انار بۇلت \ شينجياڭ گازەتىنىڭ حابارى (ٴتىلشى شىن زۋشياۋ حابارلايدى) وسى اپتادان باستاپ، رايونىمىزدىڭ جەر - جەرىندەگى ورتا، باستاۋىش مەكتەپتەر ىركەس - تىركەس وقۋ باستايدى، ٴارقايسى مەكتەپتەردەگى وقىتۋشى - قىزمەتكەرلەر قىزمەت ورىندارىنا الدىن الا كەلىپ، جاڭا وقۋ ماۋسىمىندا وقۋ باستاۋعا جابدانىپ، وقۋشىلاردىڭ كەلۋىن قارسى الۋعا دايىندالدى.
2 - ايدىڭ 6 - كۇنى ٴۇرىمجى قالالىق 82 - باستاۋىش مەكتەپتىڭ وقىتۋشى - قىزمەتكەرلەرى مەكتەپكە ەرتە كەلىپ، جاڭا وقۋ ماۋسىمىنىڭ 1 - قىزمەت كۇنىن باستاپ، قار تازالادى، كەڭسەنى رەتتەدى، تازالىق ىستەدى، وقۋلىقتاردى رەتتەدى، كلاس ورنالاستىردى ... وقىتۋشىلار مەكتەپكە كەلىسىمەن قاربالاستىققا ٴتۇسىپ، حاۋىپسىز، تازا دا رەتتى مەكتەپ ورتاسى ارقىلى جاڭا وقۋ ماۋسىمىن قارسى الۋعا دايىندالدى.
جاڭا وقۋ ماۋسىمىندا وسى مەكتەپكە 160تان استام 1 – جىلدىقتىڭ جاڭا وقۋشىسى تۇڭعىش رەت وقۋعا كەلەدى، مەكتەپ ٴتۇستى شارلاردان جاسالعان ”وقۋعا ٴتۇسۋ ەسىگىن“ دەن قويا ورنالاستىردى، بالالار وقىتۋشىلاردىڭ باستاۋىندا ”وقۋعا ٴتۇسۋ ەسىگىنەن“ ٴوتىپ، مەكتەپ اۋلاسىنا رەسمي كىرەدى.
2 - ايدىڭ 6 – كۇنى ٴۇرىمجى قالالىق 82 - باستاۋىش مەكتەپتىڭ وقىتۋشىلارى ٴتۇستى شارلاردان جاسالعان ”وقۋعا ٴتۇسۋ ەسىگىن“ دەن قويا ورنالاستىرۋدا. سۋرەتتى ما يۇيجياۋ تۇسىرگەن
وقۋشىلاردىڭ جاڭا وقۋ ماۋسىمىنداعى ۇيرەنۋگە جانە تۇرمىسقا تەزىرەك ۇيلەسۋىنە مۇمكىندىك جاساۋ ٴۇشىن، مەكتەپتىڭ وقىتۋدى زەرتتەۋ كەڭسەسى ٴارقايسى ٴپان وقىتۋشىلارىن جاڭا وقۋلىقتى ۇيرەنۋگە جانە ساباق دايىنداۋعا ۇيىمداستىرادى. جاڭا وقۋ ماۋسىمى باستالعان 1 - اپتادا ٴۇرىمجى قالالىق 82 - باستاۋىش مەكتەپ جاڭا ساباق ورنالاستىرماۋدى، قايتا الدىڭعى وقۋ ماۋسىمىنداعى مازمۇنداردى پىسىقتاپ بەكەمدەۋدى، ساڭلاۋلاردى تاۋىپ، ولقىلىقتاردى تولىقتاۋدى جوسپارلادى.
”پىسىقتاپ بەكەمدەۋ ارقىلى، ٴبىر جاعىنان، الدىڭعى وقۋ ماۋسىمىنداعى بىلىمدەردى ونان ارى بەكەمدەي تۇسەمىز، سونىمەن بىرگە بالالاردىڭ دا ۇيلەسۋ بارىسىنا يە بولۋىنا مۇمكىندىك جاسايمىز“. وسى مەكتەپتىڭ پارتيا ياچەيكا شۋجيى نيۋ ۋىنبين بىلاي دەدى: سونىمەن بىرگە وقۋشىلاردىڭ الدىڭعى وقۋ ماۋسىمىنداعى ۇيرەنۋ ناتيجەسىن تەكسەرىپ، وقۋشىلاردىڭ ۇيرەنۋ جاعدايىن يگەرىپ، ٴالسىز بۋىنداردى ۇعىسىپ، ٴتىپتى دە باعىتتامالى وقىتۋ جوباسىن العا قويامىز.
جاڭا كوز قورعاۋ شىراعى، جاڭا ۇستەل - ورىندىق، جاڭا تەرەزە پەردەسى، ۇستەلدەگى شىت جاڭا وقۋلىققا كوبەلەكشە تۇيىنشەك قويىلدى، ٴسۇت قورابىنا قىزىل ٴتۇستى شار ٴىلىندى. بىرنەشە كۇننەن بەرى، بۇراتالا قالالىق 1 ـ ورتا مەكتەپتىڭ وقىتۋشىلارى كلاستى شىت جاڭا بەينەدە بەزەندىردى، مەكتەپ اۋلاسىنان وقۋ باستاۋدىڭ قويۋ رايى بايقالدى.
2 - ايدىڭ 6 - كۇنى بۇراتالا قالالىق 1 - ورتا مەكتەپتىڭ وقىتۋشىلارى دەن قويا ورنالاستىرعان كلاس. سۋرەتتى چىڭ حۇڭ تۇسىرگەن
”وقىتۋشىلار قىزمەت ورنىنا الدىن الا كەلىپ، دەن قويا دايىندىق جاسادى، بالالاردىڭ ەڭ تاماشا رۋحاني كۇيمەن جاڭا وقۋ ماۋسىمىن قارسى الۋىن ٴۇمىت ەتەمىز“، ـ دەدى بۇراتالا قالالىق 1 ـ ورتا مەكتەپ وقۋ ـ اعارتۋ توبى پارتكومىنىڭ شۋجيى كۇڭ يىڭ.
2 - ايدىڭ 6 - كۇنى حوتان قالالىق 5 - ورتا مەكتەپ وقۋ باستاۋ قىزمەتىن ورنالاستىرۋ جيىنىن ارناۋلى اشىپ، مەكتەپ اۋلاسىنىڭ حاۋىپسىزدىك، ىندەتتەن ساقتانۋ، تازالىق، وقىتۋ سياقتى قىزمەتتەرىنە كۇنى بۇرىن دايىندىق جاسادى.
2 - ايدىڭ 6 - كۇنى حوتان قالالىق 5 - ورتا مەكتەپتىڭ وقىتۋشىسى وقۋشىلاردىڭ ۇستەل - ورىندىعىن سۇرتۋدە. سۋرەتتى جيڭ جۇڭجى تۇسىرگەن
بىرنەشە كۇننەن بەرى، مەكتەپ ارناۋلى ادام ورنالاستىرىپ، ٴاربىر كلاستىڭ شىراقتارىنا ٴبىر تۇتاس سىناق جۇرگىزدى، وقۋشىلاردىڭ ۇستەل - ورىندىقتارىنا، كوپ مەديالى وقىتۋ جابدىقتارىنا كوپ رەت حاۋىپسىزدىك تەكسەرۋىن جۇرگىزىپ، وقىتۋشى - وقۋشىلاردىڭ جايلى، حاۋىپسىز ورتادا قىزمەت ىستەۋىنە، ۇيرەنۋىنە كەپىلدىك ەتتى.
مەكتەپ اۋلاسىنىڭ بارلىق جەرىندە وقىتۋشى - قىزمەتكەرلەردىڭ قاربالاس بەينەسى بايقالدى، ولار كلاستاردى ورنالاستىرۋ، وقۋلىق تاراتۋ، كومەسكى قاتەرلەردى ٴبىر - بىرلەي تەكسەرۋ، جابدىقتاردى تازالاپ جۋۋ، تازالاۋ، زارارسىزداندىرۋ، ميكروپ جويۋ سياقتى باستاپقى كەزەڭدەگى وقۋ باستاۋدىڭ ٴبىر قىدىرۋ دايىندىق قىزمەتتەرىن دەن قويا، ەگجەي – تەگجەيلى ويداعىداي ىستەدى.
2 - ايدىڭ 6 - كۇنى حوتان قالالىق 5 - ورتا مەكتەپتىڭ وقىتۋشى - قىزمەتشىلەرى وقىتۋ عيماراتىندا ٴورت سوندىرگىشتى تەكسەردى. سۋرەتتى جيڭ جۇڭجى تۇسىرگەن
”جاڭا وقۋ ماۋسىمىندا تاماشا باستاما اشامىز، تاماشا قادام تاستايمىز، مەكتەپ وقۋ باستاۋدىڭ ٴتۇرلى دايىندىقتارىن ويداعىداي جاسادى، بالالاردىڭ ورالۋىن ءتورت كوزبەن كۇتىپ وتىرمىز“، - دەدى حوتان قالالىق 5 ـ ورتا مەكتەپتىڭ باستىعى جاڭ حۇيجۇن.
اۋدارعان: قادىر ماقان
