ٴۇرىمجى قالاسى شۇيموگوۋ رايونى كۇنلۇن شىعىس كوشەسى الەۋمەتتىك اۋماعىنىڭ تۇرعىندارى ٴۇرىمجى قالالىق مۇراجايدى ەكسكۋرسيالاۋدا. سۋرەتتى ٴۇرىمجى قالاسى شۇيموگوۋ رايونى كۇنلۇن شىعىس كوشەسى الەۋمەتتىك اۋماعى بەرگەن
انار بۇلت \ شينجياڭ گازەتىنىڭ حابارى (ءتىلشى گۋان مىڭيىڭ حابارلايدى) ”بۇگىنگى قيمىل كوز ايامدى كەڭەيتىپ، ٴبىلىمىمدى مولايتتى، شينجياڭنىڭ تاريحىن اناعۇرلىم تەرەڭ ٴتۇسىندىم“،- دەدى 2 - ايدىڭ 7 - كۇنى ٴۇرىمجى قالالىق 13 - باستاۋىش مەكتەپتىڭ وقۋشىسى لان جيالين تەبىرەنە.
سول كۇنى ٴۇرىمجى قالاسى شۇيموگوۋ رايونى كۇنلۇن شىعىس كوشەسى الەۋمەتتىك اۋماعى شۇيموگوۋ رايوندىق باۋ ـ باقشا باسقارۋ مەكەمەسى نانحۋ الاڭىن باسقارۋ ورتالىعىنىڭ سول الەۋمەتتىك اۋماقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىمەن بىرلەسىپ، قاراستى اۋماقتاعى 50 ورەندى ٴۇرىمجى قالالىق مۇراجايعا بارىپ، ”توڭكەرىستىك ٴداستۇردى ساۋلەلەندىرىپ، قىزىل گەندى جالعاستىرۋ “ قيمىلىن ورىستەتۋگە ۇيىمداستىردى.
تاريحي مادەنيەت كورمە زالىنا كىرگەندە، وقۋشىلار ٴبىر جاعىنان مادەني مۇرالاردى تاماشالاپ، ەندى ٴبىر جاعىنان ٴتۇسىندىرۋشى ايتىپ بەرگەن مادەني مۇرالاردىڭ استارىنداعى حيكايالاردى تىڭدادى، كەيبىرەۋى مۇقيات ەستەلىككە الدى. ”بالام، قاراشى، مىناۋ ٴبىز جاساپ جاتقان ٴۇرىمجى، ٴبىزدىڭ ٴۇيىمىز ءدال وسى ارادا“. قالا تۇرعىنى يۇي چۇنلان قىزىن ەرتىپ كورمە زالىنا كىرگەندە، ەڭ الدىمەن كورگەنى ٴۇرىمجى قاريتاسى بولدى. قاريتادا ٴۇرىمجىنىڭ جالپى بەينەسى ايگىلەنگەن، بۇل 7 جاستاعى قىزىنىڭ تۋعان جەرگە دەگەن تۇسىنىگىن ارتتىردى.
”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى لي شياۋلۇڭ تانىستىرىپ بىلاي دەدى: كەلەسى قادامدا الەۋمەتتىك اۋماق ٴتىپتى دە كوپ جاستار مەن ورەندەردى، بالالاردى مۇراجايدى تاماشالاۋعا ۇيىمداستىرىپ، مادەني مۇرالار ارقىلى وتانشىلدىق تاربيەنى، ۇلتتار ىنتىماعى تاربيەسىن ورىستەتىپ، جاندى دا قىزىقتى قيمىلدار ارقىلى بالالاردىڭ جۇڭحۋا ۇلتى ورتاق تۇلعا تانىمىن بەرىك ورناتۋىنا كومەكتەسىپ، وتانشىلدىق رۋحتىڭ تۇقىمىن بالالاردىڭ جۇرەگىنە تەرەڭ تامىر تارتقىزادى.
