايىن، كەلەلى جاعدايىن كوزدە ۇستاي وتىرىپ، پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جونىندە ستراتەگيالىق ورنالاستىرۋ جاسادى، ول جاڭا داۋىردەگى جاڭا جورىقتا اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ عىلمي باعدارناماسى. تۇتاس رايونداعى جەر - جەر، تاراۋلار ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىل ورىنداپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ەرەكشە ماڭىزدى ءمانىن ساياسي جانە جالپى جاعداي تۇرعىسىنان تانۋعا تاباندى بولىپ، اۋىل شارۋاشىلىعىندا قۋاتتى رايون قۇرۋ ستراتەگيالىق بورىشىن باتىل ارقالاپ، شينجياڭنىڭ وسى زامانعى اۋىل شارۋاشىلىعىن دامىتۋداعى ەرەكشە باسىمدىعى مەن زور كومەسكى كۇشىن دالمە - ءدال يگەرىپ، كەزەكتە اۋىل شارۋاشىلىعىنىڭ جوعارى ساپالى دامۋىنا تۇساۋ بولىپ وتىرعان كورنەكتى قايشىلىقتار مەن ماسەلەلەردى سەرگەكتىكپەن تانىپ، جاڭا جورىقتا اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ سەنىمىن، بەكىمىن نىعايتىپ، پارمەندى شارالار قولدانىپ مەملەكەتتىڭ استىق حاۋىپسىزدىگى مەن ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋگە شينجياڭ ۇلەسىن قوسۋى كەرەك.
ما شيڭرۇي بىلاي دەپ باسا دارىپتەدى: بيىلعى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تالابى مەن باستى مەجەلى نىسانالارىن ارقاۋ ەتىپ، ءتۇرلى ءتۇيىندى قىزمەتتەردى كورنەكتى تۇردە ويداعىداي يگەرۋ كەرەك. ءبىرىنشى، استىق جانە ماڭىزدى اۋىل شارۋاشىلىق ونىمدەرىن ءوندىرۋ قۋاتىن بار كۇشپەن جوعارىلاتىپ، مەملەكەت بويىنشا ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن قۇرۋ كەرەك. استىق حاۋىپسىزدىگى ساياسي جاۋاپكەرشىلىگىن باتىل ارقالاپ، استىق ءوندىرىسى ورنالاسىمىن جانە ەگىمشىلىك قۇرىلىمىن ساپالىلاندىرىپ، استىق ەگۋ كولەمىن ارتتىرىپ، استىق ءوندىرىس قۋاتىن جوعارىلاتۋ ارەكەتىن جانە ءبيدايدى، جۇگەرىنى ءتۇيىن ەتكەن استىق بىرلىك ءونىمىن جوعارىلاتۋ ينجەنەرياسىن اتقارىپ، مەملەكەتتىڭ ساپالى ماقتا، ماقتا ءجىپ بازاسى جانە مەملەكەت دارەجەلى ماقتا، ماقتا ءجىپ ساۋدا - ساتتىق ورتالىعى قۇرىلىسىن ىلگەرىلەتىپ، جەمىس - جيدەكتىڭ، كوكونىستىڭ ساپاسىن كوتەرىپ، ونىمدىلىگىن ارتتىرۋدى كۇش سالا ىلگەرىلەتىپ، مال شارۋاشىلىعىن گۇلدەندىرۋ ارەكەتىن ىشكەرىلەي اتقارۋ كەرەك. ەكىنشى، سۋ بايلىعىن ساپالى ۇلەستىرۋدى كۇشەيتىپ، جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتۋ كەرەك. سۋ بايلىعىن ۇلەستىرۋ جانە تەڭگەرۋ - ساقتاۋ كەلەلى ينجەنەريا قۇرىلىسىن جۇيەلى ىلگەرىلەتىپ، سۋ بايلىعىنان شوعىرلى، ۇنەمدى پايدالانۋ دەڭگەيىن جوعارىلاتىپ، سۋعا قاراي جەردى تۇراقتاندىرۋ، جەرگىلىكتى جاعدايعا قاراي ىستەۋ ارقىلى ەگىستىك جەردىڭ ەگىمشىلىك كولەمىن كەڭەيتىپ، جوعارى ولشەمدى ەگىنجاي قۇرىلىسىن ىلگەرىلەتۋدى جۇيەلى جوسپارلاپ، جوعارى ءونىمدى سۋ ۇنەمدەپ سۋارۋدى ءبىر تۇتاس جوسپارلاپ اتقارۋ كەرەك. ءۇشىنشى، عىلىم - تەحنيكا جانە رەفورما سىندى قوس جەتەككە تاباندى بولىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋگە پارمەندى تىرەك ازىرلەۋ كەرەك. اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى كۇشەيتىپ، تۇقىم شارۋاشىلىعىن گۇلدەندىرۋ ارەكەتىن كۇش سالا اتقارىپ، اۋىل شارۋاشىلىعىنا عىلىم - تەحنيكالىق قىزمەت وتەۋدى كۇشەيتىپ، اۋىل - قىستاق رەفورماسىن تەرەڭدەتىپ، اۋىل شارۋاشىلىعى، اۋىل - قىستاق، شارۋالار سالاسىنىڭ ۇسىنىلىم تەبىنىن ارتتىرۋ كەرەك. ءتورتىنشى، اۋىل شارۋاشىلىعىنا قاتىستى كاسىپ سالاسى شوعىرى قۇرىلىسىن كورنەكتى تۇردە ويداعىداي يگەرىپ، شينجياڭ ەرەكشەلىگىنە يە وسى زامانعى اۋىل شارۋاشىلىعى كاسىپ سالاسى جۇيەسىن جەدەل قۇرۋ كەرەك. استىق - ماي، ماقتا جانە توقىماشىلىق، كيىم - كەشەك، جاسىل ورگانيكالى جەمىس - جيدەك، كوكونىس، ساپالى مال شارۋاشىلىق ونىمدەرى كاسىپ سالاسى شوعىرى ارەكەتى جوسپارىن كۇش سالا اتقارىپ، ءبىر توپ باسىمدىققا يە باستاماشى كاسىپورىندى جەتىلدىرىپ، دامىتىپ، وسى زامانعى اۋىل شارۋاشىلىق كاسىپ سالاسى باقشاسى مەن اۋىل شارۋاشىلىعىن وسىزامانداندىرۋدان ۇلگى كورسەتۋ رايونى قۇرىلىسىن تەزدەتىپ، اۋىل شارۋاشىلىق ونىمدەرى بازارىن كەڭەيتۋدى جاپپاي تەرەڭدەتىپ، اۋىل - قىستاقتاردىڭ جاڭا كاسىپ سالاسىن، جاڭا كاسىپ كۇيىن جەتىلدىرۋ، دامىتۋ كەرەك. بەسىنشى، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، كولەمدى قايتا كەدەيلەسۋ تۋىلماۋ تومەنگى شەگىن باتىل ساقتاۋ كەرەك. قايتا كەدەيلەسۋدەن ساقتانۋ شاراسىن قاتاڭ، ناقتى تياناقتاندىرىپ، كەدەيلىكتەن ارىلعان وڭىرلەردىڭ جانە كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ارتتىرىپ، كومەكتەسۋ - سۇيەمەلدەۋ ساياساتىن ورنىقتىرىپ، كەمەلدەندىرىپ، ءتۇرلى بايلىقتاردىڭ، كومەكتەسۋ - سۇيەمەلدەۋ شارالارىنىڭ ەرەكشە كاسىپ سالاسىن دامىتۋعا جانە جۇمىستاندىرۋدى كەڭەيتۋگە قاراي كۇش شوعىرلاندىرۋىن ىلگەرىلەتۋ كەرەك. التىنشى، شارۋالاردىڭ كىرىستى ءۇرتىس ارتتىرۋىن امالدىڭ بارىنشا جەبەپ، حالىق تۇرمىسىنىڭ ىرىس - قۇتىن ۇزدىكسىز ارتتىرۋ كەرەك. شارۋالاردىڭ كىرىستى زور مولشەردە ارتتىرۋىن جەبەۋ ارناۋلى ارەكەتىن اتقارىپ، اۋىل شارۋاشىلىعى تۇتاس كاسىپ سالاسى تىزبەگىنىڭ جۇمىستاندىرۋعا باۋراۋ قۋاتىن ورنىقتى جوعارىلاتىپ، ەڭبەكاقى سيپاتتى كىرىستى زور مولشەردە ارتتىرىپ، سالىستىرمالى ونىمدىلىگى جاقسى ەرەكشە كاسىپ سالاسىن بار كۇشپەن دامىتىپ، تيجارات سيپاتتى كىرىستى ءۇرتىس ارتتىرىپ، مال - مۇلىك تازا كىرىسى جانە وتكەرمەلەنگەن تازا كىرىس دەڭگەيىن جوعارىلاتۋ كەرەك. جەتىنشى، اۋىل - قىستاقتى وسىزامانداندىرۋدىڭ نەگىزگى تالابىن مىقتاپ يگەرىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرىلىسىن تىڭعىلىقتى ىلگەرىلەتۋ كەرەك. اۋىل - قىستاق قۇرىلىسى ارەكەتىن ۇيىمداستىرىپ ويداعىداي ورىستەتىپ، قىستاقتاردىڭ ورنالاسۋىن عىلمي جوبالاپ، اۋىل - قىستاقتىڭ قونىس ورتاسىن رەتتەۋ - وڭاۋدى، دەڭگەيىن جوعارىلاتۋدى تىڭعىلىقتى ىلگەرىلەتىپ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن ويداعىداي يگەرۋ كەرەك. سەگىزىنشى، پارتيا ۇيىمى باسشىلىق ەتكەن اۋىل - قىستاقتى باسقارۋ جۇيەسىن اقاۋسىزداندىرىپ، ومىرشەڭدىك كۇشكە تولى، جاراسىمدى، ءتارتىپتى، شەبەرلىكپەن باسقارىلاتىن اۋىل - قىستاق قۇرۋ كەرەك. پارتيا ۇيىمىنىڭ ساياسي يقۋاتى مەن ۇيىمدىق يقۋاتىن كۇشەيتىپ، قوعامدىق باسقارۋ مەن قىزمەت وتەۋ ءتۇيىنىن نەگىزگى ساتىعا ويىستىرۋدى ىلگەرىلەتىپ، اۋىل - قىستاق رۋحاني وركەنيەت قۇرىلىسىن كۇشەيتىپ، اۋىل - قىستاقتىڭ ورنىقتىلىعىن، تىنىشتىعىن قورعاپ، اۋىل - قىستاقتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن جوعارىلاتۋ كەرەك.
ما شيڭرۇي مىنالاردى باسا دارىپتەدى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىنا تاباندى بولىپ، 5 دارەجەلى شۋجيلەر اۋىل - قىستاقتى گۇلدەندىرۋدى يگەرۋ ءتۇزىلىس - مەحانيزمىن كەمەلدەندىرىپ، تياناقتاندىرىپ، اۋىل شارۋاشىلىعى، اۋىل - قىستاق، شارۋالار قىزمەتىن ىلگەرىلەتۋ جاۋاپكەرشىلىگىن قاتايتۋ، اسىرەسە، اۋداندىق پارتكوم شۋجيلەرى ويداعىداي ”ءبىرىنشى شەپتىڭ باس قولباسشىسى“ بولۋ كەرەك. جوعارى ساپالى، ماماندانعان اۋىل شارۋاشىلىعى، اۋىل - قىستاق، شارۋالار قىزمەتى قوسىنىن قۇرىپ، ءتۇرلى دارىندىلاردى اۋىل - قىستاقتى گۇلدەندىرۋگە ات سالىسۋعا جەتەكتەۋ كەرەك. شىندىققا جۇگىنىپ، ناقتى ىستەپ، شىنايى يگەرىپ، ناقتى ءىس تىندىرىپ، تەكسەرۋ - زەرتتەۋ جۇرگىزۋ ستيلىن بارىنشا ساۋلەلەندىرىپ، فورماشىلدىققا، تورەشىلدىككە قارسى تۇرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
ۋ كۇڭميڭ بىلاي دەپ اتاپ كورسەتتى: شينجياڭ مەملەكەتتىڭ استىق حاۋىپسىزدىگىن قامتاماسىزداندىرۋدا ەرەكشە ماڭىزدى ستراتەگيالىق ورىنعا يە. اۋىل شارۋاشىلىعى، اۋىل - قىستاق مينيسترلىگى اۋىل شارۋاشىلىعى ارقىلى شينجياڭعا كومەكتەسۋ تەبىنىن ارتتىرىپ، استىق - ماي ءوندىرۋ، جوعارى ولشەمدى ەگىنجاي قۇرىلىسى، قۇرىلعى اۋىل شارۋاشىلىعى قۇرىلىسى سياقتىلاردى ارقاۋ ەتىپ، شينجياڭنىڭ اۋىل شارۋاشىلىعىنىڭ، اۋىل - قىستاعىنىڭ وسىزاماندانعان دامۋىن جانە اۋىل - قىستاقتى جاپپاي گۇلدەندىرۋىن ىلگەرىلەتەدى. جۇڭگو اۋىل شارۋاشىلىق عىلىم اكادەمياسى تۇتاس اكادەميا بايلىعىن سايكەستىرىپ، عىلىم - تەحنيكالىق سەلبەستىكتى تەرەڭدەتىپ، شينجياڭنىڭ ەگىن، مال شارۋاشىلىعىنىڭ جەدەل دامۋىن بار كۇشپەن قولدايدى.
حۇڭ تيانيۇن بىلاي دەپ اتاپ كورسەتتى: شينجياڭ ەلىمىزدىڭ ماڭىزدى اۋىل شارۋاشىلىق ءىرى رايونى، مەملەكەتتىك اۋىل - قىستاقتى گۇلدەندىرۋ مەكەمەسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، شينجياڭنىڭ كولەمدى قايتا كەدەيلەسۋ تۋىلماۋىنىڭ تومەنگى شەگىن ساقتاۋىنا دەم بەرىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ۇزدىكسىز كۇشەيتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى جەدەلدەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋدىڭ جاڭا جورىعىندا تاعى دا تاماشا ناتيجە جاراتادى.
لۋان رىچىڭ بىلاي دەپ اتاپ كورسەتتى: جۇڭلياڭ توبى ورتالىقتاعى كاسىپورىنداردىڭ شينجياڭعا كومەكتەسۋ بورىشىن باتىل ارقالاپ، اۋىل شارۋاشىلىعى، استىق كاسىپ سالاسى ابزالدىلىعىنا سۇيەنىپ، شينجياڭداعى كاسىپ سالاسى ورنالاسىمىن ۇزدىكسىز كۇشەيتىپ، قارجى قوسۋ، سەلبەستىك جاساۋ تەبىنىن ارتتىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋى مەن اۋىل - قىستاقتى گۇلدەندىرۋىنە ۇلەس قوسادى.
حى جۇڭيوۋ بىلاي دەپ اتاپ كورسەتتى: اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، شينجياڭنىڭ مەملەكەتتىڭ استىق حاۋىپسىزدىگىن قامتاماسىزداندىرۋ جانە ماڭىزدى اۋىل شارۋاشىلىق ونىمدەرىمەن قامداۋ جاعىنداعى ۇلەس دەڭگەيىن بارىنشا جوعارىلاتىپ، سۋ يگىلىگىن وزەك ەتكەن اۋىل شارۋاشىلىق نەگىزدىك قۇرىلعى قۇرىلىسىن نىعايتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، وسى زامانعى اۋىل - قىستاق كاسىپ سالاسى جۇيەسىن قۇرىپ، شارۋالاردىڭ زور مولشەردە كىرىستى ارتتىرۋىن جەبەپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرىلىسىن ىلگەرىلەتىپ، پارتيا ۇيىمى باسشىلىق ەتكەن اۋىل - قىستاقتى باسقارۋ جۇيەسىن اقاۋسىزداندىرىپ، اۋىل - قىستاق رەفورماسىنىڭ ءتۇيىندى مىندەتتەرىن تياناقتاندىرىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ تىڭ ناتيجەلەرىمەن اۋىل شارۋاشىلىعىندا قۋاتتى رايون قۇرۋعا، اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋگە تىڭ ۇلەس قوسۋ كەرەك.
ماجىلىستە «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ <جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 - جىلعى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ويداعىداي ىستەۋ جونىندەگى پىكىرىن> دايەكتىلەندىرۋ جونىندەگى اتقارۋ پىكىرى» تۋرالى تۇسىنىك جاسالدى؛ جۇڭگو ينجەنەريا اكادەمياسىنىڭ اكادەميگى يىن فيحۋ، شينشيۋاڭ توبى جاڭا ءسۇت شارۋاشىلىعىنىڭ باسالقاسى شي گاڭ، شينجياڭ جۇڭتاي توقىماشىلىق، كيىم - كەشەك توبى شەكتى سەرىكتەستىگىنىڭ باس ديرەكتورى ليۋ جييۋان، قاشقار ايماقتىق پارتكومنىڭ شۋجيى نيە جۋاڭ، بيڭتۋان 4 - شى كوكدالا قالالىق پارتكومنىڭ شۋجيى لي چىڭشىڭ اۋىس - كۇيىس جاساپ لەبىز ءبىلدىردى.
جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ياڭ فاسىن، ءيۇسىپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، ورتالىقتىڭ شينجياڭداعى قاتىستى فينانس قۇرىلىمدارىنداعى، اۆتونوميالى رايوننىڭ قاتىستى ورىندارىنداعى، عىلمي زەرتتەۋ ورىندارىنداعى، مەكتەپتەردەگى نەگىزگى جاۋاپتى جولداستار، اكادەميك ماماندار جانە شينجياڭ ءىشى - سىرتىنداعى كاسىپورىنشىلاردىڭ ۋاكىلدەرى قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماقتار، وبلىستار، قالالار، اۋداندار، قالالار، رايوندار جانە بيڭتۋان ورگاندارى، ءارقايسى شى - قالالار، تۋان - الاڭدار بولىمشە ءماجىلىس الاڭىن ورنالاستىردى.
