حالىقتىق اۆياتسيا مەكەمەسىنىڭ ”C919 ءىرى تۇرپاتتى جولاۋشىلار ۇشاعىن ىستەتۋگە تاپسىرۋ جانە اينالمىنا قولداۋ كورسەتۋ قىزمەتىن ۇزدىكسىز ويداعىداي ىستەۋ“ تالابىن شىنايى دايەكتىلەندىرۋ ٴۇشىن، 2 - ايدىڭ 8 - كۇنى جۇڭگو ساۋدالىق ۇشاقتار سەرىكتەستىگىنىڭ C919 ءىرى تۇرپاتتى جولاۋشىلار ۇشاعى العاشقى رەت حاينان اۋەجايى قاراماعىنداعى سانيا فىڭحۋاڭ حالىقارالىق اۋەجايىندا بوي كورسەتتى. ساعات 11دەن 43 مينۋت وتكەندە، ”شاڭحاي پۋدۇڭ − سانيا − حاربين“ اۋە جەلىسىنىڭ ۇزاق ارالىققا ۇشۋ قۋاتىن سىناۋ مىندەتىن ورىنداعان C919 ۇشاعى سانيا اۋەجايىنىڭ سىرعىما جولىنا ورنىقتى قونىپ، ”سانيا ساپارىن“ رەسمي باستادى. سانيا اۋەجايى حالىقتىق اۆياتسيانىڭ ەڭ جوعارى قوناق قابىلداۋ سالتى ”سۋ دوعادان وتكىزۋ“ سالتىن وتكىزىپ، C919 ۇشاعىن قارسى الدى.
ۇعىسۋعا قاراعاندا، سانيا اۋەجايى C919 ۇشاعىنىڭ تيپتىك اۋە جەلىسى مەن ۇزاق ارالىققا ۇشۋ قۋاتىن دالەلدەۋدە سىناق رەتىندە ۇشاتىن اۋەجايلاردىڭ ٴبىرى ەكەن، وسى رەتكى اۋە جەلىسىنىڭ كورسەتىلۋى تۇتاس كەزەكشى ۇشاقتىڭ قاتىناۋ بارىسىنا ۇقساتىلعان بولىپ، قول قويىپ وتكىزۋ، جولاۋشىلاردى ۇشاققا شىعارۋ، ۇشقىشتىڭ مەڭگەرۋى قاتارلى جالپى بارىستى قامتىپ، C919 ۇشاعىنىڭ كەيىنگى ساۋدالىق اينالىمداعى سەنىمدىلىگىن تەكسەرەدى، بۇل C919 ۇشاعىنىڭ بۇدان بىلايعى ساۋدالىق اينالىمعا قولدانىلۋىنا بەرىك نەگىز قالايدى.
