− اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ رۋحىن دايەكتىلەندىرۋ، تياناقتاندىرۋ تۋرالى
گازەتىمىزدىڭ شولۋشىسى
كومەسكى كۇش باسىمدىعىن كورە بىلۋمەن بىرگە، قايشىلىق پەن ماسەلەگە دە دۇرىس قاراي ءبىلۋ − ءبىزدىڭ قىزمەتتى ويداعىداي ىستەۋىمىزدەگى ديالەكتيكا. اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اۋىل شارۋاشىلىعىندا قۋاتتى رايون قۇرۋدىڭ اسقاق دابىلىن قاقتى، اۋىل شارۋاشىلىعىندا قۋاتتى رايون قۇرۋدا جاۋاپكەرشىلىك اۋىر، بورىش داڭقتى، بۇكىل رايونداعى ءار دارەجەلى جەر - جەردەگى پارتكومدار مەن ۇكىمەتتەر تياناقتاندىرۋدى يگەرۋ بارىسىندا شينجياڭنىڭ وسى زامانعى اۋىل شارۋاشىلىعىن دامىتۋداعى ەرەكشە باسىمدىعى مەن وراسان زور كومەسكى كۇشىن جەتە تانۋلارى، تولىق سەنىممەن، مويىماس تاباندىلىقپەن العا باسۋلارى ءارى ماسەلە تانىمىن ورناتىپ، ماسەلەنى باعدار ەتۋدەن جازباي، ولقىلىقتاردى تولىقتاۋ، ءالسىز تۇستاردى كۇشەيتۋ جاعىنا ۇزدىكسىز كۇش سالىپ، اۋىل شارۋاشىلىعىنىڭ جوعارى ساپالى دامۋىنا تۇساۋ بولاتىن كورنەكتى قايشىلىقتاردى جانە ماسەلەلەردى كۇش سالا شەشىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋ سەنىمى مەن بەكىمىن بەكەمدەۋلەرى كەرەك.
شينجياڭنىڭ جارىق، جىلۋ، سۋ، توپىراق بايلىعى مول، ەگىن، مال شارۋاشىلىق ونىمدەرىنىڭ ەرەكشەلىگى ايقىن، ەلىمىزدەگى ساپالى ءبيداي وندىرەتىن رايون، ەڭ ۇلكەن ماقتا وندىرەتىن رايون، بىردەن - ءبىر ۇزىن تالشىقتى ماقتا وندىرەتىن رايون جانە ەڭ ءىرى ساپالى تاۋار ماقتا بازاسى، دۇنيە جۇزىندەگى جەمىس - جيدەك وندىرەتىن 6 ۇلكەن ءوڭىردىڭ جانە بۇكىل ەلدەگى 5 ۇلكەن مال شارۋاشىلىق رايونىنىڭ ءبىرى، وسى زامانعى اۋىل شارۋاشىلىعىن دامىتۋدا باسىمدىعى كورنەكتى، بولاشاعى جارقىن. مۇنان سىرت، جىبەك جولى ەكونوميكالىق بەلدەۋ وزەكتى رايونى رەتىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولۋى مەن ءمان بەرۋىنىڭ ارقاسىندا، شينجياڭ اۋىل شارۋاشىلىعىندا قۋاتتى رايون قۇرۋدى جەدەلدەتۋگە كۇش ۇستەيتىن ءبىر قىدىرۋ ەرەكشە قولداۋ ساياساتىنان يگىلىكتەندى؛ ىشكى جاقتا ەل ىشىندەگى ايرىقشا زور كولەمدى بازاردى تىرەك ەتسە، سىرتقى جاقتا جىبەك جولى ەكونوميكالىق بەلدەۋى بويىنداعى بازاردى اشۋدى كۇتۋدە، شينجياڭنىڭ وسى زامانعى اۋىل شارۋاشىلىعىن دامىتۋدا كەڭ بازار بولاشاعى بار. ەرەكشە ورىن جانە باسىمدىق − ءبىزدىڭ اۋىل - قىستاقتى گۇلدەندىرۋدى بار كۇشپەن جاپپاي ىلگەرىلەتۋىمىزدىڭ، اۋىل شارۋاشىلىعىندا قۋاتتى رايون قۇرۋدى جەدەلدەتۋىمىزدىڭ نەگىزى، سەنىم قاينارى.
الايدا، باسىمدىقتى كورە بىلۋمەن قاتار، ءبىز اۋىل - قىستاقتى گۇلدەندىرۋدى جاپپاي ىلگەرىلەتۋ، اۋىل شارۋاشىلىعىندا قۋاتتى رايون قۇرۋ نىساناسىنىڭ جۇزەگە اسۋىن جەدەلدەتۋ، رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىندە ءالى دە كوپتەگەن پارىقتار مەن جەتەرسىزدىكتەردىڭ بار ەكەندىگىن، شينجياڭنىڭ ەگىن، مال شارۋاشىلىعىن دامىتۋداعى كومەسكى كۇش باسىمدىعىنىڭ ءالى دە دەگەندەي تولىق جارىققا شىعا قويماعاندىعىن جانە ساۋلەلەندىرىلمەگەنىن سەرگەكتىكپەن تاني ءبىلۋىمىز كەرەك. كەزەكتە ءىشىنارا جەرلەر مەن تاراۋلاردا شينجياڭنىڭ اۋىل شارۋاشىلىعىن دامىتۋداعى ستراتەگيالىق ورنى جونىندەگى تانىم جەتەرسىز، وي تاياز، قىزمەت تەبىنى جەتكىلىكسىز، ءادىس - امال كەمشىل بولۋ سياقتى ماسەلەلەر ورىن تەبۋدە؛ شينجياڭنىڭ وزگەشە جاراتىلىستىق بايلىق باسىمدىعى كاسىپ سالاسى باسىمدىعىنا، دامۋ باسىمدىعىنا، ەكونوميكالىق باسىمدىققا ءالى ايتارلىقتاي اينالا قويعان جوق، مەملەكەتتىڭ استىق حاۋىپسىزدىگىنە جانە ماڭىزدى اۋىل شارۋاشىلىق ونىمدەرىمەن قامداۋعا قىزمەت وتەۋ، قامتاماسىز ەتۋ قابىلەتى ءالى دە مىعىم ەمەس؛ سۋ بايلىعىن عىلمي اشۋ جانە ودان پايدالانۋ جەتكىلىكسىز؛ اۋىل شارۋاشىلىعىن كاسىپ سالالاندىرۋ ورەسى تومەن، كاسىپ سالاسى تىزبەگى قىسقا، قوسىمشا قۇنى تومەن؛ اۋىل شارۋاشىلىعى عىلىم - تەحنيكاسىندا جاڭالىق اشۋ مەن قىزمەت وتەۋ ورەسىن ءالى دە جوعارىلاتۋعا تۋرا كەلەدى؛ شارۋالاردىڭ كىرىس ورەسىنىڭ بۇكىل مەملەكەتتىڭ ورتاشا ورەسىمەن پارقى نەداۋىر زور. وسى ولقىلىقتار مەن ءالسىز تۇستار رايونىمىزدىڭ اۋىل شارۋاشىلىعىن، اۋىل - قىستاقتاردى وسىزامانداندىرۋىنداعى تۇساۋ بولىپ وتىرعان شەشۋشى فاكتور بولىپ، اۋىل شارۋاشىلىعىندا قۋاتتى رايوندى جەدەلدەتە قۇرۋ اياق الىسىنا ورالعى بولاتىن تۇساۋ. رايونىمىزدىڭ اۋىل شارۋاشىلىعىن، اۋىل - قىستاقتى وسىزامانداندىرۋدىڭ تىڭ ساتىعا كوتەرىلۋىن ىلگەرىلەتۋ ءۇشىن، ءبىز بايلىقتى شوعىرلاندىرىپ، قامتاماسىز ەتۋدى كۇشەيتىپ، دالمە - ءدال شارا قولدانىپ، اۋىل شارۋاشىلىعى، اۋىل - قىستاق، شارۋالار سالاسىنداعى ولقىلىقتاردى جەدەل تولىقتاۋىمىز كەرەك.
مەملەكەت بويىنشا ساپالى ەگىن شارۋاشىلىعى، مال شارۋاشىلىعى ونىمدەرىمەن قامداۋ ماڭىزدى بازاسىن قۇرۋ ستراتەگيالىق ورنىن تياناق ەتىپ، قازىرگى جاعداي مەن ۇزاق بولاشاقتى ءبىر تۇتاس جوسپارلاپ، بىزدەن، ءسوز جوق، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ كەلەلى ءمانىن ساياسي جانە جالپى جاعداي بيىگىندە تۇرىپ جەتە تانۋدى، اۋىل شارۋاشىلىعىندا قۋاتتى رايون قۇرۋ ستراتەگيالىق بورىشىن باتىل ارقالاۋدى تالاپ ەتەدى؛ اۋىل شارۋاشىلىعىنىڭ جالپىلىق ءوندىرىس قۋاتىن كۇشەيتۋگە، ءسوز جوق، كۇش سالىپ، سۋ بايلىعىن عىلمي اشۋ جانە ودان پايدالانۋدى جۇيەلى كوزقاراس ارقىلى جوسپارلاپ، ىلگەرىلەتىپ، اۋىل - قىستاق كاسىپ سالاسىنىڭ دامۋ دەڭگەيىن جوعارىلاتىپ، اۋىل شارۋاشىلىعىنىڭ عىلىم - تەحنيكالىق تىرەگىن كۇشەيتىپ، ەگىنشى - مالشىلاردىڭ كىرىستى ارتتىرىپ، بايۋىن امالدىڭ بارىنشا جەبەپ، باعىتتامالى ساياسات - شارالار ارقىلى ولقىلىقتاردى، ءالسىز تۇستاردى تولىقتاپ، شينجياڭنىڭ اۋىل شارۋاشىلىعى دامۋىنىڭ ەلدەن ەرەك بايلىق باسىمدىعىن، وڭىرلىك باسىمدىعىن، ساياسات باسىمدىعىن دامۋ باسىمدىعىنا اينالدىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋگە پارمەندى قوزعاۋشى كۇش ۇستەۋىمىز كەرەك.
ارتىقشىلىقتى دا، ولقىلىقتاردى دا كورە بىلگەندە عانا، ارتىقشىلىقتى ساۋلەلەندىرىپ، ولقىلىقتىڭ ورنىن تولىقتاۋعا بولادى. سەنىمدى بەكەمدەپ، تاباندىلىقتى ساقتاپ، قامال الىپ، قيىنشىلىقتاردى جەڭىپ، قايراتتانا ۇمتىلىپ، شينجياڭ اۋىل شارۋاشىلىعىنىڭ دامۋ كومەسكى كۇشىن ەڭ جوعارى ورەدە اشىپ، باسىمدىقتى ساۋلەلەندىرىپ، وسى زامانعى اۋىل شارۋاشىلىعىن زور كۇشپەن دامىتىپ، اۋىل - قىستاقتاردى كوركەيتۋدى جاپپاي ىلگەرىلەتىپ، قامداۋ قامتاماسىزدىعى كۇشتى، عىلىم - تەحنيكالىق جابدىقتارى قۋاتتى، تيجارات جۇيەسى مىعىم، كاسىپ سالاسىنىڭ سەرپىمدىلىگى كۇشتى، باسەكەلىك قابىلەتى جوعارى اۋىل شارۋاشىلىعىندا قۋاتتى رايون قۇرۋدى جەدەلدەتىپ، اۋىل شارۋاشىلىعىندا قۋاتتى ەل قۇرۋعا دەم بەرۋ سىندى تاريحي بورىشتى اناعۇرلىم ويداعىداي ارقالاۋىمىز كەرەك.
