انار بۇلت \ شينجياڭ گازەتىنىڭ حابارى. (ءتىلشى يە شياۋمين، ەرىكتى ٴتىلشى سۇڭ نيڭ) وقۋ باستاۋ الدىندا، 2 - ايدىڭ 7 - كۇنى ٴۇرىمجى قالالىق اۋرۋدىڭ الدىن الۋ، تىزگىندەۋ ورتالىعىنىڭ ماماندارى اتا - انالار قازىر كوڭىل ٴبولىپ وتىرعان وقۋشىلاردىڭ مەكتەپكە تۇسۋدەن بۇرىن قانداي ۆاكسينالاردى ەكتىرۋ، بالالاردىڭ ”بولىمدى بولىپ ساۋىققاننان“ كەيىن كەشەۋىلدەگەن ساقتىق ۆاكسيناسىن قالاي تولىقتاپ ەكتىرۋ، جوعالعان ۆاكسينا ەكتىرۋ كۋالىگىن قالاي تولىقتاۋ جايلى ماسەلەلەرىنە تۇسىنىك بەردى.
ماتەريال سۋرەت
ٴۇرىمجى قالالىق اۋرۋدىڭ الدىن الۋ، تىزگىندەۋ ورتالىعى يممۋنيتەت جوبا ٴبولىمىنىڭ مەڭگەرۋشىسى ۋاڭ پەيشىڭ بىلاي دەپ تانىستىردى: بالا ٴتارتىپ بويىنشا مەملەكەتتىڭ يممۋنيتەتتىك جوبا ۆاكسيناسىن ەكتىرگەندە عانا، بەرىك يممۋنيتەتتىك قارسىلىق قۋاتىن قالىپتاستىرادى، ۆاكسينا ەكتىرۋ جۇقپالى اۋرۋلاردىڭ بالاباقشادا جانە مەكتەپتە كۇرت تارالۋىنىڭ الدىن الۋعا بولاتىن بولىپ، مەكتەپتەردىڭ قالىپتى وقىتۋ تارتىبىنە كەپىلدىك ەتەدى.
وقۋعا تۇسۋدەن بۇرىن بالالارعا ەگۋگە ۇسىنىس ەتىلگەن ۆاكسينالار قايسىلار؟ ۋاڭ پەيشىڭ بىلاي دەپ تانىستىردى: شينجياڭنىڭ يممۋنيتەت جوسپارى ۆاكسيناسى بويىنشا بالالاردى يمۋنيتەتتەندىرۋ باعدارلاما كەستەسىندە شينجياڭدا ەگۋدى تالاپ ەتكەن ۆاكسينانىڭ ٴتۇرى جانە ٴدارى رەتى جازىلعان، اتا ـ انالاردىڭ بالالارىنا ەكتىرۋ بورىشى بار. اتا - انا بالاعا ساقتىق ۆاكسيناسىن ەكتىرۋ كۋالىگىندەگى ەگۋ ۋاقىتىن تەكسەرىپ، سالىستىرىپ وتىرۋى كەرەك، ەگەر ۋاقىتى تولسا دا ەگىلمەگەن نەمەسە ورتاسىندا قالىپ قويعان جاعداي بايقالسا، دەر كەزىندە الدىن الا كەلىسىپ، امبۋلاتوريادا تولىقتاپ ەكتىرۋ كەرەك. ۋاڭ پەيشىڭ شارت - جاعدايى بار اتا - انالاردىڭ بالالارىنا جۇقپالى تۇماۋ، شەشەك، قول - اياق، اۋىز اۋرۋى، وكپە قابىنۋ سياقتى يممۋنيتەت جوباسىنا جاتپايتىن ۆاكسينالاردى ەكتىرۋىن ۇسىنىس ەتەدى.
بالالار ”بولىمدى بولىپ ساۋىققان سوڭ“ قانشا ۋاقىتتان كەيىن ۆاكسينا ەگۋىنە، تولىقتاپ ەگۋىنە بولادى؟ ۋاڭ پەيشىڭ تانىستىرىپ بىلاي دەدى: جاڭا تيپتى ايدارشا ۆيرۋس ۆاكسيناسىن ”بولىمدى بولىپ ساۋىققان سوڭ“ 6 اي ۋاقىتتان كەيىن ەگۋدى ۇسىنىس ەتەمىز. باسقا ۆاكسينالاردى (قۇتىرىق اۋرۋى ۆاكسيناسىنان باسقا) دەنە تەمپەراتۋراسى قالپىنا كەلگەننەن كەيىن، كلينيكالىق بەلگىلەرى جوعالعان سوڭ 14 كۇننەن كەيىن ەكتىرۋىنە بولادى. ”بولىمدى“ بولعاندىعى سەبەپتى ەگىلمەي قالعان ۆاكسينانى، بالالار ”بولىمدى بولىپ ساۋىققان سوڭ“ دەر كەزىندە تولىقتاپ ەكتىرسە بولادى، كەشىكتىرىپ ەگۋ ادام دەنەسىنىڭ اسەر جاساۋ ونىمدىلىگىن تومەندەتە المايدى.
ۋاڭ پەيشىڭ بىلاي دەدى: B تيپتى باۋىر قابىنۋ ۆاكسيناسى، كالمەتت - گەرەن ۆاكسيناسى، جۇلىن سۇر زاتى ۆاكسيناسى، قىزىلشا قۇرامدى ۆاكسيناسى، كوكجوتەل، اقتاماق، سىرەسپە ۆاكسيناسى، تارالعىش مەنينگيت ۆاكسيناسى، A تيپتى باۋىر قابىنۋ ۆاكسيناسى سياقتى يممۋنيتەتتىك جوبا ۆاكسينالارىن الدىمەن تولىقتاپ ەگۋ كەرەك. كەشەۋىلدەتىپ ەگىلگەن يممۋنيتەتتىك جوباعا جاتپايتىن ۆاكسينالاردى ەگۋ تارتىبىنە قاراي دەر كەزىندە تولىقتاپ ەگۋىن ۇسىنىس ەتتى.
ۋاڭ پەيشىڭ بىلاي دەپ تانىستىردى: ۆاكسينا ەكتىرۋدەن بۇرىن بالالاردىڭ دەنساۋلىق جاعدايىن ۆاكسينا ەگەتىن شيپاگەرگە قاز - قالپىندا ايتۋ كەرەك، ۆاكسينا ەگىلگەن كۇنى بالاعا ۆاكسينا ەگۋگە قولايلى كيىم كيگىزۋ كەرەك. ۆاكسينا ەككەننەن كەيىن، ەگۋ تۇيىنىندە 30 مينۋت بايقاپ كورۋ كەرەك. ەگىلگەننەن كەيىن ەگەر قىزۋ، ەگىلگەن ورىن قىزارىپ ٴىسىنۋ سياقتى جاعدايلار بايقالسا، اۋرۋ جاعدايىنا قاراي ٴبىر جايلى ەتۋ، باسەڭدەمەسە دەر كەزىندە ەمدەلۋ كەرەك.
ەگەر بالانىڭ ساقتىق ۆاكسينا ەگۋ كۋالىگى ابايسىزدا جوعالىپ كەتسە، اتا - انا ازاماتتىق كۋالىگىن الىپ، بالا تۇرعان جەرگە بارىپ ۆاكسينا ەگەتىن ورىنعا بارىپ كۋالىگىن تولىقتاۋىنا بولادى.
